Кандыдат у прэзідэнты ЗША Джо Байдэн абяцае ў выпадку абрання ўзмацніць санкцыі супраць Аляксандра Лукашэнкі і яго чынавенства:

"Міжнародная супольнасць павінна значна пашырыць санкцыі супраць паплечнікаў Лукашэнкі і замарозіць афшорныя рахункі, дзе яны захоўваюць сваё скрадзенае багацце, — заявіў Байдэн. — Як прэзідэнт, я буду супрацоўнічаць з нашымі еўрапейскімі партнёрамі і саюзнікамі, каб скласці план эканамічнай падтрымкі сапраўды суверэннай, дэмакратычнай Беларусі".

Прэзідэнцкія выбары ў ЗША пройдуць 3 лістапада. У Байдэна ёсць усе шанцы на абранне — па выніках большасці сацыялагічных апытанняў ён апярэджвае дзейнага прэзідэнта ЗША Дональда Трампа.

Калі вы не едзеце на Шчучынўчыну — Шчучыншчына едзе да вас! Алена Жалудок увечары спявала свой хіт у мінскім квартале "Магістр". Яна цяпер сапраўдная зорачка!

Што адбываецца ў РНПЦ "Кардыялогія", медыкаў з якога ўчора затрымлівалі на ланцугу салідарнасці? Ці сапраўды дактары хацелі сарваць канферэнцыю, як сказалі па дзяржаўным ТБ? Ці спынілася праца цэнтра? Што калегі затрыманых думаюць пра пратэсты?

@euroradio паразмаўляла з медыкамі пра гэта ўсё: https://euroradio.pl/supracouniki-rnpc-kardyyalogiya-my-yak-adna-vyalikaya-syamya-adno-za-adnago

Мазырскае ДАІ падпалілі "кактэйлем Молатава". Каля 3:30 уночы на 28 кастрычніка невядомы падышоў да будынка ззаду, разбіў шыбу на першым паверсе і закінуў у пакой бутэльку з гаручай вадкасцю.

У выніку пакой выгараў, але далей агонь не пайшоў. Мяркуючы па фота, гэты кабінет ці быў напалову пусты, ці пасля пажару з яго ўжо паспелі вынесці мэблю.

Мазырскі СК пачаў справу па частцы 3 артыкула 339 Крымінальнага кодэкса — асабліва злоснае хуліганства.

⚡️ Тэлеграм-канал "Стачком Азота" паведамляе, што з "Гродна Азот" заднім чыслом звольненыя 11 чалавек.

⚡️ Мінск. Студэнты БНТУ паведамляюць, што з універсітэта заднім чыслом адлічылі ўсіх, каго затрымалі падчас марша ў панядзелак. @euroradio правярае гэтую інфармацыю.

Не прайшло і сутак, а пра "Хлопотное дельце" ўжо выпусцілі стыкерпак. Цяпер кідаць курыць на бліжэйшыя 15 сутак і ганяць ва ўсю моц можна ва ўсіх раённых чаціках!

⚡️ Мінск. Праз COVID-19 камітэт па ахове здароўя Мінгарвыканкама спыняе планавую шпіталізацыю ў гарадскія клінічныя бальніцы.

Мінск. З БДЭУ за грамадзянскую пазіцыю звольнены дэкан Факультэта міжнародных бізнес-камунікацый Міхаіл Мішкевіч. Гэта адзін з самых паважаных супрацоўнікаў універсітэта.

Пасля звальнення Мішкевіча на яго старонцы ў "Фэйсбуку" выпускнікі БДЭУ пакінулі дзясяткі водгукаў з падтрымкай і падзякамі. Ёсць і гнеўныя водгукі: "Слабыя людзі звальняюць моцных", "Шкада, што ўніверсітэтам кіруюць рабы".

UPD: З @euroradio звязаліся прадстаўнікі Студэнцкай рады ФМБК БДЭУ. Яна распавяла, што афіцыйна Міхаіл Мішкевіч цяпер у адпачынку, замест яго працуе выканаўца абавязкаў. Дакументаў пра звальнренне Мішкевіча у Студрадзе не бачылі.

Паліттэхнолаг Віталь Шкляраў — у Вашынгтоне. Пра гэта піша галоўны рэдактар радыёстанцыі "Эхо Москвы" Аляксей Венедыктаў.

На таргах на Беларускай валютна-фондавай біржы долар з раніцы прыбавіў амаль 4 капейкі, еўра — амаль 2,5 капейкі. Курс расійскага рубля крыху ўпаў.