"Кавідный" графік Беларусі з 1 красавіка, калі эпідэмія толькі раскручваецца, да сённяшняга дня. Да травеньскага "піка" далёка, але тэндэнцыя відавочная.

UPD: Гэта ўсё, вядома па афіцыйнай статыстыцы Мінздароўя.

Мінск. Валанцёры згарнулі намётавы гарадок побач з ізалятарам у завулку Акрэсціна. У размове з @euroradio валанцёры пацвердзілі гэта, але не патлумачылі прычыны, па якіх лагер знік. Таксама пакуль не зразумела, ці звязанае знікненне валанцёрскіх намётаў з учорашнім маршам вызвалення палітвязняў, удзельнікі якога падыходзілі да ізалятараў.

Валанцёрскі лагер праіснаваў побач з ізалятарам амаль два месяцы. Людзі, якія выходзілі з-за кратаў, атрымлівалі там дапамогу медыкаў і юрыстаў, гарачыя напоі. Таксама там дзяжурылі кіроўцы, гатовыя падвезці чалавека да дома, і месца для малітваў.

5 кастрычніка названыя лаўрэаты сёлетняй Нобелеўскай прэміі па фізіялогіі і медыцыне. Яе атрымаюць Харві Альтэр, Майкл Хоўтан і Чарльз Райс "за адкрыццё віруса гепатыту C".

Як паведамілі праваабаронцы "Вясны", студэнту БДУІР Дзмітрыю Мазуру прысудзілі яшчэ 15 сутак адміністрацыйнага арышту.

Цяпер студэнт адбывае 23-сутачны арышт. Такім чынам, за кратамі яму належыць агулам правесці 38 сутак. За што менавіта асудзілі Мазуру, цяпер невядома. Ёсць інфармацыя толькі, што прысуды датычаць "удзелу ў несанкцыянаваных акцыях" і "непадпарадкавання міліцыі".

https://euroradio.pl/studentu-bduir-dzmitryyu-mazuru-prysudzili-yashche-15-dzyon-aryshtu

Шукаем! Учора на акцыі ў Мінску быў заўважаны такі каларытны дзядуля. Калі вы ведаеце яго ці яго сваякоў, то падзяліцеся, калі ласка, кантактам.

Пішыце сюды: @euroradio_minsk

Загадзя дзякуй!

Мінскі ізалятар часовага ўтрымання на завулку Акрэсціна цяпер будзе прымаць перадачы толькі адзін дзень на тыдзень — па чацвяргах, з 10:00 да 18:00. Усё праз пракляты COVID-19.

Раней перадачы прымаліся кожны будні дзень, але па дзве гадзіны — з 14:00 да 16:00.

Толькі ўчора міліцыя пакінула за кратамі да суда 258 затрыманых па ўсёй краіне пратэстоўцаў. Частка з іх — у ІЧУ на Акрэсціна.

Дзвюххвілінка канспіралогіі. Учора па АНТ паказалі вельмі цікавы выпуск праграмы "Антыфэйк". Цікавы ён быў не фантазіямі пра пратэстоўцаў пад НЛП, уплывам на Марыю Калеснікаву з-за мяжы і загадкавым "Планам Ганны", а апошняй часткай, якая называлася "Што рабіць далей?". У ёй улады вуснамі Юрыя Васкрасенскага — колішняга сябра штаба Віктара Бабарыкі — звярнуліся да беларускіх пратэстоўцаў.

Васкрасенскі затрыманы яшчэ 14 жніўня. Пад ціскам чалавек можа сказаць усё, што заўгодна. І вось што ўлады захацелі, каб ён сказаў: наперадзе маразы, Лукашэнка легітымны і ўладу не аддасць, таму завязвайце з пратэстамі і пачынайце "пераводзіць палітычную дзейнасць у плоскасць дыялога".

Гэты маналог маглі б проста выразаць з праграмы. Але ж пакінулі. Для чаго? Васкрасенскі прагаворвае тое, на што ўлады вельмі хацелі б угаварыць пратэстоўцаў.

Калі ўжо на дзяржаўнае тэлебачанне такое прарываецца — значыць, пратэсты ім ужо вельмі дужа надакучылі.

Маскі-шоу і ператрус у рэдакцыі "Сильных новостей"

Удзень 5 кастрычніка невядомыя ў масках праводзяць ператрус у рэдакцыі буйнога гомельскага сайта "Сильные новости".

— Нейкія людзі ў масках, — распавядаюць супрацоўнікі рэдакцыі. — Хочуць канфіскаваць усё, што тычыцца працы Ганны Якштас [галоўная рэдактарка gomel.today. — Еўрарадыё].

Ганна Якштас і яе муж Дзяніс (таксама супрацоўнік рэдакцыі "Сильных новостей") з раніцы 3 кастрычніка ўтрымліваюцца пад вартай у чаканні суда. Іх абвінавачваюць па адміністрацыйным артыкуле.

4 кастрычніка была затрыманая відэааператарка СН Надзея Пужынская. Супраць яе пачаты працэс за ўдзел у незаконным масавым мерапрыемстве.

Мінск. Прыгожы і кранальны момант: дзяўчына прыехала да маршу пенсіянерак і дорыць яго ўдзельніцам кветкі!

Бясконца можна глядзець на тры рэчы:

- як вадамёта палівае міліцыянтаў;
- як здуваецца пратэст;
- як камунальнікі зафарбоўваюць агромны БЧБ-сцяг на паркоўцы пад Мінскам.

Мінск. Беларускія пратэсты аб'ядналі бабуль і студэнтаў. Марш пенсіянерак прыйшоў да лінгвістычнага ўніверсітэта.

"Бабулі за вас!" — крычаць пенсіянеркі пад вокнамі МДЛУ.

Студэнты высыпалі да вокнаў, нехта дастаў БЧБ-сцяг.