Мінск. На фоне міліцэйскіх бусаў і аўтазакаў жанчына чытае матітву "Ойча наш".

Мінск. Журналістцы БТ Ксеніі Лебедзевай цяжкавата працаваць на жаночай акцыі. Але яна, здаецца, атрымлівае задавальненне ад таго, што адбываецца. Пасля нарэзкі атрымаецца "годный контент".

Мінск. Нягледзячы на затрыманні, сотні жанчын працягваюць ісці маршам па вуліцах горада. Цяпер яны кіруюцца да плошчы Перамогі.

Мінск. Ізноў затрыманы доктар-рэаніматолаг-анестэзіёлаг БХМД Багдан Шыльнікоўскі. Найхутчэй, у панядзелак яго чакае суд.

Мінск. Блізу дзвюх тысяч жанчын гуляюць па праспекце Незалежнасці.

Праз хвіліну пачнуцца затрыманні, і яны пахаваюцца па дварах.

Мінск. У сілавікоў у зялёнай форме і ў балаклавах падмацаванне — сілавікі ў чорнай форме і ў шлемах. Усё гэта — дзеля таго, каб затрымліваць жанчын, якія ходзяць туды-сюды па праспекце Незалежнасці.

Цікава, як сілавікі адказваюць сабе на пытанне пра грамадскую небяспеку, якую ўяўляюць гэтыя жанчыны?

Мінск. Затрыманне "злоснай парушальніцы грамадскага парадку" ў ружовай сукенцы.

Удзельніц марша шукаюць таксама ў дварах на праспекце Незалежнасці. І часам знаходзяць.

Мінск. Вельмі сумнае відэа. Побач з міліцэйскім бусам сядзіць жанчына і крычыць: "Адпусціце дачку! Яна сядзела на лаўцы".

Адпусціце дачку. Ну калі ласка.

Відэа @onlinerby

На жаль, дачку не адпусцілі. Аўтобусы з затрыманымі з'ехалі пад воклічы "Ганьба!".

Сілавікі не сталі затрымліваць жанчын, але папярэдзілі, што трэба разыходзіцца — "каб вы не пацярпелі".

— Чаму мы не маем права пагуляць?
— У мэтах вашай бяспекі.
— Вы жартуеце?!
— Я не жартую.

На жаль, жанчыны больш не могуць адчуваць сябе ў бяспецы ў нашым ціхім і спакойным Мінску.

⚡️ Мінск. Затрыманая карэспандэнтка @euroradio Марыя Вайтовіч. Яна таксама працавала на жаночай акцыі 26 верасня, была ў камізэльцы "Прэса" і з пасведчаннем аб акрэдытацыі.

Затрыманне карэспандэнткі @euroradio Марыі Вайтовіч трапіла на відэа, якое публікуе @tutby_official. Відаць, як яна паказвае сілавікам дакументы, але яны ўсё роўна праводзяць яе ў мікрааўтобус.

За некалькі секундаў да таго ў тым жа месцы праспекта Незалежнасці была затрыманая журналістка TUT.by Саша Эльбаум і журналістка "Нашай нівы" Кацярына Карпіцкая.

Мінск. Сілавікі з'ехалі з праспекта Незалежнасці. Журналісты і нешматлікія жанчыны, якія пазбеглі затрыманняў і вярнуліся сюды, разыходзяцца. Можна сцвярджаць, што жаночы марш 26 верасня скончыўся.

Барысаў. Вось такая адбываецца гісторыя — матулю з трыма дзецьмі пагражаюць выселіць з інтэрната. Фармальная нагода — сабака, якога яны трымаюць. А вывешаны (і зняты адміністрацыяй) БЧБ-сцяг тут абсалютна ні пры чым.

https://euroradio.pl/maci-traih-dzyacey-vyvesila-bchb-scyag-u-akne-internata-yago-znyali-yae-vysyalyayuc