"Не падабаецца жыць пры Лукашэнку — будзеце жыць пры Пуціне", — мяркуе расійскі палітычны аналітык Аляксандр Сыцін. "Руку Масквы" ён бачыць як у беларускіх выбарах, так і ў беларускіх пратэстах супраць іх.

Якая канчатковая мэта ўмяшання Крамля? Як пазбегнуць страты незалежнасці? На гэтыя ды іншыя пытанні рэдактара Еўрарадыё Змітра Лукашука адказвае Аляксандр Сыцін.

Частка 1: https://www.youtube.com/watch?v=3heYUAxy67U
Частка 2: https://www.youtube.com/watch?v=cK0OGBUTVng

Мінск. Працягваецца пратэставая акцыя ў лінгвістычным універсітэце. Студэнты і выпускнікі сабраліся на ганку і спяваюць "Воины света" і "Перемен". Пакуль без затрыманняў.

Мінск. Проста адзін працоўны дзень мінскага суддзі: "хуліганка" і 10 "незаконных масавых".

На кожную справу па артыкуле 23.34 — ад 20 да 45 хвілін. З перапынкам на абед. Канвеер правасуддзя як ён ёсць.

Крыніца: @spiski_okrestina

Мінск. На Марш адзінства музыкі прыйшлі з гітарамі, прытарабанілі ўдарную ўстаноўку (валанцёры цягнулі яе роварамі) і спявалі нон-стоп, не спыняючы хады!

Брэнды Unilever і "Яндекс.Лавка" адмовіліся ад інтэграцый з YouTube-шоу "Comment Out" пасля таго, як яго госця — музыку Юрыя Музычэнку — прымушалі "жартаваць" пра бел-чырвона-белы беларускі сцяг.

У Unilever адзначылі, што для брэнда "распальванне варожасці... з'яўляецца катэгарычна непрымальным". "Мы маем намер надалей пазбягаць інтэграцый, якія супярэчаць каштоўнасцям кампаніі і шкодзяць рэпутацыі нашых брэндаў. Першым такім крокам стане адмова #UnileverRussia ад далейшага супрацоўніцтва з перадачай "Comment Out" у любой форме".

"Яндекс.Лавка" не згодная з ацэнкамі і выказваннямі аўтараў шоу. Яна таксама абвясціла, што не мае намеру працягваць супрацоўніцтва з "Comment Out".

Яшчэ адным партнёрам "Comment Out" з'яўляецца кандытарскі брэнд Mars. У цяперашні момант @euroradio чакае каментароў прэс-службы кампаніі.

Мінск. Прэс-служба Каардынацыйнай рады апублікавала відэа, на якое, як мяркуецца, трапіў момант затрымання Марыі Калеснікавай. Цікава, што ад "Собаля" з надпісам "Сувязь", у які сілай зацягнулі Калеснікаву, адыходзіць чалавек у працоўнай робе.

Шостага верасня ў Віцебску на мірнай акцыі пабіліся пратэстоўцы і міліцыя. У бойцы ўдзельнічала больш за сто чалавек. Яна пачалася на дарозе, дзе стаялі аўтамабілі сілавікоў, і працягнулася на полі побач.

— Наколькі я зразумеў, цяпер заведзена крымінальная справа за тое, што хтосьці ўдарыў міліцыянера ў вока. Таго чалавека білі дубінкай, ён проста адмахваўся рукамі, гэта быў міжвольны рух, — распавядае @euroradio відавочца падзей.

Да таго ж з аднаго з міліцыянераў яшчэ на самым пачатку канфлікту сарвалі маску. Ёсць відэа.

https://euroradio.pl/u-vicebsku-pratestoucy-adbivali-u-svaih-silavikou-raspachata-kryminalnaya-sprava

Мінск. Актыўную #ямыбатьку адмовіліся абслугоўваць у салоне прыгажосці. @euroradio набрала ў салон — там сказалі, што кліентка размовамі пра палітыку давяла свайго майстра да слёз. А ў дзяўчыны нажніцы ў руках...

https://euroradio.pl/sapraudny-geracyd-pryhilnicu-lukashenki-ne-puskayuc-u-salon-prygazhosci

МУС Беларусі прысвяціла публікацыю грамадскаму актывісту "Андрэю С." — заснавальніку фондаў #BY_help, #ByCovid19 і #BYSOL. Міліцыя прад'явіла актывісту дзіўны спіс "злачынстваў":

— ён ездзіць на таксі;
— ён ходзіць у гандлёвыя цэнтры і забаўляльныя ўстановы;
— ён ездзіць за мяжу.

Што ж, цяпер мы прынамсі ведаем: у Беларусі будучыні, якую будуе МУС, не будзе ні таксі, ні гандлёвых цэнтраў, ні забаўляльных устаноў. А пра тое, каб патраціць грошы на паездку за мяжу, дык і ўвогуле можна забыць.

Тут жывы эфір з адвакатам Максімам Знакам — сябрам прэзідыума Каардынацыйнай рады. Пра тое, як прэзідыум КР будзе працаваць ва ўмовах, калі тры яго сябры — за кратамі, а яшчэ два — за мяжой, пра крымінальную справу супраць рады, пра адсутнасць крымінальных спраў за гвалт сілавікоў і пра катаванні на беларускіх вуліцах.

https://www.youtube.com/watch?v=NAfzzc5lrNQ

Мінск. Журналістцы "Зялёнага партала" Насце Захарэвіч, затрыманай у суботу падчас "Жаночага марша", суддзя Вікторыя Шабуня прысудзіла 7 сутак арышту.

Гэта ўжо сёмая беларуская журналістка, якой прысудзілі суткі за тое, што яна нібыта ўдзельнічала ў акцыі, якую прыйшла асвятляць.

https://euroradio.pl/zhurnalistka-zyalyonaga-partala-nasta-zaharevich-asudzhana-na-7-sutak

Платформа "Голас" налічыла 171 тысячу 618 чалавек з беларускімі нумарамі тэлефонаў, якія гулялі па вуліцах 6 верасня. "Насамрэч іх было яшчэ больш, бо не ўсе ведаюць пра наш праект ды ўмеюць карыстацца чат-ботам", — заўважае адзін са стваральнікаў "Голаса" Павел Лібер.

МУС абвясціў, што ў пратэстных акцыях 6 верасня ўдзельнічала 31 тысяча чалавек. То бок амаль у 6 разоў менш!

"Я ўбачыла, як маё дзіця цягнуць па зямлі, парвалі заплечнік. Па твары яму некалькі разоў урэзалі, як потым аказалася, — ёсць сінякі. Я, вядома ж, падскочыла: яны мяне груба адштурхнулі, моцна схапіўшы за руку. Думала нават — пералом.

Калі папрасіла прайсці да сына, то нейкая, прабачце, дробная пачвара сказала мне "Заткніся!". Пасля гэтага адпрацаваным ударам з локця заехаў мне знізу ў сківіцу. У масцы, цёмныя акуляры, спартыўнае адзенне — наогул не ведаю, хто гэта".​

Што 6 верасня адбывалася ў Трактаразаводскім пасёлку, дзе пратэстоўцы трацілі прытомнасць, а салдаты плакалі: https://euroradio.pl/saldaty-sami-plakali-shto-rabilasya-na-chabatarova-dze-lyudzi-tracili-prytomnasc