Мінск. Праваабарончы цэнтр "Вясна" заяўляе, што на гэты момант затрымана не менш за 10 чалавек:

Ягор Ахрэм
Ігар Запрудскі
Ігнат Запрудскі
Андрэй Кляшторны
Яраслаў Лыскавец
Станісаў Прыгодзіч
Васіль Пупко
Сяргей Супрановіч
Уладзіслаў Татур
Іван Шыла
Антон Яроменка

У спісе іх мы заўважылі два знаёмыя па журналісцкай працы прозвішчы: Яраслаў Лыскавец (TUT.by) і Уладзіслаў Татур (спартовы каментатар, які нядаўна звольніўся з БТ). Але гэта могуць быць іх цёзкі.

Мінск. Аператар А1 зноў заявіў, што сёння па загадзе "ўпаўнаважаных дзяржаўных органаў зніжана прапускная здольнасць мабільнага інтэрнэту".

Абаненты А1, МТС і Life:) раней паведамлялі пра пагаршэнне сувязі і адсутнасць мабільнага інтэрнэту.

Мінск. З Уручча ў цэнтр горада кіруюцца як мінімум восем баявых машын пяхоты (БМП). Слова "баявая" ў іх назве азначае наяўнасць буйнакалібернай агнястрэльнай зброі.

Відэа @motolkohelp

Мінск. Сёння да плошчы Дзяржаўнага сцяга пайшло нашмат больш людзей, чым у мінулую нядзелю. Але каля Палаца Незалежнасці пратэстоўцаў, як і тыдзень таму, чакаюць сілавікі з вадамётамі і аўтамабілямі "Рубеж". Плюс туды спяшаюцца некалькі БМП.

Гродна. Рабочыя "Гродна Азоту" і "Хімвалакна" ў пратэставай калоне ідуць побач. Назвы прадпрыемстваў на іх спінах сталі бел-чырвона-белымі — крэатыўная ідэя! Фота слухачкі @euroradio

Брэст. У цэнтры горада мітынгуе некалькі тысяч чалавек. Паглядзіце як там.

Мінск. Карэспандэнтка @euroradio перадае, што над Палацам Незалежнасці вісіць містычная хмара — зараз пачнецца залева. Вакол — сонца і блакітнае неба. Людзі пачалі адыходзіць ад кардону сілавікоў. Павіншаваўшы "Сашу", адны вяртаюцца да Стэлы, іншыя падымаюцца на другое транспартнае кальцо.