Мінск. Карэспандэнт @euroradio перадае ад Стэлы, што людзей збіраецца ўсё больш і яны вымушаныя ўсё бліжэй падыходзіць да шэрагаў вайскоўцаў за калючым дротам. Група мітынгоўцаў утварыла ланцуг звонку агароджы, каб не правакаваць сілавікоў.

Час ад часу да агароджы выбягаюць быццам бы п'яныя людзі, але пратэстоўцы адразу рэагуюць на гэта і не даюць здзейсніцца правакацыі.

Руху ў бок Палаца Незалежнасці і Плошчы дзяржаўнага сцяга пакуль не заўважна.

Украіна. Кіеў сёння. Будынак гарадской адміністрацыі.

Мінск. Слухачы Еўрарадыё паведамляюць, што амапаўцы, якія дзяжурылі побач з КДБ на вуліцы Камсамольскай, спешна загрузіліся ў аўтобусы і з'ехалі.

Мінск. Карэспандэнт @euroradio перадае ад стэлы, што дэманстранты рушылі па праспекце Пераможцаў у бок плошчы Дзяржаўнага сцяга. Тым часам слухачы Еўрарадыё перадаюць, што да плошчы пад'ехалі загараджальныя аўтамабілі "Рубеж" і некалькі "бусікаў" з амапаўцамі. А на вуліцы Ціміразева заўважаныя вадамёт і аўтазакі.

Мінск. АМАП перакрыў праспект Пераможцаў на шляху пратэстоўцаў да Палаца Незалежнасці і плошчы Дзяржаўнага сцяга.

Фота "Радыё Свабода"

Мінск. Першы раз бачым аўтамабіль "Рубеж" у раскладзеным выглядзе. Гэта там, дзе мігаюць чырвоныя і сінія лямпачкі.

А на тэрыторыі Палаца Незалежнасці заўважылі нешта падобнае да БТР.

Відэa @onlinerby