Беларуска Марыя Жодзік едзе на Алімпіяду ад Польшчы. Прыгуха ў сакавіку гэтага года атрымала польскае грамадзянства, і Міжнародная федэрацыя лёгкай атлетыкі дазволіла ёй быць у складзе нацыянальнай зборнай.

27-гадовую спартоўку ў польскіх СМІ называюць "новай надзеяй Польшчы на гульні ў Парыжы".

На спаборніцтвах у Польшчы беларуска скокнула на 1,97 м і не толькі выканала алімпійскі нарматыў, але і паставіла асабісты рэкорд. У гэтым годзе гэта другі вынік у Еўропе і трэці ў свеце.

Жодзік была падпісанткай адкрытага ліста беларускіх спартоўцаў супраць гвалту, публічна выказвалася супраць вайны ва Украіне.

Атака блогераў: якім чынам яны хочуць перамагчы рэжым і прычым тут КР? У жывым эфіры @euroradio — дэлегаты Каардынацыйнай рады, блогеры Аляксандр Кабанаў з фракцыі “Воля” і Арцём Шапараў з фракцыі “Каманда Латушкі і рух “За свабоду”.

Чаму ўзнікла непаразуменне паміж імі і Розай Турарбекавай і прычым тут “узровень экспертнасці”? Ці варта ў спрэчцы палітычных актараў пераходзіць на асобы і як яны бачаць пабудову камунікацыі ўнутры КР? Якія мэты пераследуюць і чаго плануюць дасягнуць праз удзел у працы КР, якімі сродкамі і якія ў іх ёсць для гэтага інструменты?

Разважаем пра гэта і не толькі, далучайцеся!
https://www.youtube.com/watch?v=LR3VkC0AW_s

“Найвялікшы ды сціплы беларус”. Васіль Быкаў ва ўспамінах Карласа Шэрмана. Якім быў Быкаў? Як ставіўся да сваёй творчасці і сітуацыі ў краіне? Ці любіў жартаваць і хто быў самым давераным чалавекам у яго жыцці?

Да 100-годдзя народнага пісьменніка Беларусі Еўрарадыё публікуе ўспаміны з мемуараў яго сучасніка і калегі.

Чытаць далей:
https://euroradio.fm/nayvyalikshy-dy-sciply-belarus-vasil-bykau-va-uspaminakh-karlasa-shermana

Без VPN

Следчыя ў Польшчы атрымалі ДНК чалавека, які на мяжы раніў нажом вайскоўца. Але пракуратура пакуль не каментуе афіцыйна вынікі экспертызы нажа, і паведамляе, што будуць прызначаныя новыя даследаванні.

Таксама польскія спецслужбы маюць выяву нападніка.

Расійскі танкіст спытаў ва ўкраінскіх байцоў, як праехаць да Кляшчэеўкі. Ён падумаў, што сустрэў "сваіх" — і так "танкіст Толік" трапіў у палон.

Як гэта было: euroradio.fm/rasiyski-tankist-spytau-va-ukrainskikh-baycou-yak-praekhac-da-klyashcheeuki

Без VPN

Па чутках — будзе гандлёвы цэнтр. Што студэнты БІП ведаюць пра закрыццё ўстановы?

@euroradio распытала біпаўцаў, як яны ўспрынялі закрыццё альма-матэр і што збіраюцца рабіць далей.

Чытаць тут: euroradio.fm/pa-chutkakh-budze-gandlyovy-centr-shto-studenty-bip-vedayuc-pra-zakryccyo-ustanovy

А гэтая спасылка адкрыецца і без VPN

Выказванні Васіля Быкава будуць заўсёды актуальнымі! Тут можна прачытаць іншыя цытаты беларускага класіка.

За ўдзел у акцыях пратэсту затрыманы мужчына. Паводле @mediazona_by, гэта — Алег Аўгустус.

Сілавікі сцвярджаюць, што ён нібыта перакрываў рух транспарту, распаўсюджваў "экстрэмісцкія матэрыялы", а таксама пісаў абразлівыя каментары пра супрацоўнікаў міліцыі і прадстаўнікоў улады.

Цяпер афіцыйна! У Мінадукацыі пацвердзілі, што іпэшнікам не дазволяць арганізоўваць дзіцячыя летнікі.

Раней чыноўнікі заявілі, што прыватныя дзіцячыя летнікі будуць правяраць больш пільна, чым дзяржаўныя. А потым Генпракуратура прапанавала стварыць рэестр тых, хто мае права арганізоўваць дзіцячы летні адпачынак.

З'явілася петыцыя да банка Santander з просьбай не дыскрымінаваць грамадзянаў Беларусі. Яе ўжо падпісалі больш за 1000 чалавек.

Беларусы, якія жывуць у Польшчы, сутыкнуліся з блакіроўкай доступу да анлайн-банкінгу і дадатку банка Santander, а таксама з замарожваннем рахункаў. Банк тлумачыў гэта "ўнутраным дакументам" і новымі правіламі. Абмежаванні закранулі тых беларусаў, якія яшчэ не атрымалі від на жыхарства або чый ВНЖ заканчваецца менш чым праз год.

Чым заняць сябе ўвечары? Калі вы прапусцілі, то на мінулым тыдні беларускі комік Паша Залуцкі выпусціў свой сольны стэндап-канцэрт!

Паглядзець “Жизнь Пи” можна проста цяпер на YouTube!

"Кім — адзіны поўны чалавек, якога бачыў": успаміны беларуса пра Паўночную Карэю

У Пхеньяне турысту з Беларусі, экс-прадзюсару "Ляпісаў" Яўгену Калмыкову нічога не забаранялі. Наўпрост. Але калі мясцовыя ўцякалі ад фотаапарата, Жэня разумеў, што фатаграфаваць іх нельга. А потым ён убачыў, як маленькай худзенькай жанчыне "незаўважна" далі пад дых толькі за тое, што загледзелася на высокага замежніка. Стала ясна, што і пагаварыць з кімсьці, акрамя вайскоўцаў ці карэйскіх "чэкістаў", яму не ўдасца.

Чытаць тут: euroradio.fm/kim-adziny-pouny-chalavek-yakoga-bachyu-belarus-pabyvau-u-pkhenyane

А гэтая спасылка адкрыецца і без VPN

У Беларусі 15 новых палітвязняў. Пра гэта паведамляе @viasna96

Гэта Аляксей Навагродскі, Яўген Гурыновіч, Яўген Блахінскі, Андрэй Кобель, Томаш Бяроза, Дзяніс Жалязко, Алена Раманаўскене, Анатоль Кірэйчык, Артур Радвановіч, Андрэй Шулганаў, Эдуард Кашацян, Уладзімір Алісіевіч, Андрэй Валахановіч, Ягор Ібрагімаў, Дзмітрый Кушалевіч.

Агулам у краіне 1411 чалавек прызналі палітычнымі вязнямі.

Пазналі модніка ў сонцаахоўных акулярах? Гэта Васіль Быкаў на здымачнай пляцоўцы фільма "Альпійская балада"!

Яго жорсткая і псіхалагічна дакладная ваенная проза застаецца запатрабаваннай не толькі ў шматлікіх пакаленняў чытачоў. Натхняюцца ёю і кінематаграфісты — як савецкія, так і сучасныя.

@euroradio згадвае пяць найлепшых экранізацый яго твораў: euroradio.fm/5-naylepshykh-ekranizacyy-vasilya-bykava-i-dze-ikh-glyadzec

А гэтая спасылка адкрыецца і без VPN

На некаторых запраўках "Беларуснафты" з'явяцца... кава-друкаркі. Іх збіраюцца прывезці з Кітая.

Гэтыя прылады могуць друкаваць выявы на паверхні кавы, малочных кактэйляў, марозіва і дэсертаў. Пра дапамозе харчовых фарбаў яны намалююць фатаграфіі наведвальнікаў ці лагатыпы.

Сцвярджаецца, што фарбы не ўплываюць на смак і бяспечныя для ўжывання.

Самае старое віно ў свеце і мікрапластык у геніталіях — #ІхНоравы

Падрабязней пра ўсё гэта чытайце ў пастаянным аглядзе міжнародных навін ад @euroradio: https://euroradio.fm/samae-staroe-vino-u-svece-i-mikraplastyk-u-genitaliyakh-ikhnoravy

А гэтая спасылка адкрыецца і без VPN

Каротка пра надвор'е ў Беларусі. Такая вось залева сёння была ў Заслаўі.

Беларускага добраахвотніка, які ваяваў за Украіну, не выпускаюць у Польшчу. Прычына ў дакументах.

Юрый Кісялюк ваюе ад самага пачатку поўнамаштабнай вайны на баку Украіны. У Польшчу ён хацеў выехаць, каб звярнуцца па міжнародную абарону. Перад выездам ваяр падаў рапарт на звальненне з УСУ. Але ўкраінскія памежнікі не выпускаюць беларуса, бо ў яго пратэрмінаваны пашпарт.

Важныя падзеі і сэнсы серады, 19 чэрвеня, у праграме ЕЎРАЗУМ:

01:21 Чаму Лукашэнку не патрэбны мір на мовах Пуціна?

14:41 Навіны спорту

16:42 "У эміграцыі можна жыць, але нельга паміраць"— успаміны пра Быкава ад Уладзіміра Някляева

30:01 Навіны шоу-бізу

22:02 Славенец з біпаляркай і 16-гадовы вінгер. Гульцы Еўра-2024, пра якіх варта ведаць

У Брэсце часова зачынілі рэстаран праз пагрозу здароўю наведвальнікаў. Давялося знішчыць 90 кг прадуктаў.

Рэстаран наведалі праверка з Дзяржкантролю і санстанцыі. Што ім не спадабалася?

Што прадукты захоўваліся ў падраных упакоўках, без маркіроўкі і дакументаў, якія пацвярджаюць іх якасць і бяспеку. Выкарыстоўваліся таксама пратэрмінаваныя прадукты.

А ў маразільнай камеры
"ўтварыліся гурбы снегавога "футра" і лёду”.

Рэстаран адновіць працу, калі навядзе парадак.