"Гэта не вёска, гэта звычайны магілёўскі двор". У Магілёве статак коней аблюбаваў дзіцячую пляцоўку.

У Беларусі на 1 капейку падаражэе аўтамабільнае паліва. Мінулы раз цэны на яго змяняліся больш за год таму: 9 траўня 2023-га.

Ад аўторка цэны за літр паліва будуць наступныя:

АІ-92 — 2,27 рубля;

АІ-95 — 2,37 рубля;

АІ-98 – 2,59 рубля;

Дызельнае паліва — 2,37 рубля.

Беларускія праваабаронцы прызналі палітвязнямі яшчэ 10 чалавек. Гэта — Мікіта Вайцюк, Галіна Лагацкая, Валерый Саковіч, Кацярына Мадзянкова, Ягор Зенчанка, Мікіта Яхімовіч, Наталля Салук, Дзмітрый Лапец, Аляксей Зачапіла і Сяргей Кулеша.

У спісе цяпер 1374 палітычных зняволеных.

У Мінску на Кастрычніцкай плошчы прыбралі ўсю тратуарную плітку. Новае пліткавае пакрыццё будзе выканана ў форме малюнка з нацыянальнымі ўзорамі, у тым ліку арнаментам.

"Гаррамаўтадар" задзейнічаў усе свае рэсурсы, каб працы на Кастрычніцкай плошчы скончыліся як мага хутчэй. Плошча вытворчасці работ складае каля 26 тысяч квадратных метраў.

У Гомельскай вобласці гэтай вясной стала больш аўтааварый "з прычыны дэфектаў дарожнага палатна". Пра гэта было заяўлена на нарадзе ў аблвыканкаме з удзелам кіраўніка вобласці Іван Крупко.

Паводле яго слоў, аб'ёмы работ "па ліквідацыі ямачнасці" выканалі большыя, чым у мінулым годзе (летась 45% дарог мелі "дэфекты пакрыцця"), "але пытанні да дарожнікаў ёсць". З-за кепскіх дарог аварый стала больш нават у Гомелі. Крупко загадаў паскорыць "ямачны рамонт" на галоўных вуліцах абласнога цэнтра.

Такім чынам, задачу, пастаўленую Лукашэнкам у сакавіку, "аднавіць усе дарогі" да 9 траўня 2024-га не выканалі не толькі на Брэстчыне.

У Ганцавіцкім раёне міліцыя спыняла "голыя танцы". У адным з населеных пунктаў 54-гадовы нецвярозы мужчына крычаў і бегаў па вуліцы без адзення.

Мясцовая жыхарка патэлефанавала ў міліцыю і расказала пра "вулічнае шоу" каля жылых дамоў. Міліцыянеры затрымалі мужчыну. Свой учынак ён не змог патлумачыць.

У дачыненні хулігана распачалі крымінальную справу.

Пяць сяброў дыктатара. Які лёс напаткаў палітыкаў, з якімі стасаваўся Лукашэнка?

За сваю 30-гадовую кар’еру беларускі аўтакрат шмат каго запісваў у “сябры дзяржавы” — і далёка не ўсе з гэтых палітыкаў скончылі жыццё мірна і спакойна. Узгадваем, каму не пашанцавала гэтак жа, як і Ібрагіму Раісі.

Чытаць тут: euroradio.fm/pyac-syabrou-dyktatara-yaki-lyos-napatkau-palitykau-z-yakimi-stasavausya-lukashenka

А гэтая спасылка адкрыецца і без VPN

Топавую тэнісістку вінавацяць у крадзяжы мэблі, а Ryanair б'е рэкорды #ІхНоравы

Толькі самыя цікавыя міжнародныя навіны за панядзелак.

Чытаць тут: euroradio.fm/topavuyu-tenisistku-vinavacyac-u-kradzyazhy-mebli-ryanair-be-rekordy-ikhnoravy

А гэтая спасылка адкрыецца і без VPN

Важныя падзеі і сэнсы панядзелка, 20 траўня, у праграме ЕЎРАЗУМ:

01:14 Што будзе з Іранам пасля смерці Раісі?

14:14 Навіны спорту

16:04 Застанемся без ураджаю? Як замаразкі паўплываюць на палеткі беларусаў

19:34 Навіны шоу-бізу

22:05 Рэжым абвясціў незаконнай мікрапіпіську — і гэта не жарт: #КрынжTыдня

Выпусцілі праграму для галасавання на выбарах у Каардынацыйную Раду. Першымі яе могуць атрымаць карыстальнікі андроідаў: Belarus ID ужо ёсць у Google play. Карыстальнікі IOS змогуць спампаваць праграму праз аплікацыю TestFlight.

Падрабязны гайд напісаны на сайце КР.

Карыстальнікі ўнутры Беларусі будуць галасаваць не праз праграмы са смартфона, а праз вэб-версію. Гэта зроблена дзеля бяспекі.

Латушка, Пракоп’еў, Турарбекава — зʼявіліся вынікі вялікай апытанкі па выбарах у КР. Каманда “Народнага апытання” атрымала адказы больш за тысячы дэмакратычна настроеных беларусаў.

Калі вынікі выбараў будуць як у апытанцы, каманда Паўла Латушкі і руха “За Свабоду” зможа ўзяць амаль траціну галасоў. Блок Вадзіма Пракоп’ева і Андрэя Егорава зможа разлічваць на 9,6%, а “Наша справа” Розы Турарбекавай — на 5,9%.

У топ-5 па выніках апытанкі таксама “Еўрапейскі выбар” з Аляксандрам Дабравольскім (4,7%) і “Моладзевы наступ” на чале з Лізаветай Пракопчык (4,2%).

Апошняе месца ў апытанцы займае спіс “Салідарнасць” (Георгій Дзмітрук) — 0,3%.

🗣 Каго глядзець/слухаць сёння на @euroradio? Трымайце расклад эфіраў на аўторак:

12:00 — Gender Gap з Ірынай Сідорскай

13:00 — журналістка і старшыня камісіі па выбарах у КР Алена Прыходзька

15:00 — моладзевыя актывісткі Алана Гебрэмарыям і Лізавета Пракопчык

17:00 — актывістка беларусаў замежжа Надзея Нортан і публіцыст Пётр Мурзёнак

Пытанні да нашых спікерак і спікераў можаце пакідаць ужо пад гэтым пастом!

Паліна Шарэнда-Панасюк не выйшла з калоніі пасля заканчэння тэрміну. Пра гэта ў сацсетках паведаміў муж палітзняволенай.

Андрэй Шарэнда дадаў, што два дні таму яе некуды этапавалі. Дзе Паліна цяпер — невядома.

Што там у прапагандыстаў? Тэмаў шмат: ад тэрмінаў Зяленскага і палётаў Раісі да расійскага дома Раманавых.

Новы квіз па прапагандзе тыдня: https://euroradio.fm/drugi-termin-zyalenskaga-i-aposhni-palyot-raisi-shto-tam-u-prapagandystau-kviz

Без VPN

Палітзняволеная Паліна Шарэнда-Панасюк “знайшлася” ў Гомельскім СІЗА. Сёння ёй мусяць прад'явіць новае абвінавачванне, але ў чым — невядома.

Затрымалі Паліну 19 траўня па патрабаванні Рэчыцкага СК — на трое сутак, піша @viasna96.

Gender Gap на @euroradio! “Традыцыйныя каштоўнасці” і “Дамастрой” — ці заўважная розніца?

Пра праблемы беларускіх сем’яў і “традыцыйныя каштоўнасці” як “мяккую сілу” пуцінізма гаворым з даследчыцай Ірынай Сідорскай: https://youtu.be/XequfcgOqPs

А як выглядае ваша праца? Работнікі культуры пераўтварыліся ў першабытных людзей, каб здзівіць дэлегацыю з чыноўнікаў у Юравічах.

Знайшоў @flagshtok

СК завёў крымінальныя справы супраць усіх кандыдатаў на выбарах у Каардынацыйную раду — агулам 257 чалавек.

Іх вінавацяць па 4-х артыкулах: змова з мэтай захопу ўлады, заклікі да санкцый, стварэнне экстрэмісцкага фармавання і спрыянне экстрэмісцкай дзейнасці.

Ніхто не зрабіў гэтым выбарам у КР больш піяру, чым беларускія сілавікі.

ЦВК здаровага чалавека. Размова @euroradio з сяброўкай камісіі па выбарах у КР.

Што ў працы выбарчай камісіі было нечаканым і ці гатовыя былі сябры камісіі да такой працы? Якія парушэнні, апроч узгаданых, былі заўважаныя і як каралі парушальнікаў? На гэтыя ды іншыя пытанні ў эфіры Еўрарадыё адказвае старшыня выбарчай камісіі па выбарах у Каардынацыйную раду Алена Прыходзька: https://youtu.be/H4z4AIm1gls