Новыя курсы валют: долар і еўра адкаціліся, расійскі рубель паказаў максімум за тыдзень.

Такія вынікі валютных таргоў на біржы ў чацвер 2 траўня:

1 USD = 3,2354 рубля.
1 EUR= 3,4716 рубля.
100 RUB = 3,4920 рубля.

Пра вобраз Беларусі на Захадзе, легітымнасць Ціханоўскай, гендарныя квоты. Як пра Беларусь пішуць замежнікі, каго больш згадваюць і як пішуць пра беларусаў?

Як звязаныя электаральная “прэзідэнцкая” кампанія ў Беларусі 2025 года і легітымнасць Ціханоўскай? Як змяняецца лукашэнкаўская прапаганда, ці ёсць прыкметы пачатку змяншэння рэпрэсій і пра што сведчыць колькасць даносаў у КДБ? На гэтыя ды іншыя пытанні ў эфіры Еўрарадыё адказвае кіраўніца Цэнтра новых ідэй, дактарантка Універсітэта Карлстада, паліталагіня Леся Руднік.

Глядзіце эфір тут, задавайце пытанні:
https://www.youtube.com/watch?v=7iVXf7hqyBI

Мужчыну з Жодзіна будуць судзіць за тое, што выйшаў голым на балкон. Гэта пабачыла жанчына з вуліцы. Яна так уразілася, што напісала на 31-гадовага мясцовага жыхара заяву ў міліцыю.

На мужчыну склалі пратакол і завялі крымінальную справу.

У Хойніках з-пад зямлі б'е нафта бруд. Камунальнікі тлумачаць, што прамываюць трубы.

Гэтым жа тлумачацца і перыядычныя адключэнні вады. Прамыўка будзе доўжыцца да 7 траўня. Далей будуць адмываць вуліцы.

КР ці АПК: выбар на чыю карысць зробіць Латушка і ці варта яно таго?
Што падштурхнула Латушка да ўдзелу ў выбарах у КР і ці азначае, што пасля абранне ў гэтую структуру ён сыдзе з Аб’яднанага пераходнага кабінета?

Якая палітычная праграма ў выбарчага спіса “Каманда Латушкі і рух “За свабоду” і навошта яны набралі ў спіс так шмат людзей?

На гэтыя ды іншыя пытанні ў эфіры Еўрарадыё адказваюць лідар выбарчага спіса “Каманда Латушкі і рух “За свабоду”, кіраўнік Народнага антыкрызіснага ўпраўлення і намеснік кіраўніцы Аб’яднанага пераходнага кабінета Павел Латушка і №2 гэтага ж спіса, лідар руха “За свабоду”, намеснік кіраўніка НАЎ Юрась Губарэвіч.

Далучайцеся, задавайце пытанні!

https://www.youtube.com/watch?v=0nqNvGmwpJQ

З "танкалёта" "Белавія" знікла згадка пра World Of Tanks. Надпісы зафарбавалі тры дні таму.

Чаму? Вось што стала прычынай.

"Spier**laj na Ukrainę!" У Варшаве палякі збілі беларуску, бо яна размаўляла па-руску. Яе прынялі за ўкраінку.

Непрыемны інцыдэнт здарыўся побач з канцавой станцыяй метро. Да двух беларусак прычапіліся польскія мужчына і жанчына. Полька неўзабаве перайшла ад словаў да дзеянняў і плюнула беларусцы ў твар.

Тая не разгубілася і ў адказ дала выспятка. Пачалася бойка. Мінакі выклікалі паліцыю і разнялі жанчын.

Паліцыя пачала расследаванне па справе аб "публічнай абразе або парушэнні недатыкальнасці па нацыянальнай прыкмеце". У Польшчы за такое пагражае да 3 гадоў пазбаўлення волі.

"Майнкапф" для самых маленькіх. Як даносы ў КДБ душылі беларускую культуру?

Расказваем, з кім з беларускіх артыстаў і літаратараў канкурэнты разбіраліся з дапамогай cілавікоў.

Чытаць тут: euroradio.fm/mayn-kampf-dlya-samykh-malenkikh-yak-danosy-u-kdb-dushyli-belaruskuyu-kulturu

А гэтая спасылка адкрыецца і без VPN

На Балі згвалтавалі 30-гадовую грамадзянку Беларусі. Па падазрэнні ў здзяйсненні злачынства паліцыя затрымала расіяніна Антона Сімутава.

Мужчына імітаваў вар'яцтва, каб паспрабаваць збегчы з бальніцы (яго адправілі на псіхіятрычную экспертызу) і вярнуцца ў Расію. У яго амаль атрымалася: ён пагнуў краты на акне і сапраўды збег, але быў затрыманы на віле, дзе хаваўся.

Расіяніна падазраюць яшчэ і ў пагроме вілы — знішчана маёмасці на 5600 долараў (а яшчэ не заплачана арэнда).

Баец з пазыўным "Шторм" з атрада беларускіх добраахвотнікаў "Атам" затрыманы ў Нямеччыне. Для разбіральніцтваў яго перадалі Польшчы.

У Беларусі "Шторм" быў вядомы як футбольны фанат. Пасля падзеяў 2020 года хлопец перабраўся ў Польшчу і пачаў прафесійную баксёрскую кар'еру. А з пачаткам поўнамаштабнага ўварвання Расіі ва Украіну прайшоў падрыхтоўку і стаў у шэрагі "Атама".

Днямі "Шторм", які цяпер жыве ў Нідэрландах, вяртаўся з баксёрскага бою ў Літве. У Нямеччыне яго затрымалі і перадалі Польшчы. Абставіны таго, што здарылася, пакуль невядомыя.

Каб не застацца без "Кубачка кавы", падпішыцеся на рассылку ад @euroradio! Наступны выпуск выходзіць заўтра.

Рассылка прызначаная для тых, у каго ўжо няма сіл скроліць стужкі кожны дзень.

Спасылка, каб падпісацца: https://kubachakkawy.substack.com

Кіраўнік BYPOL перадаў украінцам спіс "беларускіх партызанаў" для магчымага абмену. Падчас паездкі ва Украіну Аляксандр Азараў сустрэўся з Ігарам Кізімам, амбасадарам па асобых даручэннях па Беларусі.

BYPOL паведамляе, што яны абмеркавалі "пытанне аб прыняцці магчымых мер па вызваленні дадзеных асоб". Украінцы абяцаюць зрабіць усё магчымае, "каб вызваліць беларускіх герояў".

"Беларускія партызаны" пасля пачатку поўнамасштабнай агрэсіі Расіі супраць Украіны ўчынялі дыверсіі на чыгунцы, каб затрымаць перавозку на тэрыторыі РБ расійскіх войскаў, тэхнікі і боепрыпасаў. Сілавікі затрымалі некалькі груп, некаторых паранілі.

На мяжы Беларусі з краінамі ЕС працягваюцца допыты і затрыманні. Праваабаронцам вядома пра некалькі такіх выпадкаў, якія адбыліся напрыканцы красавіка. Людзей затрымлівалі на беларуска-польскай мяжы, іх адпраўлялі за краты, а пасля судзілі.

Беларускімі памежнікамі працягваюцца і дбайныя праверкі ўсіх украінцаў, якія перасякаюць мяжу. Відавочцы распавядаюць, што калі грамадзян Украіны ў аўтобусе некалькі, праверкі могуць займаць больш за 6 гадзін. Некаторых украінцаў, якія кажуць, што едуць у РФ, наўпрост на мяжы прымушаюць набыць квіток на самалёт з Мінска.

Старшыня "Руху "За Свабоду" Юрась Губарэвіч у 2017 пісаў у КДБ. Яго зварот да Валерыя Вакульчыка (на той час старшыні ведамства) можна адшукаць у злітай базе "даносаў".

Навошта апазіцыйны палітык звяртаўся да сілавікоў?

Чытаць тут: euroradio.fm/yuras-gubarevichy-vyklikau-starshynyu-kdb-na-adkrytuyu-sustrechu

А гэтая спасылка адкрыецца і без VPN

Беларускі брамнік Антон Чычкан у складзе кракаўскай "Віслы" стаў уладальнікам футбольнага Кубка Польшчы. "Пагонь" у дадатковы час была абыграная з лікам 2:1. У адным з галоў паўдзельнічаў і Чычкан.

Для Антона Чычкана гэта была другая гульня ў складзе польскага клуба. Яму 28 гадоў. Ён пачынаў кар'еру ў БАТЭ, апошнім часам паспяхова выступаў за грузінскія клубы, у складзе "Дынама" з Батумі ў 2023 годзе стаў чэмпіёнам краіны.

Палітзняволеная Паліна Шарэнда-Панасюк можа выйсці з калоніі 21 траўня. У чацвер у судзе Рэчыцкага раёна ёй устанавілі прэвентыўны нагляд, паведамляюць праваабаронцы.

Паліна Шарэнда-Панасюк — грамадская актывістка з Брэста. За кратамі яна са студзеня 2021 года.

Нядаўна прапагандысты апублікавалі інтэрв'ю з Шарэнда-Панасюк. У ім яна сказала, што напісала прашэнне аб памілаванні і спадзяецца на станоўчы вынік.

На волі Паліну Шарэнда-Панасюк чакаюць двое дзяцей.

Важныя падзеі і сэнсы чацвярга, 2 траўня, у праграме ЕЎРАЗУМ:

01:32 “У лядоўні — курыца чорнага дня”: ці будзе вайна Беларусі з НАТА?

11:57 Навіны спорту

13:48 Якой сёння бачаць Беларусь заходнія журналісты

25:19 Навіны шоу-бізу

28:06 Як уладам закрыць 150 тысяч вакансій

У сусветным рэйтынгу свабоды прэсы Беларусь — на 14-м месцы з канца. У параўнанні з мінулым годам, стала горш, краіна са 157 упала на 167 месца.

“З’яўляючыся самай небяспечнай краінай Еўропы для журналістаў да ўварвання Расіі ва Украіну, Беларусь працягвае масавыя рэпрэсіі ў дачыненні да незалежных СМІ”, — гавораць складальнікі рэйтынгу, міжнародная арганізацыя “Рэпарцёры без межаў”.

За намі — Егіпет, Кітай, Туркменістан, Афганістан, Паўночная Карэя. Перад намі на 162-м месцы — Расія.

Украіна, у якой ідзе вайна, займае 61-е месца. Краіны з першых радкоў з найбольшай свабодай медыя — Нарвегія, Данія, Швецыя, Нідэрланды, Фінляндыя.