У Беларусі налічылі менш за 100 тысяч айцішнікаў. Па звестках @devby, летась у краіне жылі 88 тысяч супрацоўнікаў IT-сферы.

Апошнім разам прыкладна столькі ж іх было ў 2019 годзе.

Адток айцішнікаў толькі ў мінулым годзе склаў 16% — выехалі з краіны ці пакінулі сферу больш за 22,5 тыс чалавек.

🗣 Каго глядзець/слухаць сёння на @euroradio? Трымайце анонс на аўторак (час пазначаны мінскі):

14:00 — гісторык і палітычны аглядальнік Аляксандр Фрыдман;

16:00 — кандыдат гістарычных навук Яўген Красулін.

Глядзіце стрымы, задавайце пытанні гасцям!

Алкаголь, закускі і танцы: які крынж чакаў беларусаў на выбарчых участках.

Бясплатная ежа і напоі, песні і танцы між кабінак для галасавання — арганізатары забаўляльнай часткі пайшлі на ўсё, каб прывабіць электарат на "Адзіны дзень галасавання".

@euroradio зрабіла падборку, якая можа добра вас развесяліць: https://euroradio.fm/alkagol-zakuski-tancy-yaki-krynzh-chakau-belarusau-na-vybarchykh-uchastkakh

А гэтая спасылка адкрыецца і без VPN

Валанцёру з Беларусі не далі візу ва Украіну. Не дапамаглі нават 50 старонак з абгрунтаваннем мэты паездкі, піша @mostmediaio.

Крысціян Шынкевіч дапамагае ўкраінцам у Польшчы і раней не раз вазіў аптэчкі, дроны, зарадныя станцыі, батарэі і цеплавізары на фронт.

"Калі я прыйшоў, у акне рэгістрацыі сказалі, што ў праязны дакумент уцекача віза не ставіцца", — распавядае беларус.

Дакументы ўсё ж прынялі, але праз 15 хвілін ён атрымаў на пошту ліст з адмовай, бо ў іх не было страхоўкі, пацверджання даходу і мэты паездкі. Хоць да заявы ён прыклаў лісты ад валанцёрскіх арганізацыі, медустаноў і воінскіх частак Украіны.

Крысціян Шынкевіч жыве ў Польшчы з 2017 года, ён быў вымушаны з'ехаць з Беларусі пасля затрымання ў офісе "Вясны" і адлічэння з ВНУ.

Нават псеўдавыбары не здольныя пазбавіць беларусаў пачуцця гумару. Мінчук запісаў ролік для TikTok па матывах "Адзінага дня галасавання".

Тут пра ўсё: і пра прымусовае датэрміновае галасаванне, і пра чэбурэкі з буфетаў, і пра "недабітых змагароў", якія падкупаюць "патрыётаў Беларусіі".

Абавязкова паглядзіце да канца!

Долар працягвае падаць і скаціўся да мінімума за апошнія 12 дзён. Па еўра здзелак не праводзілі, а вось расійскі рубель дадаў больш за капейку.

Так выглядаюць курсы валют пасля сённяшіх таргоў:

1 USD = 3,2330
1 EUR = 3,5074
100 RUB = 3,5121

У ААН заклапочаныя станам Рыгора Кастусёва і заклікаюць вызваліць яго. "Такое стаўленне можна лічыць катаваннем".

Эксперты па правах чалавека адзначаюць, што стан здароўя старшыні партыі БНФ крытычны, а абыходзяцца ў калоніі з ім жорстка.

"Нягледзячы на сталы ўзрост і стан здароўя, Кастусёў неаднаразова падвяргаўся больш суровым умовам утрымання пад вартай, чым вызначана прысудам", — кажуць эксперты.

Здароўе Рыгора Кастусёва, па звестках ягонага зяця Змітра Антончыка, моцна падкасілі два месяцы ў "Воўчых норах".

У Літве правераць 18 тысяч беларусаў, якія атрымалі ДНЖ да 2022 года. Для іх ужо падрыхтавалі спецыяльную анкету.

Калі на чалавека знойдуць негатыўную інфармацыю, дэпартамент міграцыі звернецца ў спецслужбы.

"Незапаўненне анкеты будзе расцэньвацца не на карысць такіх асобаў. А калі дэпартамент дзяржбяспекі давядзе, што чалавек прадстаўляе пагрозу, то яго пазбавяць дазвола на жыхарства", — гаворыць кіраўнічка літоўскага дэпартамента міграцыі Эвеліна Гудзінскайте.

Грамадзяне РБ і РФ абавязаныя запаўняць анкету з пытаннямі ў тым ліку аб стаўленні да вайны ва Украіне з 2022 года.

Аліна Кабаева выціснула цэлае хакейнае "Дынама-Мінск" з "Мінск-Арэны". Замест матча плэй-оф КХЛ, які запланаваны на 5 сакавіка, там пройдзе фестываль "Аліна-2024", арганізаваны яе "дабрачынным фондам".

"Чыжоўка-Арэна" таксама не можа прыняць злашчасны матч — бо "не адпавядае патрабаванням КХЛ". Хоць у 2014 там спакойна праходзілі гульні чэмпіяната свету.

У выніку матч давядзецца перанесці.

Навошта Захад і дэмсілы "прымушаюць" Лукашэнку ісці на выбары — стрым з Аляксандрам Фрыдманам.

Старшыня ЦВК Ігар Карпенка не лічыць "выбары" ў Беларусі шоў і раіць ісці ў цырк тым, хто хоча пабачыць цікавыя падзеі. Тым не менш, годнай заменай цырку ў "адзіны дзень галасавання" стаў выбарчы ўчастак, на які прывезлі Лукашэнку.

Ці сапраўды ўсяго "толькі 87%" грамадзян Беларусі падрымліваюць рэжым і Лукашэнку асабіста? Чым кіруецца Лукашэнка, прымаючы "нечаканае" рашэнне ўдзельнічаць у выбарах 2025 года? Ці гатовы Пуцін да перамоў з Украінай?

Гэтыя ды іншыя тэмы абмяркоўваем у штотыднёвым жывым эфіры Еўрарадыё з палітычным аглядальнікам, гісторыкам Аляксандрам Фрыдманам.

https://www.youtube.com/watch?v=ixshsf48nC8

Інтэрпал заблакаваў даныя беларускага рэжысёра Андрэя Гнёта. У 2023 яго арыштавалі ў Сербіі на запыт беларускіх уладаў.

Арганізацыя праверыць, ці сапраўды падставы, на якіх МУС Беларусі абвясціў Гнёта ў вышук праз Інтэрпал, эканамічныя. Раней абаронца рэжысёра Вадзім Драздоў накіраваў туды запыт аб выдаленні даных, бо лічыць пераслед палітычным.

Цяпер суд у Бялградзе вырашае, ці трэба экстрадыраваць Гнёта ў Беларусь. У 2020-м рэжысёр спрычыніўся да заснавання Вольнага аб'яднання спартоўцаў SOS BY, цяпер абазванага "экстрэмісцкім".

Ва ўсёй Маскве паплечнікі Навальнага не могуць знайсці ніводнай залы для развітання з палітыкам. Адмаўляюць у дапамозе нават апазіцыйныя партыі.

Памяшканняў не знайшлося ані ў штабе Барыса Надзеждзіна, ані Кацярыны Дунцовай — гэтаксама, як і ў партыі "Яблоко".

"Я патэлефанавала амаль ва ўсе буйныя цырыманіяльныя залы, і паўсюль адмова праз "абмежаванні мэрыі" альбо ўвогуле без тлумачэнняў. Размаўляю з цэрквамі", — гаворыць Эльвіра Віхарава з "Грамадзянскай ініцыятывы".

Раней паплечнікі Аляксея Навальнага паведамлялі, што шукаюць памяшканне на канец тыдня — верагодна, тады і адбудзецца пахаванне палітыка.

Спамеры сталі радзей тэлефанаваць беларусам у Viber. У прэс-службе кампаніі гавораць, што летась непажаданых званкоў стала на 79% менш.

Што праўда, не ўдакладняецца, колькі іх было у 2022 годзе.

Дамагчыся гэтага ўдалося коштам дадатковых функцый, у прыватнасці блакіроўкі падазроных акаўнтаў.

Таксама Viber навучыўся вызначаць нумары невядомых абанентаў і загадзя папярэджваць пра спам-званкі.

Пра агульную гісторыю, выхаванне янычараў і вопыт Лацінскай Амерыкі — эфір

Якія пагрозы нясе аб’яднанне гісторыі Беларусі і Расіі і як уратаваць нашу гісторыю ад гвалту? Навошта Лукашэнка іграе ў "выбары" і што гэтая гульня дае рэжыму? Ці ёсць падабенства пабудаванага ў Беларусі рэжыма з лацінаамерыкансткімі дыктатурамі, якімі і чаму вучыць вопыт тых дыктатур?

На гэтыя ды іншыя пытанні ў эфіры @euroradio адказвае кандыдат гістарычных навук Яўген Красулін.

https://www.youtube.com/watch?v=rMArVdkUMIA

На дапамогу сям'і журналіста Андрэя Александровіча, які раптоўна памёр у Варшаве, сабрана ўжо больш за 3,5 тысячы долараў. Першая частка грошай пералічаная на адмысловы рахунак, які сябры і калегі Андрэя стварылі для аплаты фармальнасцяў у Польшчы.

Усе выдаткі будуць задакументаваныя, а збор сродкаў працягваецца.

Александровіч стаяў ля вытокаў беларускай эканамічнай журналістыкі. Ён працаваў у БДГ, Deutsche Welle, на сайце "Ежедневник". Апошнім часам быў галоўным рэдактарам у газеце "Беларусы і рынак" — найстарэйшым эканамічным выданні краіны.

Літоўскі блогер знайшоў пагрозу ў беларускіх барах Вільні. У чым праблема?

Удзельнікі абмеркавання ўстаноў палічылі падазронымі нават іх назвы — "Пагоня" і "1863".

Чытаць тут: euroradio.fm/litouski-bloger-znayshou-pagrozu-u-belaruskikh-barakh-vilni-u-chym-prablema

А гэтая спасылка адкрыецца і без VPN

Лукашэнка сур’ёзна разглядае сцэнар Трэцяй сусветнай вайны? На гэтае пытанне ў эфіры @euroradio адказвае палітычны аглядальнік Аляксандр Фрыдман.

Цалкам стрым глядзіце тут: youtube.com/watch?v=ixshsf48nC8

У Баранавічах міліцыя высвятляла прычыну незвычайнай транспарціроўкі каровы. Яе галава і пярэднія ногі знаходзіліся ў кузаве грузавіка, а па праезнай частцы яна ішла толькі на задніх нагах.

Што ж адбылося?

Паліцыя паказала мужчыну, якога вінавацяць у згвалтаванні беларускі ў Варшаве. Яго асобу пакуль не раскрываюць.

Вядома, што гэта 23-гадовы жыхар польскай сталіцы. Раней яго ўжо судзілі за крадзёж і за распаўсюд наркотыкаў.

Тым часам хлопец згвалтаванай беларускі расказаў пра яе стан (усё дрэнна).

Навошта прапагандыст Мукавозчык заклікае беларусаў больш пісаць даносы? На гэтае пытанне ў эфіры @euroradio адказвае палітычны аглядальнік Аляксандр Фрыдман.

Цалкам стрым глядзіце тут: youtube.com/watch?v=ixshsf48nC8