Сціў Розенберг з BBC склаў спіс сустрэч Лукашэнкі і Пуціна. З 19 апошніх перамоваў толькі адны прайшлі ў Беларусі.

Заўтра хаўруснікі па нападзе на Украіну сустрэнуцца ў шосты раз за 2023 год — і ў 20-ы раз за апошнія тры гады. І будуць абмяркоўваць нешта, што нельга даверыць размове па тэлефоне.

Важныя падзеі чацвярга, 14 верасня, у праграме ЕЎРАЗУМ:

1:05 Еўрапейскі выбар: ці гатовыя да яго беларусы

15:15 Навіны спорту

16:53 "Памрыце тут!". Як кіраўнік дзяржТВ хлусіць, што Захад не прадае Беларусі лекі

21:18 Навіны шоу-бізу

23:10 Лявон Вольскі выпусціў альбом пра масавую эміграцыю беларусаў

Украінскія войскі ўсё ж узялі Андрэеўку — мястэчка непадалёк ад Бахмута. Яно было вызваленае ў выніку штурмавых дзеянняў.

Пра ўзяццё Андрэеўкі паведамлялі ўжо ўчора, але неўзабаве выявілася, што гэта была памылка: баі за яе працягваліся. Намесніца міністра абароны Ганна Маляр патлумачыла гэта камунікацыйным збоем.

Міжнародная федэрацыя скейтбордынга дапусціла да спаборніцтваў беларускіх і расійскіх спартоўцаў. Яны змогуць вярнуцца на пляцоўкі ў 2024 годзе. Але толькі ў нейтральным статусе.

Неўзабаве федэрацыя выпрацуе крытэры ўдзелу ў спаборніцтвах. Кожны скейтар будзе звяртацца па дазвол у індывідуальным парадку.

Скейтбордынг — алімпійскі від спорту. На гульнях-2024 у Парыжы ў гэтай дысцыпліне будуць разыграныя два камплекты медалёў.

Лукашэнка забараніў "несяброўскім" замежным інвестарам выводзіць з Беларусі прыбытак і дывідэнды. Цяпер іх можна будзе толькі пералічыць на "спецыяльны" рахунак. А далей — патраціць унутры Беларусі.

Новая норма датычыцца замежнікаў, якім раней ужо забаранілі прадаваць свае долі ў беларускіх прадпрыемствах. Прыбытак і дывідэнды ім прапануюць укладаць у новыя праекты. Ці накіроўваць іх на вяртанне крэдытаў. Ці набываць беларускія "каштоўныя паперы".

Грошы можна будзе патраціць і на іншыя мэты. Але толькі калі гэта ўхваліць Савет Міністраў і ўзгодніць асабіста Лукашэнка.

Сілавічкі атрымаюць "супердоступ" да плацяжоў беларусаў. Гэта тлумачаць змаганнем з банкаўскім махлярствам. Але ж мы ўсё разумеем.

Што азначае "супердоступ" і чаго чакаць? Тлумачыць эканаміст Уладзімір Кавалкін: https://euroradio.fm/superdostup-da-rakhunkau-belarusau-shto-geta-znachyc-i-chago-chakac

А гэтая спасылка адкрыецца і без VPN

🗣 Каго глядзець і слухаць сёння на @euroradio? Трымайце анонс на пятніцу (час пазначаны мінскі):

12:00 — палітык, блогер Аляксандр Кныровіч.

Чыноўнікі прыдумалі, як дагрукацца да сэрцаў школьнікаў. Мінадукацыі плануе дапоўніць праграмы 9(10)-11(12) класаў урокамі кіравання аўтамабілем.

А "дапамагаць" з выкладаннем будзе ДТСААФ — верны хаўруснік уладаў у навязванні ўласнага разумення "патрыятызму".

У Беларусі гісторыкаў прымусяць працаваць "у зададзеным напрамку". На гэтую тэму ў Мінску прайшла "навукова-практычная канферэнцыя".

"Людзі бачаць, чытаюць, абмяркоўваюць. І, што самае страшнае, пачынаюць сумнявацца". Падрабязней: https://euroradio.fm/u-belarusi-gistorykau-prymusyac-pracavac-u-zadadzenym-napramku

А гэтая спасылка адкрыецца і без VPN

Непадалёк ад Беларускай АЭС цюкі сена выкарысталі для стварэння арт-аб'екту. Як вам такая альтэрнатыва агратрэшу?

Заўважылі @mkbelarus

У лонданскім тэатры "Барбікан" прайшла сусветная прэм'ера "Дзікага паляванне караля Стаха" (King Stakh's Wild Hunt). Лібрэта па матывах славутага твора Уладзіміра Караткевіча склаў Андрэй Хадановіч, а на музыку яго паклала Вольга Падгайская. Спектакль паставіла трупа Беларускага Свабоднага тэатра.

Быў аншлаг, а пасля пастаноўкі акторам доўга пляскалі стоячы.

Святлана Ціханоўская атрымае прэмію "Жанчыны за мір і бяспеку" 2023 года. Яе прысуджае Парламенцкая асамблея НАТА.

"Яе смеласць з'яўляецца крыніцай натхнення як для жанчын, так і для мужчын у Беларусі і за яе межамі, якія імкнуцца кінуць выклік рэпрэсіўным рэжымам і падняцца на абарону дэмакратыі", — сказала пра Ціханоўскую старшыня асамблеі Жаэль Гарыо-Майлам.

Браты Запашныя хочуць прымусіць зубра выступаць у сваім цырку. Эколагі супраць: цырк — не месца для жывёлаў (і дакладна не месца для беларускага зубра).

З просьбай не аддаваць дрэсіроўшчыкам жывёлу з Чырвонай кнігі напісалі нават у адміністрацыю Лукашэнкі.

Лукашэнка рвануў у Сочы (але перад тым ударыў па інвестарах). Стрым з Аляксандрам Кныровічам

Сённяшнія перамовы Лукашэнкі і Пуціна не анансаваліся — такое адчуванне, што гэта нейкі экспромт. Што да яго прывяло?

Паразважаем пра гэта ў стрыме з блогерам і палітыкам Аляксандрам Кныровічам. Таксама амбяркуем апошні ўказ Лукашэнкі — пра тое, што "несяброўскім" інвестарам цяпер забаронена не толькі прадаваць свае акцыі беларускіх прадпрыемстваў, але і выводзіць з краіны прыбытак і дывідэнды.

Глядзіце тут, задавайце пытанні: https://www.youtube.com/watch?v=umgJyAcSeK8

"Чык-чырык" на Еўрарадыё! Распавядаем пра важныя падзеі з дапамогай кваліфікаваных аналітыкаў з твітара.

У гэтым відэа: Ціханоўская пагражае, што прыйдзе да кожнага; кібератака на Паўла Усава; твітарскія супраць Зянона Пазняка (ці гэта быў адмысловы накід?); "хорошая русская" справакавала срач, назваўшы беларусаў кончанымі.

Глядзіце тут: https://youtu.be/ygYMIL14hYM

Долар яшчэ крыху адыграў падзенне ў сярэдзіне тыдня, а расійскі рубель выдыхся і здаў назад. Курсы валют на выходныя:

1 USD 🇺🇸 = 3,2605 BYN
1 EUR 🇪🇺 = 3,47 BYN
100 RUB 🇷🇺 = 3,3817 BYN

Ленаід Судаленка распавёў у Еўрапарламенце пра ўмовы ў беларускіх турмах. Па палітычна матываваным прысудзе праваабаронца быў асуджаны на тры гады зняволення.

📌 Я вельмі часта чуў у гэтых месцах, што хутка дапамога прыязджае ў адным выпадку: каб зафіксаваць смерць.

📌 Як толькі палітычны прыязджае ў турму, яму адразу даюць бірку жоўтага колеру, ён адрозніваецца ад іншых вязняў.

📌 Для чалавека ва ўзросце 60 год тэрмін у 10-15 год, як гавораць у нас у лагерах, -- гэта пуцёўка ў адзін бок.

Запісаў гомельскі тг-канал @shtodzien

"БелОрусский" ці "белАрусский"? У дыскусіі пра гэта на Youtube-канале DW Беларусь проста цяпер удзельнічае галоўны рэдактар Еўрарадыё Павел Свярдлоў.

Мы у рускамоўнай версіі нашага сайта пішам "белорусский" праз "о". Свярдлоў патлумачыць, чаму.

Глядзіце тут: https://www.youtube.com/watch?v=oBEVskrtK4k

І напішыце ў каментарах, што вы думаеце наконт гэтай літары!

Гэта ўсё, што засталося ад мястэчка Андрэеўка, вызваленага сёння ўкраінскімі войскамі. Сімвалічна, што лукашэнкаўскія ўлады сёння падтрымліваюць менавіта тых, у выніку чыёй агрэсіі вёска перастала існаваць.

Вайна — гэта жахліва.

Каліноўцы ўдзельнічалі ў вызваленні ўкраінскай вёскі Кляшчэеўка, што пад Бахмутам. Як кажуць у ПКК, удзельнічалі ў гэтым ваяры батальёнаў "Волат" і "Літвін".

Брэнд Mark Formelle выпусціў шкарпэткі з тэкстамі "Песняроў". Калабарацыя, якую складана было ўявіць.