Акцыя салідарнасці ў Варшаве. На трэцюю гадавіну паслявыбарчых пратэстаў беларусы сабраліся каля Пражскага парку і рушылі да помніка Каперніку.

Важныя падзеі серады, 9 жніўня, у праграме ЕЎРАЗУМ:

1:19 9 жніўня — трэцяя гадавіна прэзідэнцкіх выбараў у Беларусі

13:29 Навіны спорту

15:30 “Не хачу быць губопкусам!” На маму надзелі кайданкі пры дзецях. Яна звезла іх у Польшчу

24:30 Навіны шоу-бізу

26:50 “Дваццаты год адбыўся б па-любому”: дыскусія сацыёлага і палітолага

Генацыд — тут, патрыятызм — там: як ідэалогія пранікае ў школьныя прадметы?

Чыноўнікі ад адукацыі штогод выпускаюць рэкамендацыі па выкладанні школьных прадметаў у новым навучальным годзе. Разам з навучальнымі праграмамі гэтыя рэкамендацыі — тое, чаго павінны прытрымлівацца ўсе настаўнікі. І да 2023/2024 навучальнага года для школьнікаў у Беларусі падрыхтавалі забойны зарад ідэалагічнага выхавання.

Чытаць тут: euroradio.fm/genacyd-tut-patryyatyzm-tam-yak-idealogiya-pranikae-u-shkolnyya-pradmety

А гэтая спасылка адкрыецца і без VPN

Мінабароны Польшчы накіруе на ўзмацненне мяжы з Беларуссю 10 тысяч вайскоўцаў. Пра гэта ў эфіры "Польскага радыё" заявіў кіраўнік ведамства Марыюш Блашчак:

— Мы павінны быць гатовы да розных сцэнароў. Не выключаем ніводнага з іх. Дзеля гэтага вырашылі перакінуць войскі бліжэй да беларускай мяжы, каб узмацніць мяжу, спужаць агрэсара, каб агрэсар не адважыўся на атаку Польшчы.

Паводле яго слоў, 4 тысячы вайскоўцаў будуць непасрэдна падтрымліваць памежную ахову, яшчэ 6 тысяч будуць знаходзіцца ў рэзерве.

Сілавікі затрымалі журналіста-фрылансера з Пінска Аляксандра Ігнацюка. Пра гэта паведамляе @vaisna96.

Гэта здарылася яшчэ тры тыдні таму. Пра затрыманне стала вядома выпадкова: знаёмыя занепакоіліся, што ён даўно не выходзіць на сувязь.

Паводле інфармацыі праваабаронцаў, Ігнацюк знаходзіцца ў брэсцкім СІЗА-7. Верагодна, яго вінавацяць у "садзейнічанні экстрэмісцкай дзейнасці".

🗣Каго глядзець і слухаць сёння на @euroradio? Трымайце анонс стрымаў на чацвер (час пазначаны мінскі):

12:00 — польская журналістка Паўліна Сегень;

13:00 — філосаф Павел Баркоўскі і паэтка Таццяна Нядбай;

14:00 — "Ідэя Х" з гісторыкам Ігарам Бортнікам;

15:00 — эканаміст Уладзімір Кавалкін.

Нічога незвычайнага. Проста туфлі ад Belwest, якія каштуюць больш за 600 рублёў.

Каментатары ў ТікТок жартуюць, што гэта нумар тэлефона абутковай фабрыкі. А яшчэ без жартаў узгадваюць "якасць" іх прадукцыі.

Прэзідэнт Эквадора Гільерма Ласо аб'явіў у краіне рэжым надзвычайнага становішча. Рашэнне прынята на фоне забойства кандыдата ў прэзідэнты Фернанда Вільявісенсіа.

"Узброеныя сілы з гэтага моманту мабілізаваны на ўсёй тэрыторыі, каб гарантаваць бяспеку грамадзян, спакой краіны, свабодныя і дэмакратычныя выбары", — заявіў Ласо.

Рэжым надзвычайнага становішча будзе доўжыцца 60 дзён.

Праграміста з Мінскага раёна будуць судзіць па 9(!) крымінальных артыкула за каментары. Пра гэта паведамляе Следчы камітэт.

Ведамства сцвярджае, што з кастрычніка 2020 года па студзень 2023 года мужчына размяшчаў каментары пад фота прадстаўнікоў улады — "абражаў і публічна прыніжаў іх гонар і годнасць, а таксама заклікаў да здзяйснення гвалтоўных дзеянняў у дачыненні да іх".

Сярод артыкулаў, якія яму інкрымінуюцца: "абраза Лукашэнкі", "абраза прадстаўніка ўлады" і іншыя.

"Вагнераўцы", мігранты, верталёты — "памежны" стрым.

Да чаго можа прывесці беларуска-польскі канфлікт? Чаму Пуцін і Лукашэнка робяць з Польшчы чарговага галоўнага ворага? Як жыхары Падляшша цяпер ставяцца да беларусаў, калі з іх боку вісіць такая пагроза?

Пра гэта ды іншае размаўляем з Паўлінай Сегень — польскай журналісткай, аўтаркай падкасту аб усходніх справах "Na Granicy", жыхаркай польска-беларускага памежжа.

https://www.youtube.com/watch?v=U9Ferp4AKBw

51 рубель 5 капеек — столькі будзе каштаваць адзіны праязны на грамадскі транспарт у Мінску. З ім можна будзе карыстацца ўсімі відамі грамадскага транспарту, у тым ліку і метро.

Па словах чыноўнікаў, у продажы адзіны праязны з'явіцца да Дня Мінска, які сёлета адзначаецца 9 верасня.

"Белы Легіён" адхрышчваецца ад свайго стваральніка Сяргея Бульбы. У адкрытым лісце арганізацыя заяўляе пра недатычнасць да яго цяперашняй дзейнасці:

— Мы не маем ніякага дачынення да цяперашняй дзейнасці Сяргея Бульбы як вайсковага эксперта і грамадскага актывіста, да створаных ці ачоленых ім арганізацый. Гэтая дзейнасць ніякім чынам не звязаная з уласна “Белым Легіёнам”, не адлюстроўвае ані нашыя погляды, ані прынцыпы нашай структуры.

Адбылося гэта пасля скандалу вакол "Моладзевага хабу", заснавальнікі якога абвінавацілі Бульбу ў "рэйдарскім захопе" памяшкання.

PRADMOVA: думка і слова — гэта таксама зброя. Эфір з Нядбай і Баркоўскім

Чым адметны сёлетні Фестываль інтэлектуальнай кнігі і як праходзіць адбор удзельнікаў?

На гэтыя ды іншыя пытанні адказваюць сябры аргкамітэта “Прадмовы” Таццяна Нядбай і Павел Баркоўскі.

https://www.youtube.com/watch?v=U9Ferp4AKBw

Літву "атакаваў" беспілотнік з Беларусі. Літоўскія памежнікі збілі дрон з кантрабандай.

Яныі заўважылі беспілотнік увечары 8 жніўня, перахапілі кіраванне апаратам пры дапамозе антыдронавага абсталявання і зрабілі прымусовую пасадку. Дрон найшлі за кіламетр ад беларускай мяжы. На полі каля яго былі раскіданыя цыгарэты — 360 пачкаў NZ Gold з беларускімі акцызнымі маркамі.

Беспілотнік аказаўся самаробным.

Бортнік: разнастайнасць, плюралізм і магчымасць уплываць на свой лёс — мая ідэя

Пра тое, чаму без дыялогу рух наперад немагчымы, ці гатовы ён сам прабачыць тых, хто катаваў яго ў вязніцы, і як звязаныя глабалізацыя і адраджэнне нацыянальнай свядомасці, мы і разважаем у праграме “Ідэя Х” з Ігарам Бортнікам.

https://youtu.be/4A-Jq1ugvqY

Латвійскім памежнікам давялося страляць, каб спыніць мігрантаў. Група з васьмі чалавек прыйшла ў Латвію з Беларусі.

Супрацоўнікі Памежнай службы Латвіі спачатку выявілі прыкметы незаконнага перасячэння дзяржаўнай мяжы, а затым знайшлі і парушальнікаў. Дапамаглі кінолаг з сабакам. Калі парушальнікі ўбачылі памежнікаў, яны паспрабавалі ўцячы. Каб спыніць іх, памежнікі зрабілі папераджальны стрэл у паветра.

Былі затрыманыя 4 грамадзяніны Індыі і 4 — Ірана.

Долар на максімуме і выбрыкі Расіі — стрым з Уладзімірам Кавалкіным

Долар б'е рэкорды. Расія адмаўляецца набываць беларускія нафтапрадукты. Чарговыя санкцыі накрываюць "Белавія" і прадпрыемствы, якія працуюць на "абаронку". І ўсё гэта адбываецца на фоне росту заробкаў у Беларусі (прынамсі, так кажа Белстат), росту золатавалютных рэзерваў (а гэта інфармацыя Нацбанку) і колькасці набытых кватэр.

Што адбываецца? Беларусы багацеюць ці кватэры таннеюць?

Гэта ды іншае абмяркоўваем з эканамістам, кіраўніком праекта "Кошт урада" Уладзімірам Кавалкіным.

https://www.youtube.com/watch?v=s6h7gQOh31g

"Польшча ніколі не нападзе на Беларусь". Так кіраўнік Канцэлярыі польскага прэзідэнта адказаў на хлуслівыя закіды лукашэнкаўскай прапаганды, якую ўзбудзіла перасоўванне вайскоўцаў на польска-беларускую мяжу.

– Прэзідэнт неаднойчы падкрэсліваў, што кожны сантыметр польскай мяжы павінен быць адпаведна ахоўваны. Між тым, прысутнасць наймітаў з групы Вагнера ў Беларусі – гэта новая сітуацыя, якую Польшча павінна ўзяць пад увагу ў сваёй абароннай палітыцы, – сказаў у эфіры польскага радыё Jedynka кіраўнік Канцэлярыі прэзідэнта Польшчы Павел Шрот.

Што будзе, калі на конкурсы Фестываля інтэлектуальнай кнігі "Прадмова" падасца Мукавозчык? На гэтае пытанне ў эфіры @euroradio адказваюць старшыня аргкамітэта “Прадмовы”, філосаф Павел Баркоўскі і сябра аргкамітэта, паэтка Таццяна Нядбай.

Цалкам стрым тут: https://www.youtube.com/live/U9Ferp4AKBw?feature=share&t=3137

На якія спецыяльнасці сёлета было складаней за ўсё паступіць? У БДУ на "міжнароднае права".

Там прахадны бал быў 398 балаў з 400 магчымых. На другім месцы – стаматалогія ў Віцебскім медуніверсітэце. Каб там вучыцца, трэба было набраць 395 балаў.

Вельмі высокія патрабаванні былі таксама да абітурыентаў на спецыяльнасцях "праграмная інжынерыя" ў БНТУ і БДУІР – 394 балы, "электронная эканоміка" ў БДУІР і "ўсходазнаўства" ў БДУ – 393 балы.

А самы вялікі конкурс быў на спецыяльнасцях "графічны дызайн" і "мультымедыя дызайн" у Гродненскім дзяржуніверсітэце ім. Янкі Купалы – 18,6 чалавека на месца.