@euroradio заўжды радае атрымаць ад падпісчыкаў што-небудзь цікавае (дарэчы, пішыце нам на @euroradio_minsk). Але часам атрымліваем такое:

"Навошта распаўсюджваць фэйкі? Усе ў свеце ведаюць, што войска РФ — самае магутнае і баяздольнае войска ў свеце".

Расійскія вайскоўцы ўжо ў студзені ведалі, што плануецца напад на Украіну. Падчас так званых беларуска-расійскіх вучэнняў "Саюзная рашучасць" яны фактычна рыхтаваліся да вайны. Пра гэта падчас прэс-канферэнцыі ў Кіеве заявілі збітыя расійскія лётчыкі.

На відэа адзін з лётчыкаў распавядае пра момант, калі зразумеў, што наносіць удары не па вайсковых аб'ектах. "Лічу, што гэтую вайну мы ўжо прайгралі", — кажа ён.

Сведчанне вайсковых злачынстваў з боку Расіі: палонныя лётчыкі прызналіся, што выкарыстоўвалі падчас абстрэлаў Харкава фугасныя бомбы калібрам 250 і 500 кг з радыусам паражэння ў 60 метраў.

Боепрыпасы, якія наносяць «невыбіральную шкоду», забароненыя ва ўсім свеце. Прасцей кажучы: выкарыстоўваць іх там, дзе могуць быць ахвяры сярод мірнага насельніцтва (а горад – менавіта тое месца) — злачынства.

❗️Міністр абароны Украіны Аляксей Рэзнікаў звярнуўся да беларусаў. Ён кажа, што магчымая правакацыя:

«Согласно их преступному замыслу, российская авиация готовится нанести удар по ряду населённых пунктов на территории Республики Беларусь, находящихся поблизости от украинско-беларусской границы. В частности, удару собираются подвергнуть н.п. Копани, Столинского района Брестской области. Для маскировки преступления Россия намеревается осуществить атаку из воздушного пространства Украины», – піша Рэзнікаў.

Па яго словах, мэта – прымусіць кіраўніцтва Беларусі да вайны супраць Украіны.

«Гарантирую, что украинская армия не планировала, не планирует и не будет планировать никаких агрессивных действий против Беларуси», – дадаў украінскі міністр.

Рэзнікаў зрабіў заяву на фоне слоў Лукашэнкі пра тое, што Украіна нібыта магла сама атакаваць Беларусь.

Раскамнагляд вырашыў заблакаваць Instagram на тэрыторыі Расіі. У хуткім часе ўсю карпарацыю Meta могуць прызнаць "экстрэмісцкай".

У Беларусі Instagram пакуль не блакуюць, таму можаце падпісацца там на Еўрарадыё )

Камандаванне Паветраных сіл Украіны заяўляе, што расійскія самалёты ўжо здзейснілі правакацыю ў небе над Беларуссю. Яны нібыта ўзляцелі з аэрадрому Дубровіца ў Беларусі, потым развярнуліся над Украінай і абстралялі беларускі населены пункт Капані.

Пра магчымасць такой правакацыі удзень 11 сакавіка папярэджваў міністр абароны Украіны Аляксей Рэзнікаў.

❗️ Важна: пацвярджэнняў гэтай інфармацыі пакуль няма. Як няма ў Беларусі і аэрадрома "Дубровіца". У Гомельскай вобласці ёсць вёска з такой назвай. А аэрапорт з падобнай назвай ёсць у Падмаскоўі.

Інфармацыя аб абстрэле беларускай вёскі пакуль не пацвярджаецца. Канал @Hajun_BY адзначае, што аэрадрому Дубравіца, з якога нібыта ўзляталі расейскія самалёты, у Беларусі не існуе.

У Гомельскай вобласці ёсць вёска з такой назвай. А аэрапорт з падобнай назвай ёсць у Падмаскоўі.

Акрамя таго, жыхары вёскі Варані, якая знаходзіцца ў 9 кіламетрах ад Копаняў, не чулі нічога, падобнага да выбухаў, піша @zerkalo_io.

У Копанях, паводле перапісу насельніцтва за 2019 год, жывуць 50 чалавек.

У Мелітопалі выкралі мэра Івана Фёдарава, пра гэта паведаміў намкіраўніка Офісу прэзідэнта Украіны Кірыл Цімашэнка.

Расійскія войскі ўзялі Мелітопаль пад кантроль 1 сакавіка.

Узброеныя сілы Украіны як доказ правакацыі на беларуска-ўкраінскай мяжы апублікавалі гэтае відэа. Ведамства ўдакладніла, што абстралянымі маглі быць не толькі Копані, але і вёскі Бухлічы і Верхні Церабяжоў.

Жыхары Столінскага раёну пацвярджаюць факт інцыдэнту ў раёне беларуска-ўкраінскай мяжы: як піша @nashaniva, мясцовыя кажуць пра выбухі ў баку Бухліч:

"У 15.02 было тры выбухі і дым быў. Вельмі моцныя выбухі. Мая маці жыве вельмі блізка ад граніцы. Яна сказала, што ў хаце яе затрэсліся вокны. Цяпер сталі ездзіць пагранічнікі, шмат так іх праехала. Самалёт лятаў, лятаў, а потым выбухі. Вось так было".

Калі ў вас ёсць нейкая інфармацыя пра магчымыя здарэнні на ўкраінска-беларускай мяжы — пішыце нам на акаўнт @euroradio_minsk.

Ананімнасць гарантуем!

«Як землятрус быў», – жыхарка вёскі Капані Столінскага раёна Беларусі распавяла @euroradio пра авіяцыю над вёскай. Яна пацвярджае, што ў раёне Капанёў, а таксама побач з іншымі вёскамі 11 сакавіка адбыліся выбухі. Кажа, што шкло трэслася, было страшна.

Па словах жанчыны, усё адбылося каля 16:00: «Як бухнула! А так у людзей шкло ў вокнах лязгала. Як землятрус гэта было. У нас толькі "рыскі" былі — гэта як самалёт ляціць і пускае дым. Такія былі "рысачкі". Высока-высока гэта было, не было відаць самалёта. Гэта было тры разы. Выбухі былі ў Бухлічах і Варанях».

Узброеныя сілы Украіны заявілі, што расійскія самалёты здзейснілі правакацыю ў небе над Беларуссю. Яны нібыта ўзляцелі з аэрадрому ў Беларусі, потым развярнуліся над Украінай і абстралялі некалькі беларускіх вёсак.

Пра магчымасць такой правакацыі удзень 11 сакавіка папярэджваў міністр абароны Украіны Аляксей Рэзнікаў.

Мінабароны Беларусі: інфармацыя пра абстрэл беларускай вёскі — фэйк:

"Министерство обороны однозначно заявляет, что информация о ракетном ударе по белорусской деревне является откровенным бредом".

Пры гэтым жыхарка Столінскага раёну распавяла @euroradio пра выбухі, дым і авіяцыю над яе вёскай Капані:

"Як бухнула! А так у людзей шкло ў вокнах лязгала. Як землятрус гэта было. У нас толькі "рыскі" былі — гэта як самалёт ляціць і пускае дым. Такія былі "рысачкі". Высока-высока гэта было, не было відаць самалёта. Гэта было тры разы. Выбухі былі ў Бухлічах і Варанях".

Трох супрацоўніц TUT.ВY вызвалілі з СІЗА. Гэта галоўная бухгалтарка Анджэла Асад, яе намесніца Марыя Новік і намесніца дырэктаркі Ірына Рыбалка. Пра гэта піша @zerkalo_io.

Ім змянілі меру ўтрымання. За кратамі жанчыны правялі амаль 10 месяцаў. Іншыя фігуранты "Справы TUT.BY" з 18 траўня 2021 года застаюцца за кратамі.

Паляшучка з вёскі Капані распавядае @euroradio, што 11 сакавіка чула, як гулі самалёты, бачыла інверсійны след, а таксама чула выбухі, ад якіх трэсліся шыбы. Па звестках Узброеных сіл Украіны, у тым раёне расійскія самалёты зладзілі правакацыю: узляцелі з тэрыторыі Беларусі, развярнуліся над Украінай і ўдарылі па беларускіх вёсках.

У якасці доказа публікуецца відэа, хаця па ім складана нешта зразумець. Мінабароны Беларусі факт авіяўдару па палескіх вёсках адмаўляе.

Расійскія вайскоўцы сярод дня выкралі мэра Мелітопаля. Вялі да аўтамабіля з мяшком на галаве.

Выкраданне трапіла на камеру відэаназірання.

ЗША забаранілі пастаўку долараў у Расію. Раней такі ж крок з еўра зрабіў Еўрасаюз.

Кепскія навіны і для тых, хто курыць: British American Tobacco абвясціла аб сыходзе з Расіі. Сярод іх брэндаў Kent, Lucky Strike і Pall Mall.

Раней аб сыходзе з РФ аб'явілі іншыя тытунёвыя гіганты — Philip Morris і Imperial Tobacco.

У Расіі з'яўляюцца новыя "чорныя спісы" музыкаў — прынамсі, спіс тых, чыю музыку нельга ставіць, прыйшоў у рэстараны і бары Цюмені. У ім — усе, хто выказаўся супраць вайны.

"Чорныя спісы" ў Расіі былі і раней, але не ў такім маштабе: шэраг музыкантаў і зорак нельга было клікаць на федэральнае ТБ. На тое, што гучыць у барах, раней ніхто ўвагі не звяртаў.

Шмат хто з беларусаў застаецца ва Украіне і дапамагаець абараняць краіну. І сярод іх, вядома, нашы цудоўныя жанчыны.

З беларускамі, якія не баяцца вайны, паразмаўляў блог "Максімальна": https://youtu.be/OmF6pj3WVWw

❗️YouTube вырашыў заблакаваць расійскія дзяржаўныя СМІ па ўсім свеце. Таксама відэахостынг прыпыняе ўсе спосабы манетызацыі для карыстальнікаў з Расіі.