Расійскія войскі зладзілі начныя абстрэлы жылых кварталаў некалькіх украінскіх гарадоў. Пра гэта заявілі ва Узброеных сілах Украіны.

Ужо вядома пра ахвяры з боку мірных жыхароў. Так, у горадзе Ізюм (Харкаўская вобласць) загінулі 8 чалавек, у тым ліку двое дзяцей.

Харкаў. "Высокадакладная зброя", казалі ў РФ.

Кіраўнік Пентагона Лойд Осцін патлумачыў, чаму ЗША і НАТО не ўсталёўваюць над Украінай беспалётную зону:

«Калі стварыць беспалётную зону, то, натуральна, забеспячэнне яе выканання прывядзе да кантактаў з расійскімі самалётамі, а гэта прывядзе нас да вайны з Расіяй», – кажа ён.

Улады Беларусі вырашылі "часова" падняць цэны на цукар, каб пазбегнуць дэфіцыту. Міністэрства антыманапольнага рэгулявання і гандлю сцвярджае, што рост будзе на 6%.

Улады Германіі канфіскавалі яхту расійскага алігарха Алішэра Усманава. Яе кошт — каля 600 млн долараў, піша Forbes.

Губернатар Мікалаеўскай вобласці Украіны Віталь Кім апублікаваў відэа з цэнтру гораду. Патрульная паліцыя хорам пасылае на*уй рускі вайсковы карабель.

BBC вяртае кароткахвалевае вяшчанне на ўкраінскай і рускай мовах. Каб было больш складана яго заглушыць.

Для маладых людзей: гэта як у часы СССР, калі замежныя станцыі «прарываліся» праз «жалезную заслону».

Цэнтр гораду Ізюм (Харкаўская вобласць), які быў абстраляны расійскімі войскамі.

На відэа ёсць лаянка.

Савет дырэктараў “Эха Москвы” вырашыў ліквідаваць радыёстанцыю і яе сайт. Пра гэта распавёў галоўны рэдактар праекта Аляксей Венядзіктаў.

Пазаўчора “Эхо Москвы” заблакавалі ў Расіі, а таксама прыпынілі радыётрансляцыю. Уладальнік станцыі — "Газпром".

Беларускія і расійскія спартоўцы не змогуць удзельнічаць у Паралімпійскіх гульнях нават у нейтральным статусе — Міжнародны паралімпійскі камітэт.

Аналітык Арцём Шрайбман на "Эхе Москвы" — пра настроі ва Украіне і тое, у чым памылка Пуціна:

"Дарма ён недаацэньвае розніцу паміж настроем тых, хто нападае, і настроем тых, хто абараняе радзіму".

Чыя ракета прыляцела на цэнтральную плошчу Харкава? Прарасійская прапаганда абвінавачвае ўкраінцаў. А @euroradio вывучае ўсё вядомае пра гэты жахлівы выбух і сцвярджае, што з імавернасцю ў 99% харкаўскую адміністрацыю атакавалі расійскія войскі.

1% імавернасці даем іншым версіям толькі дзеля таго, каб выканаць прафесійныя стандарты. Чытаць тут (з Беларусі – праз ВПН): https://euroradio.fm/hto-vinavaty-u-ahvyarah-zhahlivaga-vybuhu-u-centry-harkava-zdaecca-my-vedaem

А гэтая спасылка адкрыецца і без ВПН.

Мэр Адэсы Генадзь Труханаў запісаў зварот на фоне дзіцячага садку. Ён кажа, што дзеці яшчэ не ведаюць, што такое вайна, але ім страшна. І задае акупантам правільнае пытанне:

"Ад каго вы нас, б*дзь, ратуеце?"

Раней украінскія медыі высветлілі, што Труханаў — грамадзянін Расіі. Яго ўвогуле лічылі прарасійскім палітыкам. Але падобна да таго, што пасля ўварвання Расіі ва Украіну прарасійскіх палітыкаў там засталося не на тры дні, а на пяць хвілін.

Ва Украіну ўжо едуць першыя 16 тысяч замежных добраахвотнікаў, якія выказалі жаданне абараняць краіну ад Расіі. Пра гэта паведамляе Уладзімір Зяленскі.

Шмат якія краіны аб'явілі, што не могуць забараніць сваім грамадзянам ехаць добраахвотнікамі ва Украіну. Ёсць і адваротныя прыклады: напрыклад, Грузія, якая ў 2008-м сама сутыкнулася з расійскай агрэсіяй, выпускаць самалёт з добраахвотнікамі адмовілася.

Цікавы факт: абараняць Украіну едуць у тым ліку грамадзяне Ізраілю. Тым часам у Крамлі кажуць пра тое, што ў Кіеве сядзяць "нацысты".

Харкаў. Расійскі салдат страляе па дзвярах і потым спрабуе іх адкрыць. І што ён забыў у краме тэхнікі?

Можа, там "бандэраўцы" хаваюцца? А можа, салдат проста хоча скрасці пару айфонаў, якія ў Расіі больш не прадаюцца.

Суд пакараў журналіста @radiosvaboda Алега Груздзіловіча 1,5 гадамі зняволення. За стрым з пратэстнага маршу яго прызналі вінаватым у “арганізацыі і падрыхтоўцы дзеянняў, якія груба парушаюць грамадскі парадак, альбо актыўны ўдзел у іх”.

Журналіст сваёй віны не прызнаў.

У сацсетках з'явілася інфармацыя, што ва Украіне забіты расійскі генерал-маёр Андрэй Сухавецкі. Ён намеснік камандуючага 41-й агульнавайсковай арміі Расіі.

Пакуль ні ўкраінскія афіцыйныя крыніцы, ні тым больш Мінабароны РФ нічога пра гэта не паведамлялі. Першым пра смерць Сухавецкага напісаў чалавек, які прадстаўляецца яго знаёмым.

Вайна ва Украіне: што гэта азначае для свету і для Беларусі? Абмяркоўваем з гісторыкам Аляксандрам Фрыдманам:

https://youtu.be/8Xb1B-x-EN8