У нядзелю былі пабітыя ўсе антырэкорды па колькасці мігрантаў на беларуска-літоўскай мяжы — затрымана 289 чалавек. Але літоўскія памежнікі падазраюць, што на гэтым не скончыцца. Бо ўсяго за сем першых гадзін панядзелка было затрымана ўжо 109 мігрантаў.

З пачатку года на беларуска-літоўскай мяжы затрымалі 3832 чалавекі.

Міжнародны алімпійскі камітэт гатовы на новыя санкцыі ў адрас прадстаўнікоў беларускага НАК — праз скандал з Крысцінай Ціманоўскай. У тым ліку яны могуць перагледзець умовы ўдзелу беларускай дэлегацыі ў Алімпійскіх гульнях.

Цяпер МАК размаўляе з Ціманоўскай, каб разабрацца ў сітуацыі: "Мы з ёй на сувязі, выслухоўваем. Гэта адбылося вельмі позна, мы мелі зносіны з ёй ноччу і яшчэ раз сёння раніцай. Нам трэба атрымаць больш дэталяў", — распавёў на прэс-канферэнцыі кіраўнік прэс-службы МАК Марк Адамс.

Сітуацыя з Крысцінай Ціманоўскай на 10:20 па Мінску (16:20 у Токіа):

⚡️ Па інфармацыі Беларускага фонду спартовай салідарнасці, Ціманоўская папрасіла палітычнага прытулку ў Польшчы;

■ ноч бягуха правяла ў гатэлі аэрапорта. Раніцай прадстаўнікі МАК і аргкамітэта Алімпіяды яшчэ раз пагутарылі з ёю;

■ з Ціманоўская звязаліся прадстаўнікі ўпраўлення Вярхоўнага камісара ААН па справах бежанцаў;

■ японскі ўрад заявіў, што Ціманоўская знаходзіцца ў бяспецы;

■ Міжнародны алімпійскі камітэт разглядае магчымасці новых санкцый у адрас беларускага НАК;

■ Міністр па еўрапейскіх справах Францыі Клеман Бон заявіў, што для Еўропы было б гонарам даць Ціманоўскай палітычны прытулак.

❗️Па інфармацыі Беларускага фонду спартовай салідарнасці, Крысціна Ціманоўская папрасіла палітычнага прытулку ў Польшчы.

UPD: Інармацыя не пацвердзілася. Знаходзячыся на тэрыторыі Японіі, чалавек не мае права прасіць прытулку ў іншай краіне.

⚡️Муж Крысціны Ціманоўскай, трэнер Арсеній Зданевіч пакінуў Беларусь. Ён выехаў у Кіеў.

Пра гэта ў эфіры "Эха Масквы" распавёў сузаснавальнік выдання Sports.ru Дзмітрый Навоша.

У вясковых школах настаўнікаў могуць замяніць праваслаўныя святары. Нібыта гэта дапаможа вырашыць праблему з настаўніцкімі кадрамі.

З настаўнікамі на вёсцы сапраўды можа быць не вельмі. Але ўявіце сабе святара, які выкладае фізіку...

Чаму Крысціна Ціманоўская насуперак волі спартовых чыноўнікаў адмовілася бегчы не сваю дыстанцыю — эстафету 4 па 400 метраў? Гэта магло б не толькі сапсаваць ёй забег на сваёй дыстанці ў 200 метраў, але і мець незваротныя наступствы для здароўя.

"Бег на 400 метраў — доўгі спрынт, самы спецыфічны. Трэба валодаць якасцямі спрынтара, стайера і асобнымі — хуткаснай цягавітасцю. Бягун на 400 метраў можа паказваць выдатны вынік на 200 метрах, а вось наадварот — гэта наўрад ці. Калі хопіць сілы волі — можна і інвалідам застацца, а можна і не дабегчы. І на гэтым тваёй кар'еры прыйдзе канец.

А калі казаць пра эстафету, дык каманда мусіць рыхтавацца загадзя. Напрыклад, таму, як правільна перадаць эстафетную палачку, прыняць яе і не знізіць хуткасць — гэта яшчэ трэба ўмець! Для эстафеты рыхтуюць асобных спартсменаў, яшчэ і запасных бяруць", — распавядае Алена Свіціна. У юнацтве яна займалася лёгкай атлетыкай, мела добрыя вынікі. 400 метраў былі як раз яе дыстанцыяй.

Але чыноўнікі нават не параіліся з Ціманоўскай.

Мінскі раённы суд пакараў анестэзіёлага-рэаніматолага Святаслава Удота двума гадамі калоніі агульнага рэжыму. Яго судзілі за падпал чатыры "Табакерак" у Бараўлянах, паведамляе @viasna96.

Святаслаў Удот 24 гады прапрацаваў у дзяржаўнай сістэме аховы здароўя. На судзе ён распавёў, што як лекар "выступае за здаровы лад жыцця і здаровую нацыю, таму хацеў, каб усе "Табакеркі", якія ёсць у Бараўлянах спынілі сваю працу".

Беларускі стралок Юрый Шчарбачэвіч, які ўчора прабіўся ў фінал алімпійскага турніра, сёння не змог заваяваць медаль. У стральбе з трох станаў з малакалібернай вінтоўкі ён заняў толькі сёмае месца.

Фота @noc_belarus

БНТУ патраціў 123 тысячы рублёў на сістэму відэаназірання ўнутры будынкаў універсітэта. Гэта той самы ўніверсітэт, дзе летась вельмі актыўна пратэставалі студэнты — і дзе гэтыя пратэсты падаўляліся з удзелам сілавікоў.

У аўтакатастрофе ў Германіі загінуў беларускі цяжкаатлет Аляксей Мжачык. Яму было 25 гадоў.

Кіроўца машыны, у якой ехаў спартовец, не справіўся з кіраваннем на аўтабане. Спачатку аўто ўдарылася аб агароджу трасы, а потым у слуп.

Ад атрыманых траўмаў штангіст загінуў на месцы. Кіроўца і яшчэ два іншых пасажыра атрымалі цяжкія траўмы і былі шпіталізаваныя на верталёце.

Аляксей Мжачык — майстар спорту міжнароднага класа, выступаў у вагавай катэгорыі звыш 109 кг. Удзельнік Алімпійскіх гульняў у Рыа-2016. Бронзавы прызёр моладзевага чэмпіянату Еўропы. Сярэбраны прызёр чэмпіянату свету сярод юніёраў 2012 і 2015 гадоў.

"Якая палітыка — такі і спорт": эксперты пра выгнанне Ціманоўскай з Алімпіяды.

Гісторыя выгнання з Алімпіяды беларускай бягухі Крысціны Ціманоўскай, яе крытыка на адрас спартыўных чыноўнікаў і іх рэакцыя на гэта скаланулі ўвесь свет. @euroradio сабрала асноўныя выказванні экспертаў пра сітуацыю з Ціманоўскай і дзеянні беларускіх спартыўных функцыянераў.

Чытаць тут (праз VPN):
https://euroradio.fm/yakaya-palityka-taki-i-sport-eksperty-pra-vygnanne-cimanouskay-z-alimpiyady

Не адкрываецца спасылка? Тут дакладна адкрыецца!

Сёння на постсавецкай прасторы адзначаецца Дзень дэсантніка. У Магілёве пачалі ўжо раніцай: былыя вайскоўцы прайшліся маршам па вуліцах горадзе.

Ну а хто ж акрамя іх? )

Крыніца

Трэнер Арсеній Зданевіч, муж спартсменкі Крысціны Ціманоўскай, распавёў @euroradio што яе складана давесці да слёз. І наогул яна дзяўчына з характарам:

"Яе ў паўсядзённым жыцці цяжка давесці да такога стану. Тое, як яе там даводзілі, у мяне няма слоў, ад таго, якімі метадамі дзейнічаюць нашы суайчыннікі. Я проста ў шоку ад прадстаўнікоў нашай каманды, як яны ціснуць на спартоўцаў".

На аўдыязапісе, апублікаваным увечары 1 жніўня, Крысціну Ціманоўскую запужваюць і даводзяць да слёз удзельнікі беларускай дэлегацыі на Алімпійскіх гульнях у Токіа.

Алімпійскі скандал: як адгукнецца сітуацыя з Крысцінай Ціманоўскай?

Навіной дня для ўсіх СМІ стаў скандал са спробай прымусовага вяртання ў Беларусь з Алімпійскіх гульняў у Токіа беларускай бягухі Крысціны Ціманоўскай. Ніякі залаты медаль не прыцягнуў бы столькі ўвагі да зборнай Беларусі, як гэта сітуацыя.

Ці быў прадказальным скандал Ціманоўскай пасля з’яўлення яе звароту да кіраўніцтва алімпійскай зборнай? А можа, уся гэта сітуацыя сапраўды спланаваная японскімі спецслужбамі і якудзай? Як адгукнецца гэты скандал і якія наступствы будзе мець? На гэтыя ды іншыя пытанні адказвае выканаўчы дырэктар Фонду спартыўнай салідарнасці Аляксандр Апейкін.

На два з трох новых рэйсаў з Ірака ў Беларусь, якія толькі сёння былі анансаваныя, ужо распрададзеныя ўсе квіткі на некалькі тыдняў наперад. З Басры ў Мінск усё забраніравана да 31 жніўня, а з Арбіля — да канца кастрычніка. Рэйс з Сулейманіі пакуль не дададзены ў сістэму браніравання.

З пачатку года на беларуска-літоўскай мяжы было затрымана амаль чатыры тысячы мігрантаў, больша частка якіх была з Іраку.

Журналіста выдання "Першы рэгіён" прысудзілі да 1,5 гадоў калоніі за паведамленні ў вайбер-чаце. Сяргей Гардзіевіча абвінавачвалі ў "абразе прадстаўніка ўлады", а таксама ў тым, што ён "выказаў рэзка негатыўную ацэнку ў адрас Аляксандра Лукашэнкі, выкарыстаўшы слова "пацук".

Згодна з матэрыяламі справы 12 жніўня 2020 года Гардзіевіч ў вайбер-чаце "Рэальны Драгічын" размясціў нейкія паведамленні, якія прыніжаюць міліцыянтаў Ківеля і Чарнышкова за тое, што яны затрымалі жыхара Драгічына. Што менавіта напісаў Гардзіевіч, не ўдакладняецца.

2 жніўня ў эфіры @euroradio — журналістка, рэдактарка незалежнага тэлеканала Марыя Малевіч.

Як бы складана ні было і якія б перашкоды ні стаялі на шляху, неабходна імкнуцца дасягнуць сваёй мэты. А самая галоўная мэта сёння ў беларускага грамадства — дамагчыся права самім вырашаць і свой лёс, і лёс сваёй краіны.

Пра тое, ці сапраўды сёння беларусы мараць пра адно — пра перамогу, і якое месца ў гэтым імкненні да свабоды займаюць незалежныя журналісты, мы і разважаем у праграме “Ідэя Х”.

Польшча аператыўна выдала спартоўцы Крысціне Ціманоўскай гуманітарную візу. Намеснік міністра замежных спраў Польшчы выказаў салідарнасць з дзяўчынай і заявіў, што яна "знаходзіцца ў прамым кантакце з польскімі дыпламатамі ў Токіо. Польшча зробіць усё магчымае, каб дапамагчы ёй працягнуць спартыўную кар'еру".

Першае інтэрв'ю Арсенія Зданевіча, мужа бягухі Крысціны Ціманоўскай, якую чыноўнікі НАКа ў час Алімпіяды паспрабавалі выдварыць з Японіі. Ён экстранна з'ехаў з Беларусі і, апынуўшыся ў бяспецы, пагутарыў з @euroradio.

Чытаць тут (праз VPN):
https://euroradio.fm/muzh-cimanouskay-uzho-na-ukrainskay-myazhy-padtrymlivali-pamezhniki

Не адкрываецца спасылка? Тут дакладна адкрыецца!

Пракуратура Гродна хоча ліквідаваць "Гродналайфмедыя", якое з'яўляецца ўласнікам медыя-рэсурса Hrodna.life. Нядаўна ўлады прызналі тэлеграм-канал выдання экстрэмісцкім.

Працэс пачнецца 11 жніўня ў Эканамічным судзе Гарадзенскай вобласці, паведамляе @bajby. За апошні год рэдакцыя Hrodna.life атрымала штрафаў на суму больш за 10 тысяч долараў.