Адзін з загінулых лётчыкаў быў героем сюжэта “ВаенТВ”:

“Всё детство Никита Куканенко проводил у деда в населённом пункте Боровуха, где базировалась вертолётная база, поэтому разговоры об авиации в семье были постоянными...”

Святлана Ціханоўская выказала спачуванні ў сувязі з гібеллю лётчыкаў Андрэя Нічыпарчыка і Мікіты Куканенка:

“Сегодня под Барановичами разбился военный самолёт. Лётчики Андрей Ничипорчик и Никита Куканенко обнаружили неисправность – но не покинули борт, пока не убедились, что падение самолёта не заденет жилые дома. Они катапультировались в самый последний момент — и это стоило им жизни.

Я выражаю соболезнования родным и близким Андрея и Никиты. И восхищаюсь их поступком, ведь ставить жизнь других выше, чем свою собственную, — это настоящий героизм”.

Стала вядома пра затрыманне яшчэ некалькіх супрацоўнікаў TUT.by, якія не выходзілі на сувязь. Паводле ўдакладненай інфармацыі @tutby_official, таксама затрыманыя:

• намеснік галоўнага бухгалтара Марыя Новік
• намеснік генеральнага дырэктара па тэхнічных пытаннях Аляксандр Дайнека
• менеджэр Андрэй Аўдзееў

Журналісты, пра затрыманне якіх паведамлялася раней:

• рэдактар ​​Вольга Лойка (знаходзіцца на Акрэсціна)
• журналіст Алена Талкачова (знаходзіцца на Акрэсціна)
• галоўны рэдактар ​​Марына Золатава
• генеральны дырэктар Людміла Чэкіна
• галоўны бухгалтар Анжэла Асад
• намеснік дырэктара Ірына Рыбалко
• галоўны інжынер Ала Лапатко
• юрыст Кацярына Ткачэнка

Акрамя таго, да гэтага часу невядома, дзе знаходзіцца удава Юрыя Зісера Юлія Чарняўская.

На змену $900 тысячам за канапай прыйшлі $100 тысяч вядры з сабачым кормам. Менавіта такую карцінку паказаў прапагандысцкі тг-канал: буйную суму нібыта знайшлі пры вобшуку дома ў супрацоўніка TUT.by.

Сенсацыя: у топ-менеджара самага буйнога СМІ Беларусі дома ЗНАЙШЛІСЯ ГРОШЫ!

“Барабаншчык”, асуджаны за пратэсты на 6 гадоў, барабаншчыкам і не быў. А толькі хацеў навучыцца.

“У групе не знаходзіўся, проста ведаў гэтых хлопцаў, на маршы з імі не хадзіў, бываў на рэпетыцыях і дапамагаў прывозіць апаратуру. Хтосьці памыліўся, і панеслася", — кажа жонка Аляксея Санчука.

Ганна распавяла @euroradio пра жыццё з Аляксеем і без яго і пра 8-гадовую дачку, якая ўсё разумее.

https://euroradio.pl/na-spatkanni-plakali-u-try-ruchai-zhonka-barabanshchyka-yakomu-dali-6gadou-turmy

“Справа TUT.by”: чым яна небяспечная для ІТ і для грамадства?

Паводле афіцыйнай інфармацыі, прэтэнзіі да партала TUT.by і звязаных з іх кампаніяй выключна эканамічныя. Маўляў, незаконна ўвайшлі ў Парк высокіх тэхналогій і атрымалі падатковыя ільготы, ухіляліся ад выплаты падаткаў.

Ці павераць рэзідэнты ПВТ у рэальнасць гэтых прэтэнзій? Як на ІТ-бізнесе адаб’ецца гэты пераслед? У чым небяспека для грамадства і Беларусі страта незалежных СМІ? На гэтыя ды іншыя пытанні адказвае эксперт у галіне ІТ-тэхналогій і ІТ-бізнесу, сябра Каардынацыйнага савета Максім Баграцоў.

11 гадоў калоніі — за наезд на вайскоўцаў.

25-гадовы студэнт БНТУ Ціхан Осіпаў, па версіі абвінавачвання, у ноч з 10 на 11 жніўня удзельнічаў у акцыях пратэсту і наехаў на BMW на пяцярых вайскоўцаў. Пасля чаго утапіў аўтамабіль у вадаёме і заявіў у міліцыю аб угоне.

“З абвінавачаннем пракурора я не згодны. Я лічу, што гэта не правамерна занадта суровае пакаранне, я адэкватны чалавек, я ніколі ў жыцці не пайшоў бы на гвалт, а ўжо на забойства кагосьці — тым больш.

Я ўдзячны, скажам так, гэтай нагодзе, што ніхто з пацярпелых сур'ёзна не пацярпеў, і яшчэ раз хачу паўтарыць, што прашу ў іх прабачэння”, — заявіў у судзе Ціхан.

Чыноўнікі прапануюць увесці абавязковае размеркаванне для студэнтаў-платнікаў.

На пасяджэнні ў Парламенце міністр адукацыі Ігар Карпенка сказаў, што прадугледжана магчымасць прадастаўляць статус маладога спецыяліста і платнікам, якія звярнуліся ў Камісію па размеркаванні: “Але калі рабіць абавязковым размеркаванне для гэтай катэгорыі, незразумелы механізм кампенсацыі сродкаў, калі чалавек не паедзе на месца адпрацоўкі, механізм стымулявання туды ехаць. Напэўна, гэта заказчыкам кадраў трэба паклапаціцца, як замацоўваць у сябе кадры".

Чыноўнікі лічаць, што размеркаванне на першае працоўнае месца студэнтам трэба разглядаць як узнагароду.

Дачка суўладальніцы TUT.by і ўдавы Юрыя Зісера Юліі Чарняўскай дагэтуль не ведае, дзе яе маці.

"Ёсць здагадка, што яна ў СІЗА КДБ, але адвакату адмовілі даць інфармацыю, ці там яе падабаронная. Сказалі, што яны самі могуць "перадаць інфармацыю". Усе, хто бачыў маму ў апошнія суткі, на сувязь не выходзяць. Відавочна, нешта падпісалі і не маюць права даваць ніякіх дэталяў і вельмі запалоханыя, таму што акрамя "мама ў парадку", ніякай інфармацыі мне ці бабулі не паступала”, — піша дачка Юліі.

На ўездзе ў Барысаў (дарога P67) абваліўся мост, піша @tutby_official. Рух на гэтым участку цалкам заблакаваны.

Хто выйграе ад знішчэння незалежных медыя Беларусі?

Ціск на незалежныя медыя ў Беларусі працягваецца не адзін год. Але выглядае на тое, што цяпер улады вырашылі перайсці да татальнага вынішчэння свабоды слова. Вось толькі варта памятаць, што інфармацыйная прастора не церпіць пустэчы.

Наколькі чаканай стала “справа TUT.by”? Ці дасягне ўлада мэтаў знішчэннем незалежных СМІ? Якія пагрозы інфармацыйнай бяспецы і незалежнасці краіны мае гэтая сітуацыя? На гэтыя ды іншыя пытанні адказвае палітычны аглядальнік, заснавальнік выдання “Сильные новости” Пётр Кузняцоў.

Пасля гібелі двух пілотаў у Баранавічах адмянілі ўсе мерапрыемствы свята “Баранавічская вясна” - дзень горада.

Школьніца паскардзілася на збіццё на Акрэсціна. Суд палічыў гэта лжывым даносам і даў дзяўчыне год і шэсць месяцаў хіміі.

Школьніца 2004 года нараджэння звярнулася са скаргай у Следчы камітэт у верасні 2020 года. Яна сказала, што ў ЦІП на Акрэсціна яе збівалі дубінкамі супрацоўнікі міліцыі.

У кватэру галоўнага рэдактара "Нашай Нівы" Ягора Марціновіча і журналісткі TUT.by Адар'і Гуштын прыйшлі сілавікі.

“Вакол нашай кватэры сабраліся сілавікі і, магчыма, рыхтуюцца да штурму. Барабанілі ў дзверы, суседцы заляпілі вочка ў дзвярах”, — піша Ягор.

Сузаснавальнік TUT.by: Проста прыйшла каманда “знайдзіце што-небудзь”

Пра тое, чаго чакаць ад каманды ў будучыні, пра вяртанне з калоніі Кацярыны Барысевіч і немагчымасць нацыяналізаваць TUT.by Еўрарадыё распавёў сузаснавальнік партала Кірыл Валошын.

https://euroradio.pl/suzasnavalnik-tutby-prosta-pryyshla-kamanda-znaydzice-shto-nebudz

Пры падзенні самалёта ў Баранавічах пацярпеў мясцовы жыхар. Яго шпіталізавалі з пераломам перадплечча, паведамляе баранавіцкі гарвыканкам.

Асколкамі самалёта былі пашкоджаныя некалькі дамоў. “Пашкоджаны вокны ў трох шматкватэрных дамах і ў двух індывідуальных”, — распавёў старшыня Баранавіцкага гарвыканкама Юрый Грамакоўскі. Акрамя гэтага, выявілі некалькі пашкоджанняў у даху аднаго з дамоў і ў вентыляцыйнай шахты, пашкоджаныя чатыры аўтамабілі.

@onlinerby апублікаваў відэа, знятае праз лічаныя хвіліны пасля падзення самалёта ў Баранавічах.

Можна ўбачыць, як далёка разляцеліся фрагменты самалёта і куды быў накіраваны самалёт: на маленькі зялёны ўчастак паміж жылымі дамамі. Таксама відаць, што ля парашута ляжыць нерухомы чалавек. Гэта адзін з загінулых пілотаў.

Галоўны рэдактар “Нашай Нівы” Ягор Марціновіч не затрыманы, ператрус у яго кватэры скончаны. Марціновіч не можа нічога каментаваць, бо знаходзіцца пад падпіскай аб неразгалошванні, піша @nashaniva.

Ператрус праводзіўся ў межах крымінальнай справы, але не быў звязаны з "Нашай Нівай". З кватэры забралі тэхніку. Такім чынам, можна зрабіць выснову, што сілавікоў цікавіў не Марціновіч, а яго жонка Адар'я Гуштын, супрацоўніца TUT.BY.

Містыка. 19 траўня 1997 года — роўна 24 гады таму — пад Баранавічамі таксама разбіўся вайсковы самалёт. Гэта быў Су-17. 47-гадовы лётчык-выпрабавальнік, падпалкоўнік Сяргей Паграбан загінуў.

Сёння, дзень у дзень праз 24 гады пасля той трагедыі, у Баранавічах ізноў авіякатастрофа. На самалёце Як-130 разбіліся Андрэй Нічыпорчык і Мікіта Куканенка. Яны гераічна адвялі самалёт ад жылых кварталаў і накіравалі на пятачок травы паміж дамамі — і не пакінулі сабе дастаткова часу і вышыні, каб катапультавацца і выжыць.

Сваякі Сяргея Паграбана кожны 19 траўня ездзяць на могілкі. Гэта зусім побач з тым месцам, дзе сёння ўпаў самалёт. Сёння яны прыехалі на могілкі — і літаральна праз 15 хвілінаў убачылі, як падае самалёт Нічыпорчыка і Куканенкі.

Важныя падзеі серады, 19 траўня, у праграме ЕЎРАЗУМ

0:58 Журналістка TUT.by Кацярына Барысевіч выйшла на свабоду пасля шасці месяцаў зняволення

8:11 Да чаго прывядзе ІТ і грамадства “Справа TUT.by” — меркаванне эксперта

24:25 Навіны спорту

26:24 У Баранавічах разбіўся вайсковы самалёт: абодва пілоты загінулі

Учорашняе падзенне вайсковага самалёта ў Баранавічах трапіла на відэарэгістратар. У выніку здарэння абодва лётчыкі загінулі.

Відэа @intexpress