“Справа TUT.by”. Саўладальніца парталу Юлія Чарняўская не з’явілася дома пасля выпіскі са шпіталю, паведамляе яе дачка. Дзе маці — яна не ведае.

“Справа TUT.by”. Праграміст выдання Віталь Каліноўскі адпушчаны дадому. Ён пад падпіскай ад неразгалошванні.

"Ферма рухнула і загадчыца рухнула": як жывуць вёскі, дзе хацелі, але не пабудавалі АЭС.

Гэтыя месцы маглі стаць "Астраўцом" — з гатэлем і барамі. Але цяпер паміраюць, амаль нікому не патрэбныя. @euroradio наведала вёскі, якія разглядаліся як пляцоўкі для БелАЭС, паглядзела, ува што яны ператварыліся, і паразмаўляла з тамтэйшымі аб няздзейсненай мары і жыцці на пенсіі.

https://euroradio.pl/ferma-i-zagadchyca-ruhnuli-yak-zhyvuc-vyoski-dze-haceli-ale-ne-pabudavali-aes

З офіса TUT.BY пачалі адпускаць людзей. У рэдакцыі застаецца яшчэ каля 20 чалавек, паведамляе @bajby.

Сілавікі забралі ў іх тэлефоны і з кожнага бяруць падпіску аб неразгалошванні.

Важныя падзеі аўторка, 18 траўня, у праграме Еўразум

1:10 Атака на TUT.by: што вядома
4:34 Навіны спорту
6:13 Што кепскага ў тым, што “неверагодныя” сталі “змагарамі” — меркаванне філосафа Уладзіміра Мацкевіча
23:19 Навіны шоў-бізу
25:47 Пластычнаму тэатру “ІнЖэст” — 40 гадоў: размова з Вячаславам Іназемцавым

Журналіст @onlinerby Аляксандр Чарнуха амаль 12 гадзін знаходзіўся ў рэдакцыі TUT.BY падчас вобшуку.

Каля 22:30 яго вывелі з будынку і пасадзілі ў машыну. Куды павезлі журналіста, пакуль не вядома.

Дагэтуль няма інфармацыі і аб фатографцы TUT.BY Дар'і Буракінай.

UPD. Ноччу і Чарнуху, і Буракіну адпусцілі. За краты адправілі толькі Арцёма Маёрава.

На свабоду выйшла журналістка TUT.BY Кацярына Барысевіч. За праўду пра тое, што ў крыві збітага да смерці Рамана Бандарэнкі было нуль праміле алкаголю, яна правяла за кратамі паўгода.

Вось так сустракалі Кацярыну каля калоніі. Відэа @tutby_official

Сайт TUT.by не проста заблакаваны, а фактычна знішчаны. Доступа да самага буйнога інфармацыйнага партала Беларусі няма ні праз VPN, ні праз люстэркі. Яны недасяжныя таксама з-за мяжы.

Але рэдакцыя працягвае працаваць у сацсетках:

Telegram: https://t.me/tutby_official
Facebook: https://www.facebook.com/tut.by
"ВКонтакте": https://vk.com/tutby
Instagram: http://instagram.com/tutbylive

#ЯМыСМИ

На вопратцы журналісткі Кацярыны Барысевіч, якая сёння выйшла з калоніі ў Гомелі, можна заўважыць жоўтую бірку з яе прозвішчам і ініцыяламі.

Пра тое, што менавіта так пазначаюць “палітычных” у шклоўскай калоніі, раней распавядаў палітвязень Вітольд Ашурак.

UPD. У каментары @tutby_official Барысевіч так патлумачыла наяўнасць жоўтай біркі:

“Гэта значыць толькі тое, што я змяшчалася ў калоніі. Я яе [жоўтую бірку] сама прышывала”.

Раніцай 19 траўня супрацоўнікі TUT.by не могуць трапіць у свой офіс у Мінску. Але і сілавікоў у офісе ўжо няма.

"Работнікі аховы сказалі нашаму журналісту, што допуск у офіс зачынены — па распараджэнні следчых органаў. Відэа з камер, якія ўстаноўленыя на 8-м і 9-м паверхах (офісы TUT.BY), на маніторах не адлюстроўваецца", — паведамляе @tutby_official.

Дзверы, якія вядуць у рэдакцыю, па-ранейшаму зацягнутыя чорнай плёнкай, а ўнізе зафарбаваныя чорным.

Журналістку Кацярыну Барысевіч этапавалі ў калонію ў кайданках. Яна кажа, што перавозілі разам з жанчынамі, асуджанымі за забойства.

"У мяне была карычневая картка, як у чалавека, схільнага да экстрэмізму. Усіх такіх зняволеных перавозяць гэткім чынам. Са мной былі дзве жанчыны, якія асуджаныя за забойства. У іх тэрміны 9-10 гадоў. Яны жартавалі, што ехалі проста, спакойна, а я — як экстрэміст (або схільная да экстрэмізму) ехала ў кайданках", — распавядае журналістка ў сваім першым інтэрв'ю па выхадзе на волю.

Не толькі TUT.BY: журналісты @tribuna_by сабралі на адной старонцы ўсе спосабы і пляцоўкі, дзе можна чытаць 11 медыяў, забароненых у Беларусі. Сярод іх і сайт уласна "Трыбуны" — ён недасяжны са жніўня 2020 года.

https://bytribuna.global.ssl.fastly.net/tribuna/blogs/editors/2922830.html

#ЯМыСМИ

Атака на TUT.by — падрыхтоўка да рэферэндума па праекце абноўленай канстытуцыі, лічыць кіраўнік аналітычнага цэнтру Belarus Security Blog Андрэй Паротнікаў.

“На самой справе гэта частка падрыхтоўкі да бліжэйшай палітычнай кампаніі, якая стартавала афіцыйна 15 сакавіка 2021 года. А рэальна — у Сочы ў верасні 2020. Прычым, бягучая кампанія будзе больш важная, чым леташняя.Таму ідзе расчыстка поля: блакаванне незалежных каналаў распаўсюджвання інфармацыі, рэпрэсіўныя законы і г.д. Лагічна выказаць здагадку, што да жніўня будзе новая хваля прэвентыўных арыштаў людзей, якіх рэжым лічыць небяспечнымі для сябе”.

Telegram-канал "Ваўкавыск для жыцця Чат" прызнаны экстрэмісцкім. Адпаведнае рашэнне прыняў суд Ваўкавыскага раёна.

Прычыны стандартныя: "У ім змяшчаюцца заклікі да масавых беспарадкаў, хуліганскіх дзеянняў, блакавання руху транспарту, аказання супраціву супрацоўнікам праваахоўных органаў, знішчэння і пашкоджання іх маёмасці ў мэтах перашкоджання іх законнай дзейнасці альбо з помсты за выкананне службовых абавязкаў. У іх таксама ёсць каментары з абразамі і пагрозамі на адрас праваахоўнікаў і дзяржаўных службоўцаў, членаў іх сем'яў".

https://euroradio.pl/vaukavyski-tg-kanal-pryznany-ekstremisckim

Журналіста Арцёма Маёрава будуць судзіць за “дробнае хуліганства” (артыкул 19.1 КаАП). Гэта вынікае з раскладу сённяшніх пасяджэнняў у судзе Фрунзенскага раёну Мінска.

Журналіст газеты “Белорусы и рынок” перастаў выходзіць на сувязь учора раніцай, калі прыехаў да офіса TUT.by. Пазней сваякі адшукалі яго ў ІЧУ на Акрэсціна, дзе ён і правёў апошнюю ноч.

UPD: Усё ж такі цяпер судзяць не журналіста, а яго цёзку. Дзе, калі і за што будуць судзіць Арцёма Маёрава, па-ранейшаму невядома.

Мы даехалі да суда Фрунзенскага раёна і праверылі: цяпер судзяць не журналіста Арцёма Маёрава, а чалавека з такім жа прозвішчам. Прыносім прабачэнні за недакладную інфармацыю.

Дзе, калі і за што будуць судзіць затрыманага ўчора ля офіса TUT.BY журналіста газеты "Белорусы и рынок", пакуль невядома.

Федэрацыі футбола не спадабалася, што фанаты "Крумкачоў" падчас выканання гімна адварочваюцца ад футбольнага поля. Клуб атрымаў папярэджанне.

"На жаль, у апошніх матчах актыўныя заўзятары ТАА "НФК Крумкачы" пры правядзенні ўрачыстай цырымоніі адкрыцця футбольных матчаў праяўлялі непаважлівае стаўленне падчас выканання Дзяржаўнага гімна Рэспублікі Беларусь, устаючы спінай да футбольнага поля і да дзяржаўнага сцяга Рэспублікі Беларусь", — гаворыцца ў лісце федэрацыі футбола.

Футбалісты "Крумкачоў" былі аднымі з першых спартоўцаў, якія публічна падтрымалі мірныя пратэсты: яны нават выходзілі на поле ў майках "Мы з народам".

https://euroradio.pl/abff-papyaredzila-krumkachou-za-pavodziny-zauzyatarau-pry-vykananni-gimna

Мінэнерга Украіны настойвае на забароне імпарту электраэнергіі з Беларусі і Расіі. Гэта "патэнцыйна пагражае энергетычнай бяспецы" краіны, лічаць у Кіеве.

https://euroradio.pl/minenerga-ukrainy-prosic-pra-zabaronu-impartu-elektraenergii-z-belarusi-i-rasii

⚡️ У Баранавічах высока над дамамі ўздымаецца чорны дым, бачны з розных куткоў горада. Паводле папярэдняй інфармацыі, там упаў самалёт.

Побач з горадам вялікая авіяцыйная часць, там часта выконваюцца трэніровачныя палёты.

Фота @intexpress, @euroradio

Баранавічы. Фота з месца падзення самалёта. Бачна, што ён упаў наўпрост пасярод горада, побач з жылымі дамамі, на нечый гарод.

Фота @intexpress