"Нелегітымны беларускі рэжым баіцца незалежных СМІ і сістэматычна іх знішчае. Ганебны пераслед найбуйнейшага навінавага сайта краіны tut.by — яшчэ адзін прыклад такой палітыкі. Свабодныя медыя не задушыць, злачынствы супраць беларускага народа будуць раскрытыя", — пракаментаваў напад на TUT.by МЗС Літвы.

У цэнтральным офісе TUT.BY па-ранейшаму адбываецца ператрус. Супрацоўнікі, якія раніцай прыйшлі на працу, усё яшчэ не выходзяць на сувязь. Па апошняй інфармацыі затрыманыя як мінімум 13 чалавек, паведамляе @tutby_official:

■ галоўны рэдактар Марына Золатава;
■ генеральны дырэктар Людміла Чэкіна;
■ галоўны бухгалтар Анжэла Асад;
■ намеснік бухгалтара Марыя Новік;
■ намеснік дырэктара Ірына Рыбалко;
■ дырэктар па персаналу Надзея Адамовіч;
■ намеснік галоўнага рэдактара Максім Гайко;
■ журналіст Алена Талкачова;
■ інжынер-праграміст Віталь Каліноўскі;
■ бізнес-аналітык Вадзім Трусаў;
■ начальнік аддзела маркетынгу Ганна Заяц;
■ начальнік аддзела продажаў Марына Кушнярэвіч;
■ менеджэр Андрэй Аўдзееў.

"Справа TUT.by". Рэдактарка Вольга Лойка затрыманая на 72 гадзіны і знаходзіцца ў ізалятары на Акрэсціна. З раніцы яна была ў офісе рэдакцыі, там яе і затрымалі сілавікі.

Яе працэсуальны статус пакуль невядомы, паведамляе @tutby_official

Журналіст газеты "Белорусы и рынок" Арцём Маёраў знаходзіцца ў ізалятары на Акрэсціна. Сваякі распавялі @euroradio, што дзяжурны пацвердзіў яго затрыманне. Арцём перастаў выходзіць на сувязь сёння раніцай, калі прыехаў да офіса TUT.BY.

Дзе астатнія затрыманыя журналісты — пакуль невядома, але верагодна, што яны таксама на Акрэсціна.

Дырэктара сайта av.bу Дзмітрыя Гераніна, якога затрымлівалі ўдзень 18 траўня, адпусцілі. Цяпер ён дома, і з ім адносна ўсё ў парадку. З яго ўзялі падпіску аб неразгалошванні.

"Справа TUT.by". Галоўная рэдактарка Марына Золатава — падазраваная, па словах мужа, яе адвязуць на Акрэсціна пасля допыту ў ДФР, паведамляе @tutby_official. Адваката да яе не пусцілі, "таму што сёння не будзе следчых дзеянняў".

UPD. Журналістку выдання Алену Талкачову адвезлі на Акрэсціна.

Спіс палітвязняў сёння павялічыўся адразу на 21 чалавека. Цяпер іх у Беларусі — 398.

https://euroradio.pl/spis-palitvyaznyau-pavyalichyusya-na-21-chalaveka

“Справа TUT.by”. Саўладальніца парталу Юлія Чарняўская не з’явілася дома пасля выпіскі са шпіталю, паведамляе яе дачка. Дзе маці — яна не ведае.

“Справа TUT.by”. Праграміст выдання Віталь Каліноўскі адпушчаны дадому. Ён пад падпіскай ад неразгалошванні.

"Ферма рухнула і загадчыца рухнула": як жывуць вёскі, дзе хацелі, але не пабудавалі АЭС.

Гэтыя месцы маглі стаць "Астраўцом" — з гатэлем і барамі. Але цяпер паміраюць, амаль нікому не патрэбныя. @euroradio наведала вёскі, якія разглядаліся як пляцоўкі для БелАЭС, паглядзела, ува што яны ператварыліся, і паразмаўляла з тамтэйшымі аб няздзейсненай мары і жыцці на пенсіі.

https://euroradio.pl/ferma-i-zagadchyca-ruhnuli-yak-zhyvuc-vyoski-dze-haceli-ale-ne-pabudavali-aes

З офіса TUT.BY пачалі адпускаць людзей. У рэдакцыі застаецца яшчэ каля 20 чалавек, паведамляе @bajby.

Сілавікі забралі ў іх тэлефоны і з кожнага бяруць падпіску аб неразгалошванні.

Важныя падзеі аўторка, 18 траўня, у праграме Еўразум

1:10 Атака на TUT.by: што вядома
4:34 Навіны спорту
6:13 Што кепскага ў тым, што “неверагодныя” сталі “змагарамі” — меркаванне філосафа Уладзіміра Мацкевіча
23:19 Навіны шоў-бізу
25:47 Пластычнаму тэатру “ІнЖэст” — 40 гадоў: размова з Вячаславам Іназемцавым

Журналіст @onlinerby Аляксандр Чарнуха амаль 12 гадзін знаходзіўся ў рэдакцыі TUT.BY падчас вобшуку.

Каля 22:30 яго вывелі з будынку і пасадзілі ў машыну. Куды павезлі журналіста, пакуль не вядома.

Дагэтуль няма інфармацыі і аб фатографцы TUT.BY Дар'і Буракінай.

UPD. Ноччу і Чарнуху, і Буракіну адпусцілі. За краты адправілі толькі Арцёма Маёрава.

На свабоду выйшла журналістка TUT.BY Кацярына Барысевіч. За праўду пра тое, што ў крыві збітага да смерці Рамана Бандарэнкі было нуль праміле алкаголю, яна правяла за кратамі паўгода.

Вось так сустракалі Кацярыну каля калоніі. Відэа @tutby_official

Сайт TUT.by не проста заблакаваны, а фактычна знішчаны. Доступа да самага буйнога інфармацыйнага партала Беларусі няма ні праз VPN, ні праз люстэркі. Яны недасяжныя таксама з-за мяжы.

Але рэдакцыя працягвае працаваць у сацсетках:

Telegram: https://t.me/tutby_official
Facebook: https://www.facebook.com/tut.by
"ВКонтакте": https://vk.com/tutby
Instagram: http://instagram.com/tutbylive

#ЯМыСМИ

На вопратцы журналісткі Кацярыны Барысевіч, якая сёння выйшла з калоніі ў Гомелі, можна заўважыць жоўтую бірку з яе прозвішчам і ініцыяламі.

Пра тое, што менавіта так пазначаюць “палітычных” у шклоўскай калоніі, раней распавядаў палітвязень Вітольд Ашурак.

UPD. У каментары @tutby_official Барысевіч так патлумачыла наяўнасць жоўтай біркі:

“Гэта значыць толькі тое, што я змяшчалася ў калоніі. Я яе [жоўтую бірку] сама прышывала”.