24 лістапада ў Беларусі не было вулічных пратэстаў. Але рэпрэсіі супраць журналістаў працягнуліся. Сілавікі правялі ператрус у кватэры Ігара Ільяша — там знойдзены пратакол канфіскацыі рэчаў. Тэлефоны Ільяша недасяжныя, сам ён, мяркуючы па ўсім, затрыманы.

Журналістка Кацярына Андрэева — жонка Ігара Ільяша — затрыманая па крымінальнай справе. Яе, а таксама Дар'ю Чульцову і Кацярыну Барысевіч, у дачыненні да якіх таксама распачатыя крымінальныя справы, праваабаронцы сёння прызналі палітвязнямі.

Па сацсетках гуляе скрыншот пра тое, як са 150 турыстаў, якія збіраліся з Мінска ў Хургаду на адпачынак, 130 не прайшлі тэст на COVID-19 і нікуды не паляцелі. Насамрэч, усё не так драматычна. Але... Колькі турыстаў, якія перад палётам здаюць ПЛР-тэсты, у выніку нікуды не ляцяць, бо з'яўляюцца кавід-станоўчамі? Распыталі ў тураператараў: https://euroradio.pl/10-15-turystau-zdymayucca-z-reysau-z-belarusi-u-egipet-praz-covid-19

Лукашэнка часта кажа пра тое, што нікому не дазволіць перапісваць гісторыю Беларусі. Але нават не ўсе чыноўнікі згодныя з ім. На сайце Адміністрацыі Ленінскага раёна Мінска Якава Свярдлова (памёр у 1919), Каруся Каганца (памёр у 1918) і Янку Лучыну (памёр у 1897) запісалі ў вызваліцеляў беларусі ад фашызму. Ды і само вылучэнне "представителей других национальностей, которые боролись за освобождение нашей Республики" — даволі спрэчны крок.

Алькала-дэ-Энарэс. БЧБ-сцяг у руках Дон-Кіхота ля дома-музея Мігеля дэ Сервантэса, які тут нарадзіўся.

З Магілёўскага абласнога драмтэатра звольнілі дырэктара Андрэя Новікава

З Новікавым скасавалі кантракт праз тое, што ён адмовіўся звальняць сваіх супрацоўнікаў за іх грамадзянскую і палітычную пазіцыю. Пры гэтым кантракт быў перазаключаны ў верасні 2020 года.

Раней начальнік упраўлення культуры Магілёўскага абласнога выканаўчага камітэта Алег Сцельмашак абяцаў калектыву тэатра, што за іх погляды і грамадзянскую пазіцыю кіраўніка караць не будуць.

Разблакаваны дамен "Нашай Нівы" NN.by. Цяпер на яго могуць заходзіць і карыстальнікі з Беларусі.

Доступ да сайта NN.by быў абмежаваны 28 жніўня. Тады ж стала вядома пра блакіроўку больш за 70 інтэрнэт-рэсурсаў. "Наша Ніва" змагла атрымаць спіс артыкулаў, праз якія яе заблакавалі, і выдаліла іх. Цяпер на іх месцах стаяць заглушкі (напрыклад, вось так).

Сайт @euroradio Euroradio.fm застаецца заблакаваным у Беларусі з 9 жніўня. Гэта стварае нам пэўныя нязручнасці, але не спыняе: чытаць нас можна на люстэрку Euroradio.pl, і ў сацсетках (Youtube, Facebook, Instagram. Дарэчы, падпісвайцеся на наш інстаграм, там мы публікуем самыя крутыя фоты нашых карэспандэнтаў!). Што да разблакіроўкі сайта Еўрарадыё, дык мы пакуль не змаглі дамагчыся ад чыноўнікаў нават спіса артыкулаў, паводле якіх да нас прэтэнзіі.

Затрыманы былы беларускі следчы Яўген Юшкевіч. Цяпер ён у мінскім ізалятары ў завулку Акрэсціна, а яго акаўнты ў твітары і ў тэлеграме недасяжныя.

15 сутак на Акрэсціна: чым яны запомніліся расійскаму журналісту?

Аглядальніка расійскага “МБХ медыя” Рамана Папкова затрымалі ў Мінску 7 лістапада на акцыі пратэсту каля плошчы Перамогі. Суд чакана скончыўся 15-цю суткамі ў ізалятары. Адразу па вызваленні Папкоў з’ехаў з Беларусі.

Чым запомняцца расійскаму аглядальніку беларускія пратэсты, справядлівы беларускі суд і сумнавядомы ізалятар на Акрэсціна? Як да яго ставіліся супрацоўнікі ІЧУ і якімі сустрэчамі запомняцца журналісту гэтыя 15 сутак? Адказвае аглядальнік “МБХ медыя” Раман Папкоў.

https://youtu.be/jDYXUgw91FQ

Новая вокладка польскага VOGUE. Надпіс у цэнтры: "Сіла жанчын".

Начальнік мінскага АМАП Дзмітрый Балаба не прыйшоў у суд над студэнтам, які асадкай напісаў на дошцы абвестак яго пад'ездзе "Балаба — забойца". Пракурор зачытала хадайніцтва "пацярпелага" пра разгляд справы без яго — "праз хваробу".

На мінулым тыдні ў СМІ з'явілася інфармацыя, што Балаба хварэе на COVID-19.

Відэа @sputnikby

Каталіцкі біскуп Юры Касабуцкі, які цяпер фактычна прадстаўляе каталіцкую царкву ў Беларусі, гатовы да таго, што ў адносінах да яго могуць распачаць крымінальную справу:

"Не выключаю, што неўзабаве да пераліку катэгорый людзей, якія сядзяць за кратамі, будуць далучаныя і святары, біскуп... Рэпрэсіі трываюць, працягваюцца допыты, і магчыма распачацце крымінальнай справы ў дачыненні да мяне і а. Сергія. Я гатовы".