የኢትዮጵያ መገናኛ ብዙኃን ባለሥልጣን ከአውሮፓ ህብረት የኢትዮጵያ አምባሳደር ተወካይ ጋር በጋራ በሚሰሩባቸው ጉዳዮች ዙሪያ ውይይት አካሄደ

አዲስ አበባ፣ ሚያዝያ 30/2017 ዓ/ም፤ (Ethiopian Media Authority)

የኢትዮጵያ መገናኛ ብዙኃን ባለሥልጣን ዋና ዳይሬክተር ሳምሶን መኮንን (ዶ/ር)፣ የአውሮፓ ህብረት አምባሳደር ሶፊ ጋር በትብብር በሚሰሩ ስራዎች ዙሪያ ውይይት አካሂደዋል።

አምባሳደሯ፤ የኢትዮጵያ መገናኛ ብዙኃን ባለሥልጣን የሚዲያው ዘርፍ የተሻለ እንዲሆን ጥሩ ስራ እየሰራ እንደሆነ ገልጸው፤ ቀጣይ ተቋሙ በሚሰራቸው ስትራቴጂክ ጉዳዮች ዙሪያ አጋርነታቸውን እንደሚያሳዩ ተናግረዋል።

በኢትዮ-ቻይና የሚዲያ አጋርነት ዘርፉን ለማጠናከር ከስምምነት ላይ መደረሱ ተገለጸ

አዲስ አበባ፣ ግንቦት 7፣ 2017 ዓ/ም

በኢትዮ-ቻይና የሚዲያ አጋርነት የሚዲያ ዘርፉን ለማጠናከር በትብብር መስራት በሚቻልባቸው ጉዳዮች ዙሪያ ከስምምነት መደረስ መቻሉ የኢትዮጵያ መገናኛ ብዙኃን ባለሥልጣን ከቻይናዉ ብሔራዊ ሬዲዮ እና ቴሌቪዥን አስተዳደር ጋር በጋራ በሚሰሩባቸው ጉዳዮች ዙሪያ በተወያዩበት ወቅት ተገልጿል፡፡

የቻይና ብሄራዊ ሬዲዮ እና ቴሌቪዥን አስተዳደር ሚኒስትር በሆኑት ሚስ ሳዎ ሹሚን የተመራ ልዑክ ከኢትዮጵያ መገናኛ ብዙኃን ባለሥልጣን ዋና ዳይሬክተር ሳምሶን መኮንን (ዶ/ር) እና ከተቋሙ ከፍተኛ አመራሮች ጋር በትብብር በሚሰሩ ጉዳዮች ዙሪያ የተወያዩ ሲሆን፤ እንደ ሀገር ያለውን የኢትዮጵያ እና የቻይና መልካም ግንኙነት በሚዲያው ዘርፍ በማጠናከር ኢንዱስትሪውን ወደ ላቀ ደረጃ ለማሸጋገር ከስምምነት ላይ ተደርሷል፡፡

ሁለቱ ተቋማት የሚዲያ ምህዳሩን በቴክኖሎጂ ለማዘመን፣ ጥራት ያላቸውን ይዘቶች ለማምረት፣ የስርጭት ተደራሽነትን ለማስፋት እንዲሁም የአቅም ግንባታ ስራዎች ለመስራት በሚቻልባቸው ጉዳዮች ዙሪያ ከስምምነት ላይ ደርሰዋል።

የሚዲያው ዘርፍ በጥናትና ምርምር ላይ የተመሰረቱ ስራዎችን በመስራት ዘርፉ ያለውን አቅም በሚገባ መጠቀም እንዲችል የተሞክሮ ልውውጦችን በማድረግና ትብብርን የበለጠ በማጎልበት የአቅም ግንባታ ስራዎችን በመስራት ዘርፉን በጋራ ለማጠናከር እንደሚሰራ ተገልጿል፡፡

በሚዲያው ዘርፍ የሚኖረው ጠንካራ ግንኙነት በኢትዮጵያና ቻይና ዘርፈ ብዙ ግንኙነትን የበለጠ ማጎልበት እንደሚችል ተገልጿል፡፡