🇪thio ቴክ

በዓለም አቀፍ ደረጃ መነጋገሪያ የሆኑት "ገንዘብ ለማግኘት ይጫወቱ " (play-to-Earn) ጌሞች ፦

የጌሙ ዓለም በ "ገንዘብ ለማግኘት ይጫወቱ" (play-to-Earn) ጌሞች መጨመር ጋር ትልቅ ለውጥ እያመጣ ነው።

በእነዚህ አዲስ ሃሳብ ይዘው የመጡ ጌሞች ውስጥ፣ ተጫዋቾች መዝናናት ብቻ ሳይሆን በሚጫወቱበት ጊዜ ክሪፕቶከረንሲንን ሊያገኙ ይችላሉ።

በዚህም ምክንያት በዓለም ዙሪያ በሚሊዮን የሚቆጠሩ ተጠቃሚዎች በዲጂታል ሽልማቶች እና በነዚህ ልዩ የሆኑ ጌሞች በመሳብ ወደ እነዚህ ጌሞች እየጎረፉ ነው።

ጠልቀን ከመግባታችን በፊት ግን የተወሰኑ " ገንዘብ ለማግኘት ይጫወቱ " (play-to-Earn) ጌሞችን እንይ።

Notcoin ፣ TapSwap (@tapswapai) እና Hamster Kombat (@hamster_kombat) ምንድናቸው ?

እነዚህ ታዋቂ "ገንዘብ ለማግኘት ይጫወቱ" (play-to-Earn) ጌሞች ምሳሌ ናቸው።

እነዚህ ጌሞች በአይነት ሊለያዩ ይችላሉ ዋናው የነዚህ ጌሞች ባህሪ ግን ተጫዋቾቹን በጨዋታ ውስጥ ለሚያደርጉት እንቅስቃሴ ግብዓቶችን መሰብሰብ ክሪፕቶ ከረንሲ መሸለማቸው ነው።

እነዚህ ጌሞች እንዴት እንዲህ በዓለም አቀፍ ደረጃ ተወዳጅ ሊሆኑ ቻሉ ?

እነዚህ ጌሞች በዋናነት እንደ ቴሌግራም እና ዲስኮርድ (Discord) ያሉ መድረኮች ላይ ያሉ የኦንላይ ላይ ማህበረሰቦችን (Online communities) ኃይል ይጠቀማሉ።

በተጨማሪም የነጻ ክሪፕቶከረንሲ መኖር አዳዲስ ተጫዋቾችን ይስባል፣ ይህም የተጫዋቾችን ቁጥር ይጨምራል።

አንዳንድ መረጃዎች እንደሚያሳዩትም እንዚህ ጌሞች በሚሊዮኖች የሚቆጠሩ ተጫዋቾች እንዳላቸው ነው።

Hamster Kombat የተባለው ጌም 3 ወር ባልሞላ ጊዜ ውስጥ ከ 110 ሚሊዮን በላይ ተጠቃሚ እንዳፈሩ በትዊተር ገጻቸው ገልጸዋል።

ገንዘብ ማውጣት : የክሪፕቶ ሽልማቶችን ወደ እውነተኛ ገንዘብ መቀየር ?

ነገሮች ትንሽ የሚወሳሰቡበት እዚህ ጋር ነው።

የተገኘው ክሪፕቶከረንሲ፣ ክሪፕቶከረንሲ ኤክስቼንጅስን (Cryptocurrency exchanges) በመጠቀም ወደ ታዋቂ እና የተረጋገጡ ክሪፕቶከረንሲዎች (እንደ ቢትኮይን) አልፎ ተርፎም ወደ ባህላዊ ገንዘብ (ዶላር፣ ዩሮ፣ ብር የመሳሰሉት) ሊቀየር ይችላል።

እነዚህ ክሪፕቶከረንሲ ኤክስቼንጅስ (Cryptocurrency exchanges) መድረኮች ተጠቃሚዎች የተለያዩ ክሪፕቶከረንሲዎችን እንዲገዙ፣ እንዲሸጡ እና እንዲነግዱ የሚያስችሉ ናቸው።

ነገር ግን እነዚህ በሽልማት የተገኙ ክሪፕቶከረንሲዎች መሸጫ መድረኮች ላይ የሚገኙ ነው ወደ ባህላዊ ገንዘብ (ዶላር፣ ዩሮ፣ ብር የመሳሰሉት) መቀየር የሚቀለው።

ግን የዚህ ሁሉ ሞተር የሆነው ክሪፕቶከረንሲ (Cryptocurrency) ምንድነው ?

ክሪፕቶከረንሲ እንደ መገበያያ ገንዘብ ለመስራት የተነደፈ ዲጂታል ንብረት ነው።

በመንግስታት ቁጥጥር ስር ካሉት ባህላዊ ገንዘቦች በተለየ መልኩ ብሎክቼን (blockchain) በሚባል አንድ ማዕከላዊ የሆነ መቆጣጠሪያ የለለው ስርዓት ላይ ይሰራል።

ይህ ቴክኖሎጂ ደህንነቱ እጅግ የተጠበቀ እና ግልጽ ግብይቶችን ያካሂዳል። ታዋቂ የሆኑትን ቢትኮይን እና ኢተሪየም(Ethereum) ክሪፕቶከረንሲዎችን እንደ ምሳሌ መውሰድ ይቻላል።

" ገንዘብ ለማግኘት ይጫወቱ " (play-to-Earn) ሰለሚባሉት ጌሞች ባህሪ እና እንዴት እንደሚሰሩ፣ ሊኖሩ ስለሚችሉ አደጋዎች፣ ሽልማቶች በጥልቀት የምናይበትን ቀጣዩ ክፍላችንን ይጠብቁ!

#TikvahTechTeam

@tikvahethmagazine

👍4❤1

1.39K viewsTheodore, 21:11