የሀገራዊ ምክክር የተሳታፊ ልየታ ባለበት ከቀጠለ ለምክክሩ ዕውቅና እንደማይሰጥ የአማራ ክልል መጅሊስ አስታወቀ

የአማራ ክልል እስልምና ጉዳዮች ከፍተኛ ምክር ቤት የሀገራዊ ምክክር የተሳታፊ ልየታ አሠራር ሳይሻሻል ባለበት የሚቀጥል ከሆነ ለምክክሩ ዕውቅና እንደማይሰጥ በዛሬው እለት አስታወቀ። ምክር ቤቱ በአማራ ክልል ከዕውቅና ውጪ ሙስሊሙን በማግለል ሀገራዊ ምክክር ኮሚሽን የመጀመሪያ ዙር ጉባዔ ማካሄዱን ገልጿል።

ምክር ቤቱ ይህንኑ ዛሬ ግንቦት 12/2016 ለሀገራዊ ምክክር ኮሚሽን፣ ለአማራ ክልል ርእሰ መስተዳድር እና ለክልሉ ሰላምና ደኅንነት ቢሮ በጻፈው ደብዳቤ ላይ አስታውቋል።

በአማራ ክልል እስልምና ጉዳዮች ከፍተኛ ምክር ቤት ፕሬዝዳንት ሸይኽ ጀውሐር ሙሐመድ በተጻፈው ደብዳቤ፣ የሀገራዊ ምክክር ኮሚሽን በክልሉ ባካሄደው ጉባዔ ላይ ያሳተፈው የኔ የሚለውን ብቻ እንደሆነ ተጠቁሟል።

አካሄዱን የተቸው ምክር ቤቱ፣ ሕዝበ ሙስሊሙን ያገለለ ሀገራዊ ምክክር የሚፈለገውን መልካም ውጤት ያመጣል የሚል እምነት እንደሌለውም አብራርቷል።

ምክር ቤቱ በደብዳቤው፣ አሁን ሀገራዊ ምክክር ኮሚሽን በአማራ ክልል እየሄደበት ይገኛል ያለውን አሠራር እንዲያሻሽል ጠይቋል።

የኢትዮጵያ ሀገራዊ ምክክር ኮሚሽን፣ ባለፈው ሳምንት በተመሳሳይ የሚያካሄደውን የተሳታፊ አካላት ልየታ በፍትሐዊነት በድጋሚ እንዲቃኝ በኢትዮጵያ እስልምና ጉዳዮች ጠቅላይ ምክር ቤት ጥያቄ ቀርቦለት ነበር።

ጠቅላይ ምክር ቤቱ ኮሚሽኑ በሚያካሄደው ምክክር ላይ የሕዝበ ሙስሊሙ አጀንዳ እንዲካተት፣ የተሳታፊ አካላት ልየታ በፍትሐዊነት በድጋሚ እንዲቃኝ ቢጠይቅም ምላሽ እንዳላገኘ ገልጿል፡፡

የኢትዮጵያ ሀገራዊ ምክክር ኮሚሽን አደርገዋለሁ ላለው ምክክር ተወካይ ያስመርጣሉ ተብለው ከተለዩ የኅብረተሰብ ክፍሎች መካከል ሴቶች፣ ወጣቶች፣ የመንግሥት ሠራተኞች፣ መምህራን እና የማኅበረሰብ መሪዎች፣ የተገለሉ ኅብረተሰብ ክፍሎች፣ ዕድሮች እና የንግዱ ማኅበረሰብ ተካተዋል። በዚህ ዝርዝር ውስጥ የሃይማኖት ተቋማት ተዘለዋል፡፡

የኢትዮጵያ እስልምና ጉዳዮች ጠቅላይ ምክር ቤት ከሳምንት በፊት በእስላማዊ ጉዳዮች ላይ አተኩረው ከሚሠሩ የመገናኛ ብዙኃን ባለሞያዎች እና አንቂዎች ጋር ባካሄደው ውይይት ላይ በምክክር ኮሚሽኑ የተሳታፊ አካላት ልየታ የተመረጡ ሙስሊሞች ቁጥር ከ2 በመቶ በታች እንደሆነ ይፋ አድርጓል።
መረጃወችን ለወዳጄ ዘመድ ሼር ያርጉ!
የቴሌግራም ቻናላችን ከስር በሊንኩ ይቀላቀሉ👇
https://t.me/+UAKV32q7U2HKzEMf

ድሮ ሽማግሌ ለትዳር ጥየቃ ሲላክ አይመለስም ነበር። ትዳር የተከበረ ነዋ 👉 ቤተሰብ ታዲያ የጠየቃትን ለሰው አጭተው ከሆነ "እሷን ሰጥተናል ባይሆን ታናሿም ታላቋም አለች፣ ያጎቷ ልጅም አለች የፈለገውን ይምረጥ ይባላል። ሽማግሎቹ በሳምንቱ አፕሊኬሽን ፎርም ቀይረው ይገባሉ። ይህ አይነት ትዳር ታዲያ የፍች ብዛቱ (divorce rate) አነስተኛ ነበር። ምክንያቱ ደሞ የፍቅር ውልደቱና እድገቱ ጉልምስናውም ይሁን ትዝታው ከተጣመርክ በኋላ ስለሚሆን ነው።

እስቲ ያገባችሁ ሰዎች ተዋውቃችሁ ኒካህ ለማድረግ ምን ያህል ጊዚ ፈጀባችሁ ስንት አመት ቆታችሁ። እኔ ከጋብቻ በፊት 3 ቀን ፈጅቶብኛል። እና 24 አመት ኖርን አልሀምዱሊላህ።

ኢትዩጵያ ውስጥ ያለው የፍች ስርጭት እንደ አንድ ጥናት (Muntasir etal 2018) ይሄን ይመስላል:: በአብዛሀኛው ሙስሊም የበዛበት አካባቢ ፍች ያነሰ ይመስላል። እንደ አገር ግን ከ4ቱ ትዳር አንዱ እየፈረሰ ነው ። እርግጥ አንዳንድ ቦታ ከ2ቱ አንዱ እየፈረሰ ነው

Kb

ይገኛሉ ‼️

ግንቦት 18 በከተማችን ኮምቦልቻ በሚዘጋጀው አገር አቀፍ የምስጋናና የሰላም ኮንፈረንስ ላይ ይገኛሉ ‼️

ሳዑዲ ዐረቢያ ምዕመናን በዑምራ ቪዛ ወደ መካ ከተማ መግባት የሚችሉት ለቀጣይ ሦስት ቀናት ብቻ ነው አለች


የሳዑዲ ዐረቢያ ሐጅ እና ዑምራ ሚኒስቴር የዑምራ ቪዛ የያዙ ምዕመናን ወደ መካ መግባት የሚችሉትን ቀነ ገደብ አስቀመጠች፡፡ ሚኒስቴሩ ከጁመዐ ግንቦት 16 አንስቶ እስከ ሰኔ 19//2016 የሐጅ ቪዛ የያዙ ምዕመናን ብቻ ወደ መካ መግባት እንደሚችሉ ገልጿል፡፡

የዑምራ ቪዛ የያዙ ምዕመናን ላይ ቀነ ገደብ ያስቀመጠችው ሳዑዲ ዐረቢያ፣ ከግንቦት 1/2016 ጀምሮ ከመላው ዓለም ለሐጅ ሥነ ሥርዐት ክንውን ሑጃጆችን በመቀበል ላይ እንደምትገኝ ይታወቃል፡፡ ከሑጃጀቹ መካከል 45 ኢትዮጵያውንን የያዘው የሳዑዲ አየር መንገድ አውሮፕላን ንጋት ላይ መዲና መድረሱ ተነግሯል፡፡

ከመላው ዓለም ከሁለት ሚሊዮን በላይ ሑጃጆችን የምታስተናግደው ሳዑዲ ዐረቢያ፣ ሑጃጆችን ብቻ ለማስተናገድ በሚል ካስቀመጠችው ቀነ ገደብ በኋላ ያለ ሐጅ ቪዛ ወደ መካ የሚገቡ ምዕመናን ላይ መቀጮ እንደምትጥል ከዚህ ቀደም ማሳሰቢያ መስጠቷ ይታወሳል፡፡ የሐጅ እና ዑምራ ሚኒስቴር ያወጣው የመቀጮ ደንብ ተግባራዊ መሆን የሚጀምረው በሚቀጥለው ሳምንት ግንቦት 25/2016 ነው፡፡

ከተጠቀሰው ቀን በኋላ ያለ ሐጅ ቪዛ ወደ መካ ከተማ የሚገቡ ምዕመናን ላይ የሚጣለው የገንዘብ መቀጮ 10 ሺሕ የሳዑዲ ዐረቢያ ሪያል ነው፡፡ መቀጮው ተፈጻሚ የሚሆነው ከውጪ ሀገራት ወደ ሳዑዲ የሚገቡ ምዕመናን ላይ ብቻ ሳይሆን፣ በሀገሪቱ ዜጎችም ላይ ነው ተብሏል፡፡ ደንቡን በተደጋጋሚ የሚጥሱ የውጪ ሀገራት ዜጎች 100 ሺሕ ሪያል ተቀጥተው ከሳዑዲ እንደሚባበሩ እንዲሁም ዳግመኛ እንዳይገቡ እገዳ እንደሚጣልባቸው የሐጅ እና ዑምራ ሚኒቴር መግለጫ ያመለክታል፡፡

አዲሱ ደንብ ከምዕመናን በተጨማሪ የትራንስፖርት አገልግሎት በሚሰጡ ላይ ተግባራዊ የሚደረግ ነው፡፡ በዚህም ያለ ፍቃድ የትራንስፖርት አገልግሎ በሚሰጡ ላይ የ6 ወር እስር እንዲሁም 50 ሺሕ ሪያል መቀጮ ይጣላል፡፡ የትራንስፖርት አገለግሎት ሰጪው የሚጠቀምበት ተሽከርካሪ ሊወረስ እንደሚችልም ደንቡ ያትታል፡፡