ለኢራን በፓኪስታን የተደረገ ተቃውሞ ሰልፍ‼

◦የፓኪስታን መንግስት ለትራፕ የሰላም የኖቤል ሽልማት እንዲሰጥ እጩ አድርጎ  አቅርቧል፡፡ህዝብ አደባባይ ወጥቶ ትራፕን ይቃወማል፡፡

◦ትላንት እሁድ ሰኔ 15 ቀን 2017 ዓ.ም በፓኪስታን የካራቺ ከተማ ህዝብ ለተቃውሞ ሰልፍ ጎዳና ወጥቷል። በሰልፉ እስራኤል እና አሜሪካን በማውገዝ ለኢራን ህዝብና መንግስት ያለውን ድጋፍ ገልጿል።

@Ethionew_433 @Ethionew_433

ኢራን ወሳኙን  የነዳጅ መተላለፊያ እንዳትዘጋ አሜሪካ ለቻይና ጥሪ አቀረበች።

ኢራን የዓለማችን አንድ አምስተኛው የድፍድፍ የነዳጅ ዘይት መተላለፊያ የሆነውን የሆርሙዝ ሰርጥ እንዳትዘጋ ተጽዕኖ ለመፍጠር የአሜሪካው የውጭ ጉዳይ ሚኒስትር ማርኮ ሩቢዮ ለቻይና ጥሪ አቀረቡ።

አሜሪካ በኢራን ላይ የፈጸመቻቸውን ጥቃት ተከትሎ በኢራን እና በኦማን መካከል የሚገኘውን የሆርሙዝ ሰርጥ እንዲዘጋ የአገሪቱ ፓርላማ መወሰኑን የኢራን መንግሥታዊ ሚዲያዎች ዘግበዋል።

“የቻይና መንግሥት በዚህ ጉዳይ ላይ ተጽእኖ እንዲያደርግ አበረታታለሁ። ምክንያቱም እነሱም ቢሆን ነዳጅ ለማግኘት በሆርሙዝ ሰርጥ ላይ በእጅጉ ጥገኛ ስለሆኑ” ሲሉ ሩቢዮ ለፎክስ የዜና ወኪል ተናግረዋል።

ሩቢዮ ለኢራን ባስተላለፉት መልዕክት “ይህንን ካደረጉ ሌላ አስከፊ ስህተት ነው። ለነሱም ቢሆን ኢኮኖሚያዊ ራስን ማጥፋት ነው” የሚል አስተያየት ሰጥተዋል።

በዚህ ወሳኝ የመተላለፊያ መስመር የነዳጅ አቅርቦት መስተጓጎል ለአለም ምጣኔ ኃብት ከፍተኛ መዘዝ ያስከትላል የተባለ ሲሆን የዓለም አቀፉን የነዳጅ ዋጋ እንዲያሻቅብ ያደርገዋል።

በተጨማሪም በዚህ መስመር ዋነኞቹ ነዳጅ አስመጪዎች ቻይና፣ ህንድና ጃፓን ከፍተኛ ችግር ያስከትልባቸዋል ተብሏል።

ተንታኞች የሆርሙዝን ሰርጥ የመዝጋት ስልጣን ከፓርላማው ይልቅ የጸጥታ ባለስልጣናቱ ነው ይላሉ።

ለዚህም የሚሰጡት ምክንያት ኢራን በሰርጡ በኩል ለራሷ ወጪ ንግድ የምትጠቀምበት በመሆኑ ራሷን የሚጎዳ አጸፋዊ እርምጃ እንደሆነ ይጠቅሳሉ።

@Ethionew_433 @Ethionew_433