ዩኒቨርሲቲዎች ዓለም ያለችበትን ሁኔታ የተገነዘቡ፤ ሀገርን ከችግር ሊያወጡ የሚችሉ ጥናትና ምርምሮች በማድረግ እውነትና እውቀትን መሠረት ያደረገ ሀሳብ የሚፈልቅባቸው ተቋማት ሊሆኑ ይገባል። የትምህርት ሚኒስትሩ ፕሮፌሰር ብርሃኑ ነጋ

-----------------------------------------------

(ሐምሌ 29/2017 ዓ.ም) የትምህርት ሚኒስትሩ በከፍተኛ ትምህርት ተቋማት የለውጥ ምክር ቤት ማጠቃለያ ፕሮግራም ላይ ተገኝተው በስተላለፉት መልዕክት አሁን ካለንበት የትምህርት ጥራት ችግር ለመውጣት ትልቅ ለውጥ ሊያመጡ የሚችሉ ሪፎርሞች ተቀርፀው በትምህርት ሴክተሩ እየተተገበሩ መሆኑን ጠቅሰዋል።

በተለይም ዩኒቨርሲቲዎች ዓለም ያለችበትን ሁኔታ የተገነዘቡ፤ ሀገርን ከችግር ሊያወጡ የሚችሉ ጥናትና ምርምሮች በማድረግ እውነትና እውቀትን መሠረት ያደረገ ነፃ ሀሳብ የሚፈልቅባቸው ተቋማት ሊሆኑ ይገባል ነው ያሉት።

እንደ ህብረተሰብ እንዳንጠፋ ከፈለግን ይህንን የሚቋቋም ትውልድ ለመፍጠር በመሰረታዊነት በመናበብ ከላይ እስከ ታች እነዚህን ሪፎርሞች መተግበር ይገባናል ብለዋል።

በዚህም በኢትዮጵያ ከፍተኛ ትምህርት ተቋማት ጥራት ያለው ትምህርት እንዲኖረን እንፈልጋለን ያሉት ሚኒስትሩ ከዚህ በኋላ በዩኒቨርሲቲዎች መካከል የሚኖር ውድድር በሚሰጡት የትምህርት ጥራት እና በሚሰሯቸው ጥናትና ምርምሮች ብቻ መሆን እንዳለበትም አሳስበዋል።

አክለውም ብቃት ያላቸው ተማሪዎች በጋራ ተሰብስበው ብቃት ባላቸው መምህራን የሚማሩበት ከባቢ በዩኒቨርስቲዎች እንዲፈጠር እንፈልጋለንም ብለዋል።

የከፍተኛ ትምህርት ልማት ዘርፍ ሚኒስትር ዴኤታ አቶ ኮራ ጡሹኔ በበኩላቸው ይህ የለውጥ ምክር ቤት ጉባኤ የከፍተኛ ትምህርት ዘርፉ ወዴት እየሄደ ነው፤ እንዴት ሪፎርሙ መተግበር እንችላለን የሚለውን ማየት የተቻለበት ነው ብለዋል።

የቁልፍ ተግባራት አፈፃፀምም ዩኒቨርሲቲዎችን ደረጃ ለማውጣት ሳይሆን ዩኒቨርሲቲዎቹ ምን ደረጀ ላይ ናቸው የሚለውን ያየንበት ነበር ያሉ ሲሆን

በአጠቃላይ ለሁለት ቀናት የቆየው ጉባኤ በትምህርት ስርዓቱ ላይ እየተደረገ ስላለው ለውጥ የጋራ መግባባት ላይ የተደረሰበት እንደሆነም ተናግረዋል።

''የከፍተኛ ትምህርት ለላቀ ተፅዕኖ" በሚል በጎንደር ዩኒቨርሲቲ አስተናጋጅነት ሲካሄድ የነበረው የኢትዮጵያን የመንግስት ከፍተኛ ትምህርት ተቋማት የለውጥ ምክር ቤት ጉባኤም ተጠናቋል።

የ12ኛ ክፍል ብሔራዊ ፈተና ውጤት ነገ ይፋ ይደረጋል።

የትምህርት ሚኒስቴር የ12ኛ ክፍል ብሔራዊ ፈተና ውጤት ነገ ይፋ እንደሚደረግ አሳውቋል።

የፈተና ውጤቱን አስመልክቶ ነገ ከቀኑ 10 ሰዓት ጀምሮ መግለጫ ይሰጣል።
#Update
#MoE
#Grade12Result
https://t.me/MinistryOfEducationEthiopia

የ2017 ዓ.ም ትምህርት ዘመን የ12ኛ ክፍል ማጠናቀቂያ ፈተና ውጤት ካለፉት ዓመታት ጋር ሲነጻጸር ለውጥ መምጣቱን የሚያሳይ መሆኑን ተገለጸ።
-------------------//---------------
የትምህርት ሚኒስትሩ ፕሮፌሰር ብርሃኑ ነጋ የ2017 የትምህርት ዘመን የ12ኛ ክፍል ማጠናቀቂያ ሀገር አቀፍ ፈተና ውጤትን አስመልክቶ ለጋዜጠኞች ማብራሪያ ሰጥተዋል።

የ2017 ዓ.ም ትምህርት ዘመን የ12ኛ ክፍል ማጠናቀቂያ ፈተና ውጤት ካለፉት ዓመታት ጋር ሲነጻጸር ለውጥ መምጣቱን የሚያሳይ መሆኑንም ተናግረዋል።

የዘንድሮው የ12ኛ ክፍል ፈተናን ከተፈተኑት ተማሪዎች መካከል 8 .4 በመቶ ተማሪዎች 50 በመቶና በላይ ውጤት ማስመዝገባቸውን ተናግረዋል።

በተለይም ፈተናቸውን ከወሰዱ 585 ሺህ 882 ተማሪዎች መካከል 50 በመቶ እና ከዚያ በላይ ውጤት ካስመዘገቡ የማኅበራዊ ሳይንስ ተፈታኞች 5.2 በመቶ፣ ተፈጥሮ ሳይንስ ተፈታኞች ደግሞ 11.4 በመቶ መሆናቸውንም የጠቀሱት ሚኒስትሩ።

የዘንድሮው የ12ኛ ክፍል ውጤትን በተመለከተ በሰጡት ማብራሪያ 50 ትምህርት ቤቶች ሙሉ በሙሉ ተማሪዎቻቸውን ማሳለፍ እንደቻሉ አመልክተዋል።

በፈተናው ከፍተኛ ውጤት ማዝመዝገብ የቻሉ ተማሪዎች በተፈጥሮ ሳይንስ የትምህርት መስክ ከ600 ከዶዶላ ኢፋ ቦሩ ትምህርት ቤት 591 እንዲሁም ከብስራተ ገብርኤል ትምህርት ቤት 579 ውጤት የተመዘገበ ሲሆን በተመሳሳይ በማህበራዊ ሳይንስ 562 ከአምቦ አዳሪ ትምህርት ቤትና 548 ከቅዱስ ዮሴፍ ትምህርት ቤት መምዝገብ መቻሉን ተጠቅሷል።