አባት እና ትንሽ ልጁ በጫካውና ኮረብታዎች ውስጥ ይጓዙ ነበር ፡፡ በድንገት ልጁ በመንገዱ ላይ ወድቆ “አአ!” እያለ በህመም ጮኸ ፡፡ በሚገርም ሁኔታ ከተራራው ላይ ተመሳሳይ ድምፅ ሰማው "አአህ!" ልጁ በጉጉት “ይህ ማን ነው?” ሲል ጮኸ ፡፡ ድምፁ ግን ተመሳሳይ መልስ ሰጠ ፣ “ይህ ማን ነው?” ተቆጥቶ እንደገና “አንተ ደደብ ነህ!” ብሎ ጮኸ ፡፡ እናም እንደገና ድምፁ ተመሳሳይ መልስ ሰጠ ፣ "አንተ ደደብ ነህ!"

በዚህ ተበሳጭቶ ልጁ አባቱን “አባት ሆይ ፣ ምን እየተከናወነ ነው? ማን ነው ይሄ? ”
አባትም መለሰ ፣“ ልጄ ፣ በጥሞና እድምጥ እሰኪ ”አለውና ፡፡ አባትየው በተራ ጮኸ "አንተ በጣም ጥሩ ነህ" እናም ድምፁ ተመሳሳይ ምላሽ ሰጠ ፣ “አንቺ በጣም ጥሩ ነሽ!” አለ አባትየው እንደገና ፡፡ ድምፁም ብድጋሚ አስተጋባ ፡፡ “አመሰግናለሁ” ብለው ጮኹ አባትየው ፡፡ እናም ድምፁ እንደገና ተመሳሳይ ምላሽ ሰጠ ፣ "አመሰግናለሁ!" ልጁ በጣም ተገረመ ነገር ግን ምን እየሆነ እንዳለ አልገባውም ነበር ፡፡

አባትየው በእርጋት ያስረዳው ጀመር ፣ “ልጄ ፣ ሰዎች ይሆን ሂደት ማስተጋባት ብለው ይጠሩታል ፣ ግን ይህ የሕይወት እውነታ ነው። ህይወት የድርጊቶች ነፀብራቅ ነው ፡፡ ለሌሎች የምንሰጠውን ነገር እራሳችን በምላሹ በተመሳሳይ ሁኔታ እንቀበላለን ፡፡ ”
***
ንባብ ለህይወት
🤝 @Tesh5050

#ሰውየው አንድ ትልቅ በሬ አርዶ የብረት ምድጃዉን ለኩሶ ለልጁ እንዲህ አለው "የምንወዳቸውን እና የምናከብራቸዉን ጎረቤቶቻችን #አብረውን እንዲበሉ ሄደህ ጥራቸዉ።”

#ልጁ ወደ ጎዳና ወጥቶ እንዲህ ሲል መጮህ ጀመረ “እባካችሁ የአባቴ ቤት በእሳት ስለተያያዘ ለማጥፋት እርዱን ድረሱልን!" ከጥቂት ጊዜ በኋላ ጥቂት ሰዎች መጡ ሌሎቹ የእርዳታ ጩኸቱን እንዳልሰሙ ሆነዉ ቀሩ። የመጡ ሁሉ ግን በሉ ጠጡ።

#ባየዉ ነገር የተደናገጠው አባት ወደ ልጁ ዞሮ እንዲህ አለ "የመጡትን ሰዎች እኔ አላውቃቸውም ከዚህ በፊትም አይቼአቸዉ አላውቅም ስለሆነም ወዳጆቻችን ቤተሰቦቻችን እና የሥራ ባልደረቦቻችን የት አሉ?"

#ልጁም "ከቤታቸው ወጥተዉ የመጡት ሰዎች ቤታችን ላይ የተነሳዉን እሳት ለማጥፋት ጩኸት ሰምተዉ ሊረዱን እንጂ በቤታችን የተዘጋጀዉን ፓርቲ ሊካፈሉ አይደለም። ግብዣችን እና እንግዳ ተቀባይነታችን የሚገባዉ ለእነዚህ ዓይነቶቹ ነዉ" አለ።

#ሁሉም የምትወዱአቸዉ እና የምታከብሩአቸዉ ሰዎች እዉነተኛ ወዳጆቻችሁ ላይሆኑ ይችላሉ። እዉነተኛ ወዳጅ ማለት በተቸገራችሁ እና የነርሱ ድጋፍ በሚያስፈልጋችሁ ጊዜ ፈጥነዉ ከጎንዎ የሚገኙ ናቸዉ። ስለዚህ አንዳንድ ጊዜ ስለእርስዎ የሚጨነቁትን እውነተኛ ሰዎች ለማወቅ ጥረት ያድርጉ።

ሼር ሼር ሼር ሼር
https://t.me/joinchat/QHpaFsslt6WZOQEy

አንድ ሀብታም ሰው በመስኮቱን ተመለከተና አንድ ድሃ ሰው አንድ ነገር ከቆሻሻ መጣያው ውስጥ ሲመርጥ አየ ...እርሱም እንዲህ አለ "ተመስገን አምላኬ ድሀ እንኳ አልሆንኩ አለ"።
:
ድሃው ሰው ዘወር ብሎ ተመለከተና ራቁቱን በጎዳና የሚራመድ ሰው አየ ... እርሱም እንዲህ አለ "ተመስገን አምላኬ እንኳን እንደዚህ ሰዉዬ አልሆንኩ አለ"።
:
ራቁቱን በጎዳና የሚራመድ ሰውየ ወደ ፊት ተመለከተ እና አንድ አምቡላንስ አየ አምቡላሱን ላይ በሕመም ምክንያት የሚሰቃይና የሚያለቅስ በሽተኛ አየ... እርሱም እንዲህ አለ " ተመስገን አምላኬ በሽተኛ እንኳ አልሆንኩ አለ"።
:
ከዚያም የታመመው ሰውየ ሆስፒታል ሲደርስ የሞተን ሰው ተመለከተ ... እርሱም እንዲህ አለ " ተመስገን አምላኬ እንኳ አልሞትኩኝ ምክንያቱም የሞተ ሰው ፈጣሪን አያመሰግንምና አለ"።
:
ዛሬ ስለ ሁሉም የፈጣሪን በረከቶች እና ምሕረት ለምን አናመሰግንም? ከሌለን ነገር እኮ ያለን በእጅጉ ይበልጣል ፡፡
:
* # ሕይወት * # ምንድን_ነው ?
ህይወት በተሻለ መንገድ ለመረዳት ወደ 3 ቦታዎች መሄድ አለብህ:
* 1. መቃበር *
* 2. ሆስፒታል *
* 3. እስር ቤት *
:
በመቃብር ቦታ ሕይወት ምን ያህል ዋጋ እንዳለው ትገነዘባለህ።
:
በሆስፒታሉ ውስጥ ከጤና በላይ ምንም ነገር እንደሌለ ትገነዘባለህ።
:
በእስር ቤት ነፃነት በጣም ውድ ነገር እንደሆነ ትገነዘባለህ።
:
የዛሬ የምንሄደው መንገድ የነገ የሕይወታችን መሰረት ነው።

ስለዚህ ትሁት እና አመስጋኝ እንሁን። ስንት ቤተሰቦቻችን ፣ ጓደኞቻችን ዛሬ በሕይወት የሉም እኛ ግን በፈጣሪ ፈቃድ ጊዜያችንን እየጠበቅን በሕይወት መቆየት ችለናል ፡፡ ከሞትን በኀላ ደግሞ በዚህች አለም በሰወች ዘንድ የሚቀርልን ትዉስታ ስራችን ከተጨመረ ደግሞ ፎቶአችን ነዉ ፡፡ ስለዚህ ለሰዋች ደግሞ ሁል ጊዜ መልካም ነገር ሰሪ እንሁን ፡፡ በተጨማሪ ሁሌ አመስጋኝ እንሁን ሌላዉ ቢቀር ይህን ፅሁፍ በማንበባችን አምላክን እናመስግን ምክንያቱም ብዙ ሰዋች
1.ማንበብ ስለማይችሉ አያነቡትም
2.ይህን መልዕክት ስላልጀረሳቸዉ አያነቡትም
3. 4. 5. ...
ስለ ሁሉም ነገር ፈጣሪያችን የተመሰገነ ይሁን።
መልካም ቀን
|
#Share if you really like it

https://t.me/joinchat/QHpaFsslt6WZOQEy

ንጉሥ ሻርያር በፋርስ ላይ ይገዛ ነበር። የወንድሙ ሚስት በባሏ ላይ እየማገጠች እንደሆነ ሲረዳ ቁጣው ነደደ። ሁሌም ሴቶች አንድ ናቸውም ብሎ ደመደመ። የገዛ ሚስቱንም ሰይፎ ገደላት። ከዚህ በኋላ ደናግላን ሴቶችን እያገባ አንድ ሌሊት ብቻ አብሯቸው አድሮ ፣ ማግጠው ሳያዋርዱት በፊት ያስገድላቸዋል። ደናግላቱን እየፈለገ የሚያመጣለት ሚኒስትሩ ነበር። ሚኒስትሩ በመጨረሻ ለንጉሡ የሚያቀርብለት ደናግላን አጣ።

ሚኒስትሩ ሁለት ሴት ልጆችን ወልዷል። ትልቋ ሻህራዛድ ታናሿ ዲናርዛድ ትባላለች። ዲናዛርድ ውብ ስትሆን ሻህራዛድ ደግሞ ጥበበኛ ናት። በዚያ ላይ ስል እና ደፋር ናት። አንዴ ያነበበችውን በፍጹም አትረሳም። ጥሩ የማስታወስ ችሎታ አላት። ራሷን በራሷ ፊዚክስ፣ ፍልስፍና፣ ታሪክ ከማስተማሯም በላይ የበቃች ገጣሚ ነች።

ሚኒስትሩ በመጨረሻ ሻህራዛድን ለንጉሡ ዳረለት። አያችሁ ምርጫ አልነበረውም። ከአንድ ሌሊት በኋላ እንደምትገደል ያውቃል። ግን ከንጉሡ ትእዛዝ መውጣት አይችልም።

ሻህራዛድ እና ንጉሡ በሰርጋቸው እለት እንግዶቻቸውን ከሸኙ በኋላ ወደ መኝታ ቤታቸው አመሩ። በዚያም ሻህራዛድ እፁብ ድንቅ የሆነ ተረት ለንጉሡ መንገር ጀመረች። ንጉሡ አፉን ከፍቶ በአድናቆት ይሰማል። ይህ ተረት እንዲያው ተረት ብቻ አይደለም። ምትሃት ነው። እንደ ጥሩ ወይን ልብ የሚያስደስት፣ በምናብ የሚያንሳፍፍ፣ በሃሴት የሚሞላ ነው። ግን ግን ታሪኩን ሳትጨርስ መሸ፣ በጣም መሸ፤ ሌሊቱ ተጋመሰ። ሻህራዛድ ታሪኩን ሳትጨርስ ማቋረጥ ነበረባት። ንጉሡ ልቡ እንደተንጠለጠለ ለራሱ እንዲህ አለ
... ዛሬ ልገድላት አልችልም። ታሪኩን ነገ ከጨረሰችልኝ በኋላ ነገ እገድላታለሁ ....

ምስኪን ንጉሥ! ዛሬ መሽቶ ነገ ነጋ። ሻህራዛድ እንደተለመደው ትላንት የጀመረችለትን ተረት ጨርሳ ሌላ ጀመረች። ታሪኮቹ የዋዛ እንዳይመስላችሁ። ነፍስን ሰቅዘው የሚይዙ፣ በለዛ የተዋቡ፣ በቋንቋ የረቀቁ ናቸው።
አሊባባ እና አርባዎቹ ሌቦች፤
አላዲን እና ፋኖሱ፤ መርከበኛው ሲንባድ . . . ወዘተርፈ ነበሩ።

ቀናቱ እንደዚህ ነጎዱ። አንድ ቀን፣ ሁለት ቀን፣ ሳምንት፣ ወር፣ አመት ሆነ። ንጉሡ የሻህራዛድ ተረቶች ሱሰኛ ሆነ። ሻህራዛድ በጥበቧ በተረት ላይ ተረት እየጨመረች፣ መጨረሻው ላይ ሳትደርስ እያቋረጠች፣ እያሳደረች አንድ ሺህ አንድ ሌሊት ተቆጠሩ። ንጉሡ በመጨረሻ ከሻህራዛድ ድብን ያለ ፍቅር ያዘው። እንኳን ሊያስገድላት፣ ከሷ መለየት አቃተው። የፍቅሯ ምርኮኛ ሆነ።
ታዲያ ይሄንን ሁሉ ተአምር የሰሩት ታሪኮች ናቸው። ታሪኮች የጨከነ ልብ ያራራሉ፤ የደደረ ልብ ይገራሉ። ሻህራዛድ በጥበቧ የታሪኮችን ጉልበት፣ የልቧን ብልጠት፣ የአእምሮዋን እውቀት ተጠቅማ ኃያሉን ንጉሥ አንበረከከችው።
***
የማትረሱት የልጅነት ተረት ምንድን ነው?
እናንብብ እንወያይ ነጻ እንውጣ

ንባብ ለህይወት

#ዛሬ_ቀኑ_ደስ_ይላል

አንድ እድሜያቸው የጠና ማየት የማይችሉ ሽማግሌ ሁል ጊዜ መንገድ ዳር ተቀምጠው ይለምኑ ነበር ፡፡ ሁሌም በሚለምኑበት ወቅት አንድ የማይለያቸው ጽሑፍ የያዘ ካርቶን ነበር ፡፡ በካርቶኑ ላይ " ማየት አልችልም እርዱኝ " ይላል ። አላፊው አግዳሚም ሰው ጽሑፉን እያየ በአጠገባቸው ያልፋል ፡፡ አንዳንዱ ያለውን ጣል ጣል ያረጋል የቀረው ደሞ ትቶ ያልፋል ፡፡

ነገር ግን አንድ ቀን በጠዋት ይህ ተከሰተ ፡፡ ከዚህ በፊት የማያውቁት ሰው ወደ እሳቸው ቀረብ ብሎ ጽሑፍ የያዘውን ካርቶን አንስቶ ጫር ጫር አድርጎ መልሶ ካስቀመጠው በኀላ ምንም ሳይሰጣቸው ጥሎ ሄደ ፡፡ ሽማግሌው በሚሰሙት ግራ ተጋቡ ። ሰውየው አጠገባቸው መጥቶ ሲቆም ብዙ ብር ሊሰጣቸው አልያሞ ችግራቸውን ሊጠይቃቸው መስሎቸው ነበር ነገር ግን ምንም ሳይል ነበር ጥሎአቸው የሄደው ፡፡

ትንሽ ቆይቶ ግን የሳቸውን ሁኔታ የሚቀይር ነገር ተፈጠረ ፡፡ አላፊ አግዳሚው ሁሉ ያለውን እያወጣ ይሰጣቸው ጀመረ ፡፡ ከሳንቲም አልፎ ብዙ ሰዎች ብር በእጃቸው ይሰጡአቸው ጀመር ። ሽማግልው ግራ ተጋቡ ቆይ ያ ሰውዬ ምን አርጎ ነው የሄደው ብለው ራሳቸውን ሲጠይቁና ግራ ሲጋቡ ዋሉ ፡፡ በዛች ሰአት ብቻ ሰዎች የረዱአቸው ወር ሙሉ ለምነው ካገኙት ይበልጥ ነበር ፡፡

በዚህ ግርምት ቆይተው ወደ ምሳ ሰአት አካባቢ አንድ ሰውዬ ወደሳቸው ቀረበ ፡፡ እሳቸውም በጥርጣሬ "ቅድም አንተ ነህ ጽሑፍ የጻፍከው ? ቆይ ምን ብለህ ነው የጻፍከው? " ልጄ አሉት ። ሰውየውም በደስታ " አባቴ እኔ ሳይኮሎጂስት ነኝ ፡፡ በእርግጥ በገንዘብ አልረዳሆትም ነገር ግን ጽሑፉን እንዳየሁ የተጻፈው ነገር ሰዎች እንዲረዱዎት ብዙ እንደማያስችል ስላወኩ የተጻፈውን ነው የለወጥኩት ፡፡ መጀመሪያ ' #ማየት_አልችልም_እርዱኝ ' ይል ነበር እኔ ደግሞ ከጀርባው ' #ዛሬ_ቀኑ_ደስ_ይላል_ግን_እኔ_አላየውም ' ብዬ አስተካከልኩት ፡፡ አዩ አባቴ ሰው ይህን ሲያነብ የእርሷን አለማየት ሳይሆን የራሱን ማየት ስለሚያስብ በደስታ ለእርሶ ያለውን ይለግሳል ። " አላቸው ፡፡ ሽማግሌው እጁን ከያዙ በኀላ እያመሰገኑት እጁን ይስሙ ጀመር ፡፡

(በናሁሰናይ ፀዳሉ) ተፃፈ

መልካም ሳምንት ይሁንላችሁ !
እወዳችኀለሁ!
መልዕክቱ መልካም ከሆነ መልካምነትን ለሌሎች አካፍሉ #Share
https://t.me/joinchat/QHpaFsslt6WZOQEy

"ገነት እና ሲኦል የሚባል ነገር አለ?"
ዝነኛው ጦረኛ ወደ አንድ መነኩሴ ጋ በመሄድ ጥያቄ አቀረበላቸው። "እውነት ግን ሲኦልና ገነት የሚባል ነገር አለ?" አላቸው።
"ማነህ አንተ?"
"እኔ ማለት በምድር ላይ ሁሉም የሚፈራኝ ጀግና ጦረኛ ነኝ"
"አሃ ጦረኛ ነህ!?" አሉ መነኩሴው በፌዝ ፈገግ ብለው። ከዚያም "ለመሆኑ ምን አይነት ያገር መሪ ነው እንዳንተ አይነቱን ሰው ጠባቂ አድርጎ የሚቀጥረው። ፊትህን ሳየው እኮ አስቂኝ ለማኝ ነው የምትመስለው"
ጦረኛው ተናደደ። ሰይፉን ከሰገባው ለመምዘዝ ተዘጋጀ። መነኩሴው ግን ንግግራቸውን ቀጠሉ። "አሃ ለካ ሰይፍም ይዘሀል፤ ለነገሩ ሰይፍህ የዶሎዶመና የዛገ በመሆኑ የኔን አንገት ለመቁረጥ አይችልም"
በዚህ ጊዜ ጦረኛው በቁጣ ሰይፉን መዞ ሊሰነዝር እጁን ከፍ አደረገ። ያኔ መነኩሴው በፍጥነት "የሲኦል በር ይሄ ነው" አሉት።
በዚህ ጊዜ የመነኩሴው ጥበብ የተገለጠለትና ሊያስተምሩት የፈለጉት ነገር የገባው ጦረኛ ሰይፉን በቀስታ ወደ ሰገባው መለሰው። "የገነት በር ደግሞ እሱ ነው" አሉ መነኩሴው ግርማ ባለው ድምጽ።
***
ገነትን ትመኛላችሁ ወይስ ሲኦል ያስፈራችኋል?
እናንብብ እንወያይ ነጻ እንውጣ
ንባብ ለህይወት

አንድ ጊዜ አንድ ሰው በአንድ ፎቅ ቤት ስር ተቀምጦ በተመስጦ ስልኩን እየነካካ ሳለ በድንገት ከላይ “የአንድ ብር ሳንቲም” ጭንቅላቱ ላይ ነጥራ አጠገቡ አረፈች፡፡ ይህ ሰው በጣም ስላመመው ጭንቅላቱን በማሻሸት ወደላይ በማየት የመታውን ሰው ለመሳደብ ሲቃጣው ጭንቅላቱን የመታችው የአንድ ብር ሳንቲም መሆኗን በማየቱ አንስቶ ኪሱ በመክተት ጸጥ አለ፡፡

እንደገና ተመሳሳይ ሁኔታ ሲከሰት አሁንም የለመዳት አንድ ብር በመሆኗ ቀና ብሎ ከመጮህ ይልቅ ህመሙን ታግሶ አንድ ብሯን በማንሳት ኪሱ ከተተ፡፡ ሁኔታው ለሶስተኛ ጊዜ ከተደገመ በኋላ በአራተኛው ጊዜ ጭንቅላቱ ላይ ያረፈው የለመደው የአንድ ብር ሳንቲም ሳይሆን ጠጠር ነበር፡፡

በዚያን ጊዜ ነበር፣ እጅግ በተቆጣ ድምጽ “ማን ነው የመታኝ? በማለት ወደላይ ቀና ያለው፡፡

በግል ሕይወታችንም ሆነ በማሕበራዊ ግንኑነታችን፣ “ጥቅም እስካገኘሁ ድረስ ምን ቸገረኝ” በማለት የምናልፋቸው ጎጂ ነገሮች አጉል ተጽእኖ መጠነ ሰፊ ነው፡፡

እኛ ጊዜያዊ ጥቅም ስላገኘን ብቻ የተውናቸው ጤና ቢስ ተግባሮች የእኛኑ አመለካከትና ባህሪይ እያበሰበሱ መሄዳቸው አይቀርም፡፡ በተጨማሪም፣ በእኛ ዝምታ ምክንያት ተግባሩን የሚፈጽሙት ሰዎች እርማት ስለማያገኙና፣የእነሱን አጉል ምሳሌነት በመከተል ያንኑ ተግባር ወደመፈጸም የሚሄዱ የሕብረተሰቡ ክፍሎች ስለሚበራከቱ የበሰበሰ ሕብረተሰብ መፍጠሩ አይቀርም፡፡
***
ምን አገባኝ ብለን የተውነው ስንት አለ?
እናንብብ እንወያይ ነጻ እንውጣ
ንባብ ለህይወት

የኢትዮጵያ 86ቱ ብሄር ብሄረሰቦች ስም ያውቃሉ ?
እነሱም
1. ኦሮሞ
2. አማራ
3. ሶማሌ
4. ትግራይ
5. አፋር
6. ሲዳማ
7. አገው
8. ዎላይታ
9. ከምባታ
10. ሀዲያ
11. ጋሞ
12. ጉራጌ
13. ኢሮብ
14. አርጎባ
15. ቱለማ
16. ስልጤ
17. ሺናሻ
18. አኝዋክ
19. ኑዌር
20. ሀመር
21. ኩናማ
22. ጉምዝ
23. በርታ
24. በና
25. አሪ
26. ሙርሲ
27. ቡሜ
28. ካሮ
29. ፀማይ
30. ኮንሶ
31. ዳሰነች
32. ቦረና
33. ገርባ
34. አላባ
35. አርቦሬ
36. ባጫ
37. ቤንች
38. ባስኬቶ
39. ቡርጂ
40. ጫራ
41. ጋዋዳ
42. ጌዲኦ
43. ጊዶሌ
44. ጎፋ
45. አደሬ
46. ከፊቾ
47. ኮንታ
48. ኒያንጋቶም
49. ናኦ
50. ቀቤና
51. ሱርማ
52. ጠንባሮ
53. የም
54. ወርጂ
55. ዲዚ
56. ዶንጋ
57. ዳውሮ
58. ዲሜ
59. ምዓን
60. ኮሞ
61. ማረቆ
62. ሞስዬ
63. ኦይዳ
64. ቦዲ
65. ፈዳሼ
66. ኮሬ
67. ማሌ
68. ማኦ
69. መሰንጎ
70. መዠንገር
71. ቀዋማ
72. ቀጨም
73. ሸኮ
75. ዘየሴ
76. ዘልማም
77. ሽታ
78. ቤተ እስራኤል
79. ማሾላ
80. ኮጉ
81. ድራሼ
82. ገባቶ
83. ጌዲቾ
84. ብራይሌ
85. ሙርሌ
86. ኮንቶማ .... ናቸው።

ምንጭ - የኢትዮጵያ ታሪክ

በኔ አስተሳሰብ ግን ይሄ ውላ አላስፈላጊ ነገር ነው ብሄር የሚባል ነገር ባይኖር መልካም ነበር......አንድ ሀገር ብቻ ነበር መሆን ያለባት።

አንዲት አሮጊት እናት ዘወትር በረባው ባልረባው የሚጨቃጨቁ እና የሚጣሉ ሁለት ወንድ ልጆች ነበራት፡፡ አለመግባባቶቻቸውን በምክር እና በተግሳፅ ለመፍታት ብዙ ሞከረች ግን ቀላል አልሆነላትም። እናም ስለ መበደል እና መጥፎ ተግባር እንዲሁም በቅራኔ መለያየት ስለሚያመጣው ነገር በተግባራዊ ምሳሌ ልጆቿን ለማስተማር ወሰነች፡፡

አንድ ቀን ልጆቹን አንድ ጥቅል ጭራሮ እንዲያመጡላት ጠየቀቻቸው፡፡ ይህን ካደረጉ በኋላ ጥቀል ጭራሮውን እንደታሰረ በእያንዳንዳቸው እጅ ላይ በማስቀመጥ የታሰረውን ጥቅል ጭራሮ እንዲሰብሩት አዘዘች፡፡ እነሱ በሙሉ ኃይላቸው ሞከሩ ነገር ግን መስበር አልቻሉም ፡፡

በመቀጠልም ጥቅሉን ፈታችና፤ ጭራሮውን በተናጠል በተናጠል ወስዳ እንደገና በልጆቹ እጅ ላይ አደረገች፡፡ ልጆቹም በቀላሉ ይሰብሯቸዋል ጀመር፡፡ ከዚያም እንዲህ አለች

“ልጆቼ ፣ አንድ አስተሳሰብ ካላችሁ እና እርስ በእርስ ለመተባበር ከተስማማችሁ፤ ጠላቶቻችሁ በቀላሉ የማያሸንፋቹና የማትበገሩ ጠንካራ ትሆናላችሁ። ግን በመካከላችሁ መለያየትና መከፋፈል ካለ በቀላሉ ልትሰበሩ ትችላላችሁ፡፡ ስለዚህም ህብረታቹን አጠንክሩና ጠላትን አስደንግጡት"
ልጆቹ ግን የሰሙ አይመስልም።
***
የዚህች አሮጊት እናት ስም ማን ነው?
እናንብብ እንወያይ ነጻ እውንጣ
ንባብ ለህይወት

ጊዜው ሁለተኛው የዓለም ጦርነት ነው። ወታደሩ ፍቃድ አግኝቶ ወደ ቤቱ ይመለሳል። ድንገት ቤቱ አከባቢ ደርሶ ሬሳ የጫነ የወታደር መኪና ሲመለከት ጠላት ከተማዋን እንዳጋያት ተረዳ። መኪናው እጅግ የበዛ ሬሳዎችን ለመቅበር ወደ ተዘጋጀለት የጅምላ መቃብር ለማምራት እየተሰናዳ ነበር።

ከተቆለሉት ሬሳዎች ፊት ቆሞ ወታደሩ ለመጨረሻ ጊዜ ሲመለከት ቀድሞ ለባለቤቱ የገዛላት የመሰለ ጫማ አጤነ።

ለማጣራት በፍጥነት ወደ ቤቱ አመራ። ነገር ግን ሬሳውን ለመርመር ወዲያው ተመለሰና ሚስቱን አገኛት።

ወታደሩ ድንጋጤው መለስ ሲልለት ባለቤቱ በጅምላ እንድትቀበር ስላልፈለገ እናም በስርዓት ግብዓቷን ለመፈፀም ፍቃድ ጠየቀ።

ድንገት ግን ሚስትዬው እስትንፋሷ ሰልሎም ቢሆን ትተነፍስ ነበር። ሆስፒታል ወሰዳት። አስፈላጊው ሕክምና ተደረገላት። ዳግም ሕይወት ዘራች።

ከአደጋው ዓመታት በኋላ ልትቀበር የነበረችው ሴትዮ ፀንሳ "ቭላድሚር ፑቲን" የሚባል ልጅ በሠላም ተገላገለች።

ልጅዬው የወቅቱ የሩሲያ ፕሬዝዳንት ነው!

https://t.me/joinchat/QHpaFsslt6WZOQEy

🙏ሰላም ለእናንተ ይሁን እንዴት አደራችሁ🙏

"ሳይፀልዩ ማደር"

የተራበ ነብር ከሩቅ ተመልክታ፣
ሚዳቋ ፀለየች...
አውጣኝ አውጣኝ አለች ለፈጠራት ጌታ።

ነብሩም ተርቦ፣
ወደ አምላኩ ቀርቦ።
ሚዳቆዋን አይቶ-አንጀቱ ከሆዱ እንደተጣበቀ፣
ፈቅዶ እንዲሰጠው አምላኩን ጠየቀ።

የሁለቱም አምላክ የሁላችን ሰሪ፣
ጸሎታቸውን ሰማቸው ፈጣሪ።

አምላክም በድምፁ ሚዳቆዋን አላት፣
እሩጠሽ አምልጪ ከበረታ ጠላት።
ነብሩንም አለው እሩጥ ተከተላት፤ ምግብ አርገ ብላት።

ሚዳቆዋም ስትሮጥ ከነብሩ ለማምለጥ፣
ነብሩም ሲከተላት ሆዱን ሊሞላባት።
ቋጥኙን ስትዘል እግሯ ተስፈንጥሮ፣
ሆዱን ብትረግጠው የተኛ ከርከሮ።
ከእንቅልፉ ሲነቃ ልክ ሲደነብር፣
ጉሮሮውን ያዘው የፀለየው ነበር።

አውጣኝ ያለው ወቶ አብላኝ ያለው በላ፣
ሳይፀልይ የተኛው ከርከሮ ተበላ።

✍️ገጣሚ #በረከት_በላይነህ

@galaxyplc

አህመድ እና መርየም የሚባሉ ባል እና ሚስት ነበሩ። በጣም ደስ የሚል ቤትና ሁለት የሚወደዱ ልጆችም አሏቸው፤ አንድ ወንድ እና አንድ ሴት።

ከዕለታት አንድ ቀን አህመድ ለስራ ጉዳይ ወደ ሌላ ከተማ እንዲሄድ በአለቆቹ ይነገረዋል። ለበርካታ ቀናት ሊቆይ እንየሚችልም ይገለፅለታል።

ሚስቱ መርየም ይህንን ስትሰማ እሷም ከከተማ ወጣ ብሎ ትንሽ የመቆየት ፍላጎት ስላደረባት አብረው ለመሄድ ጥያቄ ታቀርብለታለች። እርሱም በደስታ እሺታውን ይገልፅላትና ለጉዜ ላይ ዝግጅት ይጀምራሉ። ከሁሉም በፊት ግን #ሁለቱ ልጆቻቸውን በቅርበት የምትጠብቅላቸው አንዲት ታማኝ ሴትን ይቀጥራሉ።

ባልና ሚስቱ ለጉዞ የሚያስፈልጋቸውን ዝግጅት አጠናቀው ወደ ተባለው ከተማ ይሄዳሉ.......

......አህመድና መርየም መመለስ ከሚገባቸው ቀን ዘግይተው ነበር ወደ ቤት የተመለሱት። መኖሪያ ከተማቸው ሲደርሱ ሁለቱም ደስ አላቸው። ነገር ግን ከሚኖሩበት ሰፈር አካባቢ አቅጣጫ ጭስ መሰል ነገር ሲመለከቱ ምን እንደሆነ ለማጣራት በቀጥታ ወደ ቦታው ያመራሉ። አንድ ቤት ተቃጥሎ በእሳት እየነደደ ነበር። #መርየምም "የሚገርም ነው! የእኛ ቤት አይደለም። ወደ ቤታችን ሄደን ልጆቻንን እንይ" ትላለች።

አህመድ ግን መኪናውን እየነዳ ወደ ተቃጠለው ቤት ቀርቦ ተመለከተ። በጣም በማዘንም "የማን ቤት እንደሆነ አወቅሽ? እዚያ ትልቁ ፋብሪካ ውስጥ የሚሰራው የጀማል ቤት እኮ ነው። እስካሁን ከስራ የተመለሰ አይመስለኝም። አንድ ልናደርገው የምንችለው ነገር ይኖራል ብዬ አስባለሁ" በማለት ተናገረ።

ሚስቱ መርየም ግን ተቃወመችው "እኛን የሚያገባን ምንም ነገር የለም። ይህ የለበስከው በጣም የሚያምርና ውድ ልብስህ ከጥቅም ውጭ ነው የሚሆነው" በማለት ወደ ባት እንዲሄዱ ገፋፋችው።

አህመድ ለመርየም ንግግር ምላሽ ሳይሰጥ መኪናውን እያሽከረከረ ወደ ሚቀጣጠለው ቤት ደረጃ አጠገብ አቆማት። ቤቱ ሙሉ በሙሉ በእሳት ተያይዟል። አንዲት ሴት ከቤቱ ውስጥ የስቃይ ድምፅ ታሰማለች። "ልጆቹ! ልጆቹ!!" በማለትም ታለቅሳለች። ባልና ሚስቱ ከሚገባው በላይ ደነገጡ።

አህመድ በፍርሃት እየተንቀጠቀጠ የወደቀችውን ሴት ትከሻ ክንድ በመያዝ ካነሳት በኋላ ልጆቹ የት እንደሆኑ ጠየቃት። ሴትየዋም ልጆቹ ምድር ቤት ውስጥ መሆናቸውን እያቃሰተች ተናገረች።

አህመድ እየተጣደፈ አጠገቡ ያገኘውን ባልዲ ሙሉ ውሃ በለበሰው ልብስ ላይ በማፍሰስና በውሃ የተነከረ ፎጣ አናቱ ላይ በማሰር ወደ ምድር ቤቱ ይገባል። ምድር ቤቱ በጭስ ታፍኗል። ሙቀቱ ሰው አያስቀርብም። እንደምንም ብሎ ልጆቹን በትከሻው ተሸክሞ ሲወጣ ሌላ የህፃናት የጭንቀት ድምፅ ይሰማዋል። በትከሻው የተሸከማቸውን በፍርሃት የሚንቀጠቀጡ ልጆች ይዞ ከወጣ በኋላ ቤቱ ውስጥ ሌሎች ህፃናትም እንዳሉ ይነገረዋል። ምን ያህል እንደሆኑ ሲጠይቅ ሁለት መሆናቸው ይገለፅለታል።

በድጋሚ ተመልሶ ሊገባ ሲንቀሳቀስ ሚስቱ እጁን ይዛ ልትከለክለው ትሞክራለች። "መሞት ትፈልጋለህ እንዴ!? ተመልሰህ እንዳትገባ!" በማለት ስትናገር አህመድ የያዘችውን እጇን መንጭቆ እሳቱ ወደሚነድበት ቤት ሮጦ ይገባል። በጭስ ታፍነው ለመሞት የተቃረቡ የሚመስሉ ሁለት ህፃናትን ያገኛል። ወዲያውኑ በጎንና ጎኑ አንገቱን በደንብ እንዲይዙ አድርጓቸው ከቤቱ በመውጣት ላይ እያለ አንዳች የሚያውቀው የሚመስለው ነገር ሰውነቱን ይወረዋል። ጎንና ጎኑን አንገቱን በሁለት እጆቻቸው ጨምድደው የያዙት ልጆች የሚያውቃቸው መሰለው። እየሮጠ ከሚቃጠለው ቤት እንደወጣ የተመለከተው ነገር የማይታመን ሆነበት። ሳያስበው ጉንጩ በእንባ ተሞላ። ሁለቱ ህፃናት የራሱ ልጆች ነበሩ። እንድትጠብቃቸው የተቀጠረችው ሴት ገበያ ስትሄድ በአደራ ጎረቤት አስቀምጣቸው ነበር።

አንድ ጊዜ ይባላል... የሆነች አይጥ የድመት ጓደኛ ነበራት። ድመቷና አይጧ በጣም ይዋደዳሉ። ሁለቱም ቤተሰብ ያላቸው ሲሆን ተጠልለው የሚኖሩት በአንድ ቤት ውስጥ ነበር። እናትና አባቶቻቸው ሁለቱ ባላንጣዎች ጓደኛ መሆናቸውን አያውቁም። ትንሿ ድመት በበኩሏ #አይጥ ለድመቶች ጣፋጭና ልዩ ምግብ መሆኗን የማታውቅ ሲሆን አይጧም #ድመት አስፈሪ እና ዋና የአይጥ ጠላት መሆኗን አታውቅም

በእንዲህ ጓደኝነታቸው ብዙ ግዜን ይቆያሉ። ከእለት ወደ እለትም ፍቅራቸው እየጨመረ ሄደ።

ከእለታት አንድ ቀን የድመት #እናት ትንሿ ድመት ከውሎ ስትመለስ "የት ውለሽ ነው የመጣሽው?" ስትል ጠየቀቻት። ትንሿ ድመትም "እኔማ ከውዷ ጓደኛዬ አይጥ ጋር ተጫውቼ እየመጣሁ ነው" ብላ ለእናቷ መለሰች። እናትም በቁጭትና በእልህ መንፈስ ...."አይጥ ማለት እኮ የእኛ ጣፋጭ ምግብ ናት። እሷ ጓደኛ ሳትሆን የምትበላ ምግብ ናት። ከዚህ በኋላ ካገኘሻት ቀስ ብለሽ ተመገቢያት" በማለት ልጇ ን አስጠነቀቀች።

አይጧም ከውሎዋ ወደ #እናቷ ጋር ስትመለስ ትንሿ ድመት የተነገራትን ንግግር የመሰለ ለአይጧ ነገረቻት። እንዲህ አለቻት.."ድመት ማለት የእኛ ጠላት፣አስፈሪ አውሬ ናት። እሷ እኛን ለመመገብ የተፈጠረች ፍጡር በመሆኗ ከዚህ በኋላ እንዳትቀርቢያት። በስህተት ብትቀርቢያት እንኳ በፍጥነት ከአጠገቧ አምልጪ"... በማለት ለትንሿ አይጥ መከረቻት።

እንደተለመደው ትንሿ ድመት ወደሚጫወቱበት ቦታ ሃዳ አይጧን ብትጠብቃት ልትመጣ አልቻለችም። ድመት ብዙ ጠበቀች አይጧ ግን አልመጣችም። በስተመጨረሻ ትንሿ ድመት "እናቴ የነገረችኝ እውነት ነው። ይቺን ሚጢጢ አይጥ ሳልበላ መመለስ የለብኝም በማለት ወደ አይጧ ቤት ትጓዛለች። የአይጧ ባት አቅራቢያ በመቆምም ጮክ ብላ አይጧን ጠራቻት።

አይጧም" አባት ድመት ለምን ፈልገሽኝ ነው?" በማለት በትዝብት መልክ ጠየቀቻት። ድመቷም "ነይ ጠጋ በይና የድሮ ጫወታችንን እንጫወት" ትላታለች። አይጧም ... "እኔም አራዳ አንቺም አራዳ፣ እናትሽ ላንቺ የነገረችሽን የኔም እናት ለእኔ ነግራኛለች" በማለት መለሰቻት። ከዚህ በኃሏም ሁለቱ እንስሳ ሲገናኙ፣ ድመት ስታሯርጥ አይጥ ደግሞ በመሸሽ ታመልጣለች።

#አስተምህሮ...
ወላጆች ልጆቻችን የት እንደሚውሉ ልናውቅ ይገባል። የአይጧ እናት ደርሳ ለልጇ ባትመክር ኖሮ ፣እናት ልጇን ታጣ ነበር። እኛም ልጆቻችን የትና ከማን ጋር እንደሚውሉ በማወቅ ከአልባሌ እና ብልሹ ስነ ምግባር ልንጠብቃቸው ይገባል።

ምርጥ ታሪክ ፅፌ አቀረብኩላችሁ!!

አንድ ኩራተኛ የሆነ ሰው ጥሩ ልብስ ለብሶ በኩራት ታጅቦ እራሱን እየቆለለ፤ በአንድ ገበያ ይዘዋወር ነበር። ታድያ ፈሳሽ ጁስ የምትሸጥ ሴትዬ በአጠገቡ ስታልፍ ይመለከታል። ጠራትና

"ምንድነው የምትሸጭው አላት?"

እሷም: "ፈሳሽ ጁስ ነው ጌታዬ" አለችው

እሱም፡ አሳይኝ

በእንስራ የያዘችውን ፈሳሽ ከጀርባዋ ላይ ለማውረድ ስትሞክር ድንገት የሰውየው ልብስ ላይ ይህ ፈሳሽ ይደፋበታል። ሰውየው ከባድን ቁጣ ተቆጣ። እንዲህም አላት

"የዚህን ልብስ ዋጋ እስከምትከፍይኝ ከዚህ ቦታ የትም አልሄድም" ሲል ዛተ። ሴትየዋም እያለሳለሰች ትለማመጠው ጀመር።

"እባክህ ተወኝ ጌታዬ ምክንያቱም እኔ ምስኪን ነኝ" አለችው። ሰውየውም

" እስክትከፍይኝ የትም አልሄድም" አላት። እሷም ዋጋውን

"ስንት ነው?" ስትል ጠየቀችው። እሱም

"1000ብር" ሲል መለሰላት። እሷም...

"እኔ እኮ ደሃ ሴት ነኝ ከየት አመጣለሁ" አለችው። እሱም..

"ምን አገባኝ" በማለት ፍፁም ጭካኔውን አበረታባት። እያስፈራራትና እየዛጠባት ሳለ፤ አንድ ወጣት በመንገድ ሲያልፍ ይመለከትና

"ምን ሆነሽ ነው?" ሲል ጠየቃት። እሷም የተከሰተውን በደንብ አስረዳችው። ወጣቱም እንዲህ አለ...

"ብሩን እኔ ሰጥሃለው" ብሎ አንድ ሺህ ብር በማውጣት ለሰውየው ከፈለው። ኩራተኛው ሰውየም ብሩን ቆጥሮ ተረክቦ ሊጓዝ ሲል፤ ወጣቱ ልጅ...

"ተረጋጋ እንጂ ወደየት ነው!?" አለው። ሰውየውም..

"ምን ፈለግክ!?" አለው። ወጣቱም...

"የልብስህን ዋጋ ወስደሃል አይደል!!" አለው። ሰውየውም..

"በሚገባ እንጂ!!" አለ። ወጣቱም...

"ታድያ ልብሱ የታለ?" ሲል ጠየቀው። ሰውየም

"ለምን!?" አለው። ወጣቱም...

"የልብስህን ዋጋ ሰጥተንሃል፤ ስለዚህ ልብሱን ስጠን አለው። ሰውዬውም..

"ራቁቴን ልሄድ ነው!?" አለው። ወጣቱም...

"አይመለከትኝም! ምን አገባኝ!!" አለው። ሰውዬውም..

"ልብሱን ካልሰጠውህስ?" ሲለው ወጣቱ..

"ገንዘብ ትከፍለናለህ አለው" ሰውዬውም

"አንድ ሺ ብሩን ነው አለ?" ወጣቱም...

"አይይ አይደለም። እኛ የምንልህን ነው" ሲል መለሰለት። ኩራተኛውም ሰው እንዲህ አለ...

"እንዴ የከፈልከኝ እኮ አንድ ሺ ነው" ወጣቱም..

"ስለከፈልኩት አያገባኝም አለው" ሰውዬውም...

"ስንት ነው ምትፈልገው?" አለው። ወጣቱም...

"ሁለት ሺህ ብር" አለው። ሰውዬውም...

"ይህ ብዙ ነው!!" ሲል ተናገረ። ወጣቱም...

"እንግዲህ ልብሱን ስጠና!!" አለው። ሰውዬውም...

"ልታዋርደኝ ፈልገህ ነው ራቁቴን" አለው። ወጣቱም....

"ሴትየዋን ልታዋርድ እንደፈለግከው አዎ!!" አለው። ሰውየውም ..

"ይህ በደል ነው!!" አለ። ወጣቱም....

"እንዴ አሁን ስለ በደል ታወራለህ!! ድንቅ ነህ" አለው። ሰውየውም በማፈር የተባለውን ብር ለወጣቱ ከፈለው።

ወጣቱም ይህ ሁለት ሺህ ብር ለምስኪኗ ሴት ስጦታ መሆኑን አውጆ በደስታ ሸኛት።

#የእለቱመልዕክቴከታሪኩ....

ክርክሮችን ለመፍታት #ጥበብ ሁነኛ መፍትሄ ናት!! ህይወትም ኩራትና እኔ የበላይ ነኝ የምንልባት የፋከራ መድረክ አይደለችም።

ወደ ግሩፕ እንዲሁም ለወዳጅዎ ያጋሩ!!

​​ለ "አባ" ለ "አባ"ማ "አባ ጨጓሬ"ም አባ ነው
(በላይ በቀለ ወያ)
.
.
ሳያዩ የሚያምኑን ፣ አይተህ ተጠራጠር
"ተአምር አየሁ" አትበል!
ጋንን ያህል ነገር ፣ ሲደገፍ በጠጠር
ይልቅ ተአምር ስራ
ከሚታይ መልስ ላይ ፣ጥያቄ በመፍጠር።
ሁሉንም አትመን ፣ ግን ሁሉን ተጠንቀቅ
ቤትህ በሰማይ ነው
ብሎ ለሰበከህ ፣ ምድርህን አትልቀቅ።
።።።
ከስጋ ፍላጎት
አርቀህ ስቀለው ፣ የነፍስያህን ልክ
የቄስ ቃል ስታምን ፣ ቄሱን ግን አታምልክ
ሁሉ ካህን አይደል
አስሮ የሚፈታ ፣ እየፈታ ሚያስር
ስንቶች በካህን ለምድ
እባብ ደብቀዋል፣ ከጥምጣማቸው ስር።
።።።።።

በላይ በቀለ ወያ

አስተማሪ አጭር ታሪክ

ባልና ሚስት ከተጋቡ አራት አመታት ተቆጥረዋል ግን ልጆችን መውለድ
አልቻሉም ነበርና ወደ ሀኪም ቤት ችግሩን ለማወቅ ይሄዳሉ አስፈላጊውን
ምርመራ ማድረግ እንዳለባቸው ተነግሯቸው ወደ ቤታቸው ይመለሳሉ፣
የምርመራውን ውጤት ለመስማት ባል ወደ ሃኪም ቤት ቀድሞ ያመራል
ዶክተሩ ጋር ሲገባ የተነገረው ውጤት እጅጉን አሳዛኝ ነበር ባለቤቱ
መውለድ አትችልም መሃን ናት ባል የሰማውን ዋጥ በማድረግ እግዜርን
ያመሰግናል ፣ ለዶክተሩም እንዲህ ይለዋል (ባለቤቴን ይዜ እመጣለው
ግን ስትመጣ መውለድ እንደማትችል አትንገራት ይልቁንስ እኔ መውለድ
እንደማልችል አሳውቃት) በማለት ለምኖ ያሳምነዋል።

ዶክተሩም ባል ያለውን እሺ ባማለት ለሚስት ባለቤትዋ መውለድ እንደማይችል እና
ተስፋቹ አንድ እግዜርን ብቻ መማፀን ነው ሲል ከምክር ጋር ውጤቱን
ያሳውቃታል ፡ ብዙም
አልቆየ ይህ ወሬ በባልና ሚስት ቤተሰቦች ዘንድ ይሰራጫል፣
በዚህ መልኩ ለአምስት አመታት ያህል ከኖሩ በኋላ ሚስት
ለባል ከዛሬ ጀምሮ ከሱ ጋር መኖር እንደማትችል እና ዘር
ፍሬዋን ልጆችዋን ወልዳ ማየት እንደምትፈልግ ትነግረዋለች
፣ባል በጣም ሀዘን እየተሰማው ይህ የእግዜር ውሳኔ ነው እባክሽ
በእግዜር ላይ ያለሽ ተስፋ የጠነከረ ይሁን በማለት ነገሩን
ለማርገብ ይሞክራል እሷም ጥሩ ይህንን አመት እታገሳለው ከዛ
በኌላ ግን ከኔ ጋር ትቆያለች ብለህ እንዳታስብ ትለዋለች።

እሱም በእግዜር ተስፋውን አስጠግቶ ይስማማል በዛው አመት
ሚስት በኩላሊት በሽታ ትጠቃለች ሀኪሞችም ግዴታ ኩላሊቷ
መቀየር እንዳለበትና ካልሆነ ነገሮች ሊከብዱ እንደሚችሉ
ይነግሯታል፡ ሚስትም ይህንን ስትሰማ ወቀሳዋን በባል ላይ
አጠናክራ ቀጠለች ሰበቡ አንተው ነህ ፍታኝ ኑሮዬን ልኑርበት
ስልህ እምቢ ብለህ ብዙ ወቀሰችው በዚህ ወቅት ባል ባለቤቱን
አስፈቅዶ ኩላሊት በፍቃደኝነት ለባለቤቱ የሚሰጥ ሰው
ለማፈላለግ ከሀገር ውጭ እንደሚሳፈር ይነግራት እና ተሰናብቶ
ከሆስፒታል ይወጣል ብዙም አልቆየ ከሳምንት ቦኌላ ይደውላል
፣ ኩላሊት የሚሰጥ ሰው አግኝቻለው አብሽሪ በማለት
ያበስራታል።

አንድ የአረብ ሀገረ ተወላጅ ወጣትም ያለችበት ሆስፒታል ድረስ
መጥቶ ኩላሊቱን ሊሰጣት ፍቃደኛ የሆነው እሱ መሆኑን
ይነግራታል፡ ቤተሰብ ሁሉ ተደሰተ ምስጋነው ዘነበበት ለነገሩ
ኩላሊቱን የሚሰጠው በእርግጥ ባል እንጂ ይህ ወጣት
አልነበረም ሚስት እና ቤተሰብ እንዳያውቁ የተጠቀመው ዘዴ
ነበር ፡ባልም አስፈላጊውን የቀዶ ጥገና ከተደረገለት በኌላ
ኩላሊቱን ለሚስት ይሰጥና የኩላሊት ዝውውሩ በተሳካ መልኩ
ይጠናቀቃል፡፡

ብዙም አልቆዪ ሚስት የመጀመርያ ልጅዋን መፀነስዋን
ታውቃለች!!!
በ ዘጠነኛው ወር የመጀመረያው ልጅ ተወለደ ቤተሰብ ሁሉ
በደስታ ተዋጠ ፥ ይህንን ሁሉ በቀን ውሎው መዝገብ ላይ ግን
ከማስፈር ባል አልተዘናጋም ነበር በዚህ ሁኔታ ላይ ሳሉ አንድ
ቀን በቤት ውስጥ ካለ ጠረጴዛ ላይ ይህንን መዘገቡን ረስቶ
ጥሎት ከቤት ይወጣል ሚስትም አንስታ ማንበብ ትጀምራለች
ያኔ ነበር እውነታው ሁሉ የተብራራላት በለቅሶ ተዋጠች ወዲያው
ባል ጋር ደውላ ተንሰቅስቃ እውነታውን እንዳወቀች አስረዳችው
እሱም እያለቀሰ ምን ያህል እንደሚወዳት ነገራት፡፡
ታሪኩን ፀሀፊው ባልም ሚስቱ ለሱ ካላት ክብር እና ከፍተኛ
ወዴታ የተነሳ ከዛ ቀን ጀምሮ ቀና ብላ በሙሉ አይኗ ደፍራ
እንዳላየችው በመግለፅ ለባለፉት አስር አመታት ብቻውን ያለቅስ
እንደነበር እና እምባውን ይጠርግለት የነበረ ሰው እንዳልነበረ
እና ዛሬ ባለቤቱ ስታለቅስ አይዞሽ በማለት እምባዋን
እንደሚያብስላት ይናገራ
@ ye ena tarik

:
እሷ ፡ ሀይ ማሬ😍

እሱ ፡ ሀይ👋

እሷ ፡ ደህና ነክ ውዴ😊

እሱ ፡ አለው😔

እሷ ፡ ጠፋህብኝ እኮ ፍቅር😉

አሱ ፡ Sorry አሁን ማውራት አልችልም🖐

እሷ ፡ ለምን 😒

እሱ ፡ ቀብር ላይ ነኝ😒

እሷ ፡ ማን ሞተ 😳

እሱ ፡ ላንቺ ያለኝ ስሜት 😜😜😜