የኢትዮጵያ ብሔራዊ ባንክ የልዩ የዉጭ ምንዛሪ ጨረታን በአማካይ ዋጋ በዶላር 107.9 ብር መሆኑን አስታወቀ

የኢትዮጵያ ብሔራዊ ባንክ ዛሬ ነሐሴ 1 ቀን 2016 ዓ.ም. የተካሄደውን የልዩ የውጭ ምንዛሪ ጨረታ ውጤት ይፋ አድርጓል።

27 ባንኮች ተሳትፎዉበታል በተባለዉ በዚህ ልዩ ጨረታ አሸናፊ የሆኑት ተጫራቾች አማካይ ዋጋ በአንድ ዶላር 107.9 ብር እንደሆነ ብሔራዊ ባንክ ገልጿል። ይህም ነገ ከነሐሴ 2፤2016 ዓ.ም. ጀምሮ በዉጪ ምንዛሪ ተመን ላይ ተግባራዊ ይደረጋሉ ።

የብሔራዊ ባንክ ገዢ ማሞ ምህረቱ ዉጤቱን ተከትሎ እንደተናገሩት "ተግባራዊ የተደረገዉን በባንክ ምንዛሪ ዋጋ እና በትይዩ የገበያ ዋጋ መካከል ያለው ልዩነት እና እንዲሁም የምንዛሪ ተመን መረጋጋት ትርጉም ያለው እድገት ሆኖ በማየታችን ደስተኞች" ነን ብለዋል።

የዉጪ ምንዛሪ ግብይት አብዛኛው እንቅስቃሴ ወደ ባንክ ሥርዓት እንዲሸጋገር የሚያደርግ ሲሆን በዚህም የውጭ ምንዛሪ የሚያመጡትን ላኪዎች እንዲሁም ብዙ ኩባንያዎችን እና የውጭ ምንዛሪ ለሚፈልጉ ሥራ ፈጣሪዎች አስተዋጽኦ ከፍተኛ መሆኑ ተመልክቷል ።

የኢትዮጵያ ብሔራዊ ባንክ ልዩ የዉጪ ምንዛሪ ጨረታዉን ከዛሬ ጀምሮ ሊያካሄድ መሆኑን መግለፁ የሚታወስ ሲሆን ቢዘህም ፍላጎቱ ያላቸዉ ባንኮች በጨረታው መሳተፍ እንደሚችሉ አስታዉቆ ነበር።

ምንጭ:- ቲክቫህ