عقب النظر ما عاد لي في الهوى أحباب
غاب . . و قطع عني المراسيل و الأخبار

بنيت من وصله أمل و أثر الأمل كذاب
أركض ورا طيفه و هو لـ غيري استدار

ما عاد يغري قلبي ظنون و لا سراب
من باع ناسه لجل هامل جنى ذل و مرار

يا ليتني قبل الغلا حطيت للرجع حساب
ولا سقت روحي لـ واحد بالهجر استخار

‏من متى كانت أجابتنا على قد السؤال
‏و من متى كانت سوالفنا سوالف باردة

‏و من متى الوعد يتأجل و يتأجل الإتصال
‏و من متى اسولف على عينك و عينك شاردة

‏و من متى كلمة أحبك شهر كامل ما تنقال
‏تكسر جناحي من عنادك و أنا اللي فارده

‏للأسف كنت الفراق أشوفه أقرب للخيال
‏صرت أشوفه واقعي جدًا و فكرة واردة

شرعت لك بيبان قلبي و رحبت
قلت الله الله بقلبٍ شافك أمانة

تركت كل الناس ما همني الا أنت
ضميتك لـ صدرٍ تباهى بحنانه

علي أنا بالذات و شلون ما لنت
هزمتني و قلبي ما يرضى الإهانة

غلطت إني بـ قلبك تعشمت
و أنا خسرت اليوم قلبي و رهانه

من قسوة أفعالك تراني تعلمت
كل الجروح تهون الا .. الخيانة

ما هقيت إن المواقف تاليها وداع
سامح الله صاحب حدّني لـ مفارقه

باعني عقب الغلا و الغلا ما هو يباع
من فراقه حجرة العين دايم غارقة

و ابتدأ فلم المفارقة و ضيقات الوساع
و الكرى لا هوّد الليل كنّي سارقه

ما دريت إن المحبة عواذلها جياع
لين شفت شمس هجرك علينا شارقة

عفى الله عن كلام في حنايا الصدر ما ينقال
تركته للزمن لو هو ثقيل و جمرته حيّة

و عفى الله عن هموم ما تخلّي مستريح البال
يعيش أيام عمره في صفا ذهن و صفا نيّة

و عفى الله عن هواجيس توقّف بي على الأطلال
تعيد الذكريات اللي مع الأيام . . منسيّة

وش ألومك عليه؟ و خاطري دون الملامة ما طاب
يا وجهٍ يوم أشوفه كنت أشوفه وجهي الثاني

كذا استكثرت الراحة على قلبي بدون أسباب
كذا ترضى لي عصف الشتات بعز خذلاني

ذخرتك طلقةٍ ترمى بصدر الصاحب الكذاب
لعل سلاحي موجه على صدري و شرياني!

ماني من اللي يتبع المقفّين يا نايف
طبعٍ ورثته من اللي مات ما خرّف

من صد صدّيت لو هو بالغلا كايف
و إن راح جعله مراح الطّير لا صرّف

لو بقى للهيل صبر على فوح الدلال
ما بقى للقلب صبر على شيٍ يجيه

كنت أحسب إن الغلا زال و أثره لا يُزال
في الحشى ما كنّه إلا دخيلٍ في الوجيه

و إن مر طيفي على بالك في ليلة ربوع
اسأل غرورك وش الدنيا بليّا متاع

ودعتك الله ولا ودّي تجف الدموع
ياللي وداعك ما بعده في حياتي وداع

ماهي عوايدك تبطي ما تكلمني
مدري من اللي خذاك وغير أسلوبك

عن كل حاجه بـ قلبك ما تعلمني
نسيت طيش الغلا وأيام محبوبك

أزريت لا أفهمك وأنت أزريت تفهمني
ما تدري إن القصايد كلها . . صوبك

‏ما علمك صمتي وش كثر فيني كلام
‏ولا أنا بس اللي أحسك و أسمعك؟

‏ما ذكرك مُر الجفا بحلو الغرام
‏ولا أنت بالثنتين ما تفرق معاك؟

توكل لا توادع رح عسى درب الجفا المسهوج
يصادف كل درب فرقى عقبها ما تلمحك عيني

سمحت من الهوى و من القصيد و من زراق الموج
و رميت أغلى مجاديف الغرام و جيت بيديني

‏ما طاح في قلب الغلا غير الأوجاع
‏وما شالت كفوف الندم غير ضيقة

‏أثر الغلا لا زاد عن حده . . أنباع
‏مثل الدفى لا زاد يصبح حريقة

ولا أعاتبك لكنك أبطيت عن داري
جلست أنتظر و الباب مردود لوصالك

ولا أعاتبك لكن على زحمة أفكاري
تمنيت يوم أصحى على صوت مرسالك

ولا أعاتبك لكني أعاتب إصراري
على إنك حبيبي .. و الزمن ما تهيّا لك

مشتاق لك لكن ما أقدر أسأل
مشتاق لك لكن ما أقدر أجيك

لا عارف أوصلك ولا عارف أرحل
تاهت خطاي بزحمةٍ من خطاويك

يجن عقلي فيك و أحاول أعقل
و أحاول أبعد عنك لكني أبيك

مشيت خطوة بس ما قدرت أكمل
أنا عجزت أنساك و أبعد و أخلّيك

ما قلت لك بكرا نعود أغراب
ما علمتك إن الدنيا مالها أمان

خليتني وحيد بدون أحباب
و علقت قلبي بحبك ادمان

وينك و أنا ويني صرنا أجناب
بـ ديار الحبايب مالك ضمان

شفته رجع و قلت الله يحيّيك
و شلون جيت و أنت رجعتك مستحيلة

و فزّيت و اثره حلم و الدمع يرثيك
معذور يا أغلى من كسرني رحيله

لا غاب عنك اللي غيابه مصيبة
و طالت به الغيبة ولا جابه الشوق

مافيه داعي تنشده عن مغيبه
ما غاب منك إلا وهو منك مسروق

خله يكمل غيبته وش تبي به
لا تلحقه ولو كل مطرود ملحوق

ترى المحبة ما تجي بالغصيبة
لو السماء تطبق على الأرض من فوق

جاني يقول الناس فيك يحشّون
في مجلسٍ فيه الهدايف تناظر

طيب ما دامك صاحبٍ لي و يدرون
وش لون جابوا سيرتي و أنت حاضر؟

هم قصدهم عن خوتك لي يشوفون
كويتهم؟ . . . ولا مسجّل محاضر

الغالي اللي عليه الشوق ذابحني
أقفى به الوقت لا جاني ولا جيته

يا سيّد الغيد قبل أقول لك بِحْني
بخبرك عن كلامٍ عنك .. خبيته

تدري وش أكبر خطاي الله يسامحني
إقفايتي عنك .. و إنت اللي تمنيته

لا تحسبني عقب فرقاك مرتاح
ولا تحسبني رحت أدور بدالك

ما همني من جاء عقبك و من راح
ولا غيري اللي فالمحبة صفا لك

طال الغياب و الحب ثابت ولا انزاح
و كتم علومي عنك .. ما قلتها لك