معقول صوتك ينسمع فيه عبرة
و أشوف عينك غارقة بالدموع

لا و اللذي ينزّل من الغيث قطرة
ما لاق لك غير الفرح هاتي اللوع

و إذا أخطيتي للخطأ منك دبرة
أبعتذر منك وننهي الموضوع -

باقي على عيد الأضحى عدّة أيام
عيدك مبارك يا بعيد المسافات

لا ما نسيتك كيف بنساك؟ ما دام
ذكرى الفراق تهزّني لو نسيتك

يحنّ لك قلبي و أنا بالحيل مشتاق
ليتني كل ما أشتقت أقدر أشوفك

‏اغيب وابعد وانشغل واحاول انسى مانسيت
‏ماتنّسى ذكرى السنين اللي معك قضيتها

‏حاولت كم مره وكم مره ولكن؟ماقويت
‏حتى لو ان ذكراك مامرت علي مريتها

‏وشلون وانا كل ماتطري علي مت وحييت
‏لو ان معي قدره على نسيانها نسيتها

‏ماجاب لي علم ما سولف لكم عني
‏ماشفتوا الحزن في وجهه وناصيته

‏لايدري إني نشدت وجبت له طاري
‏ولا يدري إني ذكرت إسمه وخصّيته

‏حتى لو انه نساني ما علي منه
‏أنا لو انسى خواني ما تناسيته

‏ياليت ربي بس حلل لنا شي
‏فتح القبور ومعايدة ساكنينه

‏ودّي أعايد ميتٍ بداخلي حي
‏اللي عجزت أنساه وأنسى سنينه

العيد حجّة وصل يا سيّد الأحباب
‏تعال عايد علي إن كان لك مقدريّة

‏وإن كان عيد الفطر سجلتك غياب
‏أحذر تغيّب يوم عيد الضحيَّة

العيد والله شوفة اللي تحبّه
وإن كان ما شفته فلا عيدك بـ عيد

فنجال وصلك كل ما جيت اصبّه
عيدت على الدلّة كبار البراريد

‏لا تعاتبني .. ترى ما على مثلي ملاَم
‏والحبيب اللي يغيب مايغيب بلا سبب

‏والله انك لو تحاول اني أحكي ألف عام
‏بسكت ولو راعد الشوق في قلبي ضرب

‏والغياب اللي تشوفه ماهو من قل اهتمام
‏الغياب اللي تشوفه شخص من همه تعب

‏لا تبرر .. والعذر ما عاد باقي له مقام
‏شخص حبك مايبي غيرك ولو غيرك عرب

المحبّة قبل أعرفك شي عادي .. و إعتيادي
بس عقبك! لا والله إنها في نظر عيني عظيمة

ودّي أحطك وسط عيني و أغمض لا إرادي
من كثر خوفي عليك من الصواديف .. الأليمة

أعشقك و أغليك و أميزك عن كل العبادي
و مستعد أعيش أنا وياك .. في رملة وخيمة

أنت الوطن لا ضاقت الدنيا بعيني وفادي
و أنت الطمأنينة ليّا صارت الليالي .. عتيمة

هو لقى له قلب عقبي له ذرى؟
أو غدا مثلي من الفرقا وحيد

غاب عن عيني وباقي في الحشى
جرحٍ ما يبرى ولا مر بي يوم جديد

كل دربٍ رحت له يرجع صدى
اسمه و صمتي و دمعي و الحنين

حديتني للبعد ما كنت ناويه
خيرتني ما بين عزّي و ذلّي

أنت الوحيد اللي أنا كنت أغليه
و أخذتها حجة و عناد و تغلّي

قلبٍ مليته بالعتب وين أوديه
أبغاك مرة تحط نفسك محلّي

أنا تعبت أشيل حبك و أرميه
وشلون هاين تجرحه و أنت خلّي

خليتني في وقت محتاجلك فيه
هذا و أنا اللي كنت أسميك ظلّي

ما يزعلني غيابك يا غايب بدون أسباب
ليه أزعل و أنا من غيبتك صرت متعود

ما والله تسمع من فمي كلمتين غياب
على راحتك روّح .. و على راحتك عوّد

‏لا شفتني صديت عنك واقفيت
‏ مابيك تسأل عن سبايب صدودي

‏طبعي كذا لا شفت زلتك صديت
‏ماودي تسمع مني قسوة ردودي

كلامك اللي مرسله و أنت زعلان
بسيط لو غيرك من الناس قاله

حاولت أسمّي غلطتك زلّة لسان
لكنها كانت مكتوبةٍ في رسالة

اللي يقول إن المحبة لها وقت وتزول
بعطيك علمٍ من أقصى قلبي مؤكد

هذي ست سنين مرّت ولا زال
حبّه بـ قلبي كل يوم يتجدّد

بقى ذنب من ذنوبي عجزت أنساه
بعد ما هداك الله يا قلبي على التوبة

لك الشوق يا ذنب تركته لـ وجه الله
عسى سيئات الشوق ماهي بـ محسوبة

وش حيلة المشتاق لاحن و أشتاق
و ماله في درب المواصيل .. حيلة

يهوجس و كل ما تذكر حبيبه ضاق
و إن حاول بقربه ماله .. وسيلة

أنشهد إن درب الموادع ما يطاق
و إن الوصال بحد ذاته .. محيلة

و إن مُر الحياة هو الفراق
ما ظني أحد يلقى .. بديلة

‏لا تزعلني و تحكم علي إني زعول
‏و أنت تدري مستحيل أزعل إلا من بلا

‏العذر في بعض الأحيان مايلقى قبول
‏وفيه وسع صدر تحمل زعل لين أمتلى

‏مشكلة غلطتك ما تقبل انصاف الحلول
‏و المصيبة لك معزة و تقدير و غلا

ودّي أعطيك من عمري و زود
و أخذ عنك كل ما يحزنك و اشيله

و أبعدك عن جور الأيام السود
وما يلمسك الزعل بـأي وسيلة

و صار الزعل من بينّا ما له أسباب
و على الرضى ما عاد للقلب طاقة

و قلّت سوالفنا عقب ذاك الأسهاب
و راح التودد و اصطناع اللباقة

طاحت مناعة حبنا و الغلا شاب
و هذي مواري قرب موت العلاقة

اليّا كسرت الغصن لا عاد تسقيه
ما عاد ينبت لو تردّه محلّه

ما يامن قلب خابت هقاويه
لو تسقيه كل السعادة بعد المذلّة

ما يصلح كسر القلب ثم ترجع تداويه
رح بأمان الله و قلبي خلّه محلّه