‏مالي معك حل إلا الصمت والحيرة
‏تركت درب العتب من كثر مافيني

‏طبعك تغير معاي وصعب تفسيره
‏تجرح شعوري جفا وتقول تغليني؟

‏ماعاد تنشد عن تفاصيل يومي
‏ولا عاد تنشد عني اليوم لاغبت

‏كنت القريب وكنت دايم قدومي
‏ولاغبت ضقت ولاتلاقيت بك طبت

‏جعلك فمان اللّٰه ما هي سلومي
‏في طردة المقفين مايوم حاربت

‏عز الله أن الناس ما هي تدومي
‏وعزالله اني فـ هقوتي يمك اذنبت

‏على طاري البعد فقدت اغلى محبيني
‏وعلى طاري الشوق فهو واصل حدّه

‏ياليت عقب هالبطى تشوفه عيني
‏وياليت هالعين تهنى بشوفة من تودّه

‏أغليه لو إنه بعيد عن العين
‏دام المشاعر في غرامه رهينة

‏الحب عند الناس كلمة وحرفين
‏والحب عندي له معاني ثمينة

تبي الدليل إني على الوصل شفقان
و إني أحبك مثل حبّي لـ روحي

سامحتك البارح و أنا منك زعلان
و ضحكت لك و أنا بقمّة جروحي

‏أحبه و أحب اللي يجيبون لي طاريه
‏و له مخلصٍ مانيب لـ العهد بواقي

‏خذا الروح كله ما بقى له شريكٍ فيه
‏و جعله فدا له ما خذاه منه و الباقي

ياقوّ قلب الرفيق اللي مخلّيني
ماهو بمعذور لو يشرح لي ظروفه

اشره على الطيّب ليّا غاب عن عيني
ولا الردي ودّي أسمع به ولا اشوفه

عقب البطى قال علمني عن أحوالك
وأقول عقبك حزين و شانت أحوالي

يقول في ذمتك ما جيت في بالك؟
و أقول في ذمتي ما رحت عن بالي

ما عاد له داعي تجيني ولا أجيك
ما دام رحت و خاطرك طاب منّي

يا حبيب قلبي ترا اليوم ناسيك
خاب الرجا منك و خيّبت ظنّي

غدرت قلب كان بالحيل يغليك
غرّك كلامي العذب من صغر سنّي

كنت أحسبك سيفي إذا ضاقت أناديك
و أثر البلا سيفي هو اللي .. طعنّي !

معقول صوتك ينسمع فيه عبرة
و أشوف عينك غارقة بالدموع

لا و اللذي ينزّل من الغيث قطرة
ما لاق لك غير الفرح هاتي اللوع

و إذا أخطيتي للخطأ منك دبرة
أبعتذر منك وننهي الموضوع -

باقي على عيد الأضحى عدّة أيام
عيدك مبارك يا بعيد المسافات

لا ما نسيتك كيف بنساك؟ ما دام
ذكرى الفراق تهزّني لو نسيتك

يحنّ لك قلبي و أنا بالحيل مشتاق
ليتني كل ما أشتقت أقدر أشوفك

‏اغيب وابعد وانشغل واحاول انسى مانسيت
‏ماتنّسى ذكرى السنين اللي معك قضيتها

‏حاولت كم مره وكم مره ولكن؟ماقويت
‏حتى لو ان ذكراك مامرت علي مريتها

‏وشلون وانا كل ماتطري علي مت وحييت
‏لو ان معي قدره على نسيانها نسيتها

‏ماجاب لي علم ما سولف لكم عني
‏ماشفتوا الحزن في وجهه وناصيته

‏لايدري إني نشدت وجبت له طاري
‏ولا يدري إني ذكرت إسمه وخصّيته

‏حتى لو انه نساني ما علي منه
‏أنا لو انسى خواني ما تناسيته

‏ياليت ربي بس حلل لنا شي
‏فتح القبور ومعايدة ساكنينه

‏ودّي أعايد ميتٍ بداخلي حي
‏اللي عجزت أنساه وأنسى سنينه

العيد حجّة وصل يا سيّد الأحباب
‏تعال عايد علي إن كان لك مقدريّة

‏وإن كان عيد الفطر سجلتك غياب
‏أحذر تغيّب يوم عيد الضحيَّة

العيد والله شوفة اللي تحبّه
وإن كان ما شفته فلا عيدك بـ عيد

فنجال وصلك كل ما جيت اصبّه
عيدت على الدلّة كبار البراريد

‏لا تعاتبني .. ترى ما على مثلي ملاَم
‏والحبيب اللي يغيب مايغيب بلا سبب

‏والله انك لو تحاول اني أحكي ألف عام
‏بسكت ولو راعد الشوق في قلبي ضرب

‏والغياب اللي تشوفه ماهو من قل اهتمام
‏الغياب اللي تشوفه شخص من همه تعب

‏لا تبرر .. والعذر ما عاد باقي له مقام
‏شخص حبك مايبي غيرك ولو غيرك عرب

المحبّة قبل أعرفك شي عادي .. و إعتيادي
بس عقبك! لا والله إنها في نظر عيني عظيمة

ودّي أحطك وسط عيني و أغمض لا إرادي
من كثر خوفي عليك من الصواديف .. الأليمة

أعشقك و أغليك و أميزك عن كل العبادي
و مستعد أعيش أنا وياك .. في رملة وخيمة

أنت الوطن لا ضاقت الدنيا بعيني وفادي
و أنت الطمأنينة ليّا صارت الليالي .. عتيمة

هو لقى له قلب عقبي له ذرى؟
أو غدا مثلي من الفرقا وحيد

غاب عن عيني وباقي في الحشى
جرحٍ ما يبرى ولا مر بي يوم جديد

كل دربٍ رحت له يرجع صدى
اسمه و صمتي و دمعي و الحنين

حديتني للبعد ما كنت ناويه
خيرتني ما بين عزّي و ذلّي

أنت الوحيد اللي أنا كنت أغليه
و أخذتها حجة و عناد و تغلّي

قلبٍ مليته بالعتب وين أوديه
أبغاك مرة تحط نفسك محلّي

أنا تعبت أشيل حبك و أرميه
وشلون هاين تجرحه و أنت خلّي

خليتني في وقت محتاجلك فيه
هذا و أنا اللي كنت أسميك ظلّي

ما يزعلني غيابك يا غايب بدون أسباب
ليه أزعل و أنا من غيبتك صرت متعود

ما والله تسمع من فمي كلمتين غياب
على راحتك روّح .. و على راحتك عوّد