انا لو ينسيك الوقت ماني بناسيك
محبتك قصة ما أقدر أكتب نهايتها

لو الوقت يرجع قبل أعرفك و قبل أجيك
و قبل الهقاوي تنثني دون غايتها

بروح أنتظر في أول مكان جمعني فيك
و بعيد تجربتي معك من بدايتها

أوجعت قلبي و عزّ الله إنك أخطيت
جرحت صدرٍ كان بالحب مولع

أوجعت قلب اللي يخاف أنك تعنيت
قلبٍ صفا لك و ما عرف غيرك

ظنيت فيك الوفاء لكن تجنيت
خذلتني و أنت أعز الناس و أرفع

وين التراحيب القديمة و الهلا؟
وين العيون اللي تغورق و تهمل

وين الشغف؟ و المرحبا و المسهلا؟
و الخاطر اللي لا يكل ولا يمل

يعني معرضني لواهيب الخلا
يعني ما عاد أرسم على لاماك أمل

‏أنا حلفت يمين ماعاد احاكيك
‏نسيت يوم اكلمك وما تردِ ؟

‏كنت ابي أودعك و ابي أعزيك
‏بحبنا اللي مات من دون ودّي

‏و علمتني الهجر والله لاجازيك
‏و أعلمك شلون هجري و صدّي

‏من أول ليّا مر اسمك و طاريك
‏ما يركد الفنجال في كف يدي

محتار ما بين المكابر و الحنين
مدري أداوي الشوق ولا أدفنه

مشتاق و جهاد المعاصي فرض عين
حاول تحس بـ جرحي و تسأل منه

سولف يهون الوقت عندي ولا هنت
‏معاك لحظات انشغالي . . ثمينة

‏وشلون ماحبّ السّوالف معك وانت
‏شايل على صوتك . . شعور السكينة

ما قلت مشتاق توبة ما أكررها
قد مرّة قلت مشتاق و نزل قدري

لو هي تقرقع بصدري صعبٍ أذكرها
خلها تقرقع لين أموت في صدري

‏كل مرة يطري عليّ ذكراه
‏و أقعد أكابر فكري و أردّه

‏ثم أحسب إني قادرٍ أنساه
‏ما ادري إن لقلبي بقلبه مودّه

‏وقت اللقاء يفزّ قلبي للقياه
‏يطيح الحطب و ينهد سدي وسدّه

هو أنا الغارق ولا عندي أيادي
آه لامن صار مشكلة حياتك فـ ذاتك

تهرب من الناس لامن ضقت عادي
بس قلّي كيف بتهرب من حياتك؟

لا تمازحني بغلاك و أنت تدري فيه
لا تشكك بحبك و أنت خابر مكانه

والله لو فتّشت القلوب و خوافيه
إن تلقى اسمك بالصّون أمانة

أنت دوا قلبي تجرحه و تشفيه
و أنت أفراحه لا طغت أحزانه

و أنت الّذي أبياتي لا يمكن توفيه
جمعت لطف هالكون و حنانه

‏ألا ياقلب لا تشره عليه ولي متى غِيرة
‏يغيب براحته خلّه يروح بعالم النّسيان

‏كفاك تدور أعذار لغيابه فضّها سِيره
‏تماديت بغلاه و من تمادى بالغلا خسران

‏أبد مافيه بالدنيا بشر يستاهلك غيره؟
‏يغيب ولا رجع ماكنك الا العاشق الولهان

اللي مايجيك من طيب خاطر لا تكثر عليه المراسيل
واللي يبي وصلك لو تبعد به الدنيا يلقى لك سبيل

لا تفرض نفسك على شخصٍ ما عاد لك عنده قبول
خل العزّة لك وخلّ اللي يبيك يجيك من نفسه ويقول

‏واليوم في غيبتك ماني بعاجز لا أجيك
‏لكني أخاف لامن جيت مالي قدر

‏أبيك وأكذب عليك إن قلت ما تشتهيك
‏مشاعري يا نظر عيني و كلّك نظر

‏اما احتضنها وصل ولا تسلم عليك
‏تلقى بدالي و أنا بشحذ زماني صبر