የትንሳኤ ሎተሪ ወጣ።

የ2017 ዕጣ ዛሬ በኢትዮጵያ ሎተሪ  አገልግሎት በዕድል አዳራሽ መውጣቱን የኢትዮጵያ ሎተሪ አገልግሎት አሳውቋል።

በዚህም ፦

1ኛ ዕጣ ቁጥር 0312160 ➡️ 10,000,000 ብር (አስር ሚሊዮን ብር)

2ኛ ዕጣ ቁጥር 0302606 ➡️ 5,000,000 ብር (አምስት ሚሊዮን ብር)

3ኛ ዕጣ ቁጥር 0269838 ➡️ 2,500,000 (ሁለት ሚሊዮን አምስት መቶ ሺህ ብር)

4ኛ ዕጣ ቁጥር 1301182 ➡️ 1,500,000 ብር (አንድ ሚሊዮን አምስት መቶ ሺህ ብር)

(ሙሉ የዕጣ ማውጫ ዝርዝር ከላይ ተያይዟል)

ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

ወልቃይት‼️
የወልቃይት ጠገዴ ሰቲት ሁመራ ዞን ለህወሓት መግለጫ ምላሽ ሰጠ‼️
ትላንትም፣ ዛሬም፣ ነገም አጀንዳችን ሰላም ነው!
ሕወሓት ሚያዚያ 10/2017 ዓ.ም የወልቃይት ጠገዴ ሰቲት ሁመራ ዞንን የተመለከተ መግለጫ ማውጣቱን ለመረዳት ችለናል፡፡

ቡድኑ በመግለጫው እንደተለመደው ራሱን የሰላም ዘብ አደርጎ በማቅረብ የወልቃይት ጠገዴ ሰቲት ሁመራ ዞን የሚያደርገውን የሰላምና የልማት እንቅስቃሴ በጸብ-አጫሪነት ወንጅሏል፡፡

ከሕወሓት ጥንተ-ተፈጥሮ አንጻር የወጣው መግለጫና የመግለጫው ይዘት የሚያስገርም ባይሆንም፣ አንዱ ወገን የፈለገውን ተናግሮ ሌላው ጉዳዩን በዝምታ ማለፉ የዚያኛውን ወገን መሠረተ-ቢስ ውንጀላ የእውነተኛነት ገጽታ ስለሚያላብሰው፣ ይህን አጭር ማስታወሻ ለማቅረብ ተገደናል፡፡

የወልቃይት ጠገዴ ሰቲት ሁመራ ሕዝብ የትላንትም፣ የዛሬም፣ የነገም መሪ አጀንዳ ሰላምና ሰላም ብቻ ነው፡፡

በሕወሓት የግፍ አገዛዝ ለ27 ዓመታት ሲማቅቅ፣ ሲገደልና ሲፈናቀል ለኖረው ሕዝባችን ሰላም ልዩ ትርጉም ያለው ነው፡፡ ስለሆነም ሰላሙን ለማረጋገጥ ያለ እንቅልፍ ይሠራል፣ ይተጋል፣ ያተጋል፣ ለአማራዊ ማንቱ ዘብ ሁኖ ይቆማል፡፡

መላው የወልቃይት ጠገዴ ሰቲት ሁመራ ዞን ሕዝብ ራሱን በሰላም አስከባሪነት በማዘጋጀት የራሱንና የአካባቢውን ውስጣዊ ሰላም ከሰርጎ ገቦች፣ ከወያኔ መንገድ ጠራጊ ኃይሎች፣ ከባንዳዎች ሲጠብቅ ቆይቷል፡፡ ወደፊትም ይቀጥላል፡፡ የተከዜ ዘብ፣ የሰላም ዘብ ሲሆን በዞኑ ሕዝብ የተዋቀረ የዞኑ ሰላም አስከባሪ እንጂ የማንንም አልፎ የማይጠይቅ፣ የራሱን ማንነት አሳልፎ የማይሰጥ እና የጠባ-ጫሪነት አጀንዳ የሌለው ኃይላችን ነው ፡፡

ሕወሓት ከወልቃይት ጠገዴ ሰቲት ሁመራ ዞን እንዲወጣለት የጠየቀው የዞኑን ሕዝብ ነው፡፡ በርግጥ ከፍ ብሎ እንደተገለጸው፣ ለእኛ ሕወሓት ይህን ማለቱ ፈፅሞ አያስገርመንም፡፡

ሕወሓት ከጥንት እስከ ዛሬ የማያከብረውን ሕገ መንግሥትና ፌዴሬሽን ደግሞ ደጋግሞ የሚጠቅስ፤ የማያምንበትንና የማያከብረውን የፕሪቶሪያ ስምምነት ደግሞ ደጋግሞ የሚያወሳ ቡድን እንደሆነ አሳምረን እናውቃለንና፡፡

ስለሆነም ሕወሓት የሚፈልገው የወልቃይት ጠገዴን ሕዝብ እንደለመደው ከርስቱ አፈናቅሎና ጨፍጭፎ የአማራ ርስት የሆነውን የወልቃይት ጠገዴን ለም መሬት መጠቅለል እንደሆነ ግልጽ ነው።

ቡድኑ አካባቢውን በጉልበት በወረረበት ዘመን ያደረሳቸው ግፎችና በደሎችም ሆነ በጎረቤት አገር ያሉ ተዋጊዎቹ በወልቃይት ጠገዴ አማራዎች ላይ እያደረሱት ያለው  ማሳደድና መጨፍጨፍ የቡድኑን ፍላጎትና ቋሚ ዓላማ በማያሻማ መልኩ ፍንትው አድርገው የሚያረጋግጡ ናቸው፡፡

በመሆኑም ከመግለጫው ለመረዳት እንደሚቻለው ወያኔ አጭበርባሪና ቁማርተኛ ቡድን መሆኑን ፀሐይ የሞቀው፣ ሕዝብ ያወቀው ነውና አዲሳችን አይደለም!

የወልቃይት ጠገዴ ሕዝብ ዛሬም እንደ ትላንቱ ሕግንና ሕገ መንግሥትን መሠረት አድርጎ ሰላሙንና ነፃነቱን አስጠብቆ ለመኖር ይሰራል፣ ለሀገር ዳር ደንበር በጎ ጠረፍ ጠባቂ ሁኖ ይቀጥላል፡፡

የፕሪቶሪው ስምምነት በተሟላ ሁኔታ ተግባራዊ እንዲሆን ያለንን ቁርጠኝነትም ከመጀመሪያው ጊዜ ጀምሮ ስንገልጽ ቆይተናል፡፡ የስምምነቱ በተሟላ ሁኔታ ተፈጻሚ መሆን፣ ለዞናችን ሕዝብ ብቻ ሳይሆን ለመላው ኢትዮጵያዊያን ዘላቂ ሰላም በጣም አስፈላጊ መሆኑን እንገነዘባለንና!

በአማራ ብሔራዊ ክልላዊ መንግሥት የወልቃይት ጠገዴ ሰቲት ሁመራ ዞን
ሁመራ ከተማ
@ET_SEBER_ZENA

ድንገተኛ ሞት‼️
ሁሉም ዜሮ ዜሮ በሚለው ዘፈኑ የሚታወቀው አርቲስት ሰለሞን በዛሬው እለት ህይወቱ ማለፉ ተሰምቷል። ኑሮውን በሃገረ አሜሪካ  በአትላንታ ከተማ አድርጐ የነበረው ሰለሞን የፋሲካ በዓልን ከቤተሰቦቹ ጋር ካሳለፈ በኋላ አመሻሽ ላይ ትንሸ ህመም ተሰማችኝ ብሎ ወደ ሆስፒታል እንደሄደና በዛው ህይወቱ እንዳለፈ ተገልጿል።
Via:- መዝናኛ ሚዲያ
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

አዲሱ ህግ ፀደቀ‼️
ተራ አስከባሪ ግብር እንዲከፍሉ ተወሰነ‼️
የአዲስ አበባ ከተማ አስተዳደር፣ የታክሲ ተራ አስከባሪ ማኅበራት ከገቢያቸው 20 በመቶውን ለመንግሥት እንዲሰጡ የሚያስገድድ ደንብ አጽድቋል።

ደንቡ ማኅበራቱ “ዝግ እና መደበኛ የባንክ አካውንት" እንዲከፍቱና ከሁለት ዓመት በኋላ “ወደ ሌላ የሥራ ዘርፍ እንዲሸጋገሩ” ግዴታ ይጥላል።

“የተርሚናል አገልግሎት አሠራርና ቁጥጥር” የተሰኘው ደንብ፣ ኢንተርፕራይዝ በማለት የሠየማቸው ማኅበራት የሚደራጁት በከተማዋ የሥራና ክህሎት ቢሮ መስፈርት መኾኑን ታውቋል።

ኢንተርፕራይዞቹ 30 በመቶ “የግዴታ ቁጠባ” መቆጠብ፣ 50 በመቶውን በተንቀሳቃሽ የባንክ ሒሳብ ማስቀመጥና ያንድ ዓመት ውል መፈረም እንዳለባቸውም ይደነግጋል።
===================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA

በኢትዮጵያ "ከ10 ሚሊዮን በላይ ሰዎች ለረሃብ" መጋለጣቸውን የዓለም የምግብ ፕሮግራም አስታወቀ።

በኢትዮጵያ "ከአስር ሚሊዮን በላይ" ሰዎች በሀገሪቱ "እየጨመረ ላለው ረሃብ እና የተመጣጠነ ምግብ እጥረት" መጋለጣቸውን የተባበሩት መንግሥታት የዓለም የምግብ ፕሮግራም አስታወቀ።

ድርጅቱ በዛሬው ዕለተ ባወጣው መግለጫ እንዳስታወቀው ፕሮግራሙ፤ ኢትዮጵያ ውስጥ ለሚያከናውነው ሥራ የሚውል ተጨማሪ ገንዘብ በአስቸኳይ የማያገኝ ከሆነ "ለ3.6 ሚሊዮን" ሰዎች የሚያቀርበው "የነፍስ አድን ምግብ" ድጋፍ "በመጪዎቹ ሳምንታት" እንደሚያቋረጥ አስጠንቅቋል።

ተቋሙ ኢትዮጵያ ውስጥ የረሃብ እና የተመጣጠነ ምግብ እጥረት እየጨመረ የመጣው ሀገሪቱ ውስጥ ባሉ የተለያዩ ችግሮች ምክንያት እንደሆነ በመግለጫው ላይ ጠቅሷል።ግጭት፣ ቀጣናዊ አለመረጋጋት እና መፈናቀል ተቋሙ ከጠቀሳቸው ምክንያቶች መካከል ናቸው።

በሀገሪቱ ውስጥ ያለው "ኢኮኖሚያዊ ቀውስ" እና ድርቅ እየጨመረ ለመጣው ረሃብ እና ተመጣጠነ ምግብ እጥረት በምክንያትነት ተጠቅሰዋል። እነዚህ ችግሮች "ሚሊዮኖችን ያለ በቂ የተመጣጠ ምግብ እንዳስቀሩ" የዓለም የምግብ ፕሮግራም ገልጿል።

የተቋሙ መግለጫ፤ "በመላው ኢትዮጵያ ከአስር ሚሊዮን በላይ ሰዎች ለረሃብ እና ምግብ እጥረት ተጋልጠዋል" ብሏል። ከእነዚህ ሰዎች መካከል "ሦስት ሚሊዮን ያህሉ በግጭት እና በአስቸጋሪ የአየር ጠባይ ምክንያት ከመኖሪያቸው የተፈናቀሉ" እንደሆኑም ጠቅሷል።

የዓለም የምግብ ፕሮግራም በኢትዮጵያ የተመጣጠነ ምግብ እጥረት ያለበትን ደረጃ "አሳሳቢ" ሲል ጠርቶታል። የተመጣጠነ ምግብ እጥረት ያጋጠማቸው "4.4 ሚሊዮን ነፍሰ ጡር እና አጥቢ እናቶች እንዲሁም ህጻናት ህክምና እንደሚያስፈልጋቸው" አስታውቋል።

በ2025 የመጀመሪያ ሩብ ዓመት ከሦስት ሚሊዮን በላይ ሰዎች የምግብ እርዳታ ማቅረቡን የገለጸው የዓለም የምግብ ፕሮግራም፤ ከእነዚህ ውስጥ 80 በመቶው ድጋፍ የቀረበው "ለተፈናቀሉ እና የከፋ የምግብ ዋስትና" ችግር ላጋጠማቸው ኢትዮጵያውያን መሆኑን አስታውቋል።

የዓለም የምግብ ድርጅት በዚህ ዓመት በኢትዮጵያ ለሚገኙ አንድ ሚሊዮን ገደማ ስደተኞች 60 በመቶ የምግብ ድጋፍ እንዳቀረበ አስታውሷል።
ቢቢሲ
===================
ለጥቆማና ማስታወቂያ ለማሰራት
    👉 @Akiyas21bot
  

@ET_SEBER_ZENA
@ET_SEBER_ZENA