هيبقا فيه انتظام ب اذن الله في تنزيل الدروس
يومين ف الاسبوع
الخميس والاتنين باذن الله

فاكرين في الدروس الأولى لما اتكلمنا عن السيرفرات والاستضافات؟ وقلنا إن دي عبارة عن أجهزة كمبيوتر قوية شغالة 24 ساعة مابتفصلش، عشان نشغل عليها الأكواد بتاعتنا وتفضل متاحة في أي وقت.

● طريقة اسمها البولينج (Polling) وهنبقى ناخدها في درس سريع لوحدها
● وطريقة تانية وأسرع وأقوى وهي شرح درس النهارده: الويبهوك (Webhook)

بصوا يا جماعة، أنا صاحب البوت ده، وده عنواني على الإنترنت. أي مستخدم يدخل البوت، يبعت رسالة، يدوس على زرار، أو يعمل أي حاجة.. خدوا كل المعلومات دي واسم المستخدم ويوزره والرسالة اللي كتبها وابعتوها على عنواني فوراً في نفس اللحظة!

https://api.telegram.org/bot[TOKEN]/setWebhook?url=[URL]

https://api.telegram.org/bot123456:ABC-DEF/setWebhook?url=https://domain.com/bot.php

{"ok":true,"result":true,"description":"Webhook was set"}

1- المستخدم يبعت رسالة للبوت في تطبيق تليجرام
2- تليجرام يبعت الرسالة فوراً للملف بتاعك على الاستضافة (بفضل الويبهوك)
3- الملف بتاعك يشوف المستخدم بعت إيه، ويترجم الكود، ويرد حسب ما انت مبرمجه
4- الملف يبعت الرد لتليجرام، وتليجرام يبعته فوراً للمستخدم

<?php

// دالة الـ bot اللي بنبعت بيها الأوامر لتيليجرام
function bot($method, $data) {
    $url = "https://api.telegram.org/bot" . "YOUR_TOKEN" . "/" . $method;
    $options = array(
        'http' => array(
            'header'  => "Content-type: application/x-www-form-urlencoded\r\n",
            'method'  => 'POST',
            'content' => http_build_query($data),
        ),
    );
    $context  = stream_context_create($options);
    $result = file_get_contents($url, false, $context);
    return $result;
}

// استقبال البيانات من تيليجرام
$update = json_decode(file_get_contents('php://input'));
$textbot = $update->message->text;
$id = $update->message->chat->id;

// هنا عملنا متغير العداد وثبتنا قيمته في البداية بصفر
$counter = 0;

// لو المستخدم بعت كلمة "ذكر"
if ($textbot == "ذكر") {
    $counter = $counter + 1; // بنزود العداد واحد
    
    bot('sendmessage', [
        'chat_id' => $id,
        'text' => "عدد مرات الذكر الحالية: " . $counter
    ]);
}

النهارده يا شباب هنتكلم في موضوع من أهم المواضيع اللي بتبني عليها أساسيات البرمجة، الدرس دا اي مبرمج لازم يكون فاهمه كويس جدا هنتكلم فيه عن طريقة تشغيل الملف وتعامله مع التخزين

الكود في المنشور السابق  ↑

البوت هنا بينسى في كل مرة ومع كل ضغطة أو رسالة بتوصله! يا ترى إيه السبب اللي بيخلي الكود ميزودش عدد الاذكار ؟

1. المستخدم يكتب كلمة "ذكر" في تيليجرام.

2. سيرفر تيليجرام يستقبلها ويبعتها فوراً لرابط ملف الـ PHP بتاعك على الاستضافة.

3. هنا ملف الـ PHP "بيصحى ويشتغل" فوراً، ويبدأ السيرفر يقرأ الكود من السطر الأول لحد السطر الأخير.

4. الملف وهو بيقرأ، بيلاقي السطر ده: $counter = 0; فبيحجز مكان في الرام للمتغير ويخليه صفر، بعدين يدخل على الشرط يلاقي المستخدم كاتب "ذكر"، فيزود العداد بـ 1، ويبعت النتيجة لتيليجرام.

5. بمجرد ما الرد يخرج من السيرفر ويروح لتيليجرام.. ملف الـ PHP بيقفل فوراً ويموت! والسيرفر بيمسح ويصَفّر كل المتغيرات والبيانات اللي كانت محجوزة في الرام كأنها لم تكن!

لو بنعمل بوت متجر، والمستخدم شحن فلوس في حسابه، مش منطقي أبداً إن المستخدم أول ما يشتري منتج أو يبعت رسالة تانية نلاقي فلوسه طارت وبقت صفر لأن الملف بيقفل وينسى!

ملف البوت مع الويبهوك بيشتغل "فقط" لما يوصله تحديث، ويخلص شغل ويقفل تماماً وتتمسح ذاكرته المؤقتة في الرام فينسى كل المتغيرات. وعشان نحافظ على البيانات وم تضيعش، لازم نربط البوت بمخزن دائم.

فاكر بوت الأذكار اللي عملناه الدرس اللي فات؟ اللي كل ما المستخدم يكتب "ذكر" البوت بيرد عليه بـ 1 بس ومهما كتب مبيزدش
قولنا إن السبب إن الملف بيصحى مع كل رسالة، ينفذ الكود، يبعت الرد، ويقفل وينسى كل حاجة جات فيه، ومع كل رسالة بيبدأ من الصفر تماماً
وقولنا إن الحل إننا نحفظ البيانات في مكان دائم برا الملف، مكان مش بيتأثرش بإن الملف قفل أو وقف
النهارده هنتعرف على أول مخزن دائم هنستخدمه وهو ملفات الـ JSON

{"counter": 5}

{
    "name": "Ahmed",
    "balance": 150,
    "is_premium": true
}

$user = array("name" => "Ahmed", "balance" => 150);

{"name": "Ahmed", "balance": 150}

الفرق الوحيد هو طريقة الكتابة بس، PHP بتستخدم السهم ( => ) والأقواس العادية، والـ JSON بيستخدم النقطتين ( : ) والأقواس المجعدة، غير كده هما نفس الفكرة تماماً

// افترض إن جوه ملف data.json مكتوب {"counter": 5}
$data = json_decode(file_get_contents('data.json'));

echo $data->counter; // هيطبع: 5

ملحوظه file_get_contents بتجيب محتوى الملف كنص، وبعدين json_decode بتحوله لمصفوفة نقدر نتعامل معاها بالسهم -> زي ما عرفنا ف الدرس PHP_5

// عايزين نحفظ إن العداد بقى 6
$data->counter = 6;

file_put_contents('data.json', json_encode($data));
// دلوقتي جوه ملف data.json مكتوب {"counter": 6}

هنا هتلاقي json_encode بتحول المصفوفة لنص JSON، وبعدين file_put_contents بتكتب النص ده في الملف وتحفظه

المستخدم يكتب "ذكر" ◄ الملف يصحى ويشتغل ◄ يفتح ملف data.json ويقرأ العداد ويلاقي مثلاً اخر عدد ذكر متخزن 5 ◄ يزود عليه 1 ويبقى 6 ◄ يرد على المستخدم بـ "عدد مرات الذكر: 6" ◄ يحفظ رقم 6 في ملف data.json ◄ وف الاخر يقفل