#php
📚 الخطة الي هنمشي عليها:
1️⃣ الأساسيات: نبدأ بفهم مفهوم البرمجة ومفاهيم أساسية مثل المتغيرات، والعمليات الحسابية، والشروط (if-else)، والحلقات (loops).
تتناول هذه الخطوات الأولى تعلم PHP وتعلمك بناء ثقافة برمجية قوية.

2️⃣ الوظائف: بمجرد فهمك للأساسيات، سنتعلم كيفية استخدام وإنشاء الوظائف والكائنات في PHP.
ستتعلم الاستفادة من المفاهيم المهمة مثل الاستدعاءات (calls) و الاجراءات (methods)، والتراث (inheritance) وغيرها لتطوير بوتات تليجرام فعالة وقابلة للتوسع.

3️⃣ الاتصال بواجهة تيليجرام: سنعرف كيفية التواصل مع واجهة تيليجرام API، لتشغيل البوتات.
سنتعلم كيفية إرسال وتلقي الرسائل، والقيام بعمليات مثل التحكم في البيانات وتنفيذ الاوامر.

4️⃣ بناء بوت متكامل: في نهاية الدورة، ستقوم بتطوير بوت تليجرام حقيقي وقابل للاستخدام.
هتبدا بتطبيض كل المهارات التي اتعلمتها وصنع بوت يساهم في تجربة جديد من الصفر.

#الاساسيات_1
ف البدايه اي هوا الانترنت 🤔
الانترنت دا ي حبي عباره عن اسلاك متوصله ببعض بين الدول وفكل حته عشان توصل البيانات ف كل الاجهزه من اي مكان ف الدنيا
وفيه منها شبكات الاتصال اللاسلكيه دي بتشتغل نفس النظام بس دي بتبقا منتشره ف الهواء ومش مرئيه وبتيجي من الاقمار الصناعيه والابراج العاليه
حلو اوي كدا عرفنا الانترنت ببساطه..

طب احنا سمعنا كتيير عن السيرفرات والاستضافات دي اي شغلانتها و اي هيا اصلا 🤔
الاستضافع او السيرفر دول عباره عن حاجه كبييره جدا زي كمبيوتر مساحته ضخمه وعدد راماته عاليه جدا وبيشيل بيانات كتيره جدا وشغال 24 ساعه، حد فاهم لي ؟
اي حد عايز معلومه من جهاز معين ف لازم الجهاز دا يبقا متوصل بالانترنت سواء كانت شبكه اسلاك او لاسلكيه ولازم الجهاز يفضل شغال عشان يبعت البيانات دي ف مفيش جهاز ف يقدر يشتغل 24 ساعه ومتصل بالانترنت..
ف هما بقا حلوا المشكله دي ب انهم عملوا حاجه زي كمبيوتر ضخم شغال 24 ساعه ومتصل بالانتر نت عل طول عشان يبعت اي بيانات ل اي حد ف العالم ف اي وقت..
حلو اوي كدا عرفنا اي هوا الانترنت والسيرفرات والاستضافات

طب مجاش ف بالك اي هيا المواقع ؟؟
المواقع دي عباره عن ملفات المبرمجين كتبوها فيها الاوامر والروابط والصور وكل حاجه ف الموقع وبيشغلوها على كمبيوتر.. وهنا فيه مشكله ازاي يشغلوا الموقع 24 ساعه من غير م يقف والكمبيوتر كدا كدا لازم يفصل 🤔
ودا دور السيرفرات والاستضافات لحل الموضوع

طب اي هيا لغات البرمجه و لي عاملين لغات كتييره كدا مع ان ممكن يعملوا لغه واحده تختصر الموضوع ؟؟
دا الي هنعرفو المره الجايه باذن الله ♥

#اساسيات_php
اول حاجه محتاج تتعلمها عن php ازاي تكون ملف او الملف متكون من اي بظبط 🧬

الملف مكون اربع اقسام

1- القسم الاول هوا الفكشن وظيفه هي رابط الملف بل استضافه بل بوت دمج التلاته مع بعض
*الفكشن هوا الي انت بتحط في توكن البوت عشان يربطو بل تليجرام*

مثال علي الفاكشن 👇

<?php
ob_start();
$API_KEY = 'هنا بتحط التوكن'; ## توكن البوت الخاص بك .
define('API_KEY',$API_KEY);
function bot($method,$webhook=[]){
$webhook = http_build_query($webhook);
$url ="api.telegram.org/bot".API_KEY."/".$method."?$webhook";
$webhook = file_get_contents($url);
return json_decode($webhook);}

2- القسم التاني وهوا المتغيرات يعني اي متغيرات هيا وظيفتها تعريف الكود بمعني
الكنيه زي مثلا فارس كنيتو هيا فايبرو ف لمه تكتب فل أمر فارس معنا انت عوزو تختصر بدل ما تكتب فايبرو فهمت يعني مثال ع الكود 👇

$id = "11111";

معني كدا لو عوزو تقول للبوت يكتب ١١١١ بس مكسل اكتب $id علي طول فهمت ؟ 💖

3- القسم التالت وهوا الاومر وظيفه الأمر هيا جمع كل حاجه بمعني

تقولو للبوت انو لمه حد يبعت رساله زي /start يقوم البوت رادد عليه حسب الأمر مثال علي الكود

if ( $text == "/start" ){
bot('sendMessage',[
'chat_id'=>$chat_id,
'text'=>"اتفضل",
]);
}

وظيفه الكود هذه عند ارسل استرت للبوت هيقوم البوت رادد عليك و يقولك اتفضل فهمت ممكن تعمل افكر كتير من الأمر دا و كل دا هنتعملو بل تفصيل مع الوقت

يعني دلوقت احنا خدنا اي ؟

خدنا أن الملف اساسيتو ٣ حجات اي هما ؟

الفكشن في البداية
المتغيرات بعدها
الأوامر في الاخر

الفكشن وظيفته اي ؟
وظيفته رابط الملف بل تليجرام عبر التوكن

المتغيرات وظيفتها اي ؟
وظيفتها تعريف النصوص أو اختصار نص معين

الأمر وظيفته اي ؟

وظيفتها تنفيذ الكود حسب الكود بقي

هوا متكون من الرساله الي هتتبعت
و هتتبعت لمين
و اي هيا الرساله الي هتتبعت و تقفل الاقواس

بس كدا كافيه عليكم الشرح البسيط دا انهارده و بكرا نكمل باقي الشروحات 💙

تحياتي كان معاكم
@Fa_r_es_1
اذا وقف معاكم اي استفسار تواصل معي ❤️

#اساسيات_البايثون #شرح_pyrogram

Pyrogram دي مكتبة Python بتتستخدم عشان تعمل بوتات على تليجرام. ال Pyrogram مميزة جدًا علشانها سهلة الاستخدام وبتساعدك تطور بوتات تليجرام متقدمة.

الحاجات اللي ممكن تستفيد منها:

1. سهولة الاستخدام: Pyrogram بتوفر واجهة برمجة التطبيقات (API) بسيطة وسهلة الفهم، فأنت ممكن تستخدمها بسهولة وتطور بوتاتك بطريقة مريحة.

2. مرونة: مع Pyrogram هتقدر تستخدم مجموعة واسعة من الميزات والوظائف علشان تنفذ أفكارك ومشاريعك داخل تطبيق تليجرام.

3. أداء ممتاز: Pyrogram مصممة بطريقة تستفيد من أداء Python العالي، يعني تقدر تتعامل مع كميات كبيرة من البيانات والطلبات بسرعة.

4. وثائق وشروحات كويسة: Pyrogram عندها وثائق كويسة جدًا، ودى هتساعدك تستخدم المكتبة وتفهم كل حاجة فيها.

5. تحديثات مستمرة: ال Pyrogram بيتحدث ويتطور باستمرار، علشان يتناسب مع تحديثات API تليجرام ويحسن الأداء ويضيف مميزات جديدة.

ب Pyrogram، أنت قادر تطور بوتات تليجرام تتفاعل مع الناس وتنفذ مهام كتيرة، زي إرسال رسائل، والرد على استفسارات الناس، وتنفيذ أوامر معينة حسب اللي بيتم إرساله ليها.

#الاساسيات_2
قبل اي حاجه خلينا متفقين ان الكمبيوتر هوا الجهاز العام زي السيرفر وبيشغل كل حاجه يلا نبدا

اي هيا البرمجه ؟!
البرمجه عباره عن انك تخلي الكمبيوتر ينفذ شيء معين بدون اخطاء بس كدا
الكمبيوتر هوا جهاز غبي لازم تفهمو كل حاجه بكل تفصيله

مثال :
احمد قاعد وعايزينه يفتح الباب هنعمل اي ؟
هنقوله قوم ي احمد افتح الباب
طب نفترض ان تفكير احمد زي الكمبيوتر...
هنا الموضوع يختلف؛ لازم تقولو يقوم الاول بعدين يمشي بعدين يفتح الباب
الفرق اننا بنقول كل حاجه لاحمد الي بتفكير الكمبيوتر مش زي ما كنا بنقول لاحمد العادي

وهنا فهمنا ان الكمبيوتر محتاج نشرحلو كل حاجه بالتفصيل..

طب نتواصل مع الكمبيوتر ازاي نشرحلو عربي ولا انجليزي ولا هوا بيفهم لغة اي اصلا ؟؟

الكمبيوتر ليه لغه واحده بس بيفهمها وهيا الصفر والواحد (0/1)
الصفر والواحد ؟! هيا دي لغه اصلا ؟
احب اقولك ان دي لغه وكمان عميقه وصعبه جدا
طب مفيش حل عشان نتواصل مع الكمبيوتر بطريقه سهله ؟!

وهنا جه دور لغات البرمجه
لغات البرمجه صنعوها عشان تسهل علينا التواصل مع الكمبيوتر بلغه قريبه من اللغه الي نعرفها زي الانجليزي
واللغات دي بنسميها اللغات المرتفعه..
وهنا تتعجب وتسال.. لغات مرتفعه ؟! يعني اي ؟

اللغات متقسمه حسب الهرم ل 3 اقسام : قاعدة الهرم هيا لغة الاله الي هيا (0/1)
ولغات قريبه منها اسمها اللغات المنخفضه (Low level languages)
ولغات مرتفعه (High level languages)

اللغات المنخفضه Low level languages :
بتبقا لغات قريبه جدا من لغة الكمبيوتر، وصعبه، وسهل جدا على الكمبيوتر انو يفهمها وبالتالي صعب تترجم للغة الاله
ولما هيا سهله تترجم يعني سريعه ف التنفيذ ولما هيا سريعه وسهله يبقا اكيد بتستهلك طاقه اقل من المعالج والرامات وغيرها من الكمبيوتر
اللغات المرتفعه High level languages :
هيا دي لغات البرمجة المعروفه، بتبقا لغات ف قمة الهرم لانها بعيده جدا عن الكمبيوتر وقريبه جدا من لغتنا العاديه، وصعب على الكمبيوتر انو يفهمها وبالتالي صعب تترجم للغة الاله يعني صعبة التنفيذ ولما تبقا صعبه هتبقا بطيئة التنفيذ وبتاخد وقت اكبر ولما تاخد وقت اكبر هتستهلك طاقه اكبر.

طب حلو اوي دلوقتي بقا عايزين نعرف تترجم للغة الاله ازاي ؟
اه كل الاكواد الي هتكتبها ب اي لغه بتترجم تلقائي للغة الاله عشان الكمبيوتر يفهمها و زي ما قولنا قبل كدا الكمبيوتر مش بيفهم غير اللغه دي
طب نستخدم ترجمة جوجل عشان نترجمها ولا نعمل اي ؟؟
لا الترجمه دي بتحتاج تطبيقات مخصصه هنتكلم عليها كلها المره الجايه ب اذن الله ♥

#الاساسيات_3
وقفنا اخر مره عند.. هنترجم لغتنا ازاي للغة الاله عشان نتواصل مع الكمبيوتر

الاول محتاجين نعرف كذا حاجه واولها
احنا مش بنستخدم برامج.تحرير النصوص العاديه عشان نكتب كود
طب بنستخدم اي ي عم الناس ؟
احنا بنستخدم حاجه اسمها "Integrated Development Environment" او بنختصرها ب (IDE)

اي الفرق بقا بينها وبين برامج تحرير النصوص العاديه ؟؟
الاول برامج تحرير النصوص دي مخصصه لكتابة الكتب والمقالات والقصص والمراجعات و اي حاجه ب لغة البشر
طب و IDE ؟
دا بقا بنستخدمه ف كتابة الاكوا البرمجيه فقط والفرق شاسع ما بين الاتنين
اول فرق وهوا الراحه يعني لما تيجي تكتب كود والشاشه ثدامك ب لون واحد وانت بتقعد كتير اساسا عشان تكتبه وبتركز جامد ف دا ممكن يتعب النظر ويقلل تركيزك
وعمك IDE حل المشكله
من مميزاته ان الالوان فيه بتبقا مختلفه ومريحه للعين وبتسهل عليك انك تكتب الكود وتركز بشده

الاختلاف التاني برامج تحرير النصوص بتظهر الاخطاؤ لو غلط ف حرف او كلمه يعني حجات خفيفه ولغويه
ف عمك IDE يسكت ؟! لاا لازم نتميز احنا كمان.. ف بقا بيظهر الخطا ف الاكواد البرمجيه وبتعرفو بسهوله دا غير انو لو بيدعم تشغيل الكود هيقولك الخطا ف انهي سطر والخطا دا حصل لي اصلا وغير كدا لو خدت الخطا كوبي وبحثت عنو ف جوجل هتلاقي خمسين شرح لحل المشكله
ودا كفايه انو يخلي IDE يتميز بجداره عن برامج تحرير النصوص العاديه

تالت اختلاف برامج تحرير النصوص بعضها ممكن يكمل ااكلمه تلقائي عادي
طب و IDE ؟ اكيد م هيخلي البرامج دي تتميز عليه ف ظهرلنا ب حاجه من افضل الحاجات وهيا انو بيكمل الكود ولو انت بتكتب كلمه بيظهرلك باقي الكلمه غير انو بيجبلنا اقتراحات لو بنستخدم مكتبه معينه (وهنفهم يعني اي بعدين) ودا يخليه جبار انو يكتب الاكواد بعيد عن اي برنامج لتحرير النصوص

وف النهايه ال IDE هوا دا الي بتكتب عليه الكود ومقسمين لانواع كتير منها الي بيشغل الكود ومنها الي بيكتب بس
و الي بيشغل الكود هوا دل الي بيترجم الكلام الي بنكتبه ل صفر وواحد.

لاحظ الفرق بين برامج تحرير النصوص و IDE

لغة برمجه

if (strpos($message_text, "/start") === 0) {
    $response = "مرحبًا! أهلاً بك في البوت."; file_get_contents("https://api.telegram.org/bot$token/sendMessage?chat_id=$chat_id&text=".urlencode($response));

وبرنامج تحرير النصوص

if (strpos($message_text, "/start") === 0) {
    $response = "مرحبًا! أهلاً بك في البوت."; file_get_contents("https://api.telegram.org/bot$token/sendMessage?chat_id=$chat_id&text=".urlencode($response));

وهوا دا الفرق بينهم

انت فهمت قصدي باذن الله ♥

#الاساسيات_4

ف الاول البرناج دا الي هوا الملف ال فيه الكود او تطبيق عادي

انواع البيانات (data types)

اي هيا البيانات دي ؟
البيانات دي هيا الاكواد الي بتكتبها وبتتخزن ف الذاكره لما تشغل البرنامج

طب لي فيه منها انواع ؟
البيانات لما بتشتغل البرنامج بيتم حفظها ف الذاكره والبيانات فبه منها صغير وفيه كبير ف لو حطينا كلو ف اماكن كبيره ف الذاكره ف دا هياكل الذاكره بتاعة الجهاز وبالتالي هيبقا برنامج فاشل
ف الجماعه بتوع البرمجه وصلوا وحلوا المشكله وقالو هنخلي كل حاجه ف مكانها يعني الصغير ف مكان الصغير والكبير ف مكان الكبير..

طب نعرف بقا انواع البيانات :

1️⃣ (انتجر) INTEGER :
و دا عباره عن رقم بس يكون صحيح يعني مفيش نص او ربع او تلت او الكلام دا
والرقم الصحيح ممكن يبقا سالب او صفر او موجب مثال (648)

2️⃣ (فلوت) FLOAT :
و دا بردو عباره عن ارقام بس مش صحيحه يعني نص او واحد وربع او اي رقم بس فيه كسور مثال (248.54)

3️⃣ (بوليَن) BOOLEAN :
دا بقا حاجه غريبه شويه ونا هفهمهولك
بص اي حاجه ف الدنيا قيمتها (صح) او (غلط)
او بمعنى اصح (موجوده) او (مش موجوده)
وف البرمجه (true) او (false)
مثال
لما نيجي نسال هل احمد ف البيت ؟
والاجابه هتبقا حاجه من الاتنين ملهومش تالت..
موجود (true) او مش موجود(false)
اتمني تكون فهمت قصدي

4️⃣ (كركتر) CHARACHER :
ودا بقا نوع من البيانات بيخزن حرف واحد بس لازم يكون بين علامات تنصيص الي هيا ' او المزدوجه " زي مثلا

"A" او 'A'

- ملحوظه الحرف دا اي حاجه واحده تكون بين كلامات تنصيص حتى لو رقم واحد او رمز واحد
مثال

"@" او "♡" او "5" او "a"

المهم تبقا حاجه واحده بس

5️⃣ (سترينج) STRING :
ودا زي رقم 4 بس الفرق انه بيبقا اكتر من حرف كلمه او جمله او مقال اي حاجه مش من حرف واحد بين علامة تنصيص واحده او مزدوجه و زي الي قبلها ممكن تضم ارقام وقيمة صح او غلط بس اهم حاجه تكون بين علامة تنصيص


و دي اهم انواع البيانات الي هنستخدمها ف السلسله بتاعتنا
والمره الجايه هيبقا فيه شرح للمتغيرات الي هيا من اهم الحاجات الي هنعرفها ف الاساسيات ب اذن الله ♥

بعض الرموز التي تستخدم في كتابه الملفات
- - - - - - - - - - - - - - - - - - -

لعمل الخط bold (عريض) ضع *في اول الجمله و*في اخر الجمله
مثال : عريض


لعمل اقتباس للرساله ضع ثلاثه من (  `   )في البدايه مثلها في النهايه
مثال :

اقـــتبــــاس

لانشاء رابط داخل الرساله
افتح قوس مجموعه "[" نص الرساله واغلق بنفس القوس "]" وقم بفتح قوس عادي "(" وقم بوضع الرابط وقم باغلاقه ")"
مثال : كوكب البرمجه


لعمل خط اسفل الرساله
قم بوضع شرطه علويه " -- " في البدايه وفي النهايه
مثال : تسطير


لعمل الخط مائل
قم بوضع شرطه سفليه في البدايه وفي النهايه "__"
مثال : مائل



"بعرف ان الكثير يعرفها بس حبيت اساعد المبتدين "

المصدر : @ikiiiki
المصدر : @Y_U_U_9