ငွေကြေးပြည့်စုံတဲ့ ကောင်ဆီမှာ
အချစ်ဟာ ဇိမ်ခံပစ္စည်းဖြစ်ပြီး
ဆင်းရဲ့ချို့တဲ့ တဲ့ ကောင်ဆီမှာတော့
အချစ်ဟာ ဒုက္ခပဲ ကိုယ့်ညီရ။

• ရိပ်ငြိမ် •

မီးပွိုင့်နီလို့ ရပ်သွားတဲ့ကားတွေကို
ကိုယ်လမ်းဖြတ်ကူးလို့
ရပ်ပေးတယ်လို့
ထင်ယောင်ထင်မှားမိခြင်းဟာ
ဘယ်လောက်တောင်အရှက်မရှိ
မိုက်မဲတဲ့ ဘဝင်မြင့်မှုမျိုးလဲနော်။

ဥပမာ ဒီလောက်ဆို
ဒီနှစ်အတွင်း
ကျွန်တော် ဘာကိုရှက်နေလဲဆိုတာ
ခင်ဗျားနားလည်မှာပါ။

• ချောနကျယ်…