Tezis haqida suhbatlashdik.

24 ballik "Nizom" va "Yo'riqnoma" talablari bo'yicha tezis sharti mavjud emas. Demak, kirish qismda uni qo'llash shart emas. Ammo kirish qism sizning quyidagi qobiliyat va imkoniyatlaringizni ko'rsatishi kerak:

1️⃣vaziyat matnini (u qanday shakl va hajmda bo'lmasin) o'qib tushuna olish qobiliyatingizni;
2️⃣ muammoni anglay olish va dolzarbligini ko'ra olish imkoniyatingizni;
3️⃣ lug'at boyligidan foydalana olish qobiliyatingizni.

Demak, yuqoridagilarni inobatga olsak, tezis bu siz uchun - IMKONIYAT!

Uni qo'llash kerak! Ammo qo'llaganda ham nisbatan uzunroq va ma'nosi chuqurroq jumla bilan.

Qanday deysizmi? Quyida ularga namunalar keltirdim. Foydalaning.

@esse_Cholliyeva

So'z boyligini qanday oshirish mumkin?

Avvalo, aytish kerakki, bu jarayon bir-ikki kun yoki bir oyda shakllanadigan holat emas.
So‘z boyligi — bu vaqt, izchil mehnat va ongli yondashuv mahsuli.

Ammo imtihonga oz qoldi, nima qilish kerak?😞

❗️Eng katta xato nima bilasizmi?
Namunali esse yoki qiziqqan mavzusidagi maqolani o'qiydi-yu, shuning o'zi yetarli deb o'ylaydi. Bu xatoni tuzatamiz:

🧠 1️⃣So‘zni alohida emas, gap ichida o‘rganamiz.

Masalan, publitsistik uslubda qo'llaniladigan istalgan bir so'zni ishlatib gap tuzamiz.

✔️ Bu masala bugungi kunda dolzarb muammolardan biridir.
✔️ Mazkur mavzu jamiyat uchun dolzarb ahamiyat kasb etadi.

👉 Shunda so‘z sizning faol lug‘atingizga o‘tadi.

📚 2️⃣ O‘qimagan odam yozolmaydi.

Har kuni kamida 10–15 daqiqa:
— ilmiy-ommabop matn,
— publitsistik maqola,
— sifatli esse o‘qing.

❗️O‘qiyotganda taqlid qilishga harakat qiling:
unga o'xshatib siz ham yozing.

👉 Bu sizga tayyor leksik konstruksiya(tuzilish/tizim)lar beradi.

✍️ 3️⃣ Har kuni yozing (hatto kichik bo‘lsa ham).

So‘z boyligi shu jarayonda shakllanadi.

📌 Har kuni 1 esse yozing yozing:
— bir mavzu tanlang,
— kamida 5-8 ta yangi so‘zni ishlating.

👉 Shunda siz “biladigan” emas, “ishlatadigan” so‘z egasiga aylanasiz.

4️⃣ Sinonimlar bilan ishlang.

Oddiy so'zlar ishlatmang:
❌ "muhim" demang
✔️ "ahamiyatli, dolzarb, e’tiborga molik" deng

❌ "yaxshi" demang
✔️ "samarali, ijobiy, maqbul" deng

👉 Bu esseyingizni darhol yuqori darajaga olib chiqadi.


🧩 5️⃣ Tayyor iboralarni to‘plang.

Esse uchun “oltin formulalar” bo‘ladi:

✔️ Ushbu muammo jamiyat taraqqiyotiga bevosita ta’sir ko‘rsatadi.
✔️ Mazkur masala yuzasidan turli qarashlar mavjud.
✔️ Bu fikrni quyidagi dalillar bilan asoslash mumkin.

👉 Bu jumlalar sizga tez va ravon yozishga yordam beradi.

@esse_Cholliyeva

Eslatma!

Esse mavzulari bilan tanishishdan oldin, albatta, buni o'qib chiqing!

Berilayotgan esse mavzulari sizga foydali bo`lishi uchun quyidagilarga amal qiling:

1️⃣"Aniq tushadi" deb qaramang! Mavzu sizga shu yo'nalishda "fikrlar bazasini" shakllantirishga xizmat qilsin.
2️⃣ Mavzularga mos dalillarni topib qo'ying.
3️⃣ Mavzular yo'nalishiga mos maqolalar bilan tanishing.
4️⃣Sizga qiyin tuyilgan, fikr topishga qiynalganlaringizni ajratib, esse yozib ko'ring.
5️⃣ Ehtimoliy esse mavzusining shakliga bog'lanib qolmang, umumiy g'oyasini esda saqlang.

@esse_Cholliyeva

Alloh barchamizga imtihonda o'tkir qalam (ruchka) va teran fikrlay olish qobiliyatini bersin! 🤲