🔴 Esquerda Unida condena a intercepción dos botes da Flotilla Sumud Global por parte do exército de Israel baixo o pretexto de que entraron na zona de exclusión marcada por eles mesmos.

Israel é un estado criminal que non ten competencias legais que exercer sobre unhas augas que non son da súa xurisdición.

Condenamos tamén a actitude do PSOE por non protexer ás integrantes da Flotilla, demostrándose así que o envío da fragata militar Furor para acompañalos non era máis que unha campaña de propaganda de curto percorrido.

Finalmente, cando máis necesitaban a protección quedaron soas ante o exército criminal de Israel. O buque Furor tiña que acompañar á Flotilla ata súa chegada a Gaza tal e como esixía ao Goberno IU.

Instagram | Facebook | Comunicado na web

🔴 Esquerda Unida defende que a protección á infancia e xuventude deben estar no centro das políticas sociais do goberno da Xunta de Galicia.

👉🏼 Chus Rodríguez 💬 “Esta actitude da Xunta, negándose a sentar a falar co Ministerio de Xuventude e Infancia tivo como consecuencia a nula previsión e preparación do sistema de protección á infancia, e unha resposta insuficiente á situación de emerxencia coa que actualmente nos atopamos para a xa saturada rede do sistema”.

👉🏼 Sira Rego🗣 “As CCAA tiveron sete meses para adaptar os seus sistemas ao Real Decreto-lei de acollida solidaria pero preferiron usar o tempo e os recursos para tratar de boicotear o seu desenvolvemento. As rebaixas fiscais en Galicia supoñen a perda de 800 millons de euros nos orzamentos do último ano. Cunha parte pequena desa cantidade poderíase financiar o sistema de acollida e outros servizos públicos como sanidade, educación ou dependencia”.



Web | Instagram |Facebook