رسالة كده للأخت المنتقبة والمختمرة اللي لسا لا اتخطبوا ولا تزوجوا.
فيه كثير من الأهل بيرفض رفضًا باتًا إن البنت تختمر أو تنتقب قبل خطوة الخطوبة بغاية إن البنت لازم تتشاف وإن النقاب هيغطيها والخمار هيكبرها وبالتالي فُرص اختيارها هتقل.

وبيبدأوا يقارنوها ببنات جيلها اللي لابسين (عادي) واتخطبوا ودنيتهم فل.
ومحاولة ربط الخمار والنقاب بالموضوع ده بتزيد كل ما البنت بتكبر في السن.
فأنا بس حابب أقول إن اللي هيجيلك علشان لبسك الحلو بلاش منه، واللي هيجيلك علشان حلاوتك بس بلاش منه.
لأن المعيار الأول في الاختيار هو الدين.

اللي يجيلك لازم يجيلك علشان نفسك ودينك وتربيتك، لازم يعرف أنتِ مين معنى قبل الشكل.
لو قلعتِ نقابك وخمارك علشان السبب ده، فسببك ده واهي جدًا ومالوش أي قناعة.
لأن أنتِ ممكن تقلعيهم عادي جدًا ومتتخطبيش برضو.

البنت اللي بتلبس النقاب والخمار، فَده لأنها مقتنعة بيه من ناحية الستر، فبلاش تمنعوها عنه، وإن الإنسان الصالح التقي هيعرف طريقه ليها بدون هادٍ أو مرشد.
البنت لو اتخذته سبب لرضا ربنا، فَربنا هيراضيها ويقر عينها بواحد يتقي الله فيها ويحببها فيه أكتر وأكتر سواء جيه دلوقتي أو بعدين، أو لو حتى مجاش خالص!
لأنها مش لابساه برضو علشان (عريس)، هي لابساه إرضاءً لله سبحانه.

بلاقي بنات كتير للأسف بتضعف وبتقلعه وبتتحول ١٨٠ درجة ودي تعتبر انتكاسة، وفي الآخر بيتبص لها إنها كانت لابساه عياقة ومنظرة وبرضو مبيجيلهاش حد لكثرة الظنون حولها، وبتندم ندم عمرها إنها تخلت عنه بعدين.
الناس دي آخر حاجة تفكري فيها، خلي رضا ربنا نصب عينيكِ، الدنيا والاخرة لله، نفتكر دي كويس.

ليس بالإمكان أن يختار الإنسان شعورًا ما بعينه ويسرده بكل تفاصيله كَنوعٍ من البوح.
التعبير لا يسعفه فلا ينطق، والخوف من أن يبوح لغيره يمنعه فَيؤثر السلامة.
فَلا هو بسط لما في صدره وارتاح، ولا هو قبضه وارتاح.

تقريبا إنت لما بتذنب ذنب مهما كان هو إيه - بالذات ذنوب الخلوات - وتيجي تذاكر مثلا، عاوز تعمل أي شيء مفيد.
تحس إن فيه شيء ضاغط على صدرك، وجاتلك حالة كسل رهيبة ومش قادر تعمل أي حاجة!
مع إنك قبل الذنب ده، كنت ناوي تذاكر أو تتمرن أو تقرأ كتاب، أو تعمل الشيء المفيد ده، لكنك دلوقتي مش هتعمله.
بتمسك تليفونك تتسحل معاه شويتين تلاتة، ويجري منك الوقت، وبالمرة ممكن متصليش بقية الأوقات، ويومك ينقضي بدون شيء يذكر، خرجت منه بالسالب، مش صفر كمان!
ده ينبهك لشيء في غاية الأهمية!
إنك لازم ولا بد تلحق المعصية بالطاعة.
إنت مش بتبقى مرتاح ونفسك هادية وقلبك مطمئن لما تبقى مصلي كل صلواتك وقارئ وردك؟
أهو ده اللي لازم تعمله مع كل ذنب هتذنبه، تدخل تتوضأ وابعد عنك الشيطان، امسك مصحفك واستغفر ربك.
لا تحِد يمينًا أو شمالًا، أذنبت يبقى تستغفر في ساعتها وتمسحها بالطاعة في ساعتها.
متستناش عليها لأن والله ذنوب الخلوات بالذات مَحْق، بتهلك الوقت والبركة والنفس.
وانوِ بإخلاص إنك مش هتعمل ده تاني.
واوعَ لوجه الله تقرر التوبة قبل المعصية، والله وبالله من كثرة انغماس الإنسان في معاصيه، هي النقطة دي، إنه يقول هتوب بعد ما اعمل الذنب.
قُم شوف اللي كان وراك واعمله، واللّه العظيم هتحس بتغيير رهيب.

لا تعاتبني على قلة سؤالي!
إنّي في وادٍ غير واديك، والله رحيم بي إذ جعلني أتنفس رغم الضِّيق داخلي، وجعلني أساير أيامي رغم قلقي.
وليس بي فُسْحَةٌ لسؤال غيري عن حاله إذ إنني لا أعلم حال نفسي!
فلا يضيق صدرك، ولا تظن بي ظن سوءٍ، وافسح لي في الأعذار، فإني في عزلةٍ ربما تطول؛ عزلة أجد فيها نفسي.

قريبًا ستشعر بنسمات الخريف على جبينك، الهواء القريب للبرودة، الخفيف على القلب، تتشجع لتخرج في تمشية طويلة دون عناء العرق والتعب.
تتجهز شيئًا فشيئًا للشتاء، تتهيأ للمطر والملبس الثقيل والشوارع الخالية.
أجواء الخريف مقدمات لنعمة الشتاء، فصلان، بل هما نعمتان تهدئان الخاطر وتُروّحان عن النفس المتعبة.

بعد مائة عامٍ من الآن!

الناس لن يروا الملتزم إلا كونه ملتزما لا تجري عليه الزلات والأخطاء.
فَإذا ما عركته الحياة واشتدت عليه الفِتن وزلّ بعد الثبوت، سلقوه بألسنةٍ كالسوط لا ترحم، وأخذوا منه حقه في التوبة، إذ أنه بات منافقا لن يُصدق بعد الآن!
لم يتناسوا أنه بشر يصيب ويخطئ، هم يُسقطون زلاتهم ومبرراتهم للذنب على ذاك الملتزم، إذ أنه وهو على درجة عالية من التقوى يعصي الله، فَكان غيره أولى بالعصيان.
ولأن النفس تعكس شعورها على غيرها، فَكل من اتهمه بالنفاق هو في الأصل منافق ظالم لنفسه، يفعل مثل ذنبه أو أكثر، فَبادر بالاتهامات حتى يعطي لنفسه بعض الراحة.
فَلن ترى منصفاً لأخيه معصوما من الخطأ، هو يتعامل معه كونه عبدا يدور بين معصية وطاعة، فيقف بجواره حين الزلل، ويقيل العثرات ويرحم الضعف ويزيح شتات النفسِ.

أنا عاوز أتزوج زوجة متحطتش مكياج يوم الفرح، عاوز أفرش بیتی وأجيب بدل النيش مكتبة للكتب، عاوز ماعملش فرح وأعمل بالفلوس عمرة أنا و زوجتي، نبدأ حياتنا في طاعة، عاوز زوجة مش أحبها عشان هي زوجتي لأ !! أحبها في اللّه عشان هي امرأة صالحه فنكون ممن يظلهم الله في ظل عرشه. هو أنا كده صح! فی کده فی الدنيا ؟!

ج/ طلبك بسيط جدا وهي دي الفطرة السوية، إنت إنسان بتبحث عن البساطة في دنيا التعقيد، وفئة كبيرة جدا من البنات عايزة تعمل اللي إنت بتقول عليه ده، مش حاجة مبهرة!

- المكياج مش هيزود العروسة حاجة بل هينقصها، معايير الجمال الطبيعية أفضل ألف مرة، ورضا ربنا فوق كل شيء.
فَأنت مش هتضغط أوي على جزئية أنها أحلى بدون مكياج، لا إنت هتذكر إن المكياج ده تبرج وإنه حرام، ويوم الفرح ده مش استثناء عن الحرام والحلال.
- النيش مالوش أي لازمة، أنا متزوج وبقولك والله هترمي ٢٠ ألف جنيه في الأرض أنت وزوجتك أولى بيهم في زمن الغلاء ده.
- العمرة أفضل ألف مرة من أي مظهر تاني حتى لو هتطيع ربنا فيه، اتجمعوا كده كعائلتين قبل سفركم وتسامروا واضحكوا بدون أغاني، خلي القاعدة كلها طاعة لربنا، وتاني يوم خد مراتك وسافر، وابدأ حياتك بسجدة ودعوة في بيت الله الحرام أنت وزوجتك.

كون إنك عايز تبدأ أول خطوة في زواجك في طاعة الله ورضاه، ربنا هيقر عينك بإذنه وهيغنيك عن أي حرام بإذنه.
لكن رجاءً، اخلص نيتك كلها لله رب العالمين، وبلغ زوجتك كده، اجعل كل عملكم ده لوجه الله، وملكش دعوة بالناس تماما.

اسْتودِع اللَّهَ كل خطوةٍ لم تُوفّق فيها، رغم سعيك.
نعم! إن التوفيق حلوٌ يطيّب الخاطر، لكن صبرك على البلاء والقبضِ، مع علمك أن كله لله، أجر ذلك عظيم لا تسع له الدنيا بأسرها!
كل صبرٍ مُدَخر، وإن اللَّه عدلٌ، وجنته واسعة حلوة.

الزواج من امرأة أعلى منك تعليميًا، أو أطول منك جسديا، أو أغنى منك ماديًا، مرهق، ولست أعمم على كل الحالات!
الصلاح مطلوب وهو الأهم، لكن الأمور الظاهرية مهمة أيضا وتؤخذ في الحسبان!
المرأة تنظر لرجلها على أنه قائدها وحاميها، وفي ذلك تنظر إلى بنيانه وعلمه وأموره الظاهرة، وكذلك تنظر إلى صلاح حاله وأخلاقه، ولا تعارض بين هذا وذاك!
لذلك، جاور من يشبهك، واختصر عليك الطريق وادخر جهد قلبك واحفظ عليك نفسك.

فكرة الموت دي مرعبة!
تجربة الشيء الواحد اللي مش هيساع لك ساعتها إنك تحكيها لغيرك.
اللي ماتوا مرجعوش علشان يحكوا، هي رحلة فردية بحتة، بدون أي رفيق يساعدك.
العمل هو اللي هيتبقى لك، لكن المؤمن دايما في حالة توتر من سؤال؛ هل أنا عملت كفاية اللي يؤهلني ويخليني مطمئن؟
هل هكون في أمان ولا لا؟
وهنا بستغرب من المستهتر اللي بيغوص في ذنوبه!
إنت إزاي سايب نفسك كده؟
أنت قدام أمر غيبي تماما؛ إذا كان وقت موتك، أو اللي هيحصلك في القبر وأنت لوحدك!
يا أخي ده اللي بيطلع رحلة بياخد زاد معاه يكفيه قد الرحلة دي أربع مرات!
ويبقى متضايق جدا لو نسي كريم الشعر بتاعه أو مزيل العرق، لكنه هيقدر يجيبهم من أي صيدلية جنبه عادي!
لكن الموت مش كده!
الموت إنت خلاص، خلصت كل حاجة وزادك خدته معاك اللي هو عملك!
مش هتقدر تشتري عمل هناك، مش هتقدر ترجع تاني، مش هتقدر تقول أنا خايف عاوز أروح بيتي!
خلاص إنت كده ده بيتك، يا جنة يا نار!
وأنت وعملك بقى.

في دائرة بحثك عن بعض الأصدقاء، أرجوك لا تتخلَ عن دينك، مبادئك وخُلُقك.
ليس معنى أن تكون وحيدًا وترى غيرك وسط صحبته، أن تقبل بالطائش والطالح، وأن تهبط بعض الدرجات وأنت الذي ترفَّعت عن كل شائنٍ ومريب.
فقبولك بما لا يرضيك لغايةِ زوال وحدتك، هو فيه مذلتك وهوانك وضياع نفسك.
فأرجوك، صادق من يسمو بك وإلا فوحدتك أولى بك عن كل متاحٍ لا يرضيك ويضرك.

كان صاحبي زاهدا في الزواج ويحفز هذا وذاك على عدم البدء في الأمر، حتى وجدناه يُقدم على الخطوبة. لم نمسكها عليه، بل فرحنا له وهنئناه وشاركناه بهجته.
والآخر كان مقتنعًا بعدم العمل خارج البلاد، وينكر على من يفعلها تحت أي ضغطٍ، حتى وجدناه يحدثنا من بلاد العجم وابتسامته على وجهه مثل البدر.

في كل مرةٍ نجد الضد في أصحابنا ولا ننكر عليهم، بل نقف جانبهم ونسندهم؛ إذ أن تفكيرنا في البدايات ومع صغر سننا يكون مختلفا تماما حينما يمر العُمر وتتغير المفاهيم والأولويات!
فَهو ليس بمنافقٍ طالما لم يطعنك في دينك أو في نفسك، فَهوّن عليه تغييره، وعليك قبوله، وليسعك هذا التضداد، فَمن منا يمشي على وتيرة واحدة طوال حياته؟!

إن من أحب الأمور إليّ؛ أن أرى جُل أصدقائي وقد سكنوا بيوت الزوجية خاصتهم مطمئنين هانئين لا تفرق الأيام بينهم وبين ذويهم، ولا يغفلون عن أمر المحبة، ولا يصلهم شقاء.
وأبغضها إلى قلبي أن أرى أحدهم ينصاع لأفكار الناقدين الذين ليس لهم أي تجربة في الحياة ولم يخوضوا غمارها، فَيتحدث أحدهم بكل ثقةٍ عن البيوت ومكنونها وكأنه مخضرمٌ فيها، فَيجعل غيره يعزف عن أمر الزواج تماما.
في الدنيا لا يمكن أن تُعوض أنثى بأحسن من رجلٍ صالح، وهكذا الحال مع الرجل.
وجرت العادة أن تهدأ بيوت الصالحين وتنضر بالخير وتنبض بالحب.
فَلا تنصاعوا لمنشورٍ ما عن تجربةٍ ما في بيتٍ ما يخبرك أن لا تتزوج!
بل وجّه قلبك للخير الرابض في الدنيا، واغتنمه واقبض عليه بين جنبيك، اجعله ينمو في صلاحك، واقطف ثماره.
وعند الصباح يحمد القوم السُّرى.

عندما قررت أن أعتزل ما يؤذيني، دون الالتفات لغلاوته أو مكانته أو ما يُقال عنه أو كرمه، ابيّض قلبي وهدأت نفسي.
صديقٌ لم يعر نُصحي انتباها فَتركته، ورفيقٌ جرني لسوءٍ فزهدت عن رفقته.
فَكانت وحدتي رغم سوئها، أحسن بكثيرٍ من صُحبة منافقة تجر إليّ ذنبًا أو أذى!
فَلا وقت للمغالاة في العَفو، ولا وقت لانتظار العُذر.
فَالعيش واحدُ لن يتكرر، والقلب أيضًا واحدُ.

رعى اللَّه الأحبَّة حيث حلّوا، وأدركهم بمعيته ولطفه وأغدق عليهم برحمته فلا يستكينون لوجعٍ أو يستشعرون الغربة داخلهم.
والأحباب يلتقون في الدعاء، ليس شرطا أن يحادث أحدهم الآخر بالساعات، يكفي أحدهم أن يتذكره الآخر في صلاته أو يتحرّى ساعة الاستجابة فيدثره بدعائه، فَيزيح الله ابتلاءًا نتيجة دعاء صاحبه، ويجبر خاطرًا ويوفق مسعىً، وهم في ذلك لا ينسون بعضهم، يتبادلون الرجاء والدعاء، في دنيا غلبتها المشقة والتعب، فَكانوا خير سندٍ لبعضهم.

هو لا يفقه لغته العربية لأنه لا يريد أن يكون تقليديا، فَيتعلم الإنجليزية - لغة الأقوياء - ويتقنها ويدرجها ضمن أحاديثه اليومية، حتى يكاد يقول Hi بدلا من السلام عليكم.
أو ترى زوجًا يقول لزوجته أو العكس، مثلما نشاهد في المسلسلات؛ honey أو baby دلالة على الحب والود، في الوقت الذي يمكن أن يستخدم فيه؛ سويداء قلبي، قرة عيني، حبيبتي.
وهي ألفاظ جزلة قوية تطبع في قلب المُحب عزة وإباء.
والحقيقة أن أي لغة مقابل العربية تضمحل وتختفي، فَتطغى عليها قوة العربية.
لكن انبطاح البعض يرى عكس الواقع، يحسبونها لغة مثقفين!

لا أخفيكم!
إنني أفتقد هدوءي وراحة قلبي، وليس الأمر أنني هنت على الناس أو جاورت ظلمة جائرين!
بل أنني نسيت نفسي، نفسي التائهة، تهاوَنَت في حق ربها، فَكنت تمام الحال ظاهريا، لكنّي مشتتٌ كأن لا سبيل للضمِ!
وأقول: الحمد لله الذي يبتليني بالضيق لأعود لرشدي، وأستشعر ثِقل الدنيا فأنفر منها وألوذ بنفسي عن كل شائنة!
الحمد لله الذي يُنبّه عباده بمضرات الدنيا المخبوء داخلها مسرات الحمد والرضوخ للآخرة.

مما أنصح به إخوتي المقبلين على الدراسة!
الصلاة وورد القرآن، وأذكار الصباح والمساء.
هذه الثلاثة أول أولوياتك، ثم تبدأ بعدها بتحضير كورس معين يساعدك عمليا بعد الدراسة، جهّز فيه من الآن، مع مواظبة المذاكرة يوميا!
تكون قد أعددت نفسك وهيّأتها لربك ولدنياك!
وإن تكاسلت يوما عن دراستك، فإياك أن تتكاسل عن صلاتك وأورادك!
ضبط نفسك الدنيوية يأتي من ضبطها وتعلقها بالآخرة.

بالنسبة للبنات اللي داخلة الكلية لأول مرة، واللي هتضطر تنزل جامعات مختلطة وده أمر واقع قدامهم، شوية حاجاة كده لوجه الله؛

- الجامعة مكان للدراسة فقط، يعني مش لازم تطلعي منها بأصحاب، ولو هتطلعي بأصحاب يبقى تنتقي كويس جدا اللي هتصاحبيهم!

- مترميش نفسك على صحبة، متستعجليش، تريثي كده لحد ما تدرسي أحوال اللي قدامك وساعتها ابقى اختاري كويس.

- الجامعة مش مكان للاختلاط، ولا نخرج مع (زمايلنا) نفطر معاهم ولا حتى نتكلم معاهم، تخرجي من بيتك للجامعة ومن الجامعة للبيت.

- مفيش حاجة اسمها زميلي اللي بيجيبلي ملازم ولا اتحاد الطلبة اللي هشارك فيه مع زمايلي الصبيان ونتشارك الحوارات والبدنجانات!
فيه خمسين ألف طريقة تجيبي بيها ملازمك، ولو اتسدت أوي ابقى اتعاملي في حدود مع رجل يجيب لكِ الحاجة.

- الجامعة مش مكان للارتباط، ولا بنحقق أحلام الشباب اللي بتقدمها المسلسلات والأفلام إن الواحدة لازم ترتبط بصاحبها أو صاحبتك تقولك المعيد ده شكله حلو! أول ما تسمعي حد من زمايلك بيقول الكلمتين دول، ابعدي عنهم تماما، وخليكِ لوحدك!

- غض البصر مش مقتصر على الأولاد بس، فَحضرتك مطالبة بغض بصرك، ودي خطوة مهمة جدا لحفظ نفسك من الفتن أو التساهل زي غيرك اللي هتلاقيهم بيكلموا ده وده!

- اللبس!
اللبس لوجه الله! اللي بيحصل إن كثير جدا من الأهالي بتتساهل جدا في موضوع اللبس على أساس يعني بناتهم تبقى زي التانيين، وتعيش سنها وتلبس، مش مشكلة!
لا هي مشكلة! والله أكبر مشكلة، ده جهر بمعصية كبيرة جدا، بتثقل صاحبتها بجبال من السيئات.

- الأثر اللي بتسيبه الجامعة من سهولة الاختلاط و(العادي) ده بيفضل مكمل شوية حلوين، والتعافي منه بيكون صعب جدا جدا، وإقناع البنت إن اللي كانت بتعمله غلط بيبقى شبه مستحيل!
فَاحفظي قلبك من الفِتَن وعدي وقتك بسلام.

خطبها منذ ليلتين، ثم تطلع علينا بأشعار الحب والهُيام، يكون حبيبها وتاج رأسها وعز أمرها وغاية انتصارها!
ولا أدري كيف يحوز المرء كل هذه الألقاب بين يوم وليلة؟
فَيقف الأدباء والمحبين الحقيقيين في دهشةٍ؛ يدرسون تلك الحالة العجيبة من الحب السريع المفرط في سرعته!
حتى إذا ما انشق أمرهما لخلافٍ بسيطٍ أو غيره، تقوم الدنيا ولا تقعد، ويكون هذا الذي تاج رأسها حذاء قدمها، كأن هناك حالتين من الغلو في قلبها، شديدا التضاد، يجعلان منها شخصيتين ضائعتين، تطلع جبل شاهقٍ في غمضة عين وتقفز من فوقه في الغمضة التي تليها!
حالات الحب المزاجية يجب أن تُضبط بميزان العقل السوي والشرع الثابت القويم؛ فَيتعلم المرء الثبات في أمره، فلا يستهلك حبه في غير محله، ولا يلفظ أي لفظةٍ تنم عن شعورهِ إلا وهي مُستَحقة صحيحة.