АҚЛ ЁКИ ИЛМ АФЗАЛЛИГИ ҲАҚИДА

Баъзи инсонлар илм афзал, айримлари ақл афзал, дейди. Ҳазрат Али розияллоҳу анҳудан нақл қилинган ривоятда ақл афзал, дейилган. Чунки илм ақлга муҳтож, ақл эса илмга муҳтож эмас. Бу борадаги энг тўғри сўз шуки, илмлар бир неча хил бўлиб, булардан Аллоҳ таоло, дин ва шаръий ҳукмлар тўғрисидаги илм ақлдан афзалдир. Чунки банданинг ақли бўлмаса ҳам қутулади, лекин дин тўғрисида илми бўлмаса, нажот топмайди. Чунки ҳар бир оқил киши ушбу илмларни ўрганишга ва излашга буюрилган ҳамда унга хитоб қилингандир. Ақл Аллоҳ таолони таниш ва дин ҳақидаги илмлардан бошқа касб-ҳунар, юлдузлар ва тиббиёт илмлари каби барча билимлардан афзалдир. Чунки бу турдаги илмлар инсон манфаати ва яхши яшашига қаратилган, ваҳоланки, ақлда манфаат кўпроқдир. Аммо Аллоҳ таолонинг илми ҳар бир махлуқ илмидан афзалдир. Аллоҳ таолонинг илми махлуқ эмас. Илмни ақлдан афзал, деганлар, Аллоҳ таолонинг илми ва унинг дини тўғрисидаги илмини ирода қилишган. Али розияллоҳу анҳу айтганидек, ақлни илмдан афзал деганлари касб-ҳунарларга оид илмни назарда тутишган.

"Ат-тамҳид фи баёнит-тавҳид" китобидан.
♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 @eskiobodmasjidi

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 Ravza.uz |📚@Ravza_uz ✓
♻️Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA

#Мақола

ТИНЧЛИК ВА ХОТИРЖАМЛИК

Тинчлик ва хотиржамлик Аллоҳ таолонинг буюк илоҳий неъматларидан биридир. Қолаверса, барча эзгу ишлар рўёбга чиқишининг боиси ҳам осойишталикдир. Шундай экан, инсонлар нафақат мавжуд тинчликни қадрига етиб, шукрини адо этишлари балки, унга ношукрлик қилиб путур етказишдан ҳам сақланишлари лозим.

➡️Батафсил ўқиш ....👇👇👇
http://ravza.uz/story/Tinchlikk_va_hotirjamlikk_

🌐 www.Ravza.uz | Telegram
Instagram | Facebook | Youtube

#Мақола

1 июнь куни “Халқаро болаларни ҳимоя қилиш куни”

Динимизда бола ҳуқуқлари.
Биламизки юртимизда 1 июнь куни “Халқаро болаларни ҳимоя қилиш куни” сифатида нишонланади. Ушбу байрам кўпчилик давлатларда “Халқаро болалар ҳуқуқларини ҳимоя қилиш куни” сифатида ҳам эътироф этилади.

➡️Батафсил ўқиш ..... 👇👇👇
http://ravza.uz/story/1_Xalqaro_bolalarni_himoya_kuni

🌐 www.Ravza.uz | Telegram
Instagram | Facebook | Youtube

ҚАБРДАН ТАРАЛАЁТГАН НУР ВА ЁҚИМЛИ ҲИД

Бир куни Исо алайҳиссалом кетиб турсалар, бир қабрга назарлари тушади. Қабрдан эса кўзни қамаштирувчи нур ва ёқимли ҳид таралиб турган эди. Исо алайҳиссалом буни шундай тарк этишни хоҳламасдан, Аллоҳ таолога қабр эгасини тирилтириб, у билан гаплашишини истаб муножот қилади. Аллоҳ таоло пайғамбарининг бу муножотини қабул қилади. Шу онда қабр икки тарафга очилибди, қараса ичида бир инсон, олдида Жаннатнинг дастурхони очилган, Жаннат меваларидан еб ўтирибди экан. Исо алайҳиссалом таралиб турган муборак ҳидни айнан шу неъматлардан келиб турганини билиб, қабр соҳибига қараб:
– Сен ким бўласан? - деб сўрабди.
– Эй Руҳуллоҳ, Сизни яҳудий тоифаси ўлдирмоқчи бўлганларида, Сизга қочинг деб хабар берган киши бўламан, – дебди.
- Яхши, бу неъматларга қайси амалларинг туфайли ноил бўлдинг? – деб яна сўрабди Исо алайҳиссалом.
– Бу неъматлар менинг амалим билан берилмаяпти. Дунёда яшаётган менинг бир неварам бор. У ҳар доим менинг руҳимга садақа ва хайрликлар бериб туради. Булар ўша садақаларнинг савобидир. Бу неъмат ва нур ўшалардан. Булар менинг Аллоҳ йўлида яшаётган солиҳ неварамнинг мен учун юбораётган ҳадяларидир, – дейди.
Исо алайҳиссалом кабрдаги одамга қараб туриб:
- Бизга фарзанднинг фойдаларидан
хабар бергин, - деб сўрайди.
- Эй Руҳуллоҳ, Сиз дунёда нубувват
билан билинасиз. Биз эса қабрда дунёда қолдирган солиҳ фарзанд, набираси билан фахрланган, деб таниламиз. Хусусан, жума кечаси бўлганда Аллоҳ таоло солиҳ фарзандимизнинг садақалари, дуолари ва истиғфорлари туфайли бизларга малоикалари орқали нурдан бўлган лаганларда неъматлар эҳсон қилинади. Келган бу неъматлар сабабидан байрам қиламиз. Ҳар кимга фарзандининг юборган садақаси, яхшиликлари миқдорича эҳсонда бўлинади. Ўғли йўқ, неваралари бўлмаган маййитлар, ёки фарзандлари ва қариндошлари бўлса ҳам улардан хайр ва ҳасанотлар олмайдиган маййитлар "Менинг ўғлим йўқ. Менда набираларим йўқ. Шунинг учун мени яхшиликлар билан ёдга олмаяптилар" дейди. Пайғамбаримиз соллаллоҳу алайҳи васаллам марҳамат қиладилар: "Ота-онасининг қабрини, жума кунлари зиёрат қилганнинг гуноҳлари афв этилиб, ҳақларини адо қилган бўлади." (Термизий)

«Биррул волидайн ва ҳуқуқуҳума» китобидан.


♻️ ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
@eskiobodmasjidi

МАҲЗУН БЎЛМА ...🥲🥲

✨... Хеч қачон маҳзун бўлма!
Чунки қайғу сени ўтмишингдан безовта қилиб, келажакдан хавотирга солади, оқибатда бугунги кунингни йўқотасан

✨... Ҳеч қачон маҳзун бўлма!
Чунки қалб қайғу билан овора бўлиб, руҳинг сўниб, юзингнинг нури кетади.
Орзу умидларинг юқ бўлади

✨... Эй мўмин банда , маҳзун бўлма!
Чунки қайғу душманингни ҳурсанд қилиб , дўстингни маҳзун қилади . Қайгу сабабли хақиқатларни кўролмай қоласан ...

✨... Маҳзун бўлма !
Чунки қайғу Қазои-Қадарга норозилик , неъматга эса нонкўрлик бўлади ...

✨... Маҳзун бўлма !
Чунки қайғу , ғам юқолган нарсани қайтармайди. Ўликларни тирилтириб, қадарни
қайтармайди , фойда келтирмайди...

✨... Маҳзун бўлма !
Чунки қайғу шайтондан. Қайғу - фақирлик ва умидсизликдир.

✨... Маҳзун бўлма !
Агар сен фақир бўлсанг , умри қарзга ботиб кетган кишилар бор...
Мингани уловинг юқ бўлса , оёғи шол бўлган одамлар бор

✨... Маҳзун бўлма !
Агар бир фарзандингдан айрилган бўлсанг , шундай инсонлар борки бутун оиласидан
маҳрум булган...

✨... Маҳзун бўлма !
Агар гуноҳкор бўлсанг тавба қил, ёмон иш қилган бўлсанг истиғфор айт...
Хато қилган бўлсанг ислоҳ қил. Аллоҳнинг раҳмати кенг , тавба эшиклари очиқдир...

✨... Маҳзун бўлма !
Агар ғамга ботсанг , асабларинг таранглашиб , вужудингни қийнаб , тунларни бедор қиласан.

✨... Маҳзун бўлма !
Чунки Қазои- Қадар қалами ишини битирган , варақлар қуриган , китоб ёпилган , бундан
ошиқча ҳам , кам ҳам бўлмайди , маҳзун бўлма!

✨... Маҳзун бўлма !
Қўлингдан кетган нарсага ғам чекма. Бири кетган бўлса , хали қўлингда сен англаб , англамаган Аллоҳнинг жуда кўп неъматлари бор .

✨... Маҳзун бўлма !
Ҳасадгўй , ботил аҳилларининг танқидларига парво қилма , чунки уларнинг сўзларига сабр қилишда сенга ажр мукофот бор...
Сени танқид килишлари сени қадрингни белгилайди, ахир одамлар ўликка сўз отмайдиларку.

✨... Маҳзун бўлма !
Касаллик албатта кетади , мусибатлар албатта кўтарилади, гуноҳлар кечирилади, қарзлар узилади, маҳбуслар озод бўлади, ғоиблар (кетганлар) албатта қайтиб келади, осийлар тавба қилади, албатта ёмонлар жазосини олади, маҳзун бўлма ...

✨... Маҳзун бўлма!
Модомики одамларга яхшиликлар қилар экансан албатта мушкулаларинг хал бўлади, чунки бошқаларга яхшилик қилишлик инсонни ўзини мушкулларини ҳал бўлишига сабаб бўлади...

✨... Маҳзун бўлма!
Чунки сенга қилган битта хасанотинг учун ўндан тортиб етти юзгача ажр берилади , балки ундан хам кўпроқ, ин шаа Аллоҳ. Лекин қилган гуноҳинггачи - биттагина жазо берилади..

✨... Маҳзун бўлма !
Сенда энг катта неъмат бор , чунки сен Тавхид калимасини айтганлардансан ...
Аҳли қибласан , мусулмонсан , қўлингни дуога кўтарган кишилардансан, сен маҳзун бўлма .

✨... Маҳзун бўлма !
Чунки сен хаётнинг енгил - оғир , иссик, - совуқ , фақир ва бой холатингда хам фойда устидасан...
Росулуллоҳ соллалоҳу алайҳи ва саллам айтганларидек :
~ Мусулмон одам яхшилик келса шукр қилиб савоб олади , машаққатли кун келса сабр қилади, яна савоб олади ...

✨... Маҳзун бўлма !
Ахир сенда Қуръон бор ! Зикр , дуо бор !
Ахир сенда Намоз, амри - маъруф, садақа ва бошқа савобли амаллар бор

✨...Ким ҳоҳларди дунёда Иймонингни берасан эвазига дунёдаги хамма нарсани бераман деса, қайси мўмин алмаштирарди..?

✨... Одамларга зулм қилаётган , хақларини еяётган, туҳмат қилаётган, бўхтон қилаётганлар хам бир куни ўлади! Зулм кўрган, Сабр қилган, савоб умид қилган кишилар хам ўлади!
Лекин Аллоҳнинг хузурида ким ютуқда бўлади?

✨... Дунё ҳаёти вақтинча, Пайғамбаримиз соллаллоҳу алайҳи ва саллам айтганларидек:
~ Дунё бир соатлик йўлдир .. Ким ўлмайди?

✨... Маҳзун бўлма !
Ахир қора булутларни тарқаганини, қоронгу тунни ёришганини, шамолларни тўхтаганини
кўрмаганмисан.. Ин шаа Аллоҳ машаққатларинг роҳатга, ҳаётинг ёруғликка , келажагинг неъматга тўлиб боради , ин шаа Аллоҳ ...

✨... Маҳзун бўлма!
Агар олдингда чора қолмаса, йўллар беркилиб, умидсизлик бостириб келса я АЛЛОҲ дегин!

Эскиобод жомье масжиди имом хатиби
Ґайратжон домла Асабоев
✅Каналга аъзо бўлинг👇👇

@eskiobodmasjidi

ГУНОҲЛАРНИ ҲАЛОЛ ДЕЙИШ

Қатъий далиллар билан собит бўлган кичик ва катта гуноҳларни ҳалол дейиш куфрдир. Гуноҳни енгил ҳисоблаш, уни мубоҳ деб билиш ҳам куфрдир.

Ибн Хумом бундай дейди: “Ҳанафий мужтаҳидлари Пайғамбаримиз (с.а.в.)нинг суннатларини кўзга илмай тарк этган ёки ёмон кўрган кимсани кофир бўлади, дейишган".

Имом Абу Юсуф Пайғамбаримиз (с.а.в.)нинг қовоқни яхши кўрганларини зикр этдилар. Шунда бир одам: "Мен яхши кўрмайман", деди. Имом Абу Юсуф ўша кимсани диндан қайтганига ҳукм этдилар. Ким Аллоҳ таолони Зотига муносиб бўлмаган сифат билан ёдласа ёхуд Аллоҳ таолонинг исмларидан бир исмни ёхуд амрларидан бирини ҳазил-мазах қилса ёки Аллоҳ таолонинг ваъда ва ваъидларини инкор этса, кофир бўлади.

Бир тўп кишилар бир кишини юксак бир жойга ўтқазиб, ундан диний масала сўраб кулсалар, ҳазил-мазах қилсалар, шариатнинг қозилик мақомини камситганлари учун кофир бўлади. Уларнинг кофир бўлишининг сабаби шариатнинг ҳукмларини ҳазил-мазах қилганларидир. Бу каби ҳолатлардан Аллоҳ таоло бизларни асрасин. Яна бир киши бир кишига кофир бўлишни (куфр сўзни айтишни) амр этса ёки шундай амр қилишни азм этса, куфрга рози бўлиш куфр бўлгани учун кофир
бўлади.

Киши зино қилаётганда ёхуд маст қилувчи ичимлик ичаётганда уларнинг ҳалол эканига ишонган ҳолда "Бисмиллаҳ” деса, кофир бўлади.

Яна ким қасддан қибладан бошқа томонга қараб намоз ўқиса ёки таҳоратсиз намоз ўқиса кофир бўлади.

«АЛ–ФИҚҲ УЛ–АКБАР» китобидан.

Эскиобод жомье масжиди имом хатиби
Гайратжон домла Асабоев

📌Каналга аъзо бўлинг!
@eskiobodmasjidi

ҚУРЪОН ҚИРОАТИНИ БУЗИШДАН КЎРА ЎЛИМНИ АФЗАЛ КЎРГАН ЗОТ

Бу зот шундай бир мақомда эдиларки, бутун шоирлару адибларни бари бир жойга йиғилсалар ҳам унинг васфларини келтиришга қаламлари ожиз қоларди. Бу зотга ўхшагани бир неча замонлар ва асрлар оша ҳам, нодирлигича қолиши аниқ эди. Жобир ибн Абдуллоҳ ибн Ансорий розияллоҳу анҳудан ривоят қилинади: Расулуллоҳ соллаллоҳу алайҳи васаллам билан Зоти Риқо ғазотига чиқдик. Бир киши мушриклардан бирининг аёлини асир олиб кетди. Эри келиб, бунинг хабарини эшитганда: "Бу ишни Муҳаммад соллаллоҳу алайҳи васалламнинг асҳобларидан бирортаси қилган, улардан бирининг қонини тўкмасдан ортга қайтмайман", деди.

Расулуллоҳ соллаллоҳу алайҳи васалламнинг изларидан анча жойгача эргашиб келди. Расулуллоҳ соллаллоҳу алайҳи васаллам бир жойга тушиб, дам олишга буюрдилар. Асҳобларига юзланиб сўрадилар: “Ким ушбу тун бизларни қўриқлаб чиқади?” Битта муҳожирлардан, кейингиси ансорлардан чиқиши айтилди. Аммор ибн Ёсир ва Аббод ибн Бишр икковлари қўриқчилик қилишларини айтишди. Шунда Расулуллоҳ соллаллоҳу алайҳи васаллам дедилар: “Бизларни даранинг оғзида ҳимоя қилинглар”. Икковлари даранинг оғзига чиқишар экан, Аббод ибн Бишр Аммор ибн Ёсирга: “Сиз туннинг қайси қисмида қўриқлайсиз, аввалгисидами ёки кейингисида”, деди. У: "Кейингисида”, дедилар. Ва уйқуга кетдилар.

Аббод ибн Бишр атрофга разм солди. Тун чароғон, ҳар бир нарса Аллоҳга махфий овозда тасбеҳ айтаётган эди. Бу нарса у кишини намоз ўқишга ундади. Чунки Аббод ибн Бишр бу билан иккита яхшиликка эришар эди: бири намоз, иккинчиси: Қуръон қироати.

Бу орада бояги киши етиб келди. Аббод ибн Бишрни кўрди-ю, камонга ўқини жойлаб отди. Ўқ бориб Аббод ибн Бишрга тегди, у ўқни танасидан суғуриб ташлади ва ҳеч нарса бўлмагандек намозида давом этди. Яна иккинчи марта ўқ отди. Лекин Аббод ибн Бишр яна ҳеч нарса бўлмагандек танасига кирган ўқни суғуриб олиб ташлади ва яна давом этаверди. Учинчи марта ҳам шундай ҳолат юз берди. Шунда у руку ва сажда қилиб намозини якунлади-да, шериги Аммор ибн Ёсирнинг олдига борди: “Эй Аммор туринг, менинг мадорим йўқ, яраландим”, деди. Аммор ибн Ёсир сакраб ўрнидан турди. Буларни кўрган бояги мушрик қочиб кетди. Аммор ибн Ёсир шеригининг уч жойидан чиқаётган қонни кўрди-ю: "Субҳаналлоҳ! Нега биринчи камон ўқи санчилгандаёқ мени уйғотмадингиз", деди. Аббод ибн Бишр: "Бир сурани ўқиётган эдим, уни охирига етказмай кесиб қўйишни хоҳламадим. Тугатиб руку килдим-да, сизга хабар бердим. Аллоҳга қасамки, агар Расулуллоҳ соллаллоҳу алайҳи васалламнинг дарани қўриқлашга берган амрига осийлик қилиб қўйишимни ўйламаганимда намозимни асло бузмас эдим”, деб жавоб бердилар” (Имом Аҳмад ривояти).

Эскиобод жомье масжиди имом хатиби
Гайратжон домла Асабоев

«Пайғамбарлар мўъжизалари саҳобалар кароматлари» китобидан.

♻️ ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
@eskiobodmasjidi

Тошкентдан бошқа шаҳарлардаги вақтлар фарқи (дақиқа)

Аввал: Чимкент (-1), Конибодом (-5), Хўжанд (-6), Қўқон (-7), Жамбул (-7), Наманган (-10), Фарғона (-10), Марғилон (-10), Андижон (-11), Ўш (-14), Жалолобод (-15), Бишкек (-21), Олма – ота (-21)

Кейин: Бекобод (+4), Туркистон (+4), Жиззах (+6), Гулистон (+7), Денов (+7), Жомбой (+7), Самарқанд (+9), Шаҳрисабз (+10), Каттақўрғон (+12), Қарши (+12), Нурота (+14), Навоий (+19), Бухоро (+21), Хива (+35), Нукус (+42)

Каналга аъзо бўлиш учун ушбу линкни босинг! 👇


@eskiobodmasjidi

Муфтий ҳазратлари: Ота-оналар олдида қарздормиз

Youtube | Tas-ix | Facebook | Instagram

Ўзбекистон мусулмонлари идораси Матбуот хизмати

Muslim.uz
@muslimuzportal | @mp3muslim | @diniysavollar

Одоблар ҳақида 111-дарс.

Ўтганлар ортидан қилинган яхшилик етиб боришлиги.

Янгиқўрғон тумани Тўрақул ҳожи жомеъ масжиди имом хатиби.

Мусохон ибн Абдулмажид домла.

@navkendmasjidi

#Мақола

ҚУРЪОН ЎҚИЛГАН ЖОЙГА САКИНАТ ТУШАДИ

Арабча “сакинат” сўзи “тинчлик-хотиржамлик” маъносини билдиради. Ҳадиси шарифларда
айтилишича, Қуръон ўқилган жойга сакинат тушади, қори атрофини фаришталар ўраб олади.

➡️Батафсил ўқиш.... 👇👇👇
http://ravza.uz/story/Quron_uqilgan_joyga_sakinat_tusjadi

🌐 www.Ravza.uz | Telegram
Instagram | Facebook | Youtube

#Мақола

БОЛАЛАР – ҚАЛБИМИЗ МЕВАСИ

1 июнда жаҳоннинг кўплаб мамлакатларида Халқаро бола-ларни ҳимоя қилиш куни нишонланади.
Халқаро болаларни ҳимоя қилиш куни — бу жаҳон жамоатчилиги фикрини болалар ҳуқуқига қаратиш уруш хавфидан ҳимоялаш, болалар саломатлигини сақлаш, уларга демократик асосда тарбия ва таълим бериш учун курашишга жалб қилиш кунидир.

➡️Батафсил ўқиш.... 👇👇👇
http://ravza.uz/story/BOLALAR_QALBIMIZ_MEVASI

🌐 www.Ravza.uz | Telegram
Instagram | Facebook | Youtube

🌙 ТОҒДЕК БЎЛСА ҲАМ КЕЧИРИЛАДИ...

Аллоҳ таоло инсонни азизу мукаррам қилиб яратиш билан бирга ўз хатоларини тузатиш, гуноҳлардан фориғ бўлиш йўлини кўрсатган. Зеро, инсон борки, айбу нуқсон, гуноҳлардан ҳоли эмас. Бундай киши гуноҳ-хатолардан афсусланиш, уларга чин дилдан тавба қилиб, яхши амаллар қилишга ўтиши лозим.

Бутун инсоният отаси Одам алайхиссалом ҳам хато қилгандан сўнг тавба-тазарру орқали Ҳақ таоло мағфиратига ноил бўлди. Шу боис тавбага юзланиш, гуноҳларга истиғфор айтиш инсон наслига фарз қилинган азалий ҳукмдир.

Қуръони каримда марҳамат килинади: “Эй имон келтирганлар! Аллоҳга чин тавба қилинглар, шояд Раббингиз сизларнинг гуноҳларингизни ўчириб, остидан анхорлар оқиб турадиган (жаннатдаги) боғларга киритса!” (Таҳрим сураси, 8-оят)...
ᅠ
➡️БАТАФСИЛ ЎҚИШ

@muslimuzportal | @mp3muslim | @diniysavollar
@eskiobodmasjidi

АЁЛ ИЛМЛИ БЎЛИШИ ШАРТ!

Бугyн оилавий ажримлар кўпайиб бораётгани ҳақида мулоҳазалар қулоққа тез-тез чалиняпти. Бизнинг мамлакатимиз оилавий ажримларга иложи борича қарши туради. Неки имкон бўлса ишга солиб, оилаларни асраб қолишга, ажримларнинг олдини олишга ҳаракат қилинади. Фақатгина жуда жиддий ҳолларда, узр ўтмайдиган ҳолга келиб қолганда ёки хиёнат каби сабаблар келтирилгандагина дин ҳам, давлат ҳам, ҳатто жамият ҳам ажримни ўринли деб билади. Бундай ажримларнинг асосий сабабларидан бири эса аёлнинг илмсизлигидир. Ҳар бир эркак ўз аёлининг илм савиясини оширишга ва бунинг учун унга шароит яратиб беришга масъулдир. Эр илм савиясини оширувчи турли машғулотларга боради, ўз иши бўйича одамлар билан фикр алмашади, замон билан ҳамнафас яшайди, фарзандлрини ҳам турли ўқув-курсларига жўнатади. Аммо аёл яна четда қолиб кетади. Уй ва рўзғор юмушлари билан машғул бўлган аёл илм олишдан узилиб қолади. Аслида аёлнинг илмли бўлиши умматнинг илмли ва салоҳиятли бўлишига сабабдир. Аксарият одамлар қизларини турли уй-рўзғор юмушларини ўрганувчи ёки таомлар пиширишни ўргатиш курсларида ўқитади. Бу ҳол яхши, албатта, аммо уларнинг илм савиясини, дунёқарашларини ўстиришга ҳам алоҳида эътибор қаратиш керак. Эркаклар уйлангандан кейин бу масалага алоҳида эътибор бериши керак. Кўплаб ажримларнинг сабаби аёл билан эркакнинг илм савияси тубдан фарқ қилиши ва ораларидаги мулоқотнинг кескин йўқолиб қолишидир. Бу билан оиладаги муҳит бузилади. Эркак билан аёлнинг илм даражаси тенг бўлиши уларнинг ҳар бир масалада бемалол суҳбат қуришларига ва турли мавзуларда фикр юритишларига кенг шароит яратиб беради. Илм кишига фаросат аталмиш буюк неъматнинг шаклланишида ёрдам беради. Фаросатли аёл, умуман, фаросатли киши ҳаммага ёқади. Аёлнинг дунёқараши пастлиги, эркакнинг у билан етарлича гаплаша олмаслиги туфайли у аёлидан зерикишни бошлайди. Бу эса бора-бора ажримга олиб келади. Шунинг учун ҳам тенглик асосига қурилган ҳар қандай оила ва бу тенгликни ушлаб қола билган оилалар ҳаёти ажримдан йироқдадир. Шунинг учун ҳам аёл кишини ўқитиш ва илмли қилиш оилаларнинг мустаҳкамлигини таъминловчи омиллардан биридир.
Бола илк таълим ва тарбияни оилада олади. Аёл илмли бўлса, бола онасининг атрофида ўйнаб юриб ҳам илмли бўлиб қолади. Она овқатни пишириб ёки уйларни тартибга солиб турган ҳолатда ҳам унга илм бераверади. Бугунги кунга келиб одамлар анча бу нарсанинг фарқига бориб қолишди. Аввал пул нафсларни қондириш учун топилган бўлса, ҳозирда кўпчилик оилалар фарзандларини илмли бўлиши учун пулларини аямаяпти. Ҳатто чет мамлакатларга болаларни илм олиш олиш учун юборишяпти. Бу эса жуда қувонарли ҳолат. Бу илмларнинг юксак даражага бориб етишини хоҳлаган оталар бир нарсани билишсинки, аввало, уйдаги болага беминнат таълим берувчи онани илмли қилиш лозим. Ҳатто Ойша розияллоҳу анҳо Пайғамбаримиз соллаллоҳу алайҳи ва салламнинг олдиларига келиб, аёллар эркаклардан илм борасида ортда қолиб кетяпти, деб арз қилганларида, Расулуллоҳ соллаллоҳу алайҳи ва саллам аёлларнинг илм олишига шароит яратиб берганлар. Бу эса уммат ўрнак оладиган гўзал ишлардан биридир. Замон ривожланиб, тез суръатда ўзгаришлар бўлаётган пайтда у билан ҳамнафас яшаш ҳар биримизнинг ўз қўлимизда. Барча ишларни Аллоҳ таолонинг буйруқлари асосида олиб бориш эса ҳар бир ишни муваффақиятли бўлишининг асосий омилларидан биридир.
Чунки юқорида таъкидлаб ўтканимиздек, аёлнинг илмли бўлиши умматнинг илмли ва салоҳиятли, соғлом, ҳар томонлама етук тарзда ривожланишига, жамиятда илмли инсонларнинг сони ортишига ва албатта мамлакат равнақига ўз таъсирини ўтказмасдан қолмайди. Бу орқали кўпайиб бораётган оилавий ажримларнинг сони кескин камаяди.

Шайх Саййид Раҳматуллоҳ ТEРМИЗИЙ

♻️ ДЎСТЛАРИНГИЗГА ҲАМ УЛАШИНГ!!!

Каналга аъзо бўлинг!
@eskiobodmasjidi

Ассалому алайкум!
          Хайрли тонг! 🌤

🤲 Соғ–саломат уйғотган Роббимизга ҳамдлар бўлсин!

😊 Бугунги кунингиз кечаги кунингиздан хайрли,  файзли,  манфаатли ва баракалироқ бўлсин, азизлар!

☝️ Аллоҳ розилигига етишишликни барчамизга насиб айласин. 🤲

Каналга аъзо бўлинг!
@eskiobodmasjidi

ЁЛҒОННИНГ САССИҒИДАН ФАРИШТА ҚОЧАДИ

Ибн Умар розияллоҳу анҳумодан ривоят қилинади:
"Набий соллаллоҳу алайҳи васаллам:
"Агар банда ёлғон гапирса, у қилган нарсанинг сассиғидан фаришта ундан бир мил нарига узоқлашади", дедилар".
Термизий ривоят қилган.
Бу қанчалик даҳшат-а? Бу дунёда бандани қўриқлаб туриш учун бириктирилган фаришта ҳам унинг ёлғони сассиғидан ҳазар қилиб, ундан қочар экан. Фариштаси ўзидан қочган одам ким деган одам бўлади?! Халқ ичидаги "Фалончининг фариштаси йўқ", деган қабилдаги гап бежиз эмас. Шунинг учун ҳам зинҳор ва зинҳор ёлғон гапирмаслик лозим.

👇👇👇👇👇👇👇👇@eskiobodmasjidi

ЖАННАТ ДАРАХТЛАРИ, УЛАРНИНГ МЕВАЛАРИ ВА ДУНЁДАГИ МЕВАЛАРГА ЎХШАШЛАРИ ҲАҚИДА

Абу Ҳурайра ривоят қиладилар: Расулуллоҳ соллаллоҳу алайҳи ва саллам айтдилар: "Аллоҳ таоло: "Мен солиҳ бандаларим учун кўз кўрмаган, қулоқ эшитмаган ва ҳеч бир инсоннинг хаёлига келмаган нарсаларни тайёрлаб қўйдим", деяпти. Агар хоҳласангиз: "Улар учун беркитиб қўйилган кўзлар қувончини (яъни, жаннат неъматларини олдиндан) бирор жон билмас", оятини ўқингиз. Жаннатда бир дарахт борки, суворий унинг соясида юз йил юрса ҳам, кесиб ўта олмайди. Агар хоҳласангиз: "(Улар) ёйилган соя (ости)да..." (Воқеа сураси, 30-оят) оятини ўқингиз. Жаннатдаги қамчидек жой дунё ва ундаги бор нарсалардан яхшидир. Агар хоҳласангиз: "Бас, ким дўзахдан четлатилиб, жаннатга киритилса, муҳаққақ (бахт-саодатга) эришгай. Бу дунё ҳаёти эса алдагувчи матоҳдир" (Оли Имрон сураси, 185-оят), оятини ўқингиз"
(Термизий ривояти).
Ибн Муборак айтади: Сафвон Салим ибн Омирдан ривоят қилди: Саҳобалар: "Аъробийлар ва уларнинг асл масалалари бизларга жуда фойда берди", дейишарди. (Чунки улар кўп савол беришарди.) Бир куни бир аъробий келиб: "Эй Расулуллоҳ соллаллоҳу алайҳи васаллам, дарҳақиқат, Аллоҳ Қуръонда азият берувчи дарахтни зикр қилди, ваҳоланки, мен жаннатда азият берувчи дарахт бўлмаса керак, деб ўйлаган эдим?" деди. Расулуллоҳ соллалоҳу алайҳи ва саллам: "У нима экан?" деб сўрадилар. Аъробий: "Сидр (луғавий маъноси "бута"), унда азият етказувчи тиканлар бўлади", деди.
Расулуллоҳ соллаллоҳу алайҳи васаллам: "Аллоҳ таоло: "Тикансиз бутазорларда..." (Воқеа сураси, 28-оят) демаганми? Аллоҳ таоло ҳар бир тиканининг ўрнига биттадан мева қилди. У мева бўлиб ўсади. Ҳар бир мева етмиш икки рангда товланади, таъми бир-бирига ўхшамайди", дедилар".
Абдураззоқ зикр қилади: "Бир аъробий Расулуллоҳ соллаллоҳу алайҳи васаллам олдиларига келиб, жаннат хусусида сўради. Расулуллоҳ соллаллоҳу алайҳи ва саллам унга ҳовуз ҳақида гапирдилар. У: "Жаннатда мевалар борми?" деди. "Ҳа, у ерда Тубо деган дарахт бор", дедилар. У: "Эй Расулуллоҳ соллаллоҳу алайҳи васаллам, ердаги қайси дарахт унга ўхшайди?" деб сўради. Пайғамбар соллаллоҳу алайҳи васаллам: "Сенинг ерингда унга ўхшайдиган дарахт йўқ. Шомга борганмисан? У ерда Жавзо деган дарахт бор, новдалари пастидан ўсиб, юқорисида қуюқ бўлиб ёйилган", дедилар. Аъробий: "Эй Расулуллоҳ соллаллоҳу алайҳи васаллам, унинг (яъни, жаннатдаги Тубо дарахтининг) қалинлиги қандай?" деди. Айтдилар: "Агар беш ёшли бақувват туя уни айланиш учун юрса, охирига етмай, чарчокдан силласи қурийди". Кейин: "У ерда узум борми?" деб сўради. У зот: "Ҳа", дедилар. У: "Бир бош узумнинг катталиги қандай?" деди. Набий соллаллоҳу алайҳи васаллам айтдилар: "Учқур чавандознинг тинмай юрадиган бир ойлик масофасича".

Абу Убайда айтадилар: "Жаннатнинг хурмоси танасидан шох-шаббаларигача (яъни, тагидан учигача) устма-уст терилгандир. Ҳар меваси кўзадай. Ундан бир дона узиб олинса, ўрнига яна бошқаси пайдо бўлади. Жаннатнинг сувлари ўзансиз оқади, унинг узумлари ўн икки зироъ келади" (Ибн Муборак ривояти).
Ибн Ваҳб Шаҳр ибн Ҳавшадан, у Абу Умома Боҳилийдан ривоят қилади: "Тубо жаннатдаги дарахтдир. Бирорта ҳовли йўқки, унинг шохи етган бўлмаса, бирорта чиройли қуш йўқки, унинг шохида бўлмаса, бирорта мева йўқки, унинг шохида пишмаса".
Молик ибн Анас айтади: "Банандан бошқа бирорта мева жаннат меваларига ўхшамайди.
Чунки Аллоҳ таоло жаннат мевалари ва сояларини доимий деган (Раъд, 34). Фақат банангина қишин-ёзин пишиб ётади".
Абу Зардан ривоят қилинади: Расулуллоҳ соллаллоҳу алайҳи ва салламга бир лаган анжир ҳадя этилди. Ундан едилар, сўнг асҳобга: "Олинглар, енглар! Агар осмондан мева нозил бўлган десам, шу мевани айтган бўлар эдим. Чунки жаннат мевалари данаксиз бўлади. Бундан енглар, у бавосилни кесади ва бўғимлар оғришида фойда беради", дедилар (Саълабий Авзоийдан ривоят қилган).

👇👇👇👇👇👇👇@eskiobodmasjidi

Смотрите "#Китабул_бирри_вассила1-дарс. Мусохон ибн Абдулмажид домла." на YouTube
https://youtu.be/-baLkvSmyZM