#Видео

#Мавзу: ИНСОН КИБРУ ҲАВОГА БЕРИЛМАСЛИК КЕРАК

Сайтдан кўриш
Ютубдан кўриш

Косонсой тумани "Содод" жоме масжиди имом-хатиби Мирфайзиев Баҳодир

🌐 www.Ravza.uz | Telegram
Instagram | Facebook | Youtube

МАКРУҲ ВАҚТЛАР

- Қайси пайтда намоз ўқиш макруҳ?
- Қуёш чиқаётган пайтда, қиёмга келганда, ботаётганда. Фақат аср намози ўқилмай қолган бўлса, бундан мустасно. Aгар киши бомдоддан кечикиб намозни қуёш чиқаётганда ўқимоқчи бўлса, яхшиси бир оз кутиб тургани ва кун батамом чиқиб бўлгач, қазо қилиб ўқигани маъқул.

- Киши аср намозини ўқиётганда офтоб бота бошласа, намози бузиладими?
- Йўқ, аммо уч ракатини ўқиб тамом қилиши лозим.

- Яна қайси пайтда намоз ўқиш макруҳ?
- Имом хутба ўқиб турган пайтда ҳамда кундузи ҳайит намозидан олдин нафл ўқиш макруҳдир.

Aҳмад Ҳодий Мақсудий “Ибодати исломия”дан.
♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐@eskiobodmasjidi

АЛЛОҲГА ЕТИШИШНИ ХОҲЛА

Убода ибн ас-Сомит (р.а.) нинг ривоят қилишича, Пайгамбаримиз (соллаллоҳу алайҳи васаллам) марҳамат қиладилар:

«Ким Аллоҳга етишишни хоҳласа, Аллоҳ ҳам унга етишишни хоҳлайди. Ким Аллоҳга етишишни хоҳламаса, Аллоҳ ҳам унга етишишни хоҳламайди».
Оиша (р.а.) ёки аёлларидан бири шундай дейди: «Биз ўлимни яхши кўрмаймиз». Ул зот:
Ўлим сиз ўйлаганингиздек эмас. Мўминга ўлим ҳоли келганда, Аллоҳ ундан рози эканлиги, унга ажри берилиши хушхабари етказилади. Ўша пайтда мўмин учун бундан севимлироқ нарса бўлмайди. Шунинг учун ўша пайтда мўмин Аллоҳга етишмоқни хоҳлайди. Аллоҳ ҳам бандасига етишмоқни хоҳлайди. Кофирга ўлим ҳоли келганида, Аллоҳнинг азоблаши ва жазолаши хабар берилади. Ўша пайтда кофир учун ўлим ҳолидан-да хунук, ёмон нарса бўлмайди. Шунинг учун кофир Аллоҳга йўлиқишни хоҳламайди, Аллоҳ ҳам у билан учрашишни хоҳламайди.

“Ғам қайғусиз яшай десангиз (ўкинма)”дан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
@eskiobodmasjidi

Тошкентдан бошқа шаҳарлардаги вақтлар фарқи (дақиқа)

Аввал: Чимкент (-1), Конибодом (-5), Хўжанд (-6), Қўқон (-7), Жамбул (-7), Наманган (-10), Фарғона (-10), Марғилон (-10), Андижон (-11), Ўш (-14), Жалолобод (-15), Бишкек (-21), Олма – ота (-21)

Кейин: Бекобод (+4), Туркистон (+4), Жиззах (+6), Гулистон (+7), Денов (+7), Жомбой (+7), Самарқанд (+9), Шаҳрисабз (+10), Каттақўрғон (+12), Қарши (+12), Нурота (+14), Навоий (+19), Бухоро (+21), Хива (+35), Нукус (+42)

Каналга аъзо бўлиш учун ушбу линкни босинг! 👇


@eskiobodmasjidi

ONA 😭😭😭

JAJJI QOʻLLARIM SILAB YUZINGGIZ,
QOLDIM-KU DUNYODA YOSHGINA BOʻZLAB.
MENI DUNYOGA KELTIRIB SHU ON,
DUNYODAN OʻTDINGGIZ KOʻZINGGIZ YOSHLAB.

YIGʻLADIM DOD SOLIB QUCHIB BOʻYNIGGIZ,
SILADIM, OʻPDIM OPPOQ YUZINGGIZ.
BIR LAXZA MEHRINGGIZ HIS QILOLMADIM,
KOʻZINGGIZ YOSH BILAN YUMIB KETDINGGIZ.

EskiObod jomʼe masjidi matbuot xizmati hodimi
Abdusalom Yoʻldoshev
@eskiobodmasjidi

ЯЪЖУЖ ВА МАЪЖУЖЛАР ТОИФАСИ

"Бидоя ва ниҳоя" китобининг муаллифи раҳматуллоҳи алайҳ айтадиларки, "Яъжуж ва Маъжуж" бизнинг билганимиз хилофи ўлароқ Одам алайҳиссалом зурриётидандир. Бин Солиҳ ва Аби Саиднинг "Саҳиҳ"ларида келтириладики, Расули Акрам соллаллоҳу алайҳи васаллам марҳамат қилиб дедилар: "Қиёмат қойим бўлган вақтда Аллоҳ таоло Одам алайҳиссаломга: "Ё Одам, Жаҳаннам ўтига ташланадиганларни ўз зурриётингдан ажратиб, дўзах ўтига юбор!" - деб фармон беради. Одам алайҳиссалом: "Оловга ташланадигани кимлар?" — деб савол сўрайдилар. Аллоҳ субҳанаҳу ва таоло: "Минг нафардан тўққиз юз тўқсон тўққизтасини дўзахга ва биттасини Жаннатга юбор", - дейди. Бу ҳолатни кўриб турганлар қўрқувдан ғам-ғуссага ботадилар, ҳатто бу даҳшатдан гўдакларнинг сочлари оқара бошлайди. Одамлар эс-ҳушидан айрилиб, ўзларини билмай, мастлардек тентираб юрадилар. Азобнинг қаттиқлиги ва тушиши мумкин бўлган ҳолат даҳшати уларни шу аҳволга солади. Саҳобалар Расулуллоҳ соллаллоҳу алайҳи васалламдан: "Бизнинг қайси биримиз ўша мингтанинг бири бўламиз?" деб сўрадилар. "Сизларга хушхабар бўлсинки, сизлардан бир нафар ва Яъжужу Маъжужнинг мингтаси Дўзахга боради", дедилар.

Бу ҳадиснинг мазмунидан маълум бўладики, Яъжужу Маъжуж Одам алайҳиссалом наслидан бўлиб, уларнинг сони кўп экан. Улар Нуҳ алайҳиссалом зурриётидан пайдо бўлган. "Муснад" ва "Сунан"да келтирилганки, Нуҳ алайҳиссаломнинг учта - Сом, Ҳом ва Ефас исмли ўғиллари бор эди. Сом - арабу ажамликлар отаси, Ҳом - ҳинду ҳабашлар отаси, Ефас - турклар отаси ҳисобланади. Яъжужу Маъжужлар турклар тоифасидан бўлиб, улар аслида Мўғулистонда пайдо бўлишган, бошқача қилиб айтганда уларни мўғул-татар деб аташади. Улар жуда кўп сонли бўлиб, фисқу фасодга ҳаддан ташқари берилган бўлишади. Улар нима сабабдан турк деб аталди? Искандар Зулқарнайн Яъжужу Маъжужлар қаршисида қўр тўкиб тўсиқ бунёд қилди ва улар унинг ортида қолдилар. Фасодга қўл урмаганлари тўсиқнинг бу ёғида қолишди. Фасодкорлари тўсиқнинг нариги томонида қолдирилди ёки тарк қилиндилар, кейин тарклар ёки турклар дейилди.
Бу ривоятнинг келтирилиши билан бирорта бир халқни камситмоқчи эмасмиз. Бизнинг динимизда ислом эътиборга олинади. Одамнинг қайси қавму миллатга тааллуқли эканлигига қаралмайди. Бирдан-бир эътибор эътиқодга, яъни мусулмон ёки мусулмон эмаслигига қаратилади.
Аммо ривоят (ривоят заиф деб ҳисобланади) қилинадики, Одам алайҳиссалом эҳтилом бўлганларида нутфалари ерга тушиб тупроққа қоришди ва ушбу қавм пайдо бўлди. Юқорида айтилганидек, Яъжуж-Маъжуж Одам алайҳиссалом зурриётидандир.


"Дурратул-Ваъизийн" китобидан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐@eskiobodmasjidi

#Бисмиллаҳ

🌺🌟АССАЛОМУ АЛАЙКУМ ВА РОХМАТУЛЛОХУ ВА БАРОКАТУҲ🌟🌺

🌱 Сиз ишлaрингизни режа қиласиз, Аллоҳ уларни ўз ўрнига қўяди.

🌱 Қўлингиздан келмаган нарсадан хавотирга тушасиз, Аллоҳ истаса, уни яхшилик билан ҳал қилади.

🌱 Шундай экан, Аллоҳни эсланг, уни Ўзи сизни ҳимоя қилади.

🌱 Тилингиздан олдин, дилингиз билан: «Мен ўз ишимни Аллоҳга топшираман» денг.

☝️🏻Аллоҳнинг зикри билан ҳаётингиз, албатта гўзаллашади.

Аллоҳ бугунги янги кунимизни хайрли ишлар ва мўл - кўл савобларга васила қилсин!

🍀🌤🌸ХАЙРЛИ ТОНГ!🌸🌤🍀

✿•┈•┈•┈•┈•┈•┈•┈•┈•┈•✿🌙
🌴Жаннатда ёнингизда бўлишини истаган яқинларингизга улашинг🌴
✿•┈•┈•┈•┈•┈•┈•┈•┈•┈•✿🌙
@eskiobodmasjidi

#Мақола

ИЙМОН ИҚРОР ВА ТАСДИҚЛАШ ХАҚИДА

Инсон учун энг биринчи вазифа ва бурч Аллоҳ таолога иймон келтиришдир. Аллоҳга иймон келтириш бўлмас экан, иймон келтириш лозим бўлган бошқа нарсаларга ҳам иймон бўлмайди. Киши ҳамма нарсани ёлғиз Аллоҳ таоло яратганини, Ундан ўзгага сиғиниб бўлмаслигини, У комил сифатлар билан сифатланганини, айб-нуқсондан поклигини қалби билан тасдиқлаб, тили билан иқрор бўлсагина Аллоҳ таолога иймон келтирган бўлади.

➡️Батафсил ўқиш.... 👇👇👇
http://ravza.uz/story/Iymon_iqror_tasdiqlash_haqida

🌐 www.Ravza.uz | Telegram
Instagram | Facebook | Youtube

#Мақола

ҚИЁМДА ҚЎЛЛАР ҚАЕРДА ТУРАДИ?

Бизнинг мазҳабимизда мўътабар манба – «Мухтасар ул-Виқоя»да келишича, қиёмда қўл тутиш одоби бундай:
ويضع يمينه على شماله تحت سرّته فى كلّ قيام فيه ذكر مسنون ويرسل فى قومة الركوع وبين تكبيرات العيدين
«Суннат қилинган зикр мавжуд бўлган ҳар бир қиёмда киндик остига ўнг қўлини чап қўлининг устига қўйиб туради. Рукуъдан турганда ва икки ҳайит такбирлари орасида (қўлларни) икки ёнга тушириб туради».

➡️Батафсил ўқиш....👇👇👇
http://ravza.uz/story/Qiyomda_qollar_qayerda_turadi_?

🌐 www.Ravza.uz | Telegram
Instagram | Facebook | Youtube

#Мақола

Намозга киришда қўллар қаергача кўтарилади?

Намозга киришда қўллар қулоқ барорбарида кўтарилиб, қўлнинг бош бармоғи қулоқнинг юмшоғига етқазилади ва такбири таҳрима Аллоҳу Акбар лафзини айтиб намозга кирилади.

➡️Батафсил ўқиш ....👇👇👇
http://ravza.uz/story/namozga_kirishda_qullar_qayergacha_

🌐 www.Ravza.uz | Telegram
Instagram | Facebook | Youtube

Уйга баракот ва раҳмат фаришаталари кирмайдиган тоифалар.

Янгиқўрғон тумани Тўрақул ҳожи жомеъ масжиди имом хатиби.

Мусохон ибн Абдулмажид домла.


@navkentmasjidi

Смотрите "#Уйга_баракот_раҳмат_фаришталари_кирмайдиган_тоифалар. Мусохон ибн Абдулмажид домла" на YouTube
https://youtu.be/Q1k5XC29tnU

ТАҲОРАТНИНГ СУННАТЛАРИ

1. таҳоратни ният қилмоқ.
2. басмала. (Бисмиллаҳни айтмоқ).
3. таҳоратнинг бошида қўлларнинг кафт қисмини уч марта ювмоқ.
4. мазмаза оғизни уч марта чаймоқ.
5. оғизни мисвокламоқ: «Умматимга машаққат туғдириб қўймаганимда уларга ҳар таҳорат олишда мисвок тутишга буюрган бўлар эдим».
Аҳмад ва Насоийлар ривоят қилган.
Мисвок топилмаса, ўрнига бармоқларни ишлатмоқ ҳам суннат.
6. истиншоқ. бурунни уч марта чаймоқ.
«(Набий соллаллоҳу алайҳи васаллам) икки қўлларини уч марта ювдилар, оғизларини чайдилар, бурунга сув олиб қоқдилар, сўнг юзларини уч марта ювдилар».
Муттақун алайҳ.
7. рўза бўлмаган ҳолида мазмаза ва истиншоқни етук адо қилмоқ. «Рўзадор бўлмасанг мазмаза ва истиншоқда муболаға қилгин».
Тўртовлари чиқарган.
Мазмазада муболаға қилиш дегани оғизнинг барча жойларига сувни тўла етказиш деганидир.
Истиншоқда муболаға қилиш эса, буруннинг ичига сувни яхши тортиш деганидир.
10. соқоли қалин бўлса, остидан, орқасидан тахлил қилмоқлик. Яъни, бармоқларни соқолга оралатмоқ. «Набий соллаллоҳу алайҳи васаллам таҳоратларида соқолларини тахлил қилар эдилар».
Имом Термизий ривояти.
11. бошнинг ҳаммасига масҳ тортмоқ.
12. масҳ тортишда олдидан, пешона тарафдан бошламоқ.
13. бўйинга масҳ тортмоқ. (бўғизга масҳ тортиш бидъатдир.)
14. қулоқларнинг ички ва ташқи тарафларига масҳ тортмоқ.
Масҳнинг сифати: Бунда жимжилоқдан бошлаб учта бармоқ билан пешонадан бўйин тарафга тортиб, кафтнинг ички томони билан бошнинг икки ёни орқадан олди тарафга, кўрсатгич ва бош бармоқлар билан қулоқларнинг ич ва ташига, кафтнинг орқа томони билан бўйинга масҳ тортилади. «Расулуллоҳ соллаллоҳу алайҳи васаллам бошларига масҳ тортдилар, олди орқага қилиб тортдилар».
Муттафақун алайҳ.
15. қўл ва оёқ бармоқларини тахлил қилмоқ. Расулуллоҳ соллаллоҳу алайҳи васаллам айтадилар: «Таҳоратни маромига етказ, бармоқларни тахлил қил».
Тўртовлари чиқарган.
16. таҳорат амалларини ўнг тарафдан бошламоқ.
«Расулуллоҳ соллаллоҳу алайҳи ва саллам пояфзал кийишда, таҳоратларида, ўнгдан бошлашни яхши кўрар эдилар».
Муттафақун алайҳ.
17. бир марта ювиш фарз бўлган аъзолар-юз, оёқ ва қўлларни уч мартадан ювмоқ.
18. аъзоларни кетма-кет ювмоқ.
19. таҳоратда ювиладиган аъзоларни суннатдаги тартибда ювмоқ.
20. аъзоларни сув билан ёки кейин қўл билан ишқамоқ.
21. қўл-оёқларнинг фарз қилинган миқдордан кўпроқ жойини қўшиб ювмоқ.»
Абу Ҳурайра розияллоҳу анҳу таҳорат олганларида қўлларини юқори билакларигача, оёқларини болдирларигача ювдилар ва: «Мен Расулуллоҳ соллаллоҳу алайҳи васалламнинг мана шундоқ таҳорат қилганларини кўрганман» , дедилар».
Муслим ривояти.
22. таҳоратни маромига етказиб қилмоқ. Бу ҳар бир аъзонинг ювиш ва масҳдаги ҳаққини мукаммал адо этиш, амалларни тўла бажариш билан бўлади.

«Бир кунда минг суннат» китобидан.
♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 @eskiobodmasjidi

ЖАМЛОВЧИ ДУО

Оиша розияллоҳу анҳодан ривоят қилинади:
«Мен намоз ўқиётганимда ҳузуримга Набий соллаллоҳу алайҳи васаллам кириб қолдилар. Ҳожатлари бор экан. Мен кеч қолдим. Шунда у зот:
«Эй Оиша! Сен жамловчи дуо жумлаларини лозим тут», дедилар.
Мен тугатиб бўлганимдан кейин:
«Эй Аллоҳнинг Расули! Жамловчи дуо жумлалари қайси?» дедим.
У зот шундай дедилар:
«Аллоҳим! Мен Сендан яхшиликнинг ҳаммасини сўрайман. Тез келадиганини ҳам, кечга қоладиганини ҳам. Ўзим биладиганимни ҳам, ўзим билмайдиганимни ҳам.
Аллоҳим! Мен Сендан ёмонликнинг ҳаммасидан паноҳ сўрайман. Тез келадиганидан ҳам, кечга қоладиганидан ҳам. Ўзим биладиганимдан ҳам, ўзим билмайдиганимдан ҳам.
Ва Сендан жаннатни ва унга яқинлаштирадиган сўз ҳамда амалларни сўрайман.
Ва мен дўзахдан ва унга яқинлаштирадиган сўз ва амаллардан паноҳ сўрайман.
Ва Муҳаммад соллаллоҳу алайҳи васаллам Сендан нимани сўрасалар, ўшани сўрайман. Муҳаммад соллаллоҳу алайҳи васаллам Сендан нимадан паноҳ сўрасалар, ўшандан паноҳ сўрайман.
Менга қазо қиладиган бўлсанг, унинг оқибатини яхши бўладиган қилгин», деб айтгин».

Шарҳ: Демак, Оиша онамиз розияллоҳу анҳо намоздан кейин кўпрок, узоқроқ дуо қилиб қолганлар. Расулуллоҳ соллаллоҳу алайҳи васаллам эса ҳамма нарсани бирма-бир санаб, айтиб ўтирмай, уларни жамловчи дуоларни қилиш афзаллигини айтмоқдалар ва ўша дуоларни ўргатмоқдалар.
Шунинг учун асосан ояти карималарда, ҳадиси шарифларда келган дуоларни қилиш керак экан. Ана шунда, иншааллоҳ, Расулуллоҳ соллаллоҳу алайҳи васаллам таълим берганларидек, суннатга мувофиқ дуо қилган бўламиз.

"Одоблар хазинаси" китобидан.
♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
@eskiobodmasjidi

“УНДАН БИРОН СОАТ ОРҚАГА ҲАМ, ИЛГАРИГА ҲАМ СУРА ОЛМАССИЗ"
(Сабаъ сураси 30-оят).

Шайх Али Тантовий бундай дейди:
"Ичи одамлар билан тўла бир автобус ҳайдовчиси ўнг ва сўлга қараб, тўсатдан уловни тўхтатди: Одамлар: "Нимага тўхтадингиз?” деб сўрашди. Ҳайдовчи: “Олиб кетгин деб бир қария қўл кўтарди, шунга тўхтатдим”, деди.
Йўловчилар: “Ҳеч кимни кўрмаяпмиз-ку?” дейишди.
“Яхшилаб қаранглар”, деди ҳайдовчи.
“Бирор кишини кўрмаяпмиз”.
Ҳайдовчи яна: “Ҳозир ҳам мени олакетинглар деб биз томон кела бошлади-ку?” деди.
Йўловчилар йўл четига қарашди.
“Аллоҳга қасам, биронта одам йўқ...!" дейишди.
Шу пайт ҳайдовчи ўтирган жойида ўлиб қолди. Унинг ажали яқинлашган, аммо йўловчиларнинг ажали етмаган эди. Аллоҳ таоло бу нарсани бир сабаб қилди.
“Ажаллари етганида, бирон соат кечиктира олмайдилар ҳам, олдинга ҳам сура олмайдилар”
(Юнус сураси 49-оят).

Одам хавф-хатардан қўрқиб ўлимни ўйлай бошлайди. Аллоҳ уни эминлик чоғида ҳам жонини олаверади. “Биродарларига:
“Агар (Уҳуд жангида ҳалок бўлган мусулмонлар) бизга бўйинсуниб (урушдан чиқиб кетганларида) ўлдирилмаган бўлур эдилар”, деб (ўзлари жангда қатнашмай, уйларида) ўтирган кимсаларга айтинг: “Агар гапларингиз рост бўлса, ўзингиздан ўлимни даф этинглар-чи?!”
(Оли Имрон сураси, 168-оят)

Одамдаги ажабланарли ҳолатга қаранг: Аллоҳ таолога йўлиқишни, дунёнинг бевафо ва ҳақир эканини фақат хавф-хатар ҳолатида эслайди.

"Ўкинма" китобидан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 @eskiobodmasjidi

“... албатта, намоз мўминларга вақти тайин фарз бўлгандир” (Нисо сураси 103-оят)

2022 ЙИЛ 25 МАЙ (1443ҳ - 24 Шаввол ) ЧОРШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

⏰ ТОНГ - 03:09
⏰ ҚУЁШ - 04:46
⏰ ҚИЁМ - 12:10-12-20
⏰ АСР - 17:20
⏰ ШОМ - 19:36
⏰ ҲУФТОН - 21:11


#ҚИЁМ
НАМАНГАН ВАҚТИ БИЛАН 12-15 ДА -5 ва +5 қилиб олинган

•••••┄┄┄┄༻❅༺┄┄┄┄•••••
🌐 @eskiobodmasjidi

Одоблар ҳақида 105-дарс. Ўлим жаноза тазия одоблари.

Янгиқўрғон тумани Тўрақул ҳожи жомеъ масжиди имом хатиби.

Мусохон ибн Абдулмажид домла.


@navkentmasjidi

Смотрите "#Одоблар_ҳақида105-дарс#Ўлим_жаноза_тазия_одоби. Мусохон ибн Абдулмажид домла." на YouTube
https://youtu.be/Qhbm5-3XYKM

#Мақола

Элга ҳизмат олий ҳимматдир

Муқаддас динимизда ҳар бир мўмин мусулмон киши дунё ҳаётида фаровон яшаши ва Аллоҳ берган ризқини ҳалол йўллар билан топиши учун меҳнат ва ҳаракат қилиши кераклиги баён этилган. Чунки, инсон доимо ҳаёти учун зарур бўлган уй-жой, улов, озиқ-овқат, рўзғор анжомлари ва кийим-кечакка эҳтиёж сезади.

➡️Батафсил ўқиш.... 👇👇👇
http://ravza.uz/story/Elga_hizmat_oliy_himmatdir

🌐 www.Ravza.uz | Telegram
Instagram | Facebook | Youtube

#Аудио


Косонсой тумани "Исломобод" жоме масжиди имом-хатиби Қорабаев Хошимхон

🌐 telegram | @ravza_uz

РАСУЛУЛЛОҲ СОЛЛАЛЛОҲУ АЛАЙҲИ ВА САЛЛАМНИНГ ГЎЗАЛ ТУРМУШЛАРИДАН НАМУНА

Ибн Касир (раҳимаҳуллоҳ) айтади:
“Расулуллоҳ соллаллоҳу алайҳи ва саллам аҳли байтларга чиройли муомалада бўлар эдилар. Доимо хуш кайфиятли, аҳлига ҳазил қилар, лутф кўрсатар, нафақаларини кенг қилиб қўяр, аёллари билан кулишар эдилар. Ҳатто мўминларнинг онаси Оиша (розияллоҳу анҳо) билан мусобақалашар ҳам эдилар. Бу билан Оиша онамизга муҳаббатини изҳор қилар эдилар”.
Оиша (розияллоҳ анҳо) айтадилар:
“Расулуллоҳ соллаллоҳу алайҳи ва саллам мен билан мусобақа қилдилар. Мен у зотдан ўзиб кетдим. Бу семиришимдан олдин бўлганди. Семирганимдан сўнг Расулуллоҳ соллаллоҳу алайҳи ва саллам мендан ўзиб кетдилар. Шунда Расулуллоҳ соллаллоҳу алайҳи ва саллам: “Биру бир”, дедилар”.
Расулуллоҳ соллаллоҳу алайҳи васаллам ҳар кеча аёлларини ўзи тунайдиган уйда жамлар эдилар. Гоҳида ҳаммалари билан кечки овқатни бирга ер, сўнг бошқа аёллари ўз уйларига кетишгач, тунайдиган аёллари билан қолар, ридоларини ечиб, изорлари билан ухлар эдилар. Хуфтон намозини ўқиб бўлгач, уйларига кириб ухлашдан олдин аҳли билан бир оз гаплашиб ўтирар эдилар. У зот мана шундай қилиб аёлларини хурсанд қилар эдилар.
Аллоҳ таоло айтади:
“(Эй имон келтирганлар!) Сизлар учун Аллоҳ ва охират кунидан умидвор бўлган ҳамда Аллоҳни кўп ёд қилган кишилар учун Аллоҳнинг пайғамбарида гўзал намуна бордир” (Аҳзоб сураси, 21-оят).
Оиша розияллоҳу анҳодан ривоят қилинади: "Расулуллоҳ соллаллоҳу алайҳи васаллам бомдоднинг икки ракатини (суннатини) ўқиб бўлганларидан кейин агар уйғоқ бўлсам, менга гапирар эдилар. Уйғоқ бўлмасам, намозга азон айтилгунча ётар эдилар”.
Расулуллоҳ соллаллоҳу алайҳи васаллам Оиша онамиз билан озгина гаплашар ва насиҳатли қиссалар ҳақида сўзлашиб ўтирар эдилар. Худди Абу Заръ ва Умму Зарълар каби. Расулуллоҳ соллаллоҳу алайҳи васаллам Оиша онамизга айтдилар: "Мен сен учун худди Умму Заръ учун бўлган Абу Заръ кабиман” (бошқа бир ривоятда қўшимча қилиниб: “Лекин у аёлини талоқ қилди. Мен талоқ қилмайман”, дейилган). Шунда Оиша онамиз: "Ё Расулуллоҳ, балки Сиз Абу Заръдан яхшироқсиз”, дедилар”.
Расулуллоҳ соллаллоҳу алайҳи васаллам Оиша онамизнинг қалбларига хурсандчилик киргизиш мақсадида баъзида исмларини қисқартириб: “Эй Оиш, эй Увайш, эй Ҳумайро”, деб чақирар эдилар.
Расулуллоҳ соллаллоҳу алайҳи васаллам Оиша онамизга қараб: “Сенинг мендан розилигинг ва норозилингни биламан”, дедилар. Оиша (розияллоҳу анҳо): “Буни қаердан биласиз?” деб деб сўради.
Расулуллоҳ соллаллоҳу алайҳи васаллам:
"Мендан рози бўлганингда: “Йўқ, Муҳаммаднинг Раббисига қасам”, дейсан. Мендан норози бўлганингда: “Йўқ, Иброҳимнинг Раббисига қасам”, дейсан”, дедилар. Оиша (розияллоҳу анҳо) айтдилар: “Ҳа. Ё Расулуллоҳ, Аллоҳга қасамки, фақат исмингизни ҳижрон қиламан”.

"Исломда оила" китобидан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 @eskiobodmasjidi