#Видео #Долзарб_мавзу

📖 Либос инсоннинг кўркидир!

Ютубдан кўриш
Сайтдан кўриш

🎙 "Ҳидоя" ўрта махсус ислом билим юрти мудири Абдулазиз БОБАМИРЗАЕВ

♻️Яқинларингизга ҳам улашинг!
🔗 t.me/ravza_uz – диний-маърифий канал!

Бизни ижтимоий тармоқларда кузатиб боринг:👇

🌐 www.Ravza.uz | Telegram
Instagram | Facebook | Youtube

#Мақола

Мусулмонларнинг наботот оламига нафис муносабатлари.

Қуръони каримда ҳам, Суннати мутаҳҳарада ҳам набототлар ҳақида кўплаб маълумотлар зикр этилган. Қуръони каримда Аллоҳ таоло анжир, зайтун каби набототлар ила қасам ичган. Аллоҳ таоло нима билан қасам ичган бўлса, бежиз бўлмайди. Шунинг учун мусулмонлар ўша нарсага алоҳида эътибор берадилар. Худди мана шу руҳ мусулмонларнинг наботот илмига асос солишларига сабаб бўлган.

➡️Батафсил ўқиш..... 👇👇👇
http://ravza.uz/story/Musulmonlarning_nabotot-olamiga_nafis_munosabatlari

🌐 www.Ravza.uz | Telegram
Instagram | Facebook | Youtube

ЯХШИ ВА ЁМОН СУННАТ

Абу Амр Жарир ибн Абдуллоҳ розияллоҳу анҳудан ривоят қилинади: «Бизлар куннинг ўртасида Расулуллоҳ соллаллоҳу алайҳи васаллам ҳузурларида эдик. Яланғоч, жундан тўқилган кийим ёки чопонга ўранган, қиличини осган бир қавм келишди. Уларнинг аксарлари, балки барчалари Музар қабиласидан эди. Улардаги муҳтожликни кўриб, Расулуллоҳ соллаллоҳу алайҳи васалламнинг чеҳралари ўзгариб кетди. Уйларига кириб кетдилар. Сўнгра чиқиб, Билолга буюргандилар азон ва иқомат айтди. Кейин намоз ўқиб, қуйидагича хутба қилдилар: «Эй одамлар! Сизларни бир жондан яратган ва ундан унинг жуфтини яратиб, икковларидан кўплаб эркагу аёлларни тарқатган Раббингиздан қўрқинглар! Номини ишлатиб, бир-бирингиздан сўровда бўладиганингиз Аллоҳдан ва қариндошлик (алоқалари)дан қўрқинг. Албатта Аллоҳ устингиздан кузатувчи зотдир». «Эй иймон келтирганлар! Аллоҳга тақво қилинглар! Ҳар ким эрталик кун учун нима қилганини кўриб қўйсин». «Киши диноридан, дирҳамидан, кийимидан, бир соъ буғдойидан, бир соъ хурмосидан, ҳаттоки агар хурмонинг ярмини бериб бўлса ҳам, садақа қилсин», дедилар. Ансорийлардан бўлган бир киши халтада кумуш олиб келди. Қўли уни кўтаришга ожизлик қилай, дерди. Балки ожиз қолди ҳам. Кейин одамлар бирин-кетин нарса олиб келишни бошлашди, ҳаттоки овқат ва кийимлардан икки уюм бўлганини кўрдим. Ва яна Расулуллоҳ соллаллоҳу алайҳи васалламнинг (хурсанд бўлганларидан) юзлари олтин каби ярақлаганини кўрдим. Расулуллоҳ соллаллоҳу алайҳи васаллам: «Кимки Исломда бир яхши суннат (йўл) чиқарса, савоби унга бўлиб, яна ундан кейин бу йўл билан амал қилганларнинг савоби ҳам етур. (Бу билан амал қилганларнинг) савобларидан бирор нарса камайтирилмайди. Кимки Исломда ёмон суннат (йўл) чиқарса, гуноҳи унга бўлиб, яна ундан кейин бу йўл билан амал қилганларнинг гуноҳи ҳам етур. (Бу билан амал қилганларнинг) гуноҳларидан бирор нарса камайтирилмайди», дедилар».
Имом Муслим ривояти.

«Риёзус солиҳийн» китобидан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌐 @eskiobodmasjidi

#Муҳим
МУСИБАТ ВАҚТИДАГИ БАЪЗИ НОЖОИЗ ИШЛАР

Бирор инсон вафот этганда уни яхши сифатларини зикр қилиб, овозни кўтариб кўкрагига, яноғига уриб, сочларини юлиб йиғлаш, идишларни синдириш, маййит кийган кийимларни ювиш, йили келгунча хурсандчилик йиғинларни тўхтатиб қўйиш, махсус кунларда ўликни эслаб, содда кийимларни кийиб олиб, унга қайғу билдириш, суратларини деворга осиб қўйиш, тилла кумуш идишларни ишлатиш, шиaлaрни эътиқодига ўхшаб, таъзия маросимларда шерикчилик қилиш, терига игна билан расм чизиш, зийнат учун деворларга, эшикларга парда осиш, аёл кишини сафарга кетаётганда ёки сафардан қайтганда маҳрами бўлмаган кишилар билан қўл бериб ёки елкасидан олиб кўришмоқлик, чақалоқни эртароқ қулоғига сирға тақиши – уни яшаб қолишига сабабчи бўлади, деб эътиқод қилиши, заъфарон билан бўялган кийимларни кийдириш, чақалоқни йиғидан тўхтатиш учун кўкнори бериш ёки касалдан тузалиши учун шер, қоплон, (ит) гўштидан едириш.

Ашраф Али Таҳонавий
📚 "Жаннат зийнати" китобидан.

👇👇👇👇👇👇👇
@eskiobodmasjidi

#БИЛАСИЗМИ:

Савол: Ўқиганни шафоат қиладиган сура қайси?
Жавоб: Саҳиҳ ҳадисда келганидек, Мулк сураси.

Савол: Инсонни дажжолдан сақлаб қоладиган ўн оят қайси?
Жавоб: Каҳф сурасининг дастлабки ўн ояти.

Савол:Қайси сура бир мартада тўлиқ нозил бўлган?
Жавоб: Муддассир сураси.

Савол: Қайси сура Қуръоннинг ўркачи деб аталади?
Жавоб: Бақара сураси.

Савол: Расулуллоҳ соллаллоҳу алайҳи васаллам қайси сурани аёллар ўргансин деганлар?
Жавоб: Нур сурасини.

Савол: Қайси сура Ҳаворийлар деб аталади?
Жавоб: Соф сураси.

Савол: Видолашув сураси қайси?
Жавоб: Наср сураси.

Савол: Мерос ҳақидаги сура қайси?
Жавоб: Нисо сураси.

Савол: Қуръондаги энг буюк сура қайси?
Жавоб: Фотиҳа сураси.

Савол: Араб алифбосидаги барча ҳарфларни ўзида жамлаган оят қайси?
Жавоб: Фатҳ сурасининг охирги ояти.

Савол: Қайси сура кичик Нисо сураси деб аталади?
Жавоб: Талоқ сураси.

Савол: Қуръоннинг келинчаги қайси сура?
Жавоб: Ар‑Роҳман сураси.

Савол: Қайси сурани нажот берувчи деб аталади?
Жавоб: Таборак, Мулк сураси.

•┈┈┈┈•✿❁✿•┈┈┈┈•
👇👇👇👇👇👇👇👇@eskiobodmasjidi

Смотрите "#Одоблар#Ўлим_жаноза_тазия_одоби103-дарс. Мусохон ибн Абдулмажид домла." на YouTube
https://youtu.be/LcTgw84TDJc

Одоблар ҳақида 103-дарс.

Ўлим ва жаноза тазия одоблари.

Янгиқўрғон тумани Тўрақул ҳожи жомеъ масжиди имом хатиби.

Мусохон ибн Абдулмажид домла.

☪️ ЖАННАТГА МУШТОҚ - ЯХШИЛИКЛАРГА ШОШАДИ

«Гуноҳдан тийилиш учун озгина сабр қилишинг жаҳаннамнинг кўп азобига сабр қилишингдан енгилроқдир. "Дарҳақиқат, жаҳаннам азоби кетмас, мангу (азоб)дир" (Фурқон, 65).
Тоатта озгина сабр қилишинг сенга доимий неъматдан иборат туганмас роҳатни
олиб келади.

🔴 Эй Одам фарзанди! Сенинг ризқингни ўзгага едиришдан аввал сени кафолатлаб қўйганимга
аниқ ишонч ҳосил қилишинг лозим. Сендан кечишимдан олдин дунёдан кеч! Ҳисоб куни
савобларинг йўқолишидан олдин шубҳалардан халос бўл. Қалбингни охират зикри билан обод
қил, чунки сенинг қабрдан бошқа масканинг йўқ.

🔴 Эй Одам фарзанди! Жаннатга муштоқ киши яхшиликларга шошади, дўзахдан қўрққан киши
ёмонлиқдан тийилади. Кимки нафсини шаҳватлар (дунё истаклари)дан қайтарса, олий
даражаларга эришади.

🔴 Эй Мусо ибн Имрон! Таҳоратсиз пайтингда сенга бир мусибат етган экан, нафсингдан
ўзгасини маломат қилма.

🔴 Эй Мусо! Яхшиликлардан маҳрумлик энг даҳшатли ўлимдир.

🔴 Эй Мусо! Ким маслаҳатлашмаса, пушаймон бўлади. Ким истихора қилса (яъни, хайр тилагида бўлса), надомат чекмайди».

Имом Ғаззолий "Қирқ ҳадиси қудсий"дан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
@eskiobodmasjidi

КАМБАҒАЛЛИК ЭШИГИ

Абдурраҳмон ибн Авфдан ривоят қилинади:
«Расулуллоҳ соллаллоҳу алайҳи васаллам:
«Садақадан мол камаймайди. Қай бир киши ўзи учун тиланчилик эшигини очса, Аллоҳ таоло унинг тепасидан фақирлик эшигини очиб қўяди», дедилар».

Шарҳ: Бу ҳадиси шарифда зикр қилинган маъно улкан ҳикматдир. Зоҳирда, одамларнинг кўзида садақа берган одамнинг моли шу садақа миқдорича камайгандек бўлади. Бироқ аслида унинг моли камаймайди. Чунки Аллоҳ таоло бирнинг ўрнига етти, ўн, етмиш, етти юз ҳисса беришни ваъда қилиб қўйган.
Зоҳирий, моддий кўриниш ҳисоб эмас, асосий ҳисоб Аллоҳ таолонинг ҳисобидир.
Банданинг садақаси қабул бўлса, Иншааллоҳ, бу нарса унга жуда катта миқдорда қайтади. Садақа қилаётган киши шу ниятда қилса, садақасининг фойдасини албатта кўради, мол-мулк ҳеч қачон садақа туфайли камаймайди.
Худди шунингдек, ким ўзига тиланчиликни раво кўрса, умр бўйи тиланчи бўлиб ўтиб кетади, чунки Аллоҳ таоло унга камбағаллик эшигини очиб қўяди. Ўзига тиланчиликни эп кўрган одам бир умр бой бўлмайди, ўзи тўйса ҳам, кўзи тўймай, хорликда ўтиб кетади.
Шунинг учун мўмин-мусулмонлар бу нарсани ўзларига эп кўрмасликлари керак, касб қилиб олмасликлари, бу нарсалардан ўзларини устин қўйишлари лозим.
Мўмин-мусулмон киши Аллоҳдан сўраб, тинмай ҳаракат қилиши, садақа сўраш эмас, балки садақа қилиш пайидан бўлиши керак.

"Яхшилик ва силаи раҳм" китобидан.

♻️Дўстларингизга ҳам улашинг!!!
•••••┄┄┄┄༻❅༺┄┄┄┄•••••
🌍@eskiobodmasjidi

У КУЛОЛМАДИ

Салоҳиддин Айюбий раҳимаҳуллоҳнинг олдида бир ҳадис ривоят қилинди. Унда Пайғамбаримиз соллаллоҳу алайҳи васалламнинг кулганлари ҳақида гап бор эди. Ҳадисни ривоят қилаётган ровийлар ҳам кулишарди. Аммо Салоҳиддин кулмади. Ундан бунинг сабабини сўрашганда, «Ал-Ақсо салбчиларнинг қўлида асир экан, мен қандай куламан?» деди.

У кулолмади. Чунки муаммони чиндан ҳис қилиб турганди. У фаластинликларга ҳамдардлик изҳори учун ўзини сиқилаётган қилиб кўрсатмаётганди. Уларнинг туйғуларини ҳурмат қилиб оғриқни сезаётганини даъво қилмаётганди. Балки у чиндан ҳам фаластинликлар каби изтиробда эди. Улар каби аламни туяётганди. Гўё у фаластинликлар танасидан ажралмайдиган аъзо каби эди. Бир тананинг аъзоси бўлган киши эса ўша тана оғриса, оғриб, ўша тана шод бўлса, шодланиб, ўша тана маҳзун бўлса, маҳзун бўлади. Тананинг аъзосидек бўлган киши бундай ишларни сохталик аралаштирмай қилади.

Агар биз ҳам Фаластин, Яман, Сурия, Шарқий Туркистон, Бирма каби давлатлардаги мусулмон биродарларимиз ҳолини, уларнинг бошига тушаётган зулмларни ҳис қила олсак, уларга ҳамдардликни фақат пост ёзувчи қўлимизу ёзувни кўраётган кўзимизнинг ўзи билангина изҳор этмай, қалбимиз ҳам улар тортаётган оғриқни ҳис қилса, кулишга, турли ўйин-кулгулар билан вақт ўтказишга қийналиб қоламиз.

Аллоҳ таоло дунёнинг турли нуқталарида зулмга учраётган мусулмон биродарларимизга нусрат берсин, мусулмонлар яшаётган барча юртларда тинчлик бўлишини насиб этсин, золимларга, золимларнинг жиноятларини қўллаётганларга, тарафдор бўлаётганларга Ўзи кифоя қилсин!

👇👇👇👇👇👇👇
@eskiobodmasjidi

#Биласизми!
Намознинг ҳикматлари

1. Намоз Исломнинг иккинчи рукни, ибодатларнинг онаси, тоатларнинг асоси, гуноҳларни ювувчи, ёмонликларни қайтарувчидир.
2. Намоз калимаи шаҳодатдан кейинги энг улуғ фарздир.
У банда Аллоҳнинг сон-саноқсиз неъматларига шукр келтириш учун шариатга киритилган бўлиб, унинг диний, тарбиявий, шахсий, ижтимоий ва бошқа қатор фойдалари жуда кўпдир.
3. Намоз банданинг Аллоҳ ила боғланиш воситасидир.
Унда банда Аллоҳ билан ёлғиз қолиб, У зотга муножот қилади, барча дардларини тўкиб солиб, руҳий, маънавий лаззат олади.
Дарду ҳасратни Аллоҳ таолога айтилганда эса Аллоҳ ёрдам беради ва сирни фош қилмайди. Ҳеч бўлмаса, банда дардини тўкиб солиб ҳузур қилади.
4. Намоз ютуқ ва нажотлар йўлидир.
5. Намоз – хато ва гуноҳларни ювишнинг энг ишончли йўли.
6. Намоз ўз эгасига кўплаб шахсий фойдалар келтиради.
7. Намоз намозхонни Аллоҳ таолога яқин қилади, унинг иродасини мустаҳкамлайди. Фақат Аллоҳдангина иззат талаб қилишга ўргатади.
8. Намоз инсонни бу дунё матоҳларидан ўзини юқори тутишга ўргатади.
9. Намоз ўз эгасига мислсиз нафсоний роҳат ва руҳий фароғат бағишлайди.
10. Намоз ўқийдиган одам ғафлат уйқусидан қутулиб, ушбу ҳаётдаги ўз масъулиятини сидқидилдан адо этадиган бўлади.
11. Намоз кишига интизомли бўлишни, ҳамма ишларни тартибли равишда йўлга қўйишни, вақтни тежаш ва тартибга солишни ўргатади.
12. Намозхон одам ҳилм, хотиржамлик , шошилмаслик, виқор, сабр каби кўплаб шахсий сифатларга эга бўлади.
13. Намоз ўз эгасини юксак инсоний фазилатларга эга бўлишга, турли разилатлардан холи бўлишга олиб боради.
14. Намознинг намозхонлар жамиятига келтирадиган фойдалари ҳам жуда кўпдир.
Жамоат билан намоз ўқиш намозхонлар орасидаги ижтимоий алоқаларни мустаҳкамлайди. Куч жамоатда эканини англатади. Ижтимоий боғланиш, ҳамкорликни кучайтиради.
15. Намоз мусулмон кишини ғайримусулмондан ажратиб турувчи асосий белгидир. Шунинг учун ҳам намозхон одамни ҳамма ҳурмат қилади, унга ишонади, ундан хотиржам бўлади.
16. Намоз поклик рамзидир.
Намозхон одамнинг энг аввало қалби пок бўлади. Қолаверса, бадани, кийим-боши ва макони пок бўлади. Намоз кишининг руҳий, маънавий ва жисмоний соғлиғи учун ниҳоятда зарур нарса экани ҳозирда кофирга ҳам сир бўлмай қолди.

“Кифоя” китобидан.

•••••┄┄┄┄༻❅༺┄┄┄┄•••••
👇👇👇👇👇👇👇👇@eskiobodmasjidi

​​ОТА-ОНАНИНГ ДУОСИ

Абу Ҳурайра розияллоҳу анҳудан ривоят қилинади
«Набий соллаллоҳу алайҳи васаллам:
«Уч дуо дарҳол қабул бўладир. Уларда ҳеч қандай шак-шубҳа йўқдир. Мазлумнинг дуоси. Мусофирнинг дуоси. Ота-онанинг фарзандлари зиддига дуоси», дедилар».

Абу Ҳурайра розияллоҳу анҳу ривоят қилинади:
«Расулуллоҳ соллаллоҳу алайҳи васалламнинг қуйидагиларни айтганларини эшитганман. У зот:
«Биронта одам бешикдалигида гапирмаган. Фақат Ийсо ибн Марям алайҳиссалом ва Журайж соҳиби гапирганлар», дедилар.
«Эй Аллоҳнинг Набийси! Журайж соҳиби ким?» - дейилди.
«Журайж ўз ибодатхонасидаги роҳиб одам эди. Унинг ибодатхонасидан пастроқда бир молбоқар ҳам бор эди. Ўша қишлоқда яшовчи бир бузуқ аёлнинг чўпон билан ўзаро алоқаси ҳам бор эди.
Бир куни онаси келиб, эй Журайж! деб уни чақирди. У намоз ўқиётган эди. Намоз ўқиб туриб, «Онамни ихтиёр қилсаммикан, намозними?» - деб ўйлади. Кейин намозни устун кўрди-да, намозини давом эттирди.
Онаси уни иккинчи марта баланд овоз билан чақирди. У яна «Онамни ихтиёр қилсаммикан, намозними?» - деб ўйлади-да, яна намозини давом эттирди.
Учинчи марта чақирди. У ўша фикр билан намозни ўқишда давом этди.
Жавоб бермагинидан кейин «Эй Журайж, нопок аёлларнинг юзини кўрмагунингча Аллоҳ сени ўлдирмасин!» деди-да, қайтиб кетди.
Бир куни бояги бузуқ аёлни боласи билан подшоҳнинг ҳузурига судраб келишди.
«Кимдан?» деб сўради.
«Журайждан», деди аёл.
«Ибодатхона соҳибими?» деди.
«Ҳа», деди аёл.
«Ибодатхонасини бузиб ташлаб, ўзини менга келтиринглар!» деди.
Ибодатхонасини чўқморлар билан уриб, ер билан яксон қилишди. Ўзининг қўлини бўйнига арқон билан боғлаб, олиб кетишди. Уни нопок аёллар олдидан олиб ўтишди. Уларни кўриб, табассум қилди. Улар эса одамлар ичидан унга назар солиб турар эдилар.
Подшоҳ:
«Манави аёл нимани даъво қиляпти?» деди.
«Нимани даъво қиляпти?» деди у.
«Боласи сендан эканини даъво қилмоқда», деди.
«Сен даъво қилаяпсанми?!» деди у.
«Ҳа, деди аёл.
«Ўша бола қани?» деди у.
«Ана, онасининг қучоғида!» дейишди.
Шунда Журайж унга қараб:
«Сенинг отанг ким?» деди.
«Молбоқар», деди бола.
Шунда подшоҳ:
«Ибодатхонангни тиллодан қилиб берайликми?» деди.
«Йўқ», деди.
«Кумушдан қилиб берайликми?» деди подшоҳ.
«Йўқ», деди.
«Нимадан қилиб берайлик?» деди подшоҳ.
«Ўзи қандай бўлган бўлса, шундай қилиб беринглар», деди. Шунда подшоҳ:
«Боя нимага табассум қилдинг?» деди.
«Ўзим билган ишга. Менга онамнинг дуоси тегди», деди ва бўлган воқеани айтиб берди».

("Ал-адаб ал-муфрад" китобидан)

️Дўстларингизга ҳам улашинг!
Бизга обуна бўлинг!👇
@eskiobodmasjidi

🌺 ОНА ВАСИЯТИ! 🌺

🔘 Эй қизалоғим!
Мендан ўн васиятни ёдлаб олинг, улар сизга озуқа ҳам обрў бўлади:

1⃣ Қаноатли бўлинг, қаноат қалбнинг роҳатидир.

2⃣ Эрингизга чиройли қулоқ солиб, чиройли итоат қилинг, Аллоҳнинг ризоси чиройли ҳаётдадир.

3⃣ Унинг кўзлари тушадиган ерга эътибор беринг, сиздан ҳеч қачон ҳунук нарсани кўрмасин. (Аёл киши ўзида бор зийнатини турмуш ўртоғигагина кўрсатсин) зийнатнинг гўзали сурмадир.

4⃣ Димоғи сиздан фақат ширин ҳидларни топсин, ҳушбўйликнинг афзали сувдадир.

5⃣ Овқатни вақтида тайёрланг, унинг овқатланиш вақтини билиб олинг. Чунки очлик инсонни тез жахлини чиқаради.

6⃣ Таомланиш ва дам олиш вақтига бепарво бўлманг, очлик инсон ичидаги аланга, чарчоқ эса ғам-ғуссадир.

7⃣ Унинг ота-она, қариндошларини ҳурмат қилинг, бу гўзал тадбирдир.

8⃣ Унинг молу-мулкини сақланг, бу тартиб интизомдир.

9⃣ Унинг сирини сақлашга ўрганинг, йўкса уни ўзингизга душманга айлантириб оласиз.

🔟 Буйруқларига итоатли бўлинг, йўкса, қалбини гинага тўлдириб қўясиз.

🔴 Ва яна унинг ғамгин ҳолида шодланишдан, шодлигида ғамгин бўлиб қолишдан сақланинг, чунки унинг ғамлигида шодланишингиз ақлингиз қосирлигига далолат қилади, шодлигида ғамгин бўлиб олишингиз тотув хаётингизни булғайди.

🔴 Унга қанчалар ҳурматда бўлсангиз сизга шунчалар иззатда бўлади, унга қанчалар келишимли бўлсангиз ҳаётингиз шунчалар тотув давом этади.

Яқинларингизга улашинг!

@eskiobodmasjidi

“... албатта, намоз мўминларга вақти тайин фарз бўлгандир” (Нисо сураси 103-оят)

2022 ЙИЛ 23 МАЙ (1443ҳ - 22 Шаввол ) ДУШАНБА КУНИ УЧУН НАМОЗ ВАҚТЛАРИ ТАҚВИМИ (Наманган вақти билан)

⏰ ТОНГ - 03:12
⏰ ҚУЁШ - 04:48
⏰ ҚИЁМ - 12:10-12-20
⏰ АСР - 17:19
⏰ ШОМ - 19:34
⏰ ҲУФТОН - 21:09


#ҚИЁМ
НАМАНГАН ВАҚТИ БИЛАН 12-15 ДА -5 ва +5 қилиб олинган

•••••┄┄┄┄༻❅༺┄┄┄┄•••••
🌐
♻️Яқинларингизга ҳам улашинг!
@eskiobodmasjidi

Одоблар ҳақида 104-дарс.

Ўлим ва жон омонат топшириш одоби.

Янгиқўрғон тумани Тўрақул ҳожи жомеъ масжиди имом хатиби.

Мусохон ибн Абдулмажид домла.


@navkentmasjidi