Алтынньы 10 күнүгэр, Солоҕоҥҥо “Өбүгэ ситимэ” сылынан, Аҕам саастаахтар декадаларын чэрчитинэн «Өбүгэ ситимэ» төрүччү форума ыытылынна. Тэрээһин дьиэ кэргэнинэн, ийэ-аҕа ууһунан төрүччүлэри, онно сыһыаннаах оҥоһуктар, туттар маллар, кинигэлэр быыстапкаларынан арылынна. Пахомовтар, Тимофеевтар,Тарасовтар,Стручковтар, Павловтар Дьиэ кэргэттэрин туһунан кинигэлэрэ,буклеттара ,төрүччүлэрэ дьон сэҥээриитин ылла. Кэлбит дьоҥҥо,оҕолорго Пахомов Егор Николаевич дьиэ кэргэнин туһунан быыстапканы кыыстара Полина Егоровна кэпсээтэ, бэйэлэрин дьиэ кэргэнин Павловтар оҥорбут Аал -Луук мастарын ис хоһоонун Марина Ильинична кэпсээбитин оҕолор сэргээн иһиттилэр. Ону тэҥэ детсад иитиллээччилэригэр уонна алын кылаас үөрэнээччилэригэр Павлова Мария Юрьевна «Мин дьиэ кэргэним» диэн олус үчүгэй, интириэһинэй оонньууну ыытта. Манна оҕолор бэйэлэрин төрүччүлэрин сааһылаан көрүллэр.

Күн иккис аҥаарыгар "Национальнай архыып төрүччүгэ сыһыаннаах докумуоннара”- СӨ Национальнай архыыбын докумуоннары билим өттүнэн туһаныы салаатын сайалааччыта Корякин Петр Иванович быһа холбонуунан, “Төрүччү – мин аймаҕым историята” Васильева Татьяна Алексеевна уонна «Ийэ, аҕа өттүнэн уруу-аймах ааттарын быһаарыы»- ыччаттарга, үрдүкү кылаас үөрэнээччилэригэр Стручков Степан Николаевич бэрт интириэһинэй тэрээһини ыыттылар.

Бүгүн олохтоох библиотекаҕа Бердигестяхтан Марфа Григорьевна кэлэн гипсэ көмөтүгэн араас оҥоһуктары оҥорорго маастар кылаас ыытта. Сылдьыбыт дьон астына араас оҥоһуктары оҥорон , дуоһуйууну ылан махтаннылар. Өссө кэлэригэр баҕа санааларын эттилэр