Juma Mohirdevda an'anaga ko'ra bilim kuni. Har hafta jamoamiz a'zolari o'zlari o'rgangan va muhimi amaliyotda qo'llayotgan narsalar haqida aytib berishadi.

Bugun senior dasturchimiz, Xumoyun qanday qilib offline rejimdagi loyhalarda SIdan foydalanish, buning qanday kutilmagan qiyinchiliklari, muammolari borligi va muhimi ularni qanday yengib o'tish haqida shaxsiy tajribasi bilan ulashdi.

Lekin men o'zim uchun olgan katta bilim bu - Xumoyunning loyiha boshlashdagi qadamlari bo'ldi. Demak, u amal qiladigan tamoyillar:

1. SDLC (software development life cycle) ya'ni loyihani ishlab chiqish bosqichlariga qat'iy rioya qilish: reja, talablarni aniqlash, design, dasturlash, testlash, deployment. Hech qaysi bosqich tashlab o'tilmaydi (ko'p vayb koderlarning muammosi shunda).

2. TDD (test-driven development) - har bir funksional uchun avval testlar yozib chiqiladi va loyihani qabul qilish (yakunlash) sharti shu testlarning hammasi bajarilishi bo'ladi.

3. Batafsil checklist va iterasiya - loyihani yakunlash uchun bajarish lozim bo'lgan barcha bosqichlar/vazifalar checklist ko'rinishida saqlanadi va SI (onlineda claude code, offlineda qwen) doimiy ravishda shu checklist bo'yicha yurib chiqib loyiha qaysi bosqichi bajarilganini, keyingi bosqichda nimani ishga tushurishni, qaysi vazfialarni parallel agentlar orqali bajarish mumkiligini hal qiladi.

Ha, darvoqe, Xumoyun turli modellar asosida ishlaydigan bir nechta agentlardan foydalanadi. Agnetlarning tepasida esa PM agent turadi.

Yuqoridagi usulning afzalligi - tizim checklist bo'yicha avtonom, dastruchining ishtrokisiz, mustaqil ishlaydi va dasturni yakunigacha uni deyarli bezovta qilmaydi.

Xullas, agar Xumoyunning usuli qiziq bo'lsa, yaqin orada bu haqida alohida offline (yopiq) seminar qilamiz va eng faol obunachilrimizdan 1 kishini bu seminarga taklif qilamiz.

@ertagakech

Agar bugun SI'dan toʻgʻri foydalanish haqida bitta narsa oʻrganaman desangiz, mana sizga maslahat: ChatGPT (Gemini, Claude) dan foydalanishda javoblarni quruq matn koʻrinishida emas, chiroyli grafiklar bilan asosiy tushunchalarni ranglar bilan ajratib tushuntirishini xohlasangiz javobni html koʻrinishida qaytarishni soʻrang.

Buning yana bir afzalligi, html faylni bemalol telegram/email orqali boshqalarga ham yuborishingiz va uni istalgan qurilmada brauzerda ochib koʻrishingiz mumkin.

Hatto prezentasiyalarni ham html koʻrinishida qilib berishni soʻrashingiz mumkin.

HTML koʻrinishida javob olish uchun tayyor promptni quyida qoldiraman.

@ertagakech