Why does music make us cry 🎵

"Who said the first million is the hardest ?, was it Hitler ?"

Anthony Jeserlink | The most offensive man on earth

@YTAudioBot - 06:33, 6.04 MB

Fake it til you make it

"De gustibus non est disputandum"
"لا جدال في الأذواق"

- مثل لاتيني

هدو هيج ع الفراش، غمضو، وسمعوهه ورة يوم متعب ومرهق ...

بما انه وصلت للجزء الأخير من "الأخوة كارامازوف"💔 ما كدرت امنع نفسي من أن اكتب رأيي باللي قريته، وبأعمال فيودور دوستويفسكي عموماً

اللي يسويه دوستويفسكي برواياته، أنه يصنع شخصيات واقعية ونابضة بالحياة. نابضة بالحياة لدرجة أن الرواية نفسها تكون غير كافية للتعبير عنها. وبالضبط مثل البشر بالعالم الواقعي، بأحلامهم، وطموحاتهم، وأحلام اليقظة والشطحات مالتهم... نفس الشي يصير بداخل عقول شخصيات رواياته (أو الأصح، بداخل عقل دوستويفسكي)

هواي مرات بالرواية تبدي إحدى الشخصيات (مثلاً ديمتري، اللي كان أكثرهم إثارة للإهتمام برأيي) بالحديث عن فكرة خطرت ببالها، لمحة صغيرة... وبالضبط مثل لما إنت تفكر بفكرة صغيرة لما تشرب إستكان جاي الظهر، الفكرة تكون بعدها بمرحلة الولادة وغير مترابطة كلش وصعب التعبير عنها. نفس هذا الشي يجري بالرواية. ديمتري (ميتيا) على مدى 4 أجزاء نلاحظ شلون تبدي الfragments مال الأفكار تتطور لفكرة متناسقة ومترابطة بالجزء الرابع.

بالإضافة لشي دائماً ما لاحظته بروايات دوستويفسكي اللي قريتهن، هو الإندفاع اللي تحسه على طول الرواية. الشخصيات مو بس تعبر عن مشاعرها أو أفكارها، بل تعبر عنها بإندفاع وهوس وإنفعال كلش عالي وهذا الشي يخليك تحس بيهم وتتقمص شخصياتهم ويخلي شعورهم يجري بشرايينك كأنه إنت اللي دتنفعل مو همة

بالنهاية، أعمال دوستويفسكي هي روايات "واقعية" تنطلق من أحداث بسيطة ومرات تافهة همين، تنطلق من "الحياة" نفسها. لكن عبقرية الكاتب تتمثل بأنه يشوفك دلالات إنت متعرف بيها موجودة اصلاً بهاي الأحداث البسيطة والتافهة... دوستويفسكي -على الأقل بالنسبة إلي كقارئ بسيط لرواياته- يجعل القارئ يحس بأنه يعيش حياة ثانية حرفياً بداخل رواياته؛ بحيث لما يسد الكتاب ويصفن علحايط، يحس نفسه إكتسب خبرة 10 سنوات زيادة على عمره😂💚

« Writing is a socially acceptable form of schizophrenia »

- E.L Doctorow

شلون تنتقل الإشارات العصبية؟

بما انه ماكدر اشرح لأحد لأن الكل نايمين وحتى حسين ماله واهس اشرحله 🌚🍺

رح احجي هنا... علمود افتهم القريته زين :")

بالبداية: الخلايا العصبية تتألف من ٣ اجزاء... جسم الخلية (نواة، سايتوبلازم وكذا)... التشجرات dendrites وهاي وظيفتها تستلم الإشارات العصبية.... والمحور axon وهذا وظيفته ينقل الإشارة العصبية من جسم الخلية لخلية عصبية ثانية

وأكو ٣ انواع من الخلايا العصبية، sensory تكون حساسة للمس، الضوء، الحرارة وغيرها... Motor وهاي وظيفتها تنقل الاشارة العصبية من الدماغ او الحبل الشوكي للعضلات (تنطي ايعاز للعضلات بالحركة).... والاخيرة هي interneurons وهاي تربط الخلايا العصبية بالنسيج نفسه، مثلاً بالدماغ او بالاعصاب

الاشارة العصبية تتولد لما يصير اكو action potential اللي هو نوع من فرق الجهد يكون على طول المحور العصبي axon. طبعاً هذا يكون بسبب حركة ايونات الصوديوم Na+ من خلال قنوات خاصة داخل المحور العصبي اسمها voltage-gated ion channel ميشتغلن الا عند فرق جهد voltage معين.

بالتالي هاي الايونات رح تتحرك على طول المحور العصبي الى ان توصل لل axon terminal او نهاية المحور...

لما الايونات توصل لنهاية المحور axon terminal رح تحفز حويصلات خاصة تحتوي على neurotransmitters او نواقل عصبية.... هاي الحويصلات رح تتحرك بإتجاه غشاء الخلية (بالطرف مال المحور) وتتحد وياه وتطرح محتوياتها من النواقل العصبية للخارج، بالتحديد لمنطقة اسمها synaptic cleft او الشق المدري شسمها هاي الكلمة بالعربي... المهم هي هاي المنطقة تصير عبارة عن فراغ صغييير كلش بين المحور مال الخلية الاولى والتشجر dendrite مال الخلية الثانية، وبالتالي النواقل العصبية تنتقل من الخلية الاولى للثانية

لما النواقل العصبية توصل للتشجر مال الخلية الثانية، ترتبط بمستقبلات receptors خاصة... وهنا يبدي الشي يصير معقد كلش، بس ستل المستقبلات بعد ما ترتبط بالناقل العصبي (اللي هو مركب كيميائي) ممكن تتحكم بفتح او اغلاق وحدة من ال ion channels بالخلية وبالتالي تؤدي لنقل الايعاز العصبي لخلية ثالثة وهكذا

It's actually pretty much oversimplified :")

هاا وبالنسبة للmotor neurons والربط بينها وبين العضلات...
الaction potential حسب ماتذكره هو انه الاشارة العصبية تنتقل عبر المحور العصبي الى ان توصل لنهايته، هناك يرتبط المحور العصبي بالعضلة، وينفرز من الحويصلات ناقل عصبي اسمه acetylcholine... هذا يؤدي لتغييرات بلmembrane potential مال الخلية العضلية، لأن الخلية العضلية بالعادة تحتوي على K+ داخلها وايونات Na+ خارجها... الاستيل كولين يؤدي لأن الخلية العضلية تفتح الpores اللي بالغشاء الخلوي وبالتالي يصير تبادل للايونات... هذا يخلي ايون ثالث يبدي ينتشر بأنحاء العضلة هو Ca+2... الكالسيوم يخلي بروتينات محددة بألياف العضلة ترتبط وية بعض وتصير اقوى وطولها يقل.... بالنتيجة، تتقلص العضلة

"ما هي الفضيلة؟ إشرح لي الفضيلة يا ألكسي. أنا في ذهني فكرة عن الخير، ولكن الصيني في ذهنه فكرة أخرى مختلفة عن فكرتي أنا. وهذا يعني أن الخير فكرة نسبية، أليس كذلك؟ أليس الخير فكرة نسبية؟ هذه مشكلة مقلقة. لن تسخر مني أنت على الأقل إذا قلت لك إن هذه المشكلة قد أرقتني ليلتين"

- الإخوة كارامازوف ج4

يَرعىٰ النُجومَ وما يَنفَكُّ في فِكَرٍ
تنفي الرُقادَ وتُدني الهَمَّ والسّهدا

- أبو فراس الحمداني