— The Joyful Science, by Friedrich Nietzsche

السلام عليكم طلاب
عطلة سعيدة وان شاء الله تكونون بخير
بحثنا بخصوص مشاكل العيون عند الطلاب
سهل وقصير ومياخذ من وقتكم،
محتاجين ٥٠٠ سامبل
شاكرين تعاونكم مقدماً🤍

https://forms.gle/rCMRLLRo9wWfbKkS6

اذا مفتح يمكم الرابط الفوگ جربوا هذا بلا زحمة

https://docs.google.com/forms/d/e/1FAIpQLSe8sLeFxgwxCk8I-wXdkLb14TWCzOTcAfLbAX19C9OpYahRlw/viewform?usp=sf_link

شبابنا الطيبة فولو وسبسرايب بس املونا البحث مياخذ ثواني

مع جزيل الشكر والتقدير

An octopus is literally the closest thing to an alien.

الجهاز العصبي للأخطبوط كلش غريب. عنده 500 مليون خلية عصبية (تقريبًا نفس عدد خلايا دماغ الجلب). دماغه يحتوي فقط على ثلثهن تقريبًا. الثلثين الباقيات موجودات بأرجله الثمانية، لهذا يكلك أنّ الاخطبوط عنده 9 أدمغة؛ هي مو أدمغة حرفيًا، هو عنده دماغ واحد براسه، بس أرجله بيها ما يكفي من الخلايا العصبية والتعقيد بحيث أنها تتصرف وحدها بدون الرجوع للدماغ (بس صدك عنده 3 قلوب، واحد رئيسي وثنين للخياشيم). أضِف إلى أنه أذكى حيوان باللافقاريات وتصرفاته أثناء الحبس تدل على ذكاء و"خداع" عاليات وقدرة على اللعب ودرجة من الفضول: مو غريبة مثلًا أنك تسمع أو تقرة عن فد أخطبوط معين ما يحب فلان عامل بالمختبر ف كلما يمر العامل من يم حوضه يحصل فد لترين مي يرشهن الأخطبوط عليه. أو أخطبوط ثاني يرش مي بس على الناس الجدد اللي ما يعرفهم (وهالشي يدل أنه يكدر يميز الوجوه ويفرق بين الأفراد). أو أنهم يبدون سعيدين وهادئين بالحبس بس بمجرد ما تدير وجهك وتنشغل عنهم، رح يطلعون من الحوض ويحاولون يشردون، أو يفتحون الگلوب اللي فوك حوضهم ويكسروه مو لأنهم ما يحبون الضوة العالي أو شي، بس هيج خباثة. أو لما تسوي عليهم تجربة، مثلًا تعلمهم يجرون lever ويحصلون أكل (همة ما يحبوه كلش) رح يملّون ويعاندوك ويكسرون الـ lever. أو أنهم يسدون أُنبوب التصريف مال الحوض ويفيضون المختبر كله.

يونسون وعلي

القدرة على اللعب مميزة كلش لأن اللعب هو "لهو بلا هدف" ويتطلب درجة مو قليلة من الوعي. على ما يبدو، الأخطبوطات، رغم غرابتها وتركيب دماغها المختلف تمامًا، إلا أنها غالبًا تمتلك نوع ودرجة من الوعي مشابه إلنا.

هذا الوعي غالبًا مختلف كلش عن الوعي البشري. إحنة دماغنا براسنا، بينما الأخطبوط دماغه متوزع بكل جسمه. تلكاه—إذا يفكر—ما يفكر براسه بس، بل بجسمه كله. حاول تتخيل شلون شكل العالم بالنسبة لمخلوق يفكر برجله، وما عنده عمود فقري أو شكل ثابت (الأخطبوط ينتمي للرخويات، اللي همة حرفيًا راخين لدرجة ممكن يتّخذون أي شكل ويتحركون بأي طريقة ممكنة).

المهم، الفلاسفة تخبلوا من عرفوا هالسالفة، لأن يعتبروها فرصة مهمة كلش لدراسة الوعي وشلون ممكن كائن مختلف عنا لهالدرجة يكون واعي بنفسه لهالدرجة.

An octopus kiss