Bronze is a copper & tin alloy, usually in 88% to 12% composition. Sometimes tin can be replaced with arsenic, but it creates toxic fumes in production.

Brass is a copper & zinc alloy with a 66% to 34% composition. Sometimes small amounts of aluminum or tin are added to make it resistant to corrosion (aluminum forms Al2O3 which creates a transparent thin layer that protects the alloy surface).

Copper and silver have been known since ancient times to be anti-bacterials. People used to throw brass or silver coins in their water containers to disinfect them.

Bot:

In an episode of Mad Men, the television series on the rise of advertising in the 1960s, the legendary creative director Don Draper coaches his protégée, Peggy, on how to think of Hershey, a chocolate bar that their firm is peddling. Draper’s marketing philosophy perfectly encapsulates the spirit of the times: ‘You are the product. You, feeling something.’ Or, as James Poniewozik interprets Draper’s line in Time magazine: ‘You don’t buy a Hershey bar for a couple of ounces of chocolate. You buy it to recapture the feeling of being loved that you knew when your dad bought you one for mowing the lawn.’
The mass commercialisation of nostalgia Draper alludes to marked a turning point for capitalism. Efficiently manufacturing things that people craved was no longer enough. Capitalism now involved the skilful manufacture of desire.

— Technofeudalism

الكلمات من رباعيات الخيام

2:00 بصوت ام كلثوم

وهاي بصوت ولاء الجندي

— من مسلسل 'الحشاشين'

مسلسل بزمن العباسيين يسولف عن فِرق باطنية ويطلع بيه عمر الخيام... فديت ربه

سابقًا جان الإعتقاد الشائع هو أنّ الجسم يحتوي 4 سوائل أو أخلاط مختلفة¹ هي الدم والبلغم phlegm والمادة الصفراء yellow bile والمادة السوداء melancholia، وأنّ هاي الأخلاط تتواجد بنسبة معينة تضمن صحة الجسم والعقل، وإذا تغيّرت نسبتها فهذا رح يؤدي لأمراض جسدية مختلفة². حتى شخصيات ومزاجات الناس، جانت تُفسَّر على أنها بسبب زيادة وحدة من الأخلاط على حساب الباقيات؛ السوداء مثلًا لما تزيد رح تسبب الاكتئاب والكسل، ولهذا لحد الآن، الكلمة اللي توصف الحزن والاكتئاب بهواي لغات أوروبية هي Melancholy اللي هي نفسها الكلمة لـ "المادة السوداء." أصلًا كلمة humor اللي تدل على حس الفكاهة والتحشيش، معناها بالأصل "سائل،" بمعنى أنّ حس الفكاهة عند الشخص جاي من توازن نسبة السوائل الأربعة بجسمه (الدم يُعتبر هو المسؤول عن الإنشراح والنشاط والفكاهة).


¹يسموها نظرية الأخلاط humoral theory وجانت هي النظرية الأساسية بالطب لقرون طويلة، من زمن اليونانيين وصولًا إلى الطب العربي الإسلامي ولحد عصر النهضة تقريبًا.
²الفصد bloodletting هو علاج قديم جان منتشر بأوروبا وآسيا، وجذوره ترجع لهاي النظرية نفسها. فكرته هي "التخلص من الدم الزائد/الفاسد عن طريق جرح الوريد." والحجامة همين فكرتها مشابهة.

هاي النظرية غير صحيحة وتم إثبات خطأها من مئات السنين، لكن لحد اليوم الناس تؤمن بنظرية عن الأمراض العقلية تشبه نظرية الأخلاط، بالإضافة لكونها خاطئة ومبسطة بزيادة. يسموها the chemical imbalance theory:
هاي النظرية تكول أنّ الأمراض العقلية مثل الفصام والاكتئاب والوسواس القهري سببهن هو خربطة بالمواد الكيميائية بالدماغ. مثلًا الفصام والهلوسات وحتى الإدمان سببها وجود دوبامين زايد بالدماغ (لهذا هسة منتشرة سالفة الـ dopamine fasting) وأنّ الاكتئاب سببه سيروتونين كلش قليل بالدماغ. بالنتيجة حتى نعالج هاي الأمراض (وفقًا للنظرية) كل اللي نحتاجه هو أنْ نعيد التوازن مال المواد الكيميائية المتخربطة. شلون؟ عن طريق الأدوية، الفصام مثلًا نعالجه بـ neuroleptics اللي يقللن الدوبامين، والاكتئاب نعالجه بمضادات الاكتئاب اللي يزيدن السيروتونين، وهكذا... بس المشكلة هي أنّ الدماغ معقد جدًا وهاي النظرية تحاول تبسطه بشكل غير عملي.

أولًا، النواقل العصبية (المواد الكيميائية اللي تشتغل بالدماغ، مثل السيروتونين والدوبامين) شغلهن معقد لدرجة أنه ما نكدر نكول هذا "هرمون السعادة" وهذا "هرمون المتعة" وهالسوالف. خلي ناخذ الدوبامين مثلًا: هالمركب يشتغل بأماكن مختلفة بالدماغ وعلى مستَقبِلات مختلفة (عدنا 5 مستقبِلات دوبامين³، وأكو أبحاث تدل على وجود المزيد). الدوبامين رح يؤدي وظيفة مختلفة بكل مرة يشتغل بيها بمكان مختلف وعلى مُستقبِل مختلف. المسألة مثل عنصر الحديد اللي ممكن تستخدمه حتى تصنع منه شبابيك، سيارات، أسلحة، بسامير، أدوات مطبخ... الخ. ماتكدر تحصر وظيفته بشي محدد. الدوبامين أيضًا مسؤول عن حركة العضلات والإنتباه والغثيان⁴ وغيرها هواي أشياء. ما تكدر تحصر وظيفته وتبسطها بحيث تكول: هو يسبب الإدمان. أو يسبب الهلوسات.

ثانيًا، الموضوع يصير معقد ويدوخ أكثر لما تعرف أنّ نص الأدوية اللي نستخدمها بالطب النفسي ما نعرف شلون تعالِج المرض. احنة بس نعرف أنّ الها تأثير جيد بما يكفي مقارنةً وية الأعراض الجانبية مالتها.
اللي نعرفه مثلًا عن أحدث جيل من مضادات الاكتئاب (SSRI) أنّها تزيد السيروتونين بالدماغ عمومًا. بس السالفة الغريبة بيهن هو أنهن يحتاجن 4 أسابيع تقريبًا يلا يبدي المريض يتحسن. زين ما دام الدوة ديزيد السيروتونين من أول يوم، ليش المريض ما يحس بتحسن بلحظتها؟ هالشي معناه أنّ السيروتونين مو المسؤول الوحيد عن الاكتئاب، وأنّ الأدوية تعالج الاكتئاب بطرق ثانية عدا السيروتونين ما نعرفها لحد الآن. أصلًا أكو مضاد اكتئاب هو الـ Tianeptine آلية عمله تتضمن أنه يقلل السيروتونين مو يزيده، بس مع ذلك هو "مضاد اكتئاب." هذا ما عدا الأعراض الجانبية اللي تسببها هاي الأدوية، خاصةً مضادات الذهان neuroleptics اللي تُستَخدَم لمرضى الفصام.

ثالثًا، الدماغ يتأثر كلش بعوامل مثل الحرمان من النوم⁵ ومدى نشاطنا الجسدي وأحداث حياتنا الشخصية والإجتماعية وغيرها (شايف من تكون جوعان أو نعسان وما تكدر تطيق أحد أو تفكر بشكل منطقي؟). بالنتيجة، الأمراض العقلية هم تتأثر بكل هاي العوامل. الاكتئاب مثلًا ممكن نفسره بشكل مبسط بزيادة على أنه نقص سيروتونين بالدماغ، بينما بالواقع المريض ممكن تشوف نومه مخربط من شهر ونص، ومَر بمشكلة شخصية أو عائلية، ونشاطه الجسدي قليل. كل هاي العوامل تتفاعل وية بعضها وتؤثر عليه بما يكفي بحيث تغيّر من طريقة عمل دماغه وتسببله مرض عقلي.


³حتى تحصل فكرة على مدى التعقيد بالموضوع، السيروتونين عنده 14 مُستَقبِل!
⁴أصلًا أدوية لعبان النفس لو تشتغل على مستقبِلات الدوبامين لو على السيروتونين.
⁵الحرمان من النوم لعدة أيام ممكن يسببلك هلوسات وحتى نوبات صرعية، تريده ما يسببلك اكتئاب لو أمراض عقلية؟