And no, I'm not planning to change that

many words mark the speech of a fool
كثرةُ الكلامِ ميزةُ حديثِ الجهّال

[Ecclesiastes 5:3]

"rubor et tumor cum calore et dolore"

"redness and swelling, with heat and pain"

- Aulus Celsus, de medicina

كيلسوس جان موسوعي روماني (ويُحتمل انه طبيب هم) كتب موسوعة ما بقى منها إلا جزء واحد هو de medicina (عن الطب)... إشتهرت كلش هاي الجملة من الكتاب، لأن كيلسوس كدر يحدد العلامات المميزة للإلتهاب واللي ما زالت تستخدم بالطب لحد اليوم.

التصوّرات العقلية mental representations

مثلما يوحي الإسم، هي الأشياء والمهارات مثلما نتصورها بعقولنا.
مثلًا تصوّرك العقلي عن كلمة (موناليزا) عالأغلب رح يكون بصري، بمعنى أنّك رح تتخيل اللوحة بعقلك، تتذكر إبتسامتها الغريبة وحواجبها المموجودة، ويجوز تتذكر معلومة أو ثنين عن الرسام، ليوناردو دافنشي.

اندرز اريكسون يبيّن بكتابه أنّ كلشي نسويه تقريبًا إلة أساس عقلي حتى النشاطات اللي نعتبرها جسدية بالكامل مثل الرقص، أو كرة القدم، أو المصارعة. لأن حتى هذي الخبرات الجسدية تتطلب من المحترفين أن يمتلكون بعقولهم تصورات عقلية حول نوع الحركات اللي لازم يسووها وتوقيتها وأُسلوبها وما إلى ذلك من التفاصيل. بوحدة من التجارب مثلًا، إكتشفوا أنّ لاعبي كرة القدم المحترفين لما يشوّفوهم لقطة من لعبة معينة، المحترفين كدروا يحفظون مواقع اللاعبين خلال ثواني قليلة مقارنة بغير المحترفين، لأن المحترفين عدهم تصورات عقلية متطورة عن كرة القدم مقارنةً بالبقية.