في كُلّ أمرِكَ تقليدٌ رَضيتَ بِهِ
حتّى مـقالُـكَ: ربّي واحدٌ أحَـدُ
- أبو العلاء المعري
حتّى مـقالُـكَ: ربّي واحدٌ أحَـدُ
- أبو العلاء المعري
The cost of a thing is the amount of what I will call life which is required to be exchanged for it, immediately or in the long run
- David Henry Thoreau
- David Henry Thoreau
تكلفة الشيء تُقاس بما أُسمّيه "الحياة" أو الوقت الذي يجب مقايضته، مباشرةً أو بعدَ حين، للحصول على ذلك الشيء.
- ديفيد هنري ثورو
- ديفيد هنري ثورو
Thoreau's Economy اقتصاد ثورو
هي فكرة طرحها ديفيد هنري ثورو بكتابه Walden (بالتحديد بالفصل الأول اللي اسمه Economy).
الفكرة هي أنّ قيمة الشيء ما تُقاس بتكلفته المالية (مثلما يكول علم الاقتصاد)، قيمة الشيء بالنسبة لثورو تُقاس بمقدار الوقت اللي يضيعه الشخص حتى يحصّل هذا الشيء.
مثلًا ذكر أنّ العمل لمدة يوم واحد بالاسبوع كلش كافي بالنسبة الة حتى يوفّر احتياجاته الأساسية من المأوى والطعام والملبس والدفئ (اللي هنّ كوخ صغير وشوية زرع وكم سمكة يصطادها من البحيرة وكَومة حطب من الغابة). بالنتيجة أي عمل إضافي يُعتبر مضيعة للعمر وللوقت بالنسبة لثورو لأن الإنسان لازم يعمل أقل قدر ممكن حتى يحصل أكبر قدر ممكن من وقت الفراغ (Leisure)، اللي بالمناسبة، يختلف تمامًا عن مفهومنا لـ "وقت الفراغ."
وقت الفراغ جان يستغله بالتجوّل بالغابة، الكتابة، القراءة تأدية الأعمال المنزلية، وصيد السمك. ببساطة، هو الوقت اللي يكون بيه الإنسان خالي من الإلتزامات والفروض.
هي فكرة طرحها ديفيد هنري ثورو بكتابه Walden (بالتحديد بالفصل الأول اللي اسمه Economy).
الفكرة هي أنّ قيمة الشيء ما تُقاس بتكلفته المالية (مثلما يكول علم الاقتصاد)، قيمة الشيء بالنسبة لثورو تُقاس بمقدار الوقت اللي يضيعه الشخص حتى يحصّل هذا الشيء.
مثلًا ذكر أنّ العمل لمدة يوم واحد بالاسبوع كلش كافي بالنسبة الة حتى يوفّر احتياجاته الأساسية من المأوى والطعام والملبس والدفئ (اللي هنّ كوخ صغير وشوية زرع وكم سمكة يصطادها من البحيرة وكَومة حطب من الغابة). بالنتيجة أي عمل إضافي يُعتبر مضيعة للعمر وللوقت بالنسبة لثورو لأن الإنسان لازم يعمل أقل قدر ممكن حتى يحصل أكبر قدر ممكن من وقت الفراغ (Leisure)، اللي بالمناسبة، يختلف تمامًا عن مفهومنا لـ "وقت الفراغ."
وقت الفراغ جان يستغله بالتجوّل بالغابة، الكتابة، القراءة تأدية الأعمال المنزلية، وصيد السمك. ببساطة، هو الوقت اللي يكون بيه الإنسان خالي من الإلتزامات والفروض.
ديفيد هنري ثورو هو كاتب أميركي عاش بالقرن الـ 19 بالوقت اللي بدت تنتشر بيه الثقافة الاستهلاكية بأميركا. ثورو شاف اللي حوله يتعبون روحهم كلش بالشغل حتى يحصلون فلوس أكثر مما يحتاجون، فقط حتى يشترون بضائع فاخرة ما تفيدهم ولا يحتاجوها. بالنتيجة، ابتكر فلسفته الخاصة اللي لخّصها بجملته الشهيرة "simplify, simplify" وعاش حياته وفقًا الها.
بسنة 1845 ثورو قرر يسوي تجربة نفسية واجتماعية؛ قرر يعيش وحده لمدة سنتين بغابة بالقرب من بحيرة والدن Walden حتى يشوف شنو "الثمن" اللي يتطلبه الانسان حتى يكون سعيد ومُكتفي ذاتيًا؟
خلال هاي السنتين، ثورو صنع بنفسه كوخ صغير من الخشب، زرع واصطاد طعامه بنفسه سواء من حقله الصغير أو من بحيرة والدن، واشتغل كم شغلة صغيرة وبسيطة حتى يحصل المال الكافي للأشياء اللازمة مثل الملابس أو أدوات المنزل البسيطة.
هالتجربة كلها لخّصها بكتابه المشهور "Walden" اللي يذكر بيه شلون تعلّم يستمتع بأبسط الأشياء بالحياة، مثل صوت أجراس الكنيسة، أو التأمل بالبحيرة وهي تتغير عبر الفصول، أو المحادثات اللي أجراها وية سكان القرية المجاورة الة، أو حتى مراقبة النمل والحيوانات.
ثورو انتبه لمسألة مهمّة كلش هي أنّ أغلب الناس يضيعون حياتهم وهمّ يحاولون يحصلون أشياء ما يحتاجوها. بكتابه مثلًا ذكر أنّ بعض سكان القرية يزرعون حقول جبيرة كلش وتنكسر ظهورهم بالشغل بس حتى يحصلون كم دولار زيادة حتى يشترون ستائر فخمة، أو بيوت أكبر، أو ملابس أحلى. ببساطة، أغلب الناس سُجناء لرغباتهم الطفولية وبالنتيجة ممكن نلخّص بعض أفكاره بجملة:
The lesser we want, the freer we will be.
بسنة 1845 ثورو قرر يسوي تجربة نفسية واجتماعية؛ قرر يعيش وحده لمدة سنتين بغابة بالقرب من بحيرة والدن Walden حتى يشوف شنو "الثمن" اللي يتطلبه الانسان حتى يكون سعيد ومُكتفي ذاتيًا؟
خلال هاي السنتين، ثورو صنع بنفسه كوخ صغير من الخشب، زرع واصطاد طعامه بنفسه سواء من حقله الصغير أو من بحيرة والدن، واشتغل كم شغلة صغيرة وبسيطة حتى يحصل المال الكافي للأشياء اللازمة مثل الملابس أو أدوات المنزل البسيطة.
هالتجربة كلها لخّصها بكتابه المشهور "Walden" اللي يذكر بيه شلون تعلّم يستمتع بأبسط الأشياء بالحياة، مثل صوت أجراس الكنيسة، أو التأمل بالبحيرة وهي تتغير عبر الفصول، أو المحادثات اللي أجراها وية سكان القرية المجاورة الة، أو حتى مراقبة النمل والحيوانات.
ثورو انتبه لمسألة مهمّة كلش هي أنّ أغلب الناس يضيعون حياتهم وهمّ يحاولون يحصلون أشياء ما يحتاجوها. بكتابه مثلًا ذكر أنّ بعض سكان القرية يزرعون حقول جبيرة كلش وتنكسر ظهورهم بالشغل بس حتى يحصلون كم دولار زيادة حتى يشترون ستائر فخمة، أو بيوت أكبر، أو ملابس أحلى. ببساطة، أغلب الناس سُجناء لرغباتهم الطفولية وبالنتيجة ممكن نلخّص بعض أفكاره بجملة:
The lesser we want, the freer we will be.