Bot:
ليش تعتقدون أنّ العامل اللي اختاريتوه هو اكثر شي يساهم بازدهار الدولة؟ اختاريت طبيعة الشعب ,,, لانه شنو فائدة موارد طبيعية لشعب لا يمتلك اخلاقيات عمل , بكل بساطة حتنهدر الموارد هاي الخ الخ او شنو فائدة مؤسسات حكومية لهيج شعب , سمبلي حيبوكونها هذا ابسط مثال عدا التقصير بالنهوض بالدولة اخذ مثال , اليابان مبيها موارد طبيعية بكدا اللي عندنا , بس الشعب هو اللي نهض بالدولة اما احنه فه خليها سكتة

(طبيعة الشعب) هو مصطلح بأفضل الأحوال غير واضح... وذكرته بالتصويت فقط لأن هواي ينذكر بالنقاشات حول هالموضوع

"طبيعة الشعب" تتغير وية تغير الانظمة السياسية وطبيعة التعليم والحالة الاقتصادية للبلد وماكو شي جوهري اسمه "طبيعة" الشعب... والدليل هو تاريخ أي دولة من الدول، حتشوفه تاريخ متقلب ومتغير، ونفس الشي الشعب يتقلب وياه ويتغير ويتأثر بالوضع اللي هو موجود بيه

نفس الشي ينطبق على مصطلح (أخلاقيات العمل)... همين ذكرته لأن هواي ينذكر بالنقاشات، بس ماعتقد اكو شي من صدك اسمه "اخلاقيات العمل" الخاصة بأي شعب

Bot:
لان اهم شي يحدد طبيعة نظام الحكم والسياسه هيه طبيعة الشعب وحتى عاداتهم وتقاليدهم ودينهم،كلشي يعتمد على طبيعة الشعب وجغرافيا منطقتة اكبر عوامل تأثر على اي منطقة لذلك من الضروري دراسة تأريخ وحضارة اي شعب كان حتى اكدر احدد نمط حياتة وانظمته ومستقبله وشنو يكدر يقدملي هالشعب وهالشي مهم بالنسبه للعراق ولو شعبنا يحب القوة ويخاف من الالتزام ودائما يميل للطرف الاقوى ... والحديث يطول

اتفق وياك انه الشعب العراقي بعده مسيطرة عليه مفاهيم القوة والشجاعة وغيرها... بس هالشي مو معناها انك متكدر تغيرها وية شوية جهد وتخطيط بعيد الأمد

Bot:
ويل حسب معرفتي بالواقع الحالي
يعني الموارد الطبيعية
Duh باع ع العراق يعني حرفيا مو مهم
طبيعة البشر واخلاقياتهم
مو كلش مهم لانه اكدر اضرب مثال وهو شوي غريب
بس امريكا مثلا ماعدهم اخلاقيات بشكل عام وكلش فري وماعدهم نورمز معينة ماعدا المشاعر البشرية وستل دولة عظمى
هسة نجي للنقطة الرئيسية
مؤسسات الدولة.
هنا لمن هذني يصيرن صح ويشتغلن صح
حيجبرن كلشي يشتغل صح لانه المفروض ما يصير شي بدون ما المؤسسات الهة ايد بيهة
مو مهم الناس بكد ما اللي ديقود الناس يعني
اذا الفارس يفتهم فالحصان حينجبر يمشي بأي مكان يريد يمشي بي الفارس

ولو مثالك على امريكا مو كلش دقيق...
بس كلامك صحيح بالنسبة لكون الموارد الطبيعية مو كلش مهمة، ومؤسسات الدولة هي أهم عامل بالمعادلة.

Bot:
لان احنا متوفرة عدنا الموارد الطبيعية والمؤسسات الحكومية هم لا بأس وماكو أي ازدها بالدولة فالشي النحتاجة حاليا اخلاقيات العمل

وين عدنا مؤسسات حكومية؟ الواحد بالكاد يلكة بانزين خانة بيها حظ

Bot:
أحس أنه السلطة الأقوى بتكون للشعب، هو اللي بيقدر -إذا كان على القدر الكافي من الصلاح- أنه يقوّم الدولة، إذا كان في موارد بدون عمالة بتقدر قيمتها وأهميتها أو قادرا تستغلها بالشكل الصائب..مش بيكون لها أي أهمية! كأنها مش موجودة من الأساس، وإذا كان في مؤسسات حكومية جيدة بس الناس اللي بديرهم العكس..بردو الفشل بيكون مصيرها، حتى لو أصدرت قوانين تحكمهم، هتخسر لو كان الداخل مكركب، لأنها تنظيم مش تقويم، إنما لو كان في شعب جيد لحاله بيكفي اي ثينك

ترة اكو سالفة ماعتقد دتنتبهولها:
ماكو مؤسسة حكومية جيدة والناس يديروها بشكل سيء... لو المؤسسة والناس اللي يديروها جيدين، لو ثنينهم سيئين

لأن هي المؤسسة اصلًا ما رح تكون موجودة بدون الناس اللي يديروها

Bot:
اختاريت المؤسسات الحكوميه
واقصد بيها من زاويه تعاليم الدولة وتوجهاتها والخطط اللي هي واضعتها
وتكدر تاخذ سنغافورة كمثال
شعبها كان مرهق و قليله الموارد

ترو كلش

Bot:
هو actually شي مرتبط ب الثاني بس انطلاقا من قول تشرشل "كل شعب في العالم ينال الحكومة التي يستحقها "

لو ناخذ العراق كمثال بلد بي موارد زراعية و حيوانيه و نفطية و يد عاملة،
بس الخلل دائما نگول بالحكومة و السياسيين،
بينما الواقع هم جزء من الشعب و الشعب اعطاهم السلطة .

ف يي الشعب

تذكرت شي كاله جورج كارلين:
Politicians don't fall from the sky, they come from the same schools, churches, and neighborhoods that u came from

Bot:
لا اوريدو ان أَتَكَلَمَ كثيراً لكن بختصار ، موارد بلا شخص يستغلها صح لا فائدة، حكومة زينة بس شعب طائش متخلف فصعب جداً السيطرة عليه ، لكن شعب واعي فاهم حيكدر يحقق و يتجاوز كلشي ، حتى ان كانت موارده فقيرة نسبيااً و حكومته سيئة

ماكو شي اسمه شعب واعي... الشعب هو عبارة عن تجمع من ملايين البشر واحد بيهم يجر طول والثاني عرض

تكدر تزيد نسبة الافراد الواعين بالشعب، بس متكدر تصنع شعب واعي

Bot:
ليش تعتقدون أنّ العامل اللي اختاريتوه هو اكثر شي يساهم بازدهار الدولة؟
@contactzero_bot

ب اختصر الكلام ب حملة وهي:
اذا صلح الفرد صلح المجتمع الذي يعتبر النواه الاساسيه للدولة

وشلون تصلح الفرد اذا هو عايش بمكان نظامه التعليمي والاقتصادي والامني فاشل؟