Bot:
اعتقد الاجهاض شي خاص بكل شخص ومنكدر نحكم عليه هو اخلاقي او لا لان محد يعرف شنو ظروف المقابل الي تأدي بيه انوا يجهض الطفل من الممكن هي بعلاقة ويه شخص متحسه جيد كأب او انوا تنجب منه طفل او متحس هي جاهزة لان تكون ام وتربي طفل او لاسباب انوا صغر العمر وانوا تريد تركز على حياتها اكثر او الطفل نفسه بيه تشوه او ما جاهزين مادياً هواي اسباب
اعتقده اخلاقي لان افضل من انوا ينولد ويعيش بظروف سيئة وهو ما مرغوب من امه اصلا لان رادت تجهضه ومن غير انوا ممكن يعيش بيئة سيئة

بالضبطططط

اخر 3 اسطر

"وهو ما مرغوب من امه اصلا"

اوكي تعبت، خل اكتب رأيي هسة

1: المرأة (الأم المستقبلية) هي أفضل شخص ممكن يقرر إذا جانت ظروفها تسمحلها تنجب طفل أو لا.

2: لما المرأة تصير حامل (لأي سبب كان) وتعرف أنّ ظروفها ما تسمح بإنجاب طفل ورعايته (بالتالي ترغب بإجهاضه)، فعلى الأغلب كلامها صح (لأن هي أكثر شخص يستثمر جهد ووقت برعاية الطفل قبل وبعد الولادة، بالتالي هي أكثر شخص يعرف بالمتطلبات اللازمة لإنجاب وتربية طفل بشكل جيد)

3: بما أنها أكثر شخص رح يتأثر (او يتضرر) من ناحية الوقت والجهد... فلما الأم (وهي أكثر شخص يعتمد عليه الطفل بأولى سنوات حياته) ما ترغب بالطفل، وبالنتيجة ما ترغب برعاية الطفل، معناها من الأفضل أنّ الطفل هذا ما ينولد.

ببساطة:
إذا امه نفسها متريده... معناها، بهواي حالات، هالطفل رح يعيش حياة طايح حظها

هالكلام يدعمه التاريخ:

شلون تشريع الاجهاض بسنة 1973 جان السبب بإنخفاض معدلات الجريمة بأميركا بسنة ال1990

قبل سنة 1973، الامهات اللي رادن يجهضن لأنهن عاجزات عن توفير الرعاية اللازمة والتعليم والجو الأسري المناسب لأبناءهن، ما كدرن يجهضن لأن هالشي جان ممنوع بالولايات المتحدة آنذاك. بالنتيجة أطفالهن لما كبروا، قسم جبير منهم صاروا مجرمين (الفقر والتربية من قبل آباء وحيدين single parents يعتبرن اكثر عاملين يؤدون للجريمة)

الاجهاض جان ممنوع لحد ال1973، بهاي السنة، تم تشريع الإجهاض بكل الولايات المتحدة.
بالنتيجة، بسنة ال1990، الأطفال اللي جانوا "المفروض" ينولدون بسنة 1973 وبعدها ويكبرون وجزء منهم يصيرون مجرمين (بسبب أنّ أمهاتهم ما كدرن يوفرن الرعاية اللازمة الهم)... ذولة الأطفال أصلًا ما انولدوا (لأن امهاتهم أجهضن الأجنة)... بالنتيجة انخفضت معدلات الجريمة (اللي جانت مرتفعة خلال الثمانينات والسبعينات) بكل الولايات المتحدة

ملاحظة أخيرة: أولى الولايات اللي شرعت الاجهاض ب1970s (مثل نيويورك) جانت نفسها أولى الولايات اللي انخفضت بيها معدلات الجريمة ب1990s

رومانيا

شغلة اخيرة: الاجهاض من يصير قانوني... هالشي مو معناه الاجهاض حيصير عشوائي

تشريع الاجهاض ببساطة معناه: ("اذا" الأم رادت تجهض، فهالشي من حقها)

"Any sufficiently advanced technology is indistinguishable from magic"

- Arthur C. Clarke

From Jason Sliva's Shots of Awe

Bot:
اني مع الاجهاض لكن لاسباب حقيقية ويكون عالاقل الجنين ممكتمل النمو او بادي نمو جسده بالرحم.
لكن يجب التاكيد على وسائل منع الحمل والتركيز عليهم كُـلش كُـلش كُـلش والاجهاض يكون شي واحد واصله بالاجبار وترة الاجهاض مو شي سهل ولا يدل على انو هي ام مهملة ترة شغلة صعبة ومؤذية جداً نفسياً وجسدياً وكلشي
مهما يكون الاجهاض افضل من انو وحدة تجيب طفل وهي تدري انو ابوه سكير او هي مو قد مسؤوليته او همه على وشك انفصال او حالتهم المادية سيئة جداً او نتيجة اغتصاب .. الخ
الاجهاض افضل بهواي من يجي طفل بهيج ظروف ويصير مجرم او مريض نفسي او حتى انسان مُعذَب !
ماعرف ليش الناس تخاف تقل البشرية ترة البشرية بتزايد والعدد( مو مهم) المهم النوعية !
احياناً الامهات مو بيدهم موضوع الحمل ويتم اجبارها من الرجل او التحايل عليها ويخليها تحمل بدون ارادتها لانه يرفض يستخدم المانع وغيرها..

@error0error
From 'Dark'

"Disguise it, give them enough reason to doubt it"

- The Prestige