نفس الاغنية بس بصوت فرانك سيناترا💚🌚

قدك الميّاس معناها قوامك المائل..

عشرات الآلاف من السنين والبشر يتجمعون حول النار بالليل وية عوائلهم واقاربهم واصدقاءهم... يمكن لهذا احنة نحب هالأجواء كلش ونعتبرها اجواء intimate... السالفة مغروسة بطبيعتنا البشرية من آلاف السنين

البارحة قريت أنه كلمة (رفيق، شريك) بالصينية (伙) جاية بالأصل من كلمتين هنّ: شخص 人 (إنسان) + نار 火

لأن الصينيين قديمًا (وكل الشعوب) ما جانوا يسمحون لأي شخص يكعد وياهم حول النار إلا اذا جان قريب منهم ومن معارفهم، فالشخص اللي كاعد كدام النار وياك، بالنتيجة هو لازم يكون رفيقك أو شريكك.

بلهجة تايوان أعتقد (伙) معناها مجموعة group... همين لنفس السبب فوك

"To live is to suffer, to survive is to find meaning in that suffering"

- Friedrich Nietzsche

.

"The literal meaning of life is whatever you're doing that prevents you from killing yourself"

- Albert Camus

"المعنى الحقيقي للحياة هو أنْ تفعل أيَ شيءٍ يمنعك من الإنتحار"

- ألبير كامو

On Dostoevsky:

Hermann Hesse enjoyed Dostoevsky's work and cautioned that to read him is like a "glimpse into the havoc"

Friedrich Nietzsche at one point called Dostoevsky "the only psychologist ... from whom I had something to learn; he ranks among the most beautiful strokes of fortune in my life."

وحدة من الأشياء اللي تميز الوجودية existentialism هي نظرتها للعالم على أنّه بلا معنى ولا هدف. كل فلاسفة الوجودية يتفقون على هاي النقطة، لكنهم يختلفون بطريقة التعامل معها:

العدميين nihilists: يعتبرون أنّ الحياة بلا معنى ولا هدف وهاهية... ميحتاج ندوخ روحنا أكثر.

الوجوديين مثل سارتر: يعتبرون أنّ الحياة بلا معنى ولا هدف، بس لازم نلكة لروحنا معنى وهدف.

العبثيين مثل ألبير كامو: يعتبرون أنّ الحياة بلا معنى ولا هدف وماكو فائدة من البحث عنهن ولازم نتونس بحياتنا لأن ماكو حل ثاني.

الوجودية existentialism ظهرت بأوروبا بمنتصف القرن ال19 على أيدي فلاسفة مثل كيركيغارد ونيتشه، وأدباء مثل دوستويفسكي. بوقتها، أوروبا جانت تشهد تغييرات جبيرة من ثورات وحروب وإختراعات وإيديولوجيات عصفت بأوروبا من الناحية الصناعية، الإقتصادية، السياسية، والدينية.
لقرون طويلة جان الدين هو الشي الأساسي اللي يوفّر المعنى للحياة بالنسبة للأوروبيين... لكن بحلول منتصف القرن ال19، الدين تراجع دوره كلش، ونمط الحياة والعقلية الأوروبية اللي عمرها مئات السنين بدت تضعف وتتغير. من اوائل الناس اللي حسوا بهذا التغيير جانوا ذوي العقول العظيمة من أمثال نيتشه وكيركيغارد ودوستويفسكي... بالتالي حاولوا يوفرون بديل للدين حتى ينطي للحياة معناها... بالنتيجة إنولدت عدنا الفلسفة الوجودية كعلاج للحالة الأوروبية آنذاك.

لكن الفلسفة الوجودية وصلت لذروتها وتبلورت أفكارها بعد الحرب العالمية الثانية من قِبل جان بول سارتر وألبير كامو وغيرهم.
أعتقد لأن الحربين العالميتين بيّنت لهواي من الغربيين (مو بس ذوي العقول العظيمة) مدى "عبثية" العالم بالنسبة إلهم وانعدام النظام اللي بيه... يقال أنّ دانتي بعد ما كتب الكوميديا الإلهية، الناس راحت للكنائس أفواجًا حتى تصلي وتتوب، أعتقد بعد القرن ال19 والحربين العالميتين، الناس هربت من الكنائس والحكومات على حد سواء لأنهم شافوا إلى أي حد من الدمار ممكن تخلقها أفكار مثل القومية والكنيسة.

باختصار: الوجودية هي أحد أعراض "الكآبة" اللي مر بيها المجتمع الغربي خلال وبعد فترة الحربين العالميتين

هاي جانت مقدمة للإستنتاج الجاي:

سبب إنجذاب هواي شباب عراقيين لأفكار نيتشه، سارتر، والوجودية عمومًا هي أننا دنمر بمرحلة الفوضى والتغييرات الجذرية اللي مر بيها المجتمع الأوروبي سابقًا... إحنة دنمر بمرحلة "كآبة" جماعية